Bigarren gaia BETEBEHARREN KONTZEPTUA ETA ITURRIAK Laburpena: §4. Ondare izaerako harreman juridikoak.— 7. Ondare izaerako harreman juridikoen kontzeptua.— 8. Egitura.— 9. Kreditu eskubidea eta eskubide erreala: bereizketa. Iura ad rem izenekoak, in faciendo eskubide errealak eta propter rem betebeharrak.— §5. Betebeharra. Bilakaera, izaera eta esangura.— 10. Betebeharraren kontzeptua, bilakaera eta esangura.— 11. Ondaretasuna.— §6. Betebehar izaerako harrema nak.— 12. Kontzeptua. Lankidetza eta iraunkortasuna.— 13. Har tzekodunaren egoera juridikoa: A) Hartzekodunaren ahalmenak; B) Eginbeharrak eta zamak.— 14. Zorraren izaera eta edukia. A) Zorduna ren eginbeharrak; B) Zordunaren ahalmenak; C) Zorra eta ondare erantzukizuna.— §7. Betebehar izaerako harreman sinalagmati koak.— 15. Kontzeptua eta egitura.— 16. Betebehar izaerako harreman sinalagmatikoak Kode Zibilean.— §8. Betebeharren iturriak.— 17. Zehaztapena, sailkapena eta kritika.— 18. Betebeharren iturriak, KZren 1089. art.aren arabera: A) Lege betebeharrak; B) Kontratu betebeharrak; C) Kuasikontratu betebeharrak; D) Delitu eta faltek eratorri tako betebeharrak; E) Kuasidelitu betebeharrak.— §9. Alde baka rreko borondate aitorpena, betebeharren iturri gisa.— 19. Alde bakarreko aitorpena.— 20. Saria emango delako hitzematea, jendaurrean egina, eta saridun lehiaketa.
§4. ONDARE IZAERAKO HARREMAN JURIDIKOAK 7. Ondare izaerako harreman juridikoen kontzeptua Ondare izaerako harreman juridikoen kontzeptua erraz uler daiteke, pausoz pauso azalduz gero. Jakina dugunez, gizakia gainontzekoekin bizi da, hots, gizakiaren bizitza besteekin izandako harremanetan oinarritzen da. Bes te gizaki batzuekin izandako harreman horiek eduki desberdinekoak izan daitezke (lagunen artekoak, senideen artekoak, auzotarren artekoak, lanbide artekoak, gizarte harremanak orokorrean etab.). Gizarteak babes mota desberdinak J. ORDUÑA MORENO