FUNTZIONARIOEN ESKUBIDE KOLEKTIBOAK
519
hartu behar dira gogoan, hau da: legeak jasotako hauteskundeen emaitzak eta herri administrazioen zerbitzupean dauden lankontratuko langileen hautes kundeenak (9/1987 Legearen 39. art.). Organo hori Frantziako Funtzio Publikoaren Kontseilu Gorenaren kopia akastuna besterik ez da. Horrenbestez, Frantziako Kontseilu Gorenari ma nuzko kontsulta eskumenak eratxiki zaizkio eta eskumen horiek funtzio publi koa uki dezaketen xedapen orokorrei buruzkoak dira (hain zuzen, xedapen orokorrak, lege proiektuak). Horrezaz aparte, kontseilua ondoko gaien ingu ruko errekurtsoak ebazteko organo gorena da: funtzionarioen diziplina; maila igotzea; eta, azkenik, funtzionarioak lanbidean behar den moduan ez ari tzeagatik lanetik botatzea. Aitzitik, Espainiako Kontseilu Gorenak kontsulta eskumenak baino ez ditu, gainera, Gobernuak nahi duenean egiten ditu kon tsulta horiek; bestela esanik, kontsulta horiek ez egiteak ez dakarkio inolako zehapenik Gobernuari (horrelaxe jaso da Neurriei buruzko Legearen 6. artiku luan: kontseiluak «kontsulta egin zaionean soilik egiten du txostena»). Bes talde, Frantziako Kontseilu Gorenak ez du herri administrazioetako ordezka rien gehiengo ikaragarririk nagusiarazi, 38 kideetatik 18 sindikatuetako ordezkariak baitira. Espainiakoan, aldiz, administrazioetako ordezkarien ge hiengoa ageriagerikoa eta eztabaidaezina da; ondorenez, langileen sindika tuetako ordezkarien artean, etsipena eta abstenitzeko joera dira nagusi. Kontseilu goren hori alde batera utzita, herri administrazioei ahalbideratu zaie sindikatuen partaidetzarako beste kidego organo batzuk eratzea. Partai detza hori sindikatuen ordainsari sistema eta sindikatuetako langileen eraen tzarekin zerikusia duten gaiei buruzkoa da (40. art.). Edozelan ere, legeak ez ditu organoon eginkizunak zehaztu; beraz —Funtzio Publikoaren Kontseilu Gorenaren kasuan bezala—, organo horiek txostenak egiteko eginkizuna bes terik ez dute. Txostenok ez dute manuzko izaerarik ez eta izaera loteslerik.
8. NEGOZIAZIO KOLEKTIBOA FUNTZIO PUBLIKOAN 9/1987 Legeak (7/1990 Legeak zati batean aldatu zuen lege hori, funtzio publikoaren negoziazio kolektiboaren arloan) aintzatetsirik du funtzionarioek lan baldintzak zehatz ditzaketela, horretarako eskuhartze handirik ez badute ere. Lan baldintza horiek akordio eta itunen bidez xehetu dira, eta akordio zein itunok ondokoek egin dituzte: Herri Administrazioek eta ordezkaritzarik gehien duten sindikatuek; Herri Administrazioek eta langileen ordezkari ba tzuek. Langileen ordezkari horiek ondokoak dira: langileen eskuorde eta batzetako hauteskundeetan ordezkarien 100eko 10 baino gehiago lortu dute nak. Lege hori lehenengoa izan da Espainiako Zuzenbidean hori guztia ain tzatestean.