FUNTZIONARIO HARREMANEN EDUKIA
473
4. FUNTZIONARIO PUBLIKOEN GIZARTE SEGURANTZA Estatuko Funtzionario Zibilen Gizarte Segurantzaren Eraentza Bereziari buruzko ekainaren 27ko 29/1975 Legera arte, funtzionario horien biziarris kuak estaltzeko klase pasiboen sistema deiturikoa erabiltzen zen. Horren bestez, Estatuko aurrekontu orokorren pentzutan ematen ziren bai jubilazio, alarguntasun nahiz zurztasun pentsioak, baita famili laguntza ere (famili laguntzari esker, funtzionarioek kopuru zekenzekenak kobratzen zituzten —eta dituzte— ezkontide eta semealaba bakoitzeko). Era berean, arrisku sis temaren estaldura osatzeko, borondatezko nahiz derrigorrezko mutualitateak ezarri ziren, funtzionario kidego edota ministerio esparruan osaturikoak. Mu tualitate horien bidez, osasun arriskuak estaltzen ziren, baita pentsioak osatu ere. Mutualitateek ez zituzten eginkizun horiek berdinberdin betetzen, nahi koa arrunta baitzen mutualitateak, funtzionarioen kuotez gain, zerbitzue tan ezarritako tasa jakin batzuez ere hornitzea. Aipatu berri dugun legeak, Gizarte Segurantza orokorraren barruan, eraentza berezia ezarri du Estatuko funtzionario zibilentzat, estaldura sistema hauek eraentza horretan jaso direla: a) Eskubide pasiboen sistema; sistema horrek arau bereziak ditu (apirila ren 30eko 670/1987 Legegintzazko Errege Dekretuak onetsitako testu ba tegina). b) Famili laguntzarena (1954ko uztailaren 15eko Legea; maiatzaren 4ko 31/1965 Legearen 14 eta 15. artikuluak; eta 3.160/1968 nahiz uztailaren 20ko 2.164/1974 Dekretuak). c) Administrazio mutualismoaren sistema, gorago aipatutako legeak era endutakoa. Azken estaldura sistema hori aurrera eramateko, Estatuko Funtzionario Zibilen Mutualitatea —EFZM edo MUFACE gaztelaniaz— sortu da (martxoaren 18ko 834/1976 Dekretuak onetsitako araudia). Mutualitate hori izaera juridi ko independentea duen erakunde gisa eratu zen, Herri Administrazioetarako Ministerioari atxikirik. Funtzionarioak, bestalde, nahitaez sartu behar dira mutualitate horretan eta kotizazio oinarritzat soldata, hirurteko eta aparte ko soldatak ezarri dira. Kontseilu Nagusiak gobernatzen du mutualitatea eta kontseiluburua zuzendari nagusia da. Herri Administrazioetarako ministroak askatasunez izendatzen du zuzendaria eta modu berean utzarazten dio kargua. Administrazioaren zazpi ordezkari eta funtzionarioen beste zazpi ordezkari ere badaude kontseiluan. Administrazioaren ordezkariak Herri Administra zioetarako ministroak izendatzen ditu askatasunez; funtzionarioak, aldiz, Funtzio Publikoaren Kontseilu Gorenean dauden sindikatuek izendatzen di