- Valoracións do traballo que están a desenvolver. -Accións que compoñen as rutinas diarias dunha xornada: saúdos, despedidas, ordes sinxelas etc. Polo que respecta á área de plástica, os contidos (feitos e conceptos, procedementos e actitudes) prescritivos da área e do ciclo, constitúen o corpus que dá forma a esta maneira de aprender. Así que a partires destes construímos e planificamos as aprendizaxe: o saber, o saber facer e mais o saber ser e estar coa fin de que os alumnos e alumnas acaden os obxectivos da área. En definitiva, podemos dicir que son os tres tipos de contidos os que nos proporcionan o contexto que, xunto coas áreas lingüísticas, van permitir que o alumnado, inmerso nunha lingua estranxeira e co apoio da súa lingua materna "aprenda a facer cousas coa linguaxe".
Tamén a aula de informática e o profesor Xosé Antonio foron outra fonte de recursos; coa axuda deste navegamos pola rede e fixemos unha investigación sobre a historia do vestido para recreármonos finalmente vestindo a "A nena da regadeira" de Renoir, ao xeito do século XXI. As tarefas que fixemos non foron moitas, dado que levamos soamente un trimestre de traballo. A tarefa principal xirou arredor da descuberta do museo D´Orsay e do mundo impresionista francés, o que nos levou a tentar aprender e experimentar diversas técnicas pictóricas: - Fixemos o noso autorretrato e mais o retrato dos nosos compañeiros. - Recreamos un cadro puntillista con témperas. - Fixemos unha colaxe do cadro "A nena da regadeira", escaneando a súa cara e elaborando a paisaxe na que está inmersa, empregando a técnica da témpera. E, finalmente, vestímola con teas e diversos obxectos seguindo a moda actual.
Recursos e actividades Con respecto aos recursos, atopamos no Centro de Formación e Recursos do noso ámbito un traballo multimedia: "Visita ao Museo D´Orsay, coordinado pola profesora Elvira Bravo que nos serviu como punto de partida de todo o traballo levado a cabo até o momento. Con este material fixemos un percorrido virtual pola pintura impresionista francesa e mesmo fomos quen de convertérmonos en pintores (realizamos autorretratos, colaxes, reproducións de cadros impresionistas; e descubrimos a Toulouse Lautrec, Matisse e a Renoir, entre outros).
Conclusións Dada a relevancia do proxecto, sería desexábel que a Administración Educativa revisase os criterios de concesión de aulas bilingües, sobre todo no que fai referencia ao número mínimo de alumnado, en favor doutros criterios que favorezan que todos os alumnos e alumnas do centro teñan acceso a elas (sen esquecer en ningún momento que a optatividade de participar nunha aula bilingüe é potestade dos pais e nais),
91 IDEA 2007