6
Lok al Lokal
La Prensa
Djabièrnè 10 mei 2013
Ulanda anteriormente a duna tur honor:
Plasterk lo representá Ulanda na entiero di Helmin Wiels WILLEMSTAD - Minister ulandes pa Relashon den Reino Ronald Plasterk lo representá Ulanda na entiero di e lider polítiko asesiná djadumingu último Helmin Wiels. Esei ta loke Lodewijk Asscher, vise promé minister di Ulanda a anunsiá djarason último. Asscher a bisa ku reunion di konseho di minister a para ketu na morto di Wiels.
Gobièrnu ulandes a manifestá su kombibensia ku famia di Wiels i ku pueblo di Kòrsou. Gobièrnu ta kombibí den e tempu aki di ferdrit i luto, e mensahe ta bisa. Anteriormente senado ulandes tambe a tene un seshon spesial pa rekòrdá Wiels. Ronald Plasterk a hiba palabra na e okashon ei, miéntras ku tambe presidente
...valido 10 mei 2013
1.77
1.78
1.82
1.74
1.76
1.80
2.67
2.72
2.81
185.92
186.64
189.31
98.00
100.00
101.20
174.95
175.81
178.37
229.23
231.32
235.98
di Eerste Kamer a hiba palabra. Mester bisa ku Ulanda a dediká basta atenshon na e morto trágiko di e lider di Pueblo Soberano. Te ku djarason último nan a informá ku mas di 100 hende a firma e registro di kondolensha na Kas di Korsou, un registro minister plenipotensiario di Kòrsou na Ulanda a habri pa duna esnan ku ke ekspresá nan kondolensia na famia, hasi esei tambe. No tin rei largu di hende ta warda pa firma, pero si tin hende ku ta drenta konstantemente pa ekspresá nan kompashon ku famia di e defuntu, pa loke a sosodé, asina un portabos a informá. Entre esnan ku a firma ta figura Ronald Plasterk, minister ulandes enkargá ku Relashon den Reino. Helmin Wiels, manera ya ta ampliamente konosí a muri djadumingu atardi, despues ku un persona deskonosí, reportadamente kompañá pa un otro persona a yega na pir di Mari Pampun kaminda e lider soberano tabata i a lòs algun bala
Ronald Plasterk
mortal riba dje. Te ainda no tin pista di e outornan di e delito. Loke si tin ta detenshon di dos hòmber, kendenan ta responsabel pa un video yen di menasa ku a aparesé riba YouTube, despues di e asesinato. Ounke ta interogando e hòmbernan aki (nan ta dos ruman i unu tin apénas 19 aña di edat), tur kos ta indiká ku e akto tabata un chansa di mal smak, ku mester bisa por tin konsekuensia ferfelu pa e nan dos. Un konferensha di prensa ku a ser konvoká pa djarason último a ser kanselá na último ora. E konferensha di prensa tabata pa informá riba e último
desaroyonan den investigashon di asesinato di Helmin Wiels. Pa motibunan organisatorio/ logístiko e konferensha di prensa no por sigui, di akuerdo ku e partisipashon ofisial. E konferensha di prensa aki mester a konta ku presensia di representantenan di gobièrnu di Kòrsou, Ministerio Públiko i Kuerpo Polisial. Tabata intenshon pa tene e konferensha di prensa na WTC, den un sala mas grandi ku e sala di konseho di minister di kustumber den Fòrti. T’ asina ku tin basta medio di komunikashon ku a yega Kòrsou pa relatá e kaso di Helmin Wiels i a skohe pa un sitio ku por a akomodá nan tur. Pero finalmente e konferensha di prensa a ser kanselá tòg. No tin fecha ofisial ainda pa entiero di Helmin Wiels, ounke ta menshonando djamars awor komo posibel dia. Tur kos lo dependé di outoridatnan hudisial, ki ora nan duna famia e kurpa di e defuntu. Esei lo pèrmití tambe outoridatnan forénsiko di hasi e investigashonnan nesesario den e kaso aki.
Awe nochi tin manifestashon na Kòrsou:
Manifestashon mañan na Ulanda pa asesinato Helmin Wiels! WILLEMSTAD - Organisashonnan di Yunan di Kòrsou na Ulanda ta tene un manifestashon ku hopi zonido na Rotterdam mañan djasabra atardi na memoria di Helmin Wiels. Esei ta loke Stichting Overlegorgaan Caribische Nederlanders (OCAN) a anunsiá ayera. Wiels, di 54 aña di edat a muri na man di un asesino djadumingu atardi na pir di Marie Pampoen, meimei di amigu i simpatisadónan di partido. Te ku awor e investigashon no a produsí pista di esnan responsabel pa e kaso aki. Di den e promé ora i dianan tabata hasi menshon di un asesinato polítiko, e pensamentunan despues a bai mas den direkshon di un asesinato motivá pa otro motibu. Ounke tin hopi spekulashon, e investigashon ta den proseso intensivo ainda pa por bisa ku eksaktitut kiko realmente a sosodé. Un vershon ku por a tende ku frekuensia tabata ku
Helmin Wiels
e polítiko defuntu a bira víktima pa su manera habrí di duna su opinion. Aparte ku e tabata toka temanan delikado ku no ta tur hende tabata gusta, e tabata duna su opinion skèrpi, “kla i raspá”, manera e mes tabata bisa. Hopi ta kere ku el a bira víktima di e sirkunstansia aki. OCAN, pero tambe otro organisashonnan di Yu di Kòrsou na Ulanda ta bisa, ku nan tin miedu ku libertat di ekspreshon ta na peliger aki. Esei mes ta un dje motibunan tambe pa e manifestashon di mañan djasabra. Entre 2or di mèrdia pa mitar
di kuater di atardi, manifestantenan lo hasi bochincha riba Zuidplein Laag. Vários dirigente Yu di Kòrsou lo tene diskurso na e okashon aki. Ken eksakta-mente, no tabata konosí te ku ayera. Glenn Helberg, presidente di OCAN a bisa ku ta e intenshon di invitá hende komun i koriente di komunidat, pero tambe mandatario i dignatarionan. “Nos ke hasi e manifestashon aki un manifestashon ku hopi ruido, pasobra Helmin Wiels semper tabata duna su opinion ku masha beheit. P’esei mes nos ke duna publisidat na nos ferdrit, nos indignashon pa su morto,” Glenn Helberg a bisa. No ta na Ulanda so tin manifestashon, relashoná ku asesinato di Wiels. Awe nochi 7or tin un manifestashon ta sali for di katedral di Pietermaai, pasa den Penstraat, Martin Luther King Boulevard pa kaba sigui lesa pag. 7