Page 16

EDISHON SPESHAL DI AWA

Stima bo mes BEBE AWA

17

Ultimo Desde: 1982

Djarason 10 Aprel 2013

Noticia

Kuantu awa nos mester bebe pa dia?

WILLEMSTAD- Nos mester bebe mes tantu awa ku nos kurpa tin mester di dje, i e nesesidat ta keda determiná na e kolo di nos urina. Si e urina ta hopi kla, esaki ta nifiká ku e kurpa tin sufisiente awa. Si e ta hel òf hel skur pa oraño esaki ta nifiká ku e kurpa ta sekando( deshidratando). Kada persona tin nesesidat di mas òf ménos e mitar di su peso na òns di awa pa dia. Kier men si bo ta pisa 60 kilo, bo mester di por lo ménos 30 òns ku ta mes òf ménos 1 liter di awa pa dia. Muchanan tin mester di tres kuart di un òns pa liber. Tin hende ta preokupá pa bebe demasiado awa òf ku nan lo subi di peso. Esaki ta informashon robes. Awa ta e líkido ku mas e kurpa ta stima. Bo mester bebe awa kada momentu ku bo sinti set, pero bo mester duna e kurpa e awa ku e mester pa e por funshoná. Komementu por ehèmpel, un plato yen ku alimento mester keda transformá den líkido,ta p’esei bo mester bebe awa promé ku kome. Bo mester bebe awa tambe despues di kome, òf otro aktividatnan, pa supli kualke defisiensia, pa motibu ku e kurpa si ta tuma awa for di e kurpa pa e por funshoná optimal. E ta bon pa kome i bebe na e mes momentu? Segun analistanan i sientífikonan, no ta bon pa bebe awa , miéntras ku bo ta kome. Pa motibu ku e awa friu ta kongelá e vèt i ta stroba e digestion di e alimento. Ademas si bebe awa, promé ku kome bo no ta sinti set. Normalmente bo boka mes mester produsí e saliva p yuda e proseso di machiká e alimento. Hopi biaha nos no ta rekonosé ku ta set nos tin i nos ta kome algu na lugá di bebe. Pa motibu ku e sensashon di tin set ta meskos ku esun di kome. Den e kaso aki ta solamente 20% di energia di e alimento ta alkansá e selebre, e sobra 80% ta keda reserva komo vèt. Pero ora ku bebe awa e ta produsí energia hydrolektriko eksaktamente kaminda tin nesesidat di energia, i e awa eksesivo ta Sali for di e kurpa atraves di e nirnan den forma di urina. Ku otro palabra bo ta haña energia dor di bebe awa, pero e no ta warda e awa komo reserva. Pero kontrali na alimento ku ta reserva 80% di esaki.

Kada persona tin nesesidat di mas òf ménos e mitar di su peso na òns di awa pa dia.

Awa

Ta nos sustento!!!

Ultimo Noticia 10-4-2013  

Newspaper 10th April, 2013

Ultimo Noticia 10-4-2013  

Newspaper 10th April, 2013

Advertisement