Page 1

WWW.ARUBAWE.COM

1,50

DIABIERNA 24 JANUARI , 2014

DIABIERNA 24 JANUARI , 2014

P21

ROSELL TA BAHA DESPUES DI POLEMICO CONTRACTO DI NEYMAR

DE LA SALLESTRAAT 41 A TEL: 5881500 FAX 5824937

Florin

arubawe2012@gmail.com

PROME PAREHA A CASA DEN MUSEO HISTORICO Museo Historico tambe a habri porta pa tur e parehanan cu ta desea di realisa nan enlace matrimonial civil eynan. Museo Historico ta conoci pa ta un luga unico, unda gran parti di nos historia di Aruba ta warda y awo tabatin e honor di por a hospeda e prome pareha cu a drenta enlace matrimonial civil. Riba diamars ultimo, e pareha Kock-Rijke a wordo ricibi pa e funcionario di Registro Civil y Sra. Zahira Zaandam di Museo Historico, a haci entrega di un bunita regalo simbolico pa e dia asina special aki pa e pareha. Henter e personal di Museo Historico ta desea e pareha Kock-Rijke un feliz bida matrimonial yena di felicidad y bendicion

SMARTPHONE PACKAGE DEAL GET A DL700 AND SIM FREE!

Cumpra 6 luna di Data plan y ricibi un DL700 Smartphone y un SIM GRATIS! Bishita un di nos tiendanan AWE MES!

Be Extraordinary

DIGICELARUBA.COM Oferta ta valido te cu Januari 31 , 2014 of tanten cu tin den stock na tur tienda di Digicel. Cu compra di data lo ricibi 1.5 GB tur luna durante di e 6 lunanan. Tin condicionan aplicabel.

6 MONTHS DATA PLAN Prepaid Afl 299 1.5GB DATA PER MONTH


DIABIERNA 24 JANUARI , 2014

10

Minister Mike de Meza:

Renobacion di centronan di cuidad ta bon pa e pais tantenan di e ciudad y e pais en general. Minister De Meza a menciona e proceso na Willemstad, Corsou, cual a inclui e adkisicion y restauracion di edificionan, cual a wordo prepara pa diferente uzo y ta huur na diferente compania y hasta uza pa diferente servicionan di gobierno y instancianan.

Diamars anochi a tuma luga na Rietveld Akademie e introduccion pa publico general di Renobacion Aruba N.V., unda a conta cu participacion di Wilhelmus M.N. Eggenkamp como orador principal. Eggenkamp ta consehero riba tereno di herencia cultural nacional pa gobierno Hulandes y tabata anteriormente director di e instancia Stadsherstel Amsterdam. E sesion aki tabata un introduccion di e posibilidad nan dentro di e plan di gobierno di Aruba pa cu e siguiente fase di e proceso di renobacion di e centronan di ciudad na Oranjestad y San Nicolas. A enfoca riba e compania cu a wordo estableci recientemente, esta Renobacion Aruba N.V., cu ta conta cu participacion di gobierno y instancianan y companianan priva comercial pa inverti den y lidera e renobacion di nos centronan di ciudad. Minister Mike de Meza a splica cu no solamente gobierno y companianan priva, pero tur hende cu por y kier ta invita pa participa den Renobacion Aruba N.V. Aruba ta tuma como ehempel dos ciudad cu a beneficia grandemente di nan entidadnan di “stadsherstel”, esta Amsterdam y Willemstad. Aki e organisacionnan a yuda y guia e renobacion y restauracion di e ciudadnan na beneficio di e comunidad comercial y habi-

El a menciona e desaroyo na tanto Amsterdam como Willemstad, unda cu misanan cu tabata den un estado hopi dificil a wordo cumpra y renoba y awendia bon uzo ta wordo haci di nan. “Renobacion di bo centronan di ciudad ta bon pa e pais, pero e ta bon pa cada un cu ta biba y traha den e centronan tambe,” Minister De Meza a subraya. E mandatario a añadi cu un Aruba dushi pa biba y traha, ta un Aruba dushi pa bishita y tur desaroyo positivo den interes di e comunidad di Aruba ta yuda fomenta desaroyonan positivo tambe den e economia di nos isla. E intencion ta pa hisa pone Aruba riba un otro nivel, haci e luga mas bunita y mas dushi pa biba y bishita. E mandatario a duna credito na Prome Minister Mike Eman y Minister Benny Sevinger pa ta esunnan cu ta lidera e proyectonan di renobacion, cual ta hayando mas apoyo cada dia, unda cu prome hopi hende no tabata compronde e concepto. Minister Mike de Meza den un entrevista a splica tambe, cu awo ta tumando forma locual Prome Minister Eman ta menciona, cual Gabinete Mike Eman ta para p’e, cual no ta midi e situacion di e comunidad pa medio di e GDP, pero pa medio di e Satisfac-

cion Index.   “Nos ta bisa nos ta bay for di welvaart pa welzijn, caminda tur cu ta biba den un pais den un forma of otro, cu ta traha na Aruba, no ta mira solamente e  progreso, pero ta gosa di esaki tambe den su bida familiar, su bida personal. Esaki ta haci bon nan un pais,” Minister De Meza a expresa. E mandatario y tur esunnan presente a aprecia e presentacion di Eggenkamp pa con el a elabora riba e procesonan cu a tuma luga na Amsterdam, incluyendo su splicacion di puntonan unda cu foutnan a wordo cometi y con pa evita esakinan.

25

Ta desea henter pueblo di Aruba

JANUARI

Feliz Dia di Betico


DIABIERNA 24 JANUARI , 2014

Minister Mike de Meza ta felicita Claudius Philips cu apertura di D2I

Minister Ing. Mike de Meza tabatin e placer di bishita e conocido musico, multifacetico, Carnavalista y “yiu di San Nicolas”, esta Claudius Philips, na su establecimento nobo na San Nicolas prome cu su apertura oficial, cual ta tuma luga diabierna awo. D2I, un abreviacion pa “Dress to Impress”, ta un club bunita y di clase halto cu ta ofrece un tremendo ambiente, e mandatario a comenta despues di su bishita. Minister De Meza a expresa su admiracion pa e empresario, kende ta entre e prome nan haciendo uzo di e beneficionan fiscal di e “zona economico” special diseña pa gobierno di Aruba ya caba durante Gabinete Mike Eman I, cu ta hayando contenido durante e periodo di gobernacion actual. E Minister encarga cu e carteranan di Asuntonan Economico, Comunicacion, Energia y Medio Ambiente, kende tambe ta un “yiu di San Nicolas”, a bisa cu ta “echt great” cu un yiu di San Nicolas tin e confiansa y ta dicidi di habri un negoshi na momento cu ta bisto cu San Nicolas tin su retonan, pero tambe oportunidadnan. Pero, Minister De Meza a subraya, Claudius Philips ta hopi conoci y gusta rond Aruba y hopi hende a laga sa cu nan ta hopi contento cu Claudius ta habriendo un club y e por spera nan

apoyo completo. “Keep going! Do what you do best!” Minister Mike de Meza a expresa den direccion di Claudius Philips cu un “masha pabien” di curason. “Nos tur ta kere den dje,” el a añadi, satisfecho cu di su banda Claudius tambe ta kere den San Nicolas, ta mira e potencial y ta presentando un producto di calidad aki. Cu introduccion di e programa di incentivo fiscal pa e area di San Nicolas te na Marinierskazerne na Savaneta, e interes pa establecimento di negoshinan na San Nicolas a crece considerablemente. Medio 2013 Minister Mike de Meza a organisa dos evento pa introduci y splica e incentivonan aki, cual a haya masha hopi atencion y a conta cu un publico grandi. E eventonan cu a hiba e titulo “Bin establece bo negoshi na San Nicolas” a conta cu presencia di comerciantenan y personanan interesa pa bira comerciante den e area, pero tambe personanan cu ainda no a dicidi unda nan lo establece nan negoshi . Expertonan fiscal a splica e incentivonan den detaye, cual ta conta tanto pa negoshinan existente y negoshinan nobo cu ta cumpli cu e rekisitonan. Gobierno a cuminsa y ta siguiendo cu e proceso di bin cu mehoracion den e infrastructura di e centro di ciudad di San Nicolas y tin diferente proyecto di renobacion Urbano den “pipeline” pa e area aki. E “zona economico” ta diseña pa fomenta establecimento di negoshi na San Nicolas, cual lo yuda move comercio y industria aki pa tempo largo. Gobierno di Aruba ta motiva y encurasha tur persona interesa pa habri un negoshi na Aruba pa sondea tur e posibilidad y oportunidadnan y pa sigur considera e centronan di ciudad pa asina ta parti di e proceso di renobacion y desaroyo sumamente positivo cu ta tumando luga na Aruba.

24

Biblioteca sucursal San Nicolas habri Ultimo 2 luna tabata tin problema cu e sistema di airco na biblioteca sucursal San Nicolas. Debi na esaki mester a cera algun espacio. Mientrastanto a resolve e problema, a reemplasa airco y tur departamento di biblioteca ta habri normal bek desde dialuna entrante. Biblioteca sucursal San Nicolas ta habri di dialuna pa diabierna. Pa esnan cu ta traha den dia biblioteca sucursal San Nicolas ta habri 2 anochi, diamars y diahuebs. Entrante februari tur diaranson atardi tin actividad special pa mucha. Tin contamento di storia, wega y obra di man. E actividadnan ta completamente gratis. Miembrecia di biblioteca pa fia buki ta 5 florin pa adulto pa aña, 3 florin pa hoben y 1 florin pa mucha. Por fia buki te na un maximo di 3 siman. Lesamento ta importante tanto pa mucha como pa adulto pa diferente motibo, desaroyo di idioma, amplia vocabulario, incentiva imaginacion, pa conoce storia, pa sostene tur vak na scol, pa conoce otro cultura y custumber, pa haya informacion riba un variedad di tema, pa por studia miho y mucho mas. Investigacion a mustra cu lesamento ta yuda e mente di hendenan adulto y grandi pa no lubida y pa keda mentalmente activo y tren e memoria. Lesamento ta tene e cerebro activo. Es decir, lesamento ta un actividad saludabel pa un y tur. Asina ta cumpli cu un di e metanan di biblioteca di brinda e oportunidad pa hasi un actividad saludabel na pueblo henter.

Fresh y Balashi ta bay bon hunto Diahuebs mainta Wileke di Balashi a bishita Fresh FM 104.3 pa asina promove e Balashi Special Edition pa Carnaval 60. Den e programa di Rico Rijk a splica un tiki di e oferta cu tin na diferente Bar cu bo cumpra e cerbes. Tambe a regala e locutor un Tshirt y tambe a haya oportunidad di bebe esaki. E sabor ta diferente y dushi.


PAGINA 40

DIARIO

Eugene Maduro PR D.O.T:

Entre 2013 y Januari 2014 tin notifica 752 caso di Dengue di cual 16 porciento ta confirma ORANJESTAD (AAN) – Diahuebs mainta a tuma lugar den Departamento di Salubridad Publico, un conferencia di prensa pa informa nos pueblo tocante e situacion di Dengue na Aruba y Chikungunya den nos region, y tres posible caso importa na Aruba. E miembronan di e Dengue Outbreak Team (D.O.T) a hiba palabra. Nan ta sr. Eugene Maduro, PR di e grupo aki, sra. Maribel Tromp, Hefe di Departamento di Epidemiologia, Lativa Mercera di Seccion di Malesa Contagioso, sr. Clayton Croes, director interino di GKMB, y dr. Wilmer Salazar di Management Team di Salubridad Publico. Na prome lugar, señor Eugene Maduro a duna un descripcion breve di e situacion di Dengue na Aruba. El a duna cifranan preliminar pasobra ainda nan falta datonan pa compila. Durante aña 2013 te e momentonan aki, tin un total di 752 caso cu a wordo notifica na Seccion di Malesa Contagioso, di cual 16 porciento ta casonan confirma di ta infeccion di dengue. Pero no tin un resultado definitivo ainda pa motibo cu of e departamento no ta haya e fecha di prome dia di sintoma notifica, of pasobra tin pacientnan cu ta bay haci test di sanger mucho lihe, sin cu por constata si realmente ta dengue of no. Un dato cu particular ta cu tin mas hende muher registra cu dengue cu hende homber, y e categoria di edad mas afecta ta entre 25 pa 64 aña. Mas cu 60 porciento di e casonan registra ta personanan cu a haya dengue den pasado caba, locual ta hisa nan riesgo di haya dengue hemoragico. Pa loke ta trata aña 2014 tin 27 caso notifica te aworaki, di cual 15 porciento (di siete pa ocho caso) ta confirma. Ainda Departamento di Salud ta pendiente di haya mas informacion tocante e registracion di e casonan. Señor Maduro a agrega cu e barionan mas afecta cu dengue na aña 2013 tabata Noord y Santa Cruz y awor na inicio di 2014 ta e barionan di Paradera y Distrito di Santa Cruz.

Tambe den e cifra di 2014, hende muher ta esun di mas afecta pa e virus y categoria di edad tampoco ta cambia.

DIABIERNA 24 JANUARI 2014


DIABIERNA 24 JANUARI 2014

PAGINA 41

DIARIO

Interes grandi pa cooperacion entre sector priva y publico den maneho di centro di ciudad

Sostenibilidad y beneficio mutuo ta cardinal den e concepto di Renobacion Aruba NV ORANJESTAD (AAN): Un sala yen di interesado pa e prome lectura di ‘Renobacion Aruba NV” a ilustra e interes grandi cu tin pa e anochi di informacion aki cu a tuma luga den Rietveld Academie den Wilhelminastraat. Por a mira caranan conoci di diferente sector, incluyendo esun bancario, di

construccion y comercial. Nan a scucha cu atencion e plannan cu Gabinete Mike Eman II  tin pa cu renobacion di ciudad y e concepto via cual Gobierno di Aruba kier realisa e plannan aki. Henter e concepto ta un iniciativa di Prome Minister Mike Eman, kende for di 2011 caba a firma un acuerdo di intencion cu in-

stitucionnan financiero.

E idea ta pa crea un modelo di fundacion, similar na esun exitosamente comproba na Hulanda, caminda sector publico y priva ta uni forsa.

Di e forma aki ta duna un bida nobo y mas probechoso na e areanan urbano pa medio di renobacion, huur, compra y benta bou di condicionnan mas atractivo di e propiedadnan den centro di ciudad.

Como resultado ta crea un mayor actividad economico y un ambiente mas positivo pa e habitantenan.

E anochi a habri cu palabranan di Minister di Infrastructura, Benny Sevinger indicando cu “Pueblo no a djis wak plan pero a wak con Gobierno a ehecuta e plannan tambe; awo ta toca turno na sector priva pa bin ‘on board’  di e desaroyo aki.”

Despues a sigui diferente experto tanto publico como priva, entre nan keynote speaker drs. Eggenkamp, ex director di Stadsherstel Amsterdam y actual consehero di gobierno Hulandes riba tereno di Herencia Cultural.

Prome Minister Mike Eman a clausura e anochi exitoso dunando un splicacion amplio di con e cooperacion for di diferente sector den nos comunidad por trece frutanan pa mehoracion di nos pais.

Gobierno, sector publico y bou di e concepto di ‘Stadsherstel’ sector publico y priva   mester combina esfuersonan pa inverti y mehora nos centronan di ciudad.

E tipo di cooperacionnan aki ta conceptonan proba, sostenibel y beneficioso pa tur envolvi.


PAGINA 62

DIARIO

DIABIERNA 24 JANUARI 2014

Soft-Opening di D2I Club tabata spectacular y impresionante

“Awe Diabierna e Gran Apertura di D2I Club lo tuma lugar”

ORANJESTAD (AAN): Diaranzon anochi den presencia di miembronan di Prensa y algun invitadonan special, Claudius Phillips doño y alaves Managing Director di D2I Club, a yama tur esnan Bon Bini na un

soño di dje cu a wordo realiza despues di basta aña. Semper e tabata un soño pa Claudius Phillips tin su mesun Night Club pa asina e por toca mas frecuente den dje ya pa deleita su fanaticonan. Diaranzon anochi tur esnan

presente a keda impresiona cu D2I Club cu por cierto ta situa na Sannicolas banda di Watertoren. D2I Club lo habri di Diamars pa Diadomingo. Awe Diabierna e Gran Apertura di D2I Club lo tuma lugar y e ambiente ta programa pa cuminsa di 6’or di atardi y termina 3’or di mainta. Lo tin varios entretenimento y sigur tur hende lo balia ariba e dushi musica di Claudius Phillips & Oreo. Tur esnan cu ta desea mas informacion, por subi ariba Face book y like e pagina di D2i Club. Un biaha mas, Aruba ta keda cordialmente invita pa bishita D2I Club, y di awo caba DIARIO kier a manda palabra di felicitacion y alaves di exito pa Claudius Phillips cu su Club nobo na Sannicolas….Pabien


Diabierna Januari 24 2014

Pagina 16

Prome biaha un pareha ta casa eyden

Museo Historico a fungi como luga ideal pa enlace matrimonial civil

Museo Historico tambe a habri porta pa tur e parehanan cu ta desea di realiza nan enlace matrimonial civil eynan. Museo Historico ta conoci pa ta un lugar unico, unda gran parti di nos historia di Aruba ta warda y awor tabata tin e honor di por a hospeda e prome pareha cu a drenta enlace matrimonial civil. Riba diamars ultimo, e

pareha Kock-Rijke a wordo ricibi pa e funcionario di Registro Civil y sra. Zahira Zaandam di Museo Historico, a haci entrega di un bunita regalo simbolico pa e dia asina special aki pa e pareha. Henter e personal di Museo Historico ta desea e pareha Kock-Rijke un feliz bida matrimonial yena di felicidad y bendicion


Ecue 24114