TE REO - How to join the water sector - Brochure Final
Kāore ō whakangungu ōkawa? Pai
noa iho!
Mō te nuinga o ngā mahi kei te rāngai wai ehara i te mea me whai whakangungu ōkawa koe, e whakaae rānei ki ngā whakangungu mai i ngā tūmomo mahi hāngai anō. E taea e koe te tono tūranga nā runga anō i ō pūkenga ake kia whakangungua ki te mahi i a koe e mahi ana, kia tautokona ki te whai i ngā tohu mātauranga e tika ana, kia whai rānei i te mahi tauira, i te mahi pia rānei.
Ko te tikanga ko tā ngā kaiwhakawhiwhi mahi he kimi kaimahi pai mārama ki te mahi ohu, he tāngata noho haepapa, whakawhirinaki hoki, me te hunga e kaha hiahia ana ki te ako. Mehemea e whakaaturia ana ēnei āhuatanga ki tō Tāhuhu Tangata, he pai tō āhua mō te whai mahi i tēnei rāngai.
He nui tonu ngā kaiwhakawhiwhi mahi e whakangungu i a koe i a koe e mahi ana, tae atu ki te whakangungu hauora, whakangungu haumaru e hāngai ana ki tō tūranga. I ētahi o ngā mahi me whai raihana waka, i ētahi atu tūranga mahi me whai raihana waka Taumata 2. I te nuinga o te wā ka whai tautoko koe ki te whiwhi i tēnei.
I mōhio rānei koe e taea e ngā kaiwhakamahi wai māori me te waipara te whiwhi i tw
$60,000 ki te $125,000 i ia tau. Ka whiwhi ngā mataaro pūkahatanga mai i te $80,000 ki neke atu i te $150,000 i ia tau.
He pēhea te āhua o te ānamata?
He rāngai hurihuri te rāngai nei. Anei ētahi wāhi e tipu haere ana i roto i te rāngai e kitea ai pea he ara mahi māu.
Ko te urutau panonitanga āhuarangi –ko te whakangāwari tauraki, ko te whakahaere waipuke, ko te aroturuki kounga wai
Ko te parakino e maea ana – ngā rongoā, ngā taputapu whakapaipai whaiaro
Ko te whakahaere wai – te tohatoha wai me ngā pūnaha hohoko, te whakahaere hopu wai kōtuitui Ngā rautaki whakapaipai tohatoha wai – te hāwaiwai, te whakamahere, te honohono ki te hapori
Ngā hangarau hou – te ine wai atamai, te matihiko whakatauira takirua
Ngā mea hei whakaaro ake mō te taha ki te honohono
me te ahurea Māori – Te Awa Tupua (Te Kaitiakitanga o te Awa) me ngā tauira mana arataki ngātahi
Te hauora tūmatanui ā-ao – kei raro te wai i te Whāinga Whanaketanga Rautaki 6 o te UN he mea tautoko i te whai wāhitanga atu ki te wai ora me te parukore i ngā hapori huri noa i te ao.
Kei te kura tonu engari kei te kimi kōwhiringa tonu?
Mehemea kātahi anō koe ka mutu i te kura, e taea ai te tirotiro ki te paetukutuku o Tahatū hei āwhina i a koe me o kōwhiringa ara mahi pūmau. He whakaaro pai hoki te kōrero ki ngā whānau me ngā hoa e mahi ana i te rāngai. I te nuinga o te wā ka rongo koe i ngā kōrero mō ngā arawātea mahi i tētahi atu.
Tirohia ētahi o ā mātou ataata ara mahi pūmau rawe kei te paetukutuku o Wai Aotearoa - te whārangi Kura me ngā Hapori. E whakaaturia ana ēnei ko ngā momo ara mahi pūmau wai, i pēhea hoki i kitea i tēnā, i tēnā ngā mahi i te rāngai.
He whaihua anō ngā paetukutuku pēnā i te Seek me te LinkedIn kia kitea ngā momo mahi e wātea ana.
He
aha e mahi ai ki te wai?
Ahakoa kei te tino ngākaunui koe ki te hauora me te oranga o te iwi whānui, o te hapori hoki, te panonitanga āhuarangi, te atawhai rānei i te taiao, kāore i kō atu, kāore i kō mai i te rāngai wai hei panoni i te ao.
Nā runga i te wāhi nui o te maimoatanga wai, te rere me te whakahaere o te wai i ō mātou hapori he nui te hiahia mō ngā ngaio wai, nō reira, he kōwhiringa mahi tino haumaru tēnei nā te mea e hiahiatia ai ngā ngaio wai i ngā wā katoa. He tino ara te mahi i te ao wai hei mātua whakarite i tō haumarutanga mahi mō ngā rā e tū mai nei.
Ahakoa he aha ō kaingākau, ō pūkenga rānei, kāore e kore kei konei he mahi māu i te rāngai wai e tino hāngai ana ki a koe. Ahakoa ko te pūtaiao, ko te ihu oneone, ko te āwhina i te tangata, ko te hoahoa rānei i ngā pūnaha hou, he nui ngā arawātea hei tūhura māu kei te rāngai wai.
Ki te hiahia tūhura mehemea he mahi māu te mahi ki te ao wai, me whakamātau tētahi o ā mātou pine matihiko. Mō te utu pai e whiwhi ai koe i te whakamōhiotanga whānui ki te rāngai, e ako ai hoki koe mō ētahi o ngā mahi matua.
Karapahia te waehere QR kia kitea ētahi atu kōrero.
enquiries@waternz.org.nz
waternz.org.nz
Ka ora te wai, ka ora te whenua, ka ora ngā tāngata.
If the water is healthy, the land is healthy, the people are healthy.
