Tetūhura aramahi pūmaui te rāngaiwai
He aha e mahi ai ki te wai?
Ahakoa kei te tino ngākaunui koe ki te hauora me te oranga o te iwi whānui, o te hapori hoki, te panonitanga āhuarangi, te atawhai rānei i te taiao, kāore i kō atu, kāore i kō mai i te rāngai wai hei panoni i te ao
Nā runga i te wāhi nui o te maimoatanga wai, te rere me te whakahaere o te wai i ō mātou hapori he nui te hiahia mō ngā ngaio wai, nō reira, he kōwhiringa mahi tino haumaru tēnei nā te mea e hiahiatia ai ngā ngaio wai i ngā wā katoa
He tino ara te mahi i te ao wai hei mātua whakarite i tō haumarutanga mahi mō ngā rā e tū mai nei.
He aha ngā arawātea mahi?
He tino whānui te rāngai wai, me ōna tino arawātea ki te mahi ngaio i ngā momo wāhi, momo mahi anō hoki.
Anei ētahi:
Te mahi ki ngā pūrere – ngā papu, te tātaritanga, ngā kāmera CCTV, ngā papahiko hiko
E mahi ana i waho ki ngā kōrere, ki ngā teihana papu, ki ngā wheketerre maimoatanga rānei
Te whakamarumaru hauora me te taiao
Te whakahaere rawa
Te tikanga mātauranga Māori
Te hoahoa Pūkahatanga
Te Whakahaere
Ngā mahi tautoko (Te Pūtea, Te Pūmanawa Tangata me te Hangarau)
Te Mana Arataki
He mahi matahuahua e tipu haere nei. Ahakoa tē taea te kōrero ngā ara mahi katoa i roto i te rāngai i konei, kia tīmata tō tūhura haere ka ohorere pea koe kia kite i ngā tū momo mahi e taea ai!
He pēhea te āhua o te ānamata?
He rāngai hurihuri te rāngai nei. I tētahi ao hurihuri nei, kei mua tonu i te aroaro te wai mō te wāhi ki tō tātou oranga. Anei ētahi wāhi e tipu haere ana i roto i te rāngai e kitea ai pea he ara mahi māu
Ko te urutau panonitanga āhuarangi – ko te whakangāwari tauraki, ko te whakahaere waipuke, ko te aroturuki kounga wai
Ko te parakino e maea ana – ngā rongoā, ngā taputapu whakapaipai whaiaro
Ko te whakahaere rawa wai – ngā pūnaha tohatoha me te hohoko wai, te whakahaere hopu wai kōtuitui
Ngā rautaki whakapaipai tohatoha wai – te hāwaiwai, te whakamahere, te honohono ki te hapori
Ngā hangarau hou – te ine wai atamai, te matihiko whakatauira takirua
Ngā mea hei whakaaro ake mō te taha ki te honohono me te ahurea Māori –Te Awa Tupua (Te Kaitiakitanga o te Awa) me ngā tauira mana arataki ngātahi
Te hauora tūmatanui ā-ao – kei raro te wai i te Whāinga Whanaketanga Rautaki
6 o te UN he mea tautoko i te whai wāhitanga atu ki te wai ora me te parukore i ngā hapori huri noa i te ao.
Ngā Kaiwhakamahi Wheketere
Ko tā ngā kaiwhakamahi wheketere wai me te waipara he whakahaere me te tiaki i ngā pūrere me ngā pūnaha e horoi i ō tātou wai me te maimoa i te waipara kia pai ai tōna hoki haumaru atu ki te taiao. He tūranga nui tā rātou mō te tiaki i te hauora
o ngā hapori, ka mutu, mā tā rātou mahi e āwhina kia mā ai te wai ki te kura, te kāinga, ki te wao nui o Tāne anō hoki.
He pai ki a au ngā āhuatanga katoa o te mahi. He rawe ki a au te matahuhua o te mahi, engari, ko te mea tino rawe ko ngā tāngata e mahi ana ki taku taha.
Tama Te Whata
Mātanga Maimoatanga Wai, Kāpiti Coast District Council
Te Kaiwhakamahi Wheketere Maimoatanga Wai:
He aroturuki me te whakahaere i te taputapu e whakapai, e whakamā hoki i te wai kia haumaru ai hei inu
Te Kaiwhakamahi Wheketere Maimoatanga Waipara:
He mātua whakarite kua tika te maimoatanga o te waipara i mua i te whakahokinga ki roto ki te taiao
Te Ringa Hangarau Tukanga:
Kia pai ai te rere o ngā pūrere me te whakahaere mahi whakatikatika auau.
He rawe ēnei mahi mō te momo tāngata pai ki a rātou te mahi me ngā pūrere me te mahi kimi rongoā ki ngā raruraru.
Te rārangi utu
$59k
$73k-$102k
$125k
Raro iho Utu pātahi Runga ake
Te Tautoko Pakihi
Ko tā ngā ngaio tautoko pakihi he whai kia pai ai te haere o te rāngai wai e haere ana i muri. Ko tā rātou ko ngā mahi whakahaere, te whakahaere pūtea, te whakawhitiwhiti kōrero hoki ki te iwi whānui.
Te Kaiwhakamahere:
He āwhina i te whanaketanga, he kōrero ki ngā hapori ki te kimi rongoā.
Te Māngai Ratonga Kiritaki:
He whakautu i ngā pātai nō te iwi whānui mō ngā ratonga wai.
Te Pou Whakahaere Kirimana:
He whakahaere i ngā kirimana, he mātua whakarite kua tutuki ngā tūmahi.
Mehemea he pai ki a koe te mahi whakarite me te āwhina tāngata, he hāngai pea ēnei tūranga ki a koe
$49k
$93k Te rārangi utu
$49k-$74k
Raro iho Utu pātahi Runga ake
Te Mahi ā-Rehe
Ko tā ngā ringarehe he whakamahi ō rātou pūkenga ā-rehe ki te hanga me te whakatikatika. I te rāngai wai, ko tā rātou he mātua whakarite e mahi tika ana te hanganga.
Mā te mahi i ngā mahi e mahi nei mātou e haumaru ake ai tēnei taiao, te wāhi me te tāone nui e noho nei tātou
Mason Wilkie
Kaiwhakahaere Paenga/Mātāmua Silverlining Contracting
Te Mataaro Kōrere:
He whakauru me te whakatikatika kōrere e rere ai te wai ki ngā kāinga me ngā pakihi.
Te Mataaro Hiko:
He mahi ki ngā pūnaha hiko i ngā wheketere maimoatanga wai me ētahi atu rauhanga.
Te Kaimahi Whakatikatika:
He whakatikatika i ngā taputapu me ngā rauhanga kia pai ai te mahi.
He tino hāngai ēnei ara mahi pūmau ki te hunga pai ki a rātou te mahi whai kiko, te mahi ā–ringa hoki.
Te rārangi utu
$49k
Raro iho
$57k-$106k
Utu pātahi
$133k
Runga ake
Ngā Kaipūtaiao
Ko tā ngā kaipūtaiao i te rāngai wai he mātai wai kia mātua whakarite he haumaru, he mā anō hoki. Ka kimi hoki rātou i ngā huarahi hei tiaki i ō tātou rawa wai.
Me tono mō ngā mahi kāore e tino mōhiotia ana e koe.
Nā te mea i mua i taku tīmatanga ki konei, he iti noa iho taku mōhiotanga ki te mātauranga koiora moroiti, heoi anō, i tono tonu atu au, he rawe rawa atu te hua.
Eva Wolfova Kaikoiora Moroiti, Watercare Laboratory Services
Te Āpiha Hauora Tūmatanui:
He whakatewhatewha me te aroturuki, he aromatawai i ngā urutā tahumaero, me ngā mōrea taiao pērā i te parahanga.
Te Kaipūtaiao Taiao:
He whakatewhatewha i te papānga ki te taiao o te whakamahinga wai me te kimi huarahi hei whakaheke i te parahanga.
Te Kairarau Matū:
He tātari i ngā tauira wai hei arowhai mō ngā parakino.
Mō te hunga e aroha ana ki te pūtaiao me te ao tūroa, he mahi whakapātari, he mahi whai hua. $55k $76k-$129k $163k
Te rārangi utu
Raro iho Utu pātahi Runga ake
Ngā Kaimahi Hangahanga
Ko tā ngā kaimahi hangahanga he hanga me te tauwhiro i te hanganga e tuku ana i te wai māori ki ō tātou kāinga, pakihi hoki me te tango hoki i te waipara i aua wāhi.
I tīmata au hei ihu oneone, ka oti i a au tētahi mahi pia i a au e rangatahi tonu ana, ā, nō taua wā kua haere tonu noa au — kua kore rawa au e hoki whakamuri.
Nick Shaw
Kaiwhakahaere, Brian Perry Civils.
Te Ihu Oneone Hangahanga:
He mahi i runga i ngā kaupapa hangahanga, kari rua, me te whakatakoto kōrere.
Te Kaiwhakamahi Taputapu Taumaha:
He whakahaere i ngā pūrere pēna i ngā wakapana me ngā wakahuke.
Te Pou Whakahaere Tūmahi:
He whakahaere i ngā tūmahi hangahanga kia mātua whakarite kua whakatutuki i roto i te wā me te pūtea tika.
Mehemea he rawe ki a koe te hangahanga me te mahi i waho, he mea hāngai pea te ara mahi pūmau i te hangahanga.
$58k
$192k Te rārangi utu
$77k-$145k
Raro iho Utu pātahi Runga ake
Ngā Mataaro Pūkaha
Ko tā ngā mataaro pūkaha i te rāngai wai he hoahoa me te hanga i ngā pūnaha pēnā i ngā kōrere, ngā papu, ngā wheketere maimoatanga, me ngā pāpuni kia mātua whakarite e tae atu ana te wai māori ki ngā tāngata, kua horoia hoki te wai
paruparu i mua i tōna hoki ki te ao tūroa. Ka whakamahi rātou i te pūtaiao, te pāngarau, me te hangarau ki te kimi rongoā mō ngā raru pēnā i te korenga o te wai, te parahanga me te waipuke.
E ai ki te nuinga ko te tākuta kei te whakaora i te nui rawa o ngā tāngata, engari tonu – hei mataaro pūkaha wai māori, e taea ana e koe te tiaki te tini tonu o te tangata.
Gabriela Campos-Cardwell Mataaro Pūkaha Matua, Watercare
Te Mataaro Pūkaha ā-Iwi
He hoahoa i ngā wheketere maimoatanga wai, ngā ara paipa, me ētahi atu hanganga.
Te Mataaro Pūkaha Taiao
He whanake i ngā pūnaha ki te whakaheke i te parahanga me te whakapai ake i te kounga o te wai.
Te Pūkahatanga Pūrere
He hoahoa me te tauwhiro i ngā pūrere me ngā pūnaha e whakamahia ana i ngā wheketere maimoatanga wai.
He tino rawe ngā ara mahi pūmau pūkahatanga ki te hunga pai ki a rātou te whakatika i ngā raruraru matatini me te hoahoa i ngā rongoā auaha.
Te rārangi utu
Raro iho Utu pātahi Runga ake
Te Kaiwhakamahere Taiao
Ko te mahi a te Kaiwhakamahere Taiao Wai he aro ki te whakahaere me te whakamarumaru o ngā rawa wai, e mātua whakarite ana te pūmautanga o te whakamahinga me te kounga Ko tā rātou he tātari i te nui o te wai me te nui o te hiahia ki te wai, he aromatawai i ngā papānga ā-taiao, me te whanake i ngā rautaki mō te whakahaere wai, tae atu ki te takatū mō te tauraki me te whakahaere parahanga. E taea ai tēnei me mahi ki te taha o te matahuhua o te hunga whai pānga mai, tae atu ki ngā rangapū wai, ngā mataaro pūkaha, te iwi whānui hoki, ki te whakatinana i ngā mahere rawa wai whai hua, tae atu ki te whakatakoto i te anga torowhārahi kia whakatutuki ai te whakapūmautanga o ngā putanga.
Mō ēnei tūranga me matahuhua ngā pūkenga me te whānui o ngā momo haepapa - te whakahaere tauraki, te aromatawai kounga wai, te atawhai rawa, te tautuku, te whakatakoto pūrongo, te tātaritanga raraunga, te kaupapahere, te papānga taiao, te whakahaere tūmahi, me te honohono ki te hunga whai pānga.
Nō reira, nā te mahi i tēnei momo mahi e taea ana e au te āwhina ngā wai o taku ohinga, i aroha nuitia ai… e ōku tīpuna mō te mano tau kua hipa ake nei.
Tina Porou
Kaiwhakamahere Taiao, Poipoia
Raro iho
Te rārangi utu
Utu pātahi
Runga ake
Te Kimi i te Ara Māu
Ahakoa he aha ō kaingākau, ō pūkenga rānei, kāore e kore kei konei he mahi māu i te rāngai wai e tino hāngai ana ki a koe.
Ahakoa ko te pūtaiao, ko te ihu oneone, ko te āwhina i te tangata, ko te hoahoa rānei i ngā pūnaha hou, he nui ngā arawātea hei tūhura māu kei te rāngai wai.
Ka whakaaro ana koe mō te ara mahi pūmau kei mua i a koe, me whai whakaaro ki te wāhi nui o te wai i tō tātou ao me ngā tini huarahi e taea ai e koe te whai wāhi mai ki tēnei ahumahi nui whakaharahara!
Kaoratewai, kaoratewhenua, kaorangātāngata.
Ifthewaterishealthy, thelandishealthy, thepeoplearehealthy.
