Ka hua au i te whatitiri E whakatupuru nei i runga i te rangi Kaaore ko te unuhanga o te taniwha i te rua Ka anga au ki te raki, ka anga au ki te tonga Ka papa te taitamawaahine, ka hora te taitamataane Ka mate te marama, ka taka ngaa whetu o te rangi Ka ara Waikato i te rua Aue, aue, taukiri e! Ma te atawhai o te waahi ngaro taatou katoa e hapai, e manaaki i ngaa tau mutunga kore. Ko te Atua to taatou piringa, ka puta, ka ora. E ngaa tootara haemata o ngaa marae kua takoto tiraha nei, e ngaa ipo kahurangi ka riro nei, kauria ra te au moana o ake ake, hoea ra ngaa ngaru o whakaoti atu. Moe mai ra. Teenei te reo poowhiri ki a koutou e ngaa manu taupua o te motu. Haere mai ra ki runga ki to taatou marae o Tuurangawaewae ki te whakanui i te raa Koroneihana o taa koutou mokopuna, a Kiingi Tuheitia. Mauria mai ngaa parekawakawa o ia marae kainga, o ia takiwaa kia kotahi tonu te poroporoaki i a raatou katoa. Haere mai ra, takahia mai ngaa tapuwae o raatou maa kia rite ai ngaa whakaaro hei oranga mo taatou i teenei ao hurihuri.
Ko ngaa whakahaere: Wenerei 18 o Akuhata: Taite 19 o Akuhata: Paraire 20 o Akuhata: Raahoroi 21 o Akuhata: Raatapu 22 o Akuhata:
Ngaa Kawe Mate o Tainui Waka Ngaa Kawe Mate o Te Motu Waananga-aa-Iwi Ngaa Mema Paremata Ngaa Manuwhiri Tuuaarangi Te Tuawhaa o ngaa Raa Koroneihana o Kiingi Tuheitia Papa Taakaro me nga Whakangahau Papa Taakaro me ngaa Whakangahau
WHAKATAU MAI RA Naa Te Paki o Matariki TE HOOKIOI - maehe 2010
11