Wargeyska Gobollada Dhexe - Abril 2016

Qiimaha 3000 Sh, So

Wargeys bille ah, kana soo baxa magaalada Dusmo reeb Jimco, 01 abril 2016, Cadadka 037-aad, Sanadka 4-aad

MAXAA CUSUB?

GUULEED OO DHAGAX DHIGAY WADO CUSUB | bogga 2aad

Gadoon oo shir dib u heshiisiin lagu qabtay Degmada Gadoon, ee gobolka Galguduud, ayaa waxaa ka dhacay shir dib u heshiisin ah, oo ay soo qabanqaabiyeen qeybo ka mid ah bulshada ku nool deegaanka. Waxaa hore uga dhacay Gadoon dagaallo iyo dhibaato keentay qax iyo cadaawad daba dheeraatay.Aqoonyahannada, siyaasiyiinta, waxgaradka iyo masuuliyiinta Galmudug, ee deegaankaas ka soo jeeda, ayaa is la gartay, in ay laga ma maarmaantahay, in la qabto shir dib u heshiisiin, oo reer Gadoon u gaar ah. | bogga 3aad.

QORAALLO KALE Cudurka Qandho Caseeyaha W/Q: Xasan Kheyre | bogga 4aad

Hambalyo Wargeyska G/Dhexe

W/Q: Cabdiraxiim Galayr | bogga 4aad

Dagaalka Dusmo reeb W/Q: Cabdiqaadir Cali | bogga 5aad

2

WARARKA

Cadadka 037-aad, Sanadka 4-aad

Jimco 01, abril 2016

MADAXWEYNE GUULEED OO DHAGAX DHIGAY WADDADA IS KU XIRTA WISIL-HOBYO W/Q: Maamulka Wargeyska Mudane C/kariin Xuseen Guuleed, Madaxweynaha Galmudug, oo gaaray magaalada Wisil, ee gobolka Mudug, ayaa dhagaxdhigay wajiga 2aad ee dayactirka waddada is ku xireysa labada magaalo; Gaalkacyo iyo Hobyo.

Munaasabadda dhagaxdhigga wajiga 2aad ee dhismaha waddada Gaalkacyo-Hobyo, ayaa waxaa ka qeybgalay madaxweynaha Galmudugtii hore Gen. Cabdi Xasan Cawaale “Qeybdiid”, Wasiirro, Xildhibaanno, Saraakiil Ciidan iyo Masuuliyiin kale, oo ka tirsan maamulka Galmudug.

Jimco 01, abril 2016

W/Q: Ramieza Mahdi Degmada Gadoon, ee gobolka Galguduud, ayaa waxaa ka dhacay shir dib u heshiisin ah, oo ay soo qabanqaabiyeen qeybo ka mid ah bulshada ku nool deegaanka. Waxaa hore uga dhacay Gadoon dagaallo iyo dhibaato keentay qax iyo cadaawad daba dheeraatay.

Shirka ayaa waxaa ka soo qeybgalay dadkii sida dhabta ah wax u ka la gaareen, oo deegaanka ku noolaa iyo kuwii ka qaxay markii ay colaaddu dhacaday. Waxaa sidoo kale ka soo qeybgalay marti sharaf ka socday magaalada Muqdisho iyo gooba kale ee dalka.

Shirkaas waxaa ku baxday lacag gaareysa 123,000 dollar ah, oo ay soo uruuriyeen dadkii howsha waday. Lacagtaas ayaa diyo ahaan loogu ka la bixiyaey ama loo ka la siiyey jufooyinkii dhibku ka la gaaray.

Sidoo kale mudane Guuleed ayaa intaa ku daray, in maamulkiisu hiil iyo hoo la garab taagan yahay dhismaha waddadan, oo muhiim u ah is ku xirka Hobyo iyo deegaannada kale ee Galmudug.

Cadadka 037-aad, Sanadka 4-aad

Gadoon oo shir dib u heshiisiin lagu qabtay

Aqoonyahannada, siyaasiyiinta, waxgaradka iyo masuuliyiinta Galmudug, ee deegaankaas ka soo jeeda, ayaa is la gartay, in ay laga ma maarmaantahay, in la qabto shir dib u heshiisiin, oo reer Gadoon u gaar ah.

Madaxweynaha Galmudug C/kariin Xuseen Guuleed, oo ka hadlay munaasabadda dhagaxdhigga ayaa ammaan u jeediyey guddiga GOB ee laf dhabarka u ah howsha socota iyo shaqada la wado.

WARARKA

Shirka waxaa lagu gaaray go’aan, in magaalada laga dhawro dagaal iyo dirir nooca ay rabto ha ahaatee. Lacagta diyada iyo shirka lagu abaabulay ayaa waxaa laga qaaday beesha degmada iyo ganacsatada u dhalatay.

Heshiiskaas waxaa goobjoog ka ahaa odoyaasha dhaqanka ugu caansan Gobollada Dhexe, sida nabaddoon Siigo Xaaji Maxamd Axme Liibaan, Nabaddoon Xasan Cilmi Yaxye. Xagga

mammulka Galmudugna waxaa goobjoog ka ahaa Xildhibaan Cabdirashid iyo wisiiru dowlalaha Axmad Mire.

Waxaa ayadana sidoo kale la sheegay, in degmeda laga dhisay xarun boolis iyo xaruntii degmeda, si loo dhiso maamul hanaqaada, oo dadka dhibka ka geysta deeganka la xisaabtama. Gadoon ayaa horay u laheed xarun caafimaad, oo la yiraahdo SAREEDO, oo hoostagta Isbitaalka weyn ee Dusma reeb.

Mustqabalka soo sodca waxaa la rajeynaa, in la diyaariyo ciidanka booliska, oo ka howlgalidoona degmada, si loo sugo ammaanka, nabadda iyo xasilloonida, loona dhawro ka la dambaynta iyo wada noolaashaha.

Dhallinyaro ka soo jeedda gobolka, oo aan wareystay, ayaa waxay ii sheegeen, in ay ku faraxsan yihiin howsha la qabtay ayagoo yiri “runtii waa wax lagu farxo, in bulshada reer Gadoon aayaheeda ka tashato iyo in ay yeelato saldhig boolis, oo la xisaabtama dadka dhibka ka geysta deegaanka. Sharaf weyn ayey u tahay dadka degmada, in ay sameeyaan horumar iyo waxqabad la taaban karo oo soo kordhay degaanka” Shirkan waxa uu ku abuuray bulshada dareen fiican, oo ah, in ayaga wax qabsan karaan.

Waxa kale oo ka dhashay meesha, in loo yeeshay hammi dowladnima iyo in ka la danbeyn la helo.

Baarlamaanka Galmudug oo qodobka xil ka qaadista Madaxweynaha wax ka badalay Xildhibaannada Baarlamaanka Maamulka Galmudug, oo kulan ku yeeshay magaalada Cadaado, ayaa is-beddel ku sameeyay qodob dastuuri ah, oo ku saabsan xil-ka-qaadidda madaxweynaha iyo ku xigeenkiisa.

Kulanka baarlamaanka waxaa soo xaadirey 55 xildhibaan, oo ka doodey mooshin ay soo gudbiyeen 24 xildhibaan, kuna saabsanaa la xisaabtanka xukuumadda, si la adkeeyo si loo adkeeyo la xisaabtanka xukuumadda.

Wargeyska Gobollada Dhexe, waa Wargeys bille ah, oo ka faallooda arrimaha gobollada dhexe, kana soo baxa magaalada Dhuusa Mareeb (Dahar Dheer). Wargeysku wuxuu xarun ku leeyahay qaaradda Yurub oo ay akhristayaasha ugu badan ku nool yihiin.

Madaxa Wargeyska: Bashiir M. Xersi (brdiraac@hotmail.com). Tifaftiraha: Maxamed Midnimo (w.g.dhexe@gmail.com). Nagala soo xariir ciwaanka: w.g.dhexe@gmail.com.

Dood dheer ka dib, xildhibaannadu waxay cod u qaadeen qodobkan la beddelay, oo markii hore ahaa – seddex meelood oo laba meel in xilka looga qaadi karo madaxweynaha iyo ku xigeenkiisa, waxayna xildhibaannadu ku soo koobeen cod hal-dheeri ah (50+1).

Natiijada codeynta oo uu ku dhawaaqay guddoomiyaha Baarlamaanka Galmudug, mudane Cali Gacal Casir, ayuu ku sheegay inay oggolaadeen qodobka la beddelay ee (50+1) ah, 47-xildhibaan, lix mudane ay diideen, ayna ka aamuseen laba xildhibaan oo keliya.

“Qodobkan wax laga bedelay ee xil ka qaadista madaxweynaha iyo ku xigeenkiisa, iyadoo codkii ay xildhibaannadu u qaadeen ayaa natiijadiisu noqotay, 47 xildhibaan oo oggolaaday, laba mudane oo ka aamusay iyo lix mudane oo diiday, qodobkuna waa ansax, wixii maanta ka dambeeyay,” ayuu yiri Guddoomye Casir, oo hadlay ka dib codeyntii xildhibaannada Galmudug.

Dhanka kale, Guddoomiye Casir, ayaa idaacadaha u sheegay, in xildhibaannadu ay go’aanka lahaayeen, ayna cod geliyeen, isagoo xusay, in wax walba oo xildhibaannadu ay keeneen ugu dambeyn lagu ka la baxo cod kaliya.

Qodobkan ay wax ka beddeleen xildhibaannada Galmudug, ayaa u muuqda mid cadaadis saaraya Madaxweynaha Galmudug, ku xigeenkiisa iyo Xukuumaddaba, si ay hawladooda shaqo ugu gutaan, habsami iyo hufnaan ewelba hore u jirtay.

3

Kalluumeysatada degmada Hobyo oo tababbar la siiyey Tababbar sare loogu qaadayo xirfadda aqooneed, ee kalluumeeysatada ka jillaabta xeebta dagmada Hobyo, ee gobalka Mudug, ayaa loo qabtay ilaa 40 ka tirsan kalluumeeysatada ka jillaabta xeebaha bariga gobalka Mudug.

Tababarkan oo ay soo qabanqabiyeen ururruda Sosda iyo Daryeel, ayaa waxaa ka qeybgalay masuuliyiin ka tirsan maamulka dagmada Hobyo ee gobalka Mudug, aqoonyahanno ku xeeldheer arrimaha badaha iyo masuuliyiin ka socatay ururada Sosda Iyo Daryeel, ee qabanqaabada tababbarka lahaa.

Furitaanka siminaarka waxaa ka hadlay Eng. Cumar Maxamuud Rooble (Cumar Suuri) oo ka mid ahaa masuuliyiin xubnaha ka socday ururradii barnaamijka soo agaasintay, ee Sosda iyo Daryeel, wuxuuna ka warbixiyay ajnadaha siminaarka.

“Tababarkan waxaa soo qabanqaabiyay ururrada Sosda, oo ah NGO waddaniya iyo ururka Daryeel oo ah NGO caalamiya, ujeedka laga leeyahayna, waa in sare loo qaadaa xirfadda kalluumeeysatada Soomaaliyeed, si ay uga faa’iideeystaan wax soo saarka badahooda.” ayuu yiri Cumar Maxamuud Rooble (Cumar Suuri) oo sii raaciyey “Waxaa sidoo kale lay idinkaga faa”iideeyn doonaa, sida aad u keydsan laheeydeen waxa aad ka la soo baxdaan baddiinna” Maxamed Cali Guure Maamuun madaxa horumarinta mashaariicda maamulka dagmada Hobyo, oo isna furitaanka tababbarka ka hadlay, ayaa sheegay, in ka maamul ahaan ay aad u soo dhaweeynayaan, in tababbar ceynkaan oo kale ah loo qabto kalluumeeysatada Soomaaliyeed, ee ka jillaabata xeebta dagmada Hobyo ee Gobalka Mudug.

Siminaarkan ayaa intii uu socday, waxaa casharro ku aaddan qaabkii ay u tayeyn lahaayeen wax soo saarkooda iyo sida ugu habboon ee ay u keydsan lahaayeen usoo jeediyay kaluumeeysatadii siminaarka ka qeybgashay aqoonyahanno Soomaaliyyeed oo ku taqasusay qaabka kalluumeeysiga badaha.

Ma ahan markii u horreeysay oo ay ururrada Sosda iyo Daryeel tababbaro ceynkan oo kale ah u qabtaan kalluumeeysatada ka jillaabta xeebaha bariga Gobalka Mudug ee Galmudug.

4

Cadadka 037-aad, Sanadka 4-aad

QORAALLADA WARGEYSKA

Jimco 01, abril 2016

HAMBALYO WARGEYSKA GOBOLLADA DHEXE W/Q: Cabdiraxiim H. Galayr Wargeyska Gobollada Dhexe waxaa la aas aasay, bishii Abril, 2013 ujeedkuna ahaa, sida bulshada Gobollada Dhexe u hesho wargeys ku baraarujiya habkii ay u higsan lahaayeen, hannaan, horumar bulsheed oo dhinac walba ah iyo siday uga soo kaban lahaayeen baaxadeggii socday ku dhawaad 25 sanno.

Wargeyska Gobollada Dhexe waa wargeys madax bannaan iyo farriin side tebiya; gubaabinta iyo tirtirsiinta bulshada inay iyadu is ku tashato, oo ay si wadajir ah u qabsato arrimaha la ma huraanka u ah bulshada sida: 1.Taageeridda iyo dib u soo nooleynta nabadda 2.Diidmada iyo ka hortagga cola adaha iyo dagaallada 3. Wada tashiga iyo talo wadaagga bulshada 4. Xoojinta maamul wadaagga iyo wanaagga 5.Tayeynta is ku tashiga dhinacy-

ada baahida bulshada 6. Dib u soo nooleynta adeegga bulshada sida: A.Waxbarashada B.Barashada aqriska iyo qoraalka C. Abuuridda halabuurro dhallinyaro ah D. Caafimaadka E. Shaqo abuurka F. Ganacsiga iwm Wargeysku waa mid si hagar la’aan ah, oo is kaa wax u qabso ah u taageera una soo gudbiya dhacdooyinka ku aaddan horumarka deegaankaa ballaaran, ee Gobollada Dhexe.

Ugu dambayn waxaan leeyahay dhammaan maamulka Wargeyska iyo shaqaalaha oo dhan sanad guuro wanaagsan.

Waxaan idinku bogaadinayaa hawsha xilkasnimada leh ee aad umadda Soomaaliyeed u haysaan, waxaanan idin ku la dardaarmayaa inaad labalaabtaan hawshiinna, intaas waxaan

ku darayaa tix gubaabo iyo dardaaran ah.

“Ha’dii maansadiyo Hees waan dhigoo Ka huleelayoo Ka haajirey muddaba.

Haaneed qoraal Kuwa ka la hiree Is ku hawlayoow Wallee waan hubaa Halyeeyaad tihiin Iyo La ma helaan.

Wargays higsi leho Hadba wararka wacan Harqinaaya oo Ku haboo bulshada Haqabtira ayaan Hambalyeynayaa.

Balse, la ma huree Haatanoo kaleey Higsi leedahee Markaad hanado diran Horseed aragtabaa La hilaadiyaa Hawraaro culus Hal abuur cuddoon.

Halbeegsiga runtiyo Hataq laga digiyo Gacan haadis baad Heelka u xirteen Hubsiiniyo qoraal Hal abuur cuddoon Hiil qarannimaad Heelka u xirteen Hambalyiyo salaam Idilkiin hantoo Iga hooya gebi.”

Hawl heer sare ah Shaqo hadaf lehoo Dalka horumariyo Haybadiyo qurux U hor kacaysa baad Hub u qaadateen.

Hawl wadaha guud Hanti bixiyihiyo Habeeyaha dhismaha

MACHADKA TABABBARKA UMILASADA CIYOW Machadka Tababbarka Umilasada Ciyow “Iyow Midwifery Training Institute” waa machad caafimaad, gaar ahaan, waxaa lagu bartaa xirfadda Umulisanimada. Machadku wuxuu ka furan yahay caasimadda gobolka Galguduud, ahna xarunta maamulka Galmudug.

Machadkan waxaa la furay sanadkii la soo dhaafay dhammadkiisii 12.12.2015, oo waxaa lagu billaabay tiro dhan 30 ardey, kuwaasoo ka soo qalinjebiyey dugsiyada sare, ee ku kalayallo dhammaan degmooyinka ay ka kooban yihiin seddexda gobol, ee ka la ah; Mudug Galgaduud iyo Hiiraan (MGH) Ardeydan loo tababbarayo umulisooyinka waxaa sababay ka dib markii la ogaadey, in ayasan

gobolladaan ka jirin umulisooyin xirfadeysan ama ay ku yaryihiin ayna badan tahay waxyellada ama dhimashada ay la kulmayso hooyada xilliga ay gaarto dhalmadeeda.

Ummulisooyinkan waxaa loo tababbaraa, in ay gobollodooda ka shaqeyaan marka ay dhammaystaan waxbarashadooda, taas oo siinaysa xirfad buuxada, oo ay ku ka la samata bixin karaan hooyada iyo dhallaanka, waxaa kaloo la rabaa, iney sameyaan baraarujin caafimaad, si hooyadu ay ugu dhasho isbitaal u roon caafimaadkeeda.

Tababbarkan ayaa soconaya muddo 2sana ah, kaas, oo la kafaala qaadey muddadaas ay waxbarashadu socoto, wax alle waxii qarash ku baxayo, waxaana

sii dheer in ardeyda la sinaayo cashirro ay wehliyaan tababbarro lagu geynayo cusbitaldada iyo MCHyada, si ay practical ugu qaatan cashirradii la soo baaray, taasoo iswaafajineyso dersigii ay qaaten iyo in ay wax qabad sameeyaan, fartana ka bartaan iyo isha oo ay arkaan falka oo dhacaya.

Machadku hadda wuxuu ku jiraa semistarkuu ugu horreeyey iyo ardeydii ugu horreeyey. Machadku ma ahan kii ugu horreeyey, ee laga furo gobollada kkofureed ee dalka, oo waxaa jira machadya la mida oo ka ka

la furan gobollada Baay, Jubbada Dhexe iyo Banaadir iyo kan oo ah kii afrkaad, oo laga furay Galgaduud. Machadka waxaa ka shaqeeya macallimiin u tababbaran cashirrada ay bixinayaan ardeydana ku tababbara xirfaddan badbaadinta hooyada iyo dhallaanka.

Cudurka Qandho Caseeyaha (Yellow Fever) W/Q: Xasan Kheyre Hey’adda caafimaadka adduunka (WHO) waxa ey xaqiijisay, in cudurka Qandho Caseeyaha (Yellow Fever) uu ka dillaacay waddanka Angola. In ka badan 1,132 qof ayuu ku dhacay, kuwaas oo ey ka midyihiin kuwa la xaqiijiyay iyo kuwa shaki ah. WHO waxa ey walaac ka muujisay, in cudurkani ka gudbo

soohdinta, kuna faafo caalamka, in kastoo hadda u gudbay waddammada Shiinaha, Kenya iyo Jamhuuriyadda Dimuqraadiga ah ee Congo. Soomaali badan ayaa ku nool Angola, illaa iyo hadda 17 qof oo sSoomaali ah ayaa u dhimatay cudurka, halka kuwa kale oo xanuunka qabo ey u soo safreen geeska

Afrika iyo Soomaaliya, sidaas owgeed, bulshadeyna waxaa muhim ah, in ey wax ka ogaato waxa uu yahay Cudurka Qandho Caseeyaha (Yellow Fever). Haddaba, Cudurka Caseeyaha ama afka qalaad lagu dhaho "Yellow Fever", waa xanuun uu sababo jeermiska fayraska, eyna ka la gudbiso kaneecada.

QORAALLADA WARGEYSKA

Jimco 01, abril 2016

Cadadka 037-aad, Sanadka 4-aad

5

DARUL-CULUUM PRINTING CENTER (DPC)

Waxey ku taallaa KM4, inta u dhaxeysa Hotel Sahafi International iyo Isgoyska Zobe, gaar ahaan Ex-Wasaaradii Beeraha.

Kala xariir: Tel: 0615570589/0615174039 | Email: xog-doon@hotmail.com

DAGAALKII DUSMA REEB WAAN DHIBSADAY! W/Q: Cabdiqaadir Cali | abdulkadiralieco@gmail.com Markii uu socday shirkii Cadaado (2015), ayaan is wareysannay innaga oo dhallinyaro ah, waxaan ka sheekaysannay xaaladda gobollada dhexe, mid keenna dan siyaasadeed ka ma lahayn Galmudug, magac iyo mansabdoonna ma ahayn, waxaan wax is ka weydiinnay shirka Cadaado iyo waxa ka soo bixi kara. Ninba dhan ayuu ka eegay, anigu weligeyba ma aaminsaneyn, in maamul taya lihi ka soo bixi doono halkaas -Guuleed iyo mid kale kii yimaadaba- markii la doortay Guuleed, waxaa ii muuqday caqabadaha horyaalla, oo aan u arkayay kuwo adag, qormana waanba ka qoray, caqabadda ugu horreysa uguna xooggan, ee uu maamulkiisu wajihi doono waxaan ku sheegay Ahlusunna; waa urur xoog leh, gacantana ku haya magaaladii caasimadda looga dhigay Galmudug.

Waa maamul aragti u dirir ah, hasytana taageero gudaha ah iyo ciidan abaabulan oo kala danbeeya. Ahlusunno waxay sidoo kale xiriir dhow la leedaha dowladda Itoobiya, oo saameynta ugu xooggan ku leh amniga dalka. Markii ururkaasi uusan shirka ka qeybgelin, ayaan saadaaliyay, in sida hadda xaalku yahay ama si u dhow ay wax u dhici doonaan.

Wax is faham ahi ma dhexmarin labada maamul, ugu danbeynna taasi waxay keentay gacan ka hadal dhiig ku daatay. Dagaalkii ugu danbeeyay wuxuu ahaa, kii ka dhacay Magaala madaxda Galgaduud ee Dusmo reeb, wuxuu dhexmaray ciidanka Ahlusunna (Gobollada dhexe) iyo sargaal horay ugu tirsanaa CXD, dibse ku biiray Ahlusunna.

Dagaalkaasi wuxuu ahaa, mid aan dadka galay ujeedkiisa fahansanayn, wuxuu keenay dhimasho, dhaawac, hanti burbur, qax iyo cadawtooyo. Xabbaddaasi waxay ahayd mid aan xikmad iyo caqli ka danbeyn. Waan hubaa, in ay abaabuleen dad is lahaa horuWaa xanuun la is ka tallaalo, badanaa waxaa laga helaa dhulalka kuleylaha. Dadka qaar ma dareemaan calaamadaha cudurka, balse, calaamadaha waxaa ka mid ah:- qandho siyaado ah, ka la goys xanuun, madax xanuun, lalabbo, matag, caajis iyo tabardarro. Saacado ama maalin ka dib, waxaa billaabma in indhahu casaadaan/cagaartaan ama jaallo noqdaan, sida qofka in uu cudurka cagaarshow qabo, ka dibne waxaa yimaado dhiig bax iyo in qofka uu miyir doorsoomo, ka dibna kilyaha iyo beerku ay fadhiistaan.

Ma jirto daawo loogu talagalay cudurkaan, laakiin, qofka waxaa la siiyaa faleebbo lagu fuuq celiyo iyo qandho jabiye, balse, xanuunka waxaa looga hortagaa tallaal, qof kasta oo da'diisu ka wayn tahay 9 bilood oo ku nool, u safrayo, ama ka yimid dhulka caseeyaha uu

mar siyaasadeed ku gaara, balse, taladoodii ba’day. Wiilasha dagaalka galay, ee noqday kuwo dhintay, qayb dhaawacantay iyo kuwo niyadjabay, malaha is ma weydiin waxa ay u dhimanayaan, kuwan dagaalka galiyana, ka ma fiirsan, maxay wiilashu ku dhimanayaan?!

Si weyn oo aan la qiyaasi karin ayaan uga naxay dadka rayidka ah ee lagu kor dagaallamay, ninkii qoray soo qaatay, soo tababbaray, cabsi Rabbi iyo naxriis bani Adanimo ka tegay, diidayna in uu noolaado dadkana nabadgeliyo, waa qof wixii ku dhacay ku talagalay, garaad la’aanina u geysay, mar ayuuna ka shallaayi doona, ha yeeshee, waxaan ka xumahay hooyada, carruurta, waayeelka iyo marrasta la qixiyay, weliba si kedis ah, iyaga oo guryohoodii si nabad ah ku seexday. Waa yaabe waqtigee la la xisaabtami doonaa kuwa maalin walba micno la’aanta dadka u dila, una qixiye? Dadka ma waxaad maamul ugu tahay, in aad dhibto uun? Hubka iyo hoggaanka ma waxaad u haysaa, in aad hooyoyinka barakiciso? Ma dadka nolosha la hardamaya ayaad uga sii dareeysaa? Waxaan si xoog leh u aamin sanahay, in mar uun kuwa dadka ciqaaba la amaal marin doono.

Nimanka jaga doonka ah, ee meesha ku hardamaya yeelkadoode, waxaan is weydiiyay, meeyay dadkii deegaanku? Miyan lahayn sama jeclayaal? Odayaashii mee? Culimadii ma xabbad ayay wada qaaten? Miyaysan jirin cid xishooneysa, oo dadka u nexeysa?.

Taladeyda ku aaddan Maamulka Gobollada Dhexe: • Ogaada in aan xabbad wax lagu haysan karin, isweydiiya meesha ay ku danbeeyeen kuwii dalkan is ku deyay, in ay xabbad ku maamulaan, hadda awood ma leeyihiin?

Sharaf iyo xushmad ma loo hayaa? Talo yay idin seegin, ee dadka wax la qaybsada, rabika dillaaco, waa inuu tallaal maraa.

Tallaabooyingaan ayaa muhim ah, si aad uga badbaaddid cudurka, haddii u kugu dhacayne saa’id kuu sii waxyeeleen:- Waa inuu qofka ka fogaadaa daawooyinka qaar sida "Asprin" waayo, waxa uu sii badiyaa dhiigbaxa.

- Waa inuu qofka is ka ilaaliyo, in kaneeco qaniinto si uusan xanuunka u qaadin, hadduu ku nool yahay meel halis ah.

- Haddii aad xanuunsatid, ha soo safrin, si aadan halis u galin ehelkaaga iyo qaraabadaada, - Haddii aad u safreysid waddammada khatar u ah cudurka, waa in aad qaadatid tallaalka cudurka.

taanka shacabkana u hoggaansama.

• Tamar ha is badina, oo ha kibrina; maxkamadihii ayaa taloo dhan diiday, qaybihii bulshada oo dhanna ka soo qaaday wax aan jirin, iyaguna is ka dhigay kuwa Rabbi soo diray, oo aan waxa ay go’aamiyaani racfaan lahayn.

Taladeyd ku aaddan Galmudug iyo dadka ku kacsan Ahlusunna: • Ahlusunna waa awood jirta, deegaankana soo maamulay, xilli aad adinku u arkeyseen dad waalan, oo is ku taagay kuwo aan la loodin karin, sidaas darteed, la hadla oo ha quursannina!

• Haddii aad tahay Al-itixaad (Wahaabi, Salafi), ama aad tahay Al-islaax (Damjadiid, Damqaddiim, Aala Sheekh), waxaa macquul ah, in ay Ahlusunna diin ahaan ku la qaldantahay, balse, waxaad ogaataa, in aad maamul iyo siyaasad is ku haysaan, ee aadnaan diin is ku hayn, marka ma habboona meel aysan arrintu jirin in laga doono.

Dadweynuhu waxay doonayaan, doorashiye foode Dadweynuhu waxay doonayaan, in aad daryeeshaane Dooqoodu waa nabadda iyo inay daris wadaaggiiye Dagaal ka ma kacaan iyo inaad, dib u xasuuqdaane War is daaya oo wada hadloo, dooddda ku heshiiya Haddii kale dadkaa idinku kici, Daa’in idankiise Markaas beey dagaal idinla geli, idiinna daaheyne.

Dabadeed darxumo baad wajihi, inaad dulloowdaane!

WAX BADAN AKHRI; WAX BADAN OGOW!

Nagala soco: www.facebook.com/w.g.dhexe ama ciwaankeenna Twitter-ka @GobolladaDhexe