Víkurfréttir
Nýr& betri opnunartími
Krossmóa 4a, 4. hæð, 260 Reykjanesbær Sími: 421 0000
Virka daga 9-20
Póstur: vf@vf.is Afgreiðslan er opin virka daga kl. 09-17
Helgar 10-20 Nettó reykjaNesbæ
Auglýsingasíminn er 421 0001
vf.is
F IMMTUDAGUR 2 6. NÓ VE MBE R 2 0 15 • 4 6. TÖLU BLA Ð • 36. Á RGA NGU R
Þriðjungi hærri laun í Auðlindagarðinum -Starfsemi Auðlindagarðsins á Reykjanesi vekur mikla athygli og verður m.a. kynnt á loftslagsráðstefnu í París í desember
A
SUNGU FYRIR INGIBJÖRGU XXNemendur í 3. bekk í Myllubakkaskóla sungu Aravísur af miklum krafti fyrir Ingubjörgu Þorbergs sem samdi lagið. Sjá meira á bls. 27 og einnig skemmtilegt innslag í þætti vikunnar hjá Sjónvarpi Víkurfrétta. VF-mynd/dagnyhulda
Farþegaaukningin 203% frá árinu 2010
F
arþegaaukning frá árinu 2010 til 2016 er 203%. Í júlí síðastliðnum komu 45 þúsund fleiri farþegar til Íslands en áætlanir gerðu ráð fyrir. „Þessi gríðarlega aukning hefur haft vaxtaverki með sér,“ sagði Elín Árnadóttir, aðstoðarforstjóri Isavia á morgunverðarfundi Íslandsbanka í Hljómahöllinni í gær. Elín sagði að svo hröð sé þróunin búin að vera að þegar sérfræðingar Isavia hafa reiknað út farþegaspár þurfi oftast að vinna nýja spá strax á eftir því fréttir af væntan-
legri farþegaaukningu berist stöðugt. Hún sagði í erindi sínu á fundinum að Isavia ynni mikið í því að nýta rólegri tíma í flugstöðinni. Þá hefðu flugfélögum verið boðin betri kjör og bónusar gegn því að fljúga allt árið og fjölga farþegum sem og að nýta tíma utan núverandi háannar. Elín nefndi dæmi um aukn-
inguna að nýliðinn októbermánuður hefði verið jafn stór og júní í fyrra. Gríðarleg vinna færi nú fram til að mæta farþegaaukningu með stækkun á flugstöð og fleiri aðgerðum. Næsta sumar verður flugstöðvarbyggingin um 16% stærri en hún var í byrjun árs en meðal stækkana er 3 þús. fermetra viðbygging til vesturs sem mun hýsa nýtt farangursflokkunarkerfi. Þá verður bætt við 3 flugvélastæðum. Sumarið 2016 munu 25 flugfélög fljúga til 80 áfangastaða frá Keflavíkurflugvelli.
tvinnutekjur eru að jafnaði um 30% hærri í Auðlindagarðinum á Reykjanesi en á landsvísu. Þær eru um 540 þús. kr. en meðalmánaðarlaun á landsvísu hjá 16 ára og eldri eru um 390 þús. kr. Meðaltekjur á Suðurnesjum eru aðeins hærri en landsmeðaltalið eða 406 þús. kr. Hér er tekið mið af launum fólks í störfum en ekki af tekjum vegna atvinnuleysis eða frá lífeyrissjóði. Þetta kemur fram í skýrslu GAMMA ráðgjafar en hún fjallar um efnahagsleg áhrif Auðlindagarðsins á Reykjanesi. Í Auðlindagarðinum er þyrping fyrirtækja sem byggja framleiðslu sína á samnýtingu jarðvarma frá tveimur orkuverum HS Orku en það er stærsta fyrirtækið í garðinum en litlu minni eru Bláa lónið og HS Veitur. Nærri 600 manns vinna hjá fyrirtækjum innan Auðlindagarðsins. Fyrirhuguð fjárfesting hjá þeim á næstu 2 til 5 árum nema 20 til 25 milljörðum króna í veglegum uppbyggingaráformum. Starfsemi Auðindagarðsins hefur vakið mikla athygli en hún verður m.a. kynnt á loftslagsráðstefnu í París í desember. Markmið Auðlindagarðsins er „Samfélag án sóunar“ það er að nýta beri alla þá auðlindastrauma sem streyma inn í og frá fyrirtækjum garðsins til fulls og á sem ábyrgastan hátt, samfélaginu til framþróunar og heilla. Fyrirtæki Auðlindagarðsins nýta hvert um sig með beinum hætti tvo eða fleiri auðlindastrauma frá jarðvarmaverum HS Orku og verða því af augljósum ástæðum að vera staðsett á Suðurnesjum í grennd við jarðvarmaverin. Starfsemi Auðlindagarðsins hefur byggst upp á sameiginlegum hagsmunum fyrirtækjanna, þ.e. affall eins er hráefni fyrir annan, nálægðinni og nánu þverfaglegu samstarfi. Þannig endurnýtir eitt nýjasta fyrirtækið í Auðlindagarðinum, fiskeldið Stolt Seafarm, sjó sem hefur verið notaður til kælingar á túrbínum Reykjanesvirkjunar, til
ræktunar á einum verðmætasta fiski sem framleiddur er á Íslandi. Auðlindagarðurinn er hugmynd Alberts Albertssonar, verkfræðings og fyrrverandi aðstoðarforstjóra Hitaveitu Suðurnesja og núverandi hugmyndasmiðs hjá HS Orku, en hann hefur sagt að kveikjan hafi verið þegar fólk fór að baða sig í heitum vökvanum frá orkuverinu í Svartsengi. Það varð fyrsti vísir að Bláa lóninu sem er næst stæsta fyrirtækið í garðinum en veitir um rúmlega helming starfa innan hans. Orkuverið í Svartsengi var fyrsta stóra verkefni Hitaveitu Suðurnesja sem sveitarfélögin á Suðurnesjum stóðu saman að stofnun í samvinnu við ríkið fyrir fjórum áratugum síðan.
ATH!
FÍTON / SÍA
NÝR OG BETRI einföld reiknivél á ebox.is
Í STÓRUM SKIPUM RÚMAST LÍKA SMÆRRI SENDINGAR
eBOX flytur minni sendingar frá Evrópu til Íslands. Sendingin þín kemur heim með fyrstu ferð. Auðvelt og fljótlegt.
OPNUNARTÍMI Virka daga
10:00 – 19:00
Helgar
10:00 – 18:00
auðveldar smásendingar Eimskip | Korngörðum 2 | 104 Reykjavík | Sími 525 7000 | www.ebox.is
KASKO • IÐAVÖLLUM 14 • REYKJANESBÆ