Page 85

Mga Tanong

Nagtataglay 5

Hindi Gaano 3

Hindi Sapat 1

1. Nagtataglay ng mga elemento ng tauhan, tagpuan, at banghay. 2. Isinaayos ang mga elemento nang may angkop na detalye. 3. Nagtataglay ng tiyak na panimula, katawan, at kongklusyon. 4. Gumagamit ng mga angkop na salita at mga parirala upang mapanatili ang kalinawan at maayos na pagkakasunud-sunod. 5. Gumagamit ng mga paglalarawan upang maging kaaya-aya ang pagsasalaysay.

IV. PAGTATAYA Sumulat ng isang pagsasalaysay batay sa kasunod na panayam. Sa Pilipinas Lamang Matatagpuan Nagtungo ang pangkat ng mga mag-aaral sa ikaapat na baitang na kinabibilangan nina Mary Joy at Arnold sa Kagawaran ng Turismo. Nakatakda nilang kapanayamin sa araw na ito si G. Ruel De Vera, isang tourist guide. Ang panayam ay tungkol sa masasarap na kakanin na matatagpuan dito lamang sa Pilipinas. Gagamitin ng mga mag-aaral ang mga detalye ng kanilang makukuha mula rito sa kanilang pag-uulat na kanilang gagawin sa asignaturang Hekasi.

MGA MAG-AARAL:

Magandang araw po sa inyo, G. De Vera! Magandang araw din sa inyo. Ano ba ang nais ninyong malaman tungkol sa ating bansa? MARY JOY: Anu-ano pong lugar o tanawin ang paboritong puntahan ng mga lokal at banyagang turista dito sa Pilipinas? G. DE VERA: Naku, napakaraming magagandang tourist spot dito sa ating bansa. Ilan sa mga ito ay ang Luneta at Intramuros sa Maynila; Rice Terraces sa Banawe; Mayon Volcano sa Albay; Pagsanjan Falls sa Laguna; People’s Park sa Lungsod ng Tagaytay; Boracay sa Aklan; El Nido Beach sa Palawan; at marami pang iba. ARNOLD: Tayo pong mga Pilipino ay napakahilig bumili at maguwi ng pasalubong lalo na kung tayo po ay galing sa malalayong lugar. Mayroon po bang pagkain na kilala sa bawat lalawigan? G. DE VERA: Aba, mayroon! Nariyan ang durian ng Davao; dried mango, otap, at danggit ng Cebu; mangga ng Zambales; bagoong ng Pangasinan; buko pie ng Laguna; kasuy ng Antipolo; longganisa ng Quezon; peanut brittle at strawberry jam ng Baguio; pili nuts ng Bicol; at iba pang masasarap na pagkain. MARISSA: Marami pong salamat, G. De Vera, sa karagdagang kaalaman na inyong ibinahagi sa amin. Sa atin pong pag-uusap ngayon ay para na rin po kaming nakapaglakbay sa iba’t ibang bahagi ng Pilipinas. G. DE VERA: Walang anuman. Sana naman, magkaroon tayong lahat ng pagkakataon na makita ang magagandang lugar at matikman ang masasarap na pagkain na dito lamang sa Pilipinas matatagpuan. Huwag sana tayong maging dayuhan sa sarili nating bayan. Paalam na sa inyo. G. DE VERA:

V. TAKDANG-ARALIN Gumawa ng panayam tungkol sa masasayang pagdiriwang sa bawat lalawigan ng ating bansa. Sumulat ng salaysay tungkol sa ginawang panayam. 75

Profile for Vibal Publishing House

2010-03-22-14.17.05  

2010-03-22-14.17.05.pdf

2010-03-22-14.17.05  

2010-03-22-14.17.05.pdf

Profile for vibal
Advertisement