Page 173

III. MGA MUNGKAHING ESTRATEHIYA/GAWAIN SA PAGKATUTO Gawain A — Pakikinig Lunsaran sa Pakikinig

Maunlad nga Pala! Tuwang-tuwa si Joan nang isama siya ng kanyang Lola Juanita sa Maynila. Mula sa Cagayan de Oro ay sumakay sila sa Superferry. Noon lamang siya nakasakay sa ganoong kalaking bapor. Noon din lamang siya nakalabas ng kanilang lungsod. Noon pa niya gustung-gustong makarating ng Maynila. JOAN: Salamat po, Panginoon! Nagkaroon ako ng magandang pagkakataon na makasakay sa Superferry at makarating sa Maynila. Lola, mabuti po at isinama ninyo ako sa biyaheng ito. LOLA JUANITA: Walang anuman iyon. Hindi ba’t sinabi ko sa iyo na mag-aral kang mabuti, sapagkat may premyo ako sa iyo? Ito iyon. TAGAPAGSALAYSAY: Ang bawat araw na itinigil ni Joan sa Kamaynilaan ay bagong karanasan ang nadaragdag sa kanya. JOAN: Lola, kaysarap palang sumakay rito sa MRT. Mabilis na, maginhawa pa. Ano nga pala ang ibig sabihin ng MRT, Lola? LOLA JUANITA: Ang MRT ay Metro Rail Transit. Isa lamang ito sa mga pagbabagong dala ng modernisasyon sa ating bansa. Ito ay itinatag upang malutas ang problema sa transportasyon. JOAN: Iyon po bang dinaanan nating overpass, underpass, at flyover ay tugon din sa problema sa pagbibiyahe? LOLA JUANITA: Oo, ipinagawa ang mga ito upang lumuwag ang trapiko. Hindi lamang iyan, nariyan pa rin ang North TAGAPAGSALAYSAY:

Luzon Expressway at South Luzon Expressway. Malaki ang naitulong sa mabilis na pagbibiyahe ng malapad at mahabang diversion road na ito. Gayundin ang Coastal Road, ang C-5, at iba pang kalyeng ginawa sa hangaring lumuwag ang trapiko. TAGAPAGSALAYSAY: Nang sumunod na araw ay pumunta si Joan at Lola Juanita sa Ninoy Aquino International Airport (NAIA). Sinalubong nila ang kapatid ni Lola Juanita na nanggaling sa Canada. Pinasalubungan siya ng cellphone na may kamera. Sa pamamagitan ng cellphone, kinausap niya ang kanyang Ate Gina na nasa Cagayan de Oro. JOAN: Alam mo, Ate, nagtataasan pala ang mga gusali rito at marami palang shopping malls. Ang lahat ng ito’y palatandaan ng isang bansang mabilis na umuunlad. Narating ko na rin ang Cultural Center of the Philippines, Folk Arts Theater, at ang Philippine International Convention Center. Dinala rin ako ni Lola sa Rizal Park, Fort Santiago, Nayong Pilipino, at Manila Zoo. Ang marami sa mga ito ay nakunan ko ng larawan sa aking bagong kamera. Marami rin akong ikukwento sa mga kababata ko sa Cagayan de Oro sa pag-uwi ko riyan. TAGAPAGSALAYSAY: Marami pang pook-pasyalan ang pinuntahan nina Lola Juanita at Joan.

A. Bago Makinig * Paggamit ng Dating Kaalaman * Pagkakaroon ng Pahulaan Pagtatanong kung ano ang ulong-lungsod ng sangkapilipinuhan. Ito ay galing sa dalawang salitang “maynilad” na ang kahulugan ay mga halamang tumutubo sa tabing-dagat. Sagot: Maynila 163

Profile for Vibal Publishing House

2010-03-22-14.17.05  

2010-03-22-14.17.05.pdf

2010-03-22-14.17.05  

2010-03-22-14.17.05.pdf

Profile for vibal
Advertisement