Page 114

Ang isa sa mahalagang nagawa ni Quezon nang mahalal siyang Pangulo ng Commonwealth ng Pilipinas noong 1935 ay ang pagtatakda ng kauna-unahang All-Filipino Supreme Court of the Philippines. Si Quezon ay kinilala bilang magaling magsalita at magtalumpati sa Español at sa Ingles. Gayunman, itinatag niya ang Surian ng Wikang Pambansa (Komisyon sa Wikang Filipino na ngayon) noong 1937 upang magsagawa ng hakbang sa pagkakaroon ng wikang pambansa. Sa mga nakalipas na taon, ang Buwan ng Wika ay buong buwan ng Agosto. Tampok sa Buwan ng Wika ang mga timpalak-bigkasan ng tula, balagtasan, at paligsahan sa pagsulat at talumpati. Noong ika-15 ng Enero 1997, idineklara ni Pang. Fidel V. Ramos, sa bisa ng Proklamasyon 1041 ng Pangulo ng Pilipinas, itinakda ang Agosto 1 hanggang Agosto 31 taun-taon bilang Buwan ng Wika. Si Manuel Luis Quezon ay ipinanganak sa Baler, Tayabas (ngayon ay Aurora). Iba’t ibang mahahalagang tungkulin sa bayan ang kanyang hinawakan at kinilala siyang pangunahing lider ng bansa noon. Halaw: http://en.wikipilipinas.org/index. php?title=Manuel_L._Quezon

V. TAKDANG-ARALIN Magsaliksik ng talambuhay ni Manuel Luis Quezon. Itala ang mahahalagang pangyayari ayon sa pagkakasunud-sunod nito sa talambuhay. Humanda sa pag-uulat sa klase. Gawain D – Pagsulat A. Bago Sumulat 1. Paghahanda * Paggamit ng Dating Kaalaman 104

Iugnay ang karanasan ng mga mag-aaral sa pagkakaroon ng usapan. Itanong kung ano ang ginagawa ng mga taong nag-uusap. Ipapili sa mga mag-aaral. (Ilahad sa pisara.) 1. Nagsisipagsalita ang mga tauhan sa usapan. 2. May nagtatanong. 3. May nagsasalaysay. 4. May nag-uutos. 5. May nagpapahayag ng kani-kanilang damdamin at opinyon. 2. Paglalahad * Paggamit ng Modelong Usapan Isulat sa pisara ang modelong usapan tungkol sa gaganaping educational trip ng klase. Ipakilala ang bantas na panipi (“ ”) at ang kuwit (,). Ipaliwanag na ginagamit ang panipi at kuwit sa tuwirang sinasabi ng tauhan sa isang bahagi ng usapan. Halimbawa: “Kailan po ang ating educational trip?” tanong ni Piolo. Masaya namang nagsalita ang isang mag-aaral. “Gustung-gusto ko pong sumama sa educational trip. Marami pong bago at magagandang lugar ang napupuntahan at nakikita,” sabi ni Nenet. Pagsusuri ng Modelong Usapan. Itanong: 1. Ilang bata ang nagsalita? 2. Ano ang sinabi ni Piolo? Anong bantas ang ginamit sa tuwirang sinabi ni Piolo? 3. Ulitin ang sinabi ni Nenet. Anong bantas ang ginamit sa tuwirang sinabi ni Nenet?

Profile for Vibal Publishing House

2010-03-22-14.17.05  

2010-03-22-14.17.05.pdf

2010-03-22-14.17.05  

2010-03-22-14.17.05.pdf

Profile for vibal