Page 101

Sinubok ni Romy Garduce na akyatin ang tuktok ng Mt. Everest noong Mayo 19, 2006. Dahil sa sama ng panahon, pinigilan si Romy Garduce ng tagagabay na Sherpa. Ang Sherpa ay isang pangkat etnikong nagmula sa pinakamabundok na rehiyon ng Nepal, na nasa taas ng Himalaya. Nasa Camp 4 na si Romy Garduce noon na may 26,300 talampakan ang taas nang biglang umulan. Sa pag-akyat ni Romy Garduce na sinuportahan ng GMA Network, ay kasabay naman niya sa ekspedisyong ito ang koponan ni Leo Oracion, ang First Philippine Mount Everest Expedition (FPMEE). Suportado ang huli ng ABSCBN Network. May kanya-kanyang balakid sa pag-akyat ang mga mountaineer na ito subalit determinado pare-pareho na makarating sa pinakamataas na bundok sa mundo. Naunang makarating sa summit ng Mt. Everest si Leo Oracion sa ganap na 3:30 ng hapon (Nepal time) o 5:30 ng hapon (Philippine time). Kinabukasan, sumunod naman kay Leo Oracion ang teammate niyang si Pastor Emata sa ganap na 5:34 ng umaga (Nepal time) o 7:34 ng umaga sa Pilipinas. Samantalang pumangatlo si Romy Garduce sa nakaakyat sa tuktok ng Mt. Everest. Dahil narating ni Romy Garduce ang tuktok ng Mt. Everest sa ganap na 11:15 ng tanghali (Nepal time) o 1:15 ng hapon sa Pilipinas. Lumikha at naitala sa kasaysayan natin ang tagumpay ng mountaineers na sina Leo Oracion, Pastor Emata, at Romy Garduce. Dahil dito, ipinahatid naman ni Sir Edmund Percival Hillary ang kanyang pagbati sa tatlong Pilipino sa kanilang determinasyon. Nagbigay-galang din siya sa koponan ng ekspidisyon. Si Sir Edmund Percival Hillary ay taga-Auckland, New Zealand, na kauna-unahang tao na nakarating sa tuktok ng Mt. Everest noong Mayo 29, 1953 sa ganap na 11:33 ng umaga. Halaw: http://tl.wikipedia.org/wiki/Romi_Garduce http://tl.wikipedia.org/wiki/Sherpa

A. Bago Bumasa • Panimulang Gawain * Paggamit ng Dating Kaalaman Pagpaparinig ng awiting “Ako ay Pilipino” habang nakalahad sa tsart ang sipi ng awit. Itanong: “Anu-anong katangian mayroon ang mga Pilipino?” •

Pangganyak na Tanong/Paglalahad ng Layunin sa Pagbasa Sinu-sino ang tatlong mountaineers na naitala sa ating kasaysayan? *

Paggamit ng Ugnayang Tanong at Sagot May mga tanong kayong sasagutin batay sa babasahing teksto na napapangkat sa tatlong kategorya. Una ang mga tanong na NANDYAN NA o NAKIKITA kung saan ang mga sagot ay tuwirang nakalahad sa teksto. Ang pangalawang kategorya ay tanong na tatawaging PAG-ISIPAN o HANAPIN. Ang pangatlong tanong ay wala sa teksto ang sagot kundi nasa isipan ng bumabasa. Ito ay tatawaging BAHALA o SARILING SIKAP.

Pagpapalawak ng Talasalitaan Ibigay ang malalim na kahulugan na ipinahihiwatig ng bawat salita. Gamitin ito sa makabuluhang pangungusap. Sundin ang halimbawa: determinasyon — minimithi at pinagsusumikapan Dahil na rin sa determinasyon na makarating sa tuktok ng bundok ay hindi naging hadlang ang panganib. a. masungit ang panahon b. tuktok ng bundok

c. nahuli

91

Profile for Vibal Publishing House

2010-03-22-14.17.05  

2010-03-22-14.17.05.pdf

2010-03-22-14.17.05  

2010-03-22-14.17.05.pdf

Profile for vibal
Advertisement