Fru Jürs vertellt
Sößunfofftig Apps von Birgitt Jürs Wenn junge Deerns in dat gewisse Öller kaamt, mütt Vadder un Modder mit een ganz bestimmte Fraag reeken: „Woans hest du eer (oder em) kennenleernt – un worüm hett he (oder se) di so gefullen?“ Düsse Fraag is woll all so old as de Welt.
„Tja“,ward in’t Johr 1950 een Vadder antern, „se weer de Königin bi dat Vagelscheeten un eer blonde Locken hebbt bi elk een Schridd so een lütten Wuppdich maakt, as se in den Vagelscheeter-Ümtog vör mi her gung.“ - De Modder ward denn woll seggen, dat eer Mann as Jungkirl een düchtigen Turner west is. Op’n Danzböön hett he gau mol een Salto maakt, as he eer to’n Danzen haalt hett. Dor hett se ja gor nich anners kunnt, as sick in em to verleeven.
Feriensommerwoche für Frauen 5.-12. Juni 2013 Unter dem Motto „Eine Erde, eine Kraft, eine Liebe – Balance der Energien für den Frieden“ laden wir ein Visionen für ein friedvolleres Miteinander auf Mutter Erde zu manifestieren. Leitung: Sängerin Monika-Maria Wunram, Kunsttherapeutin Marianne Kleine-Wilke und Heilpraktikerin Christine Schomacker
Das Seminar findet in der Natuheilpraxis von Christine Schomacker auf dem Hof Köster in Kankelau statt. Infos: Ch. Schomacker Tel. 0 41 56 - 81 86 26, c.schomacker@web.de www.Naturheilpraxis-Schomacker.de
Een Generatschon laater ward de Vadder vertellen, dat em glieks bi de erste „Demo“ an de Kieler Uni düsse Deern mit dat knallrode Stirnband opfullen is. Se hebbt denn tosaamen op de Stufen vun dat Landeshuus seeten un sünd sick bi dat stünnenlange Diskuteeren jümmer neeger kaamen, - weer ja kold Anfang Oktober. De Modder ward lachen bi de Vörstellung, dat ut den Jungkirl mit de längsten Hoor, de West ut Fell un de löckerigste Jeansbüx nu een respektablen Avkaaten worrn is, op den sick all hunnertperzentig verlaaten künnt. Man Tieden ännert sick. Wat ward de jungen Lüüd, de hüüt in dat Öller sünd, sick to verleeven, mol eer eegen Kinner vertellen? Villicht seggt de Vadder to sien Dochter: „Dreemol hett se den Computer afstürzen laaten bit ick markt heff, dat se dat extra maakt, dormit ick eer besöök un den PC wedder inricht. Heel verdröömt hett se denn op eern Handklönkassen keeken un de Fründin een SMS schickt: < Bün wedder online – Olli is een Schatz!>“ Un wenn de Dochter sick na eer Modder ümkiekt, ward se villicht schüddköppen: „Erst wull ick vun dien Vadder gor nix weeten. Ick heff dacht, he is een Löögenkirl. He hett dormit angeeven, dat he tweeunsößtig Apps op sien Smartphone hett. Dorbi weern dat blots sößunfofftig. Man wi sünd denn tosaamen all de Apps nochmol dörchgahn un seeten dorbi so eng tosamen op dat Sofa – vun wegen de Sicht op dat lütte Display – dat ick dat Tellen ganz vergeeten heff. Ach, dat is eenfach to un to schön, mit em Rüüg an Rüüg op de Bank in den Park to sitten. Jeder hett sien eegen Computertelefon vör de Nees un kann simsen oder sick pausenlos Infos ut dat Internet trecken.“ Mol aftööven, wat de Kinner vun Morgen dorto seggt? Villicht verfehrt wi uns üm de Tieden ja ok all bi den Klang vun de minschliche Stimm, wiel wi sowat all lang nich mehr hört hebbt.
40 l e b e n s a r t 05|2013
LA_0513_HHB_40.indd 40
25.04.13 18:45