Page 1


DIABIERNA 22 NOVEMBER , 2013

WWW.ARUBAWE.COM

1,50 DIABIERNA 22 NOVEMBER , 2013

Florin

ABONA RIBA

30 fl pa luna Pensionado: 25 fl Tel: 5881500 DE LA SALLESTRAAT 41 A TEL: 5881500 FAX 5824937

arubawe2012@gmail.com

Recordando JFK su morto Awe Merca y mundo henter ta recorda y conmemora cu 50 a単a pasa, Presidente John F. Kennedy (JFK) a ser asina na Dallas. JFK tabata e di 35 presidente di Cas Blanco, y e tabata e presidente mas hoben cu Merca a yega di produci. E personahe di JFK yen di simpatia, carisma, y inteligencia ta uno inolvidabel. Segun investigacion oficial, el a ser asesina pa Lee Harvey Oswald, kende taba-

ta un hoben di apenas 24 a単a, kende tambe a ser mata. Sinembargo e investigacion cu a ser realisa rond di e crimen di e mandatario Mericano ainda ta ser cuestiona. JFK a laga su stempel den historia di humanidad. El a inicia e carera espacial pa percura di pone e prome ser humano riba Luna, y el a evita un guera nuclear cu Union Sovietico den cuadro di loke a ser yama Guera Friu.


DIABIERNA 22 NOVEMBER , 2013

2

SEÑOR TA BISA: “PAZ PA BO, PA BO FAMIA Y PAZ PA TUR LOKE BO TIN ROND DI BO”, 1SAMUEL 25:6

No ta cuestion di kier tuma so

Ritz Carlton ta cla pa enrikese comunidad di Aruba

Ritz Carlton ta un hotel berde. Por lo menos, mas tanto cu esey ta posibel. Tanto Chief Operating Officer Hervé Humler como General Manager, Roberto Grisi a bisa cu a incorpora tur locual tabata posibel pa hisa eficiencia di e edificio, cu ta inclui energia y reuzo di awa. Den e parkeerplaats por ehempel, tur luz ta traha cu energia di solo, mientras cu tin sistemanan instala pa saca e humedad for di aire den e cambernan cu ta permiti e airconditioning traha mas eficiente. Pero los di e edificio y un operacion cu mester ta mas eficiente y berde, Ritz Carlton ta comprometi pa duna un man na e movecion ambiental na Aruba. Y un di e pasonan, ta e sosten na Tortugaruba cu programanan educativo desaroya conhuntamente cu Dr. Richard Murphy di e Institucion Cousteau y Dr. Ryan Peterson entre otro. Community Footprints Vice Presidente di e programa ambiental di Ritz Carlton Sue Stephenson a pasa algun aña den comunicacion cu e pareha van der Wal di Tortugaruba, cu Dr. Peterson y tambe Direccion di Enseñansa pa traha riba e curiculo ambiental pa

muchanan di scol basico. “ E programa ta basa riba e principionan di envolvi, contribui y inspira,” Stephenson a splica, agregando cu esaki ta parti di e compromiso di e cadena hotelero cu comunidad global. “Community Footprints ta desaroya pa haci un diferencia impactante den comunidadnan unda Ritz Carlton tin propiedad.” E programa a keda institui na 2002, y ta dirigi na tres aspecto global crucial, cu ta bienestar di mucha, ayudo contra hamber y pobresa y responsabilidad ambienta. Ritz Carlton ta integra Community Footprints den su obhetivonan comercial y a pon’e como un parti crucial di henter e maneho empresarial. Banda di e maneho riba servicio, e programa comunitario Community Footprints ta considera un di e factornan principal di exito di Ritz Carlton. “Ami ta traha cu Gobierno y comunidad local pa presenta diferente programa. Un di e programanan cu ta brinda Aruba a keda diseña cu ayudo di e Organisacion di Jean Michel Custeau cu ta habri pa tur mucha den scol basico na Aruba.” E personal di Ritz Carlton tambe ta encurasha pa sigui e programa aki. “E ta bay ta parti di

e curiculo di scolnan basico di Aruba, y e ta realmente spectacular danki na e imagennan cu tanto Tortugaruba, Aruba Birdlife Conservation y e organisacion Cousteau a duna nos, pa enfatisa e balor di e rifnan di Aruba, di awa y energia y e intencion di Gobierno pa Aruba ta 100 porshento duradero,” Stephenson a bisa, enfatisando cu tur ta dirigi riba e biodiversidad unico di Aruba. Green Aruba E aspecto ambiental, natural di e programa educativo ta forma parti di uno mas amplio cu ta conecta na e meta di Green Aruba cu ta bienestar di hobennan. Cu esaki a desaroya paketenan educativo pa yuda muchanan compronde e balor di come saludabel y sigur, haya abilidadnan social pa ta exitoso den futuro. Esnan cu ta bay brinda e lesnan aki na e alumnonan na Aruba ta entre otro e propio trahadonan di Ritz Carlton, y e material ta obtenibel riba e website di Green Aruba. “Nos contribucion na comunidad di Aruba ta pa yuda e hubentud, cu ta nos futuro empleadonan. Y si berdad e vision di Prome Minister Eman ta Aruba como un ‘Green Gateway,’ anto e ta cuadra cu nos imagen, nos marca tambe. Nos mester

comparti e rikesa cu comunidad, pa nos por yuda. Esey ta djis dos di e programanan cu nos ta desaroyando tambe cu Parke Nacional Arikok.” Parke Nacional Arikok No ta por nada cu ya ta algun dianan cu empleadonan di Ritz Carlton a pasa dianan ta explora Parke Nacional Arikok bou guia di Director Diego Marquez, Presidente di Aruba Birdlife Conservation Greg Peterson y e pareha Richard y Edith van der Wal di Tortugaruba pa nan mes siña mas. Lo fungi tambe como anfitrion pa un cumbre na Aruba riba tortuganan, unda lo trece expertonan di afo pa yuda tur e propiedadnan hotelero na Aruba y hubentud compronde e importancia di crea espacio pa proteccion di tortuganan. Mas ainda, lo tene un session di combersacion via Skype cu nieto di e legendario Jacques Cousteau, esta Fabian Cousteau kende kier kibra e record di su welo pa keda mas largo bou superficie di lama. Y Parke Nacional Arikok lo ta un di e luganan pa gruponan di Ritz Carlton,” Stephenson a bisa. Ritz Carlton tin un programa pa su huespednan cu ta stimula nan duna bek na e comunidad cu nan ta bishita. Y Parke Nacional Arikok lo

cay den e programa aki, unda lo educa e bishitantenan riba e rikesa di Aruba. “Nos a ripara durante nos caminata den Parke Nacional Arikok, cu e sali di solo ta simplemente spectacular. E ta un di e poco luganan rond mundo unda e salida di solo ta asina bunita.” Y e forma con e huesped di Ritz Carlton lo contribui ta pa yuda tene e bocanan limpi di sushedad cu lama ta trece pa asina e tortuganan por pone nan neishi sin preocupacion. “E ta un storia bunita. E ta un experiencia increibel pa un famia, un grupo y esnan cu ta den un biahe incentivo. Y mas ainda, e ta un forma unico pa laga e huesped integra den comunidad.” Pues, segun Sue Stephenson, ta e combinacion di Aruba como destinacion, e servicio impeccable cu e dama y cabayeronan, trahadonan di Ritz Carlton lo duna y e programanan di integracion tanto pa e cadena mes como pa e huesped lo haci cu presencia di e hotel aki na Aruba ta beneficioso pa tur. Y ta pa e motibo aki tambe cu ehecutivonan di Ritz Carlton ta convenci cu medio ambientalistanan no mester tin miedo cu Ritz Carlton unicamente lo pone un peso riba Aruba. Al contrario, e Chief Operation Officer, co fundado di Ritz Carlton Hervé Humler ta sigura cu e turistanan cu keda den e hotel, lo bira e miho embahadonan di Aruba den exterior y lo duna un contribucion substancial na bienestar di e isla.


DIABIERNA 22 NOVEMBER , 2013

23

Christmas Town Expo ta habri proximo siman solamente pa tres dia , Christmas Town Expo lo habri su porta pa publico for di 1’or di merdia pa 9’or di anochi. Ambos dia lo ta yena di presentacion y promocion di parti di nos participantenan. Entrada pa diasabra y diadomingo lo ta solamente AWG 7,50 pa persona pa dia, cu oportunidad di gana AWG. 1.000,- na gift certificates.

Multi Media International ta organisa Christmas Town Expo, e aña aki riba dianan 29, 30 di November y 1 di December den Renaissance Convention Center. Unda Aruba completo lo ricibi e oportunidad pa asina por admira y saborea e yegada di Pasco. Esaki ta E expo unda bo por haña mayoría di lo cual bo ta desea pa temporada di pasco y fin di aña bou di un solo dak. Diabierna 29 di November ta

habri Christmas Town Expo cu un fabuloso Red Carpet Event, entrada pa e anochi aki ta 100 Florin pa 2 persona cual ta inclui 2 welcome drinks, cu e oportunidad di gana un iPad Mini. Entre 5’or di atardi pa 10’or di anochi bo lo tin e privilegio di ta entre e prome nan pa wak tur loke e participantenan di Christmas Town EXPO tin pa ofrece durante e weekend aki. Diasabra 30 di November y Diadomingo 1 di December

Companianan lo expone nan servicio y productonan di decoracion, articulo pa cas, accesorio, bisti pa homber y muher, ideanan pa regalo y hopi mas. Union, paz, compartimento y sin lubida e parti spirtitual, ta locual e organisadornan kier ilustra durante e Expo aki pa asina por sigui cu e ambiente di Pasco cu ta serca. Un weekend unda Renaissance Convention Center lo keda domina pa e colornan den decoracion, moda, musica y ambiente pa dunabo e sabor di drenta den e mundo magico di Pasco.

Ta pidi tur persona pa tene cuenta cu no ta permiti pa trece stroller, bebida, cuminda of mascota den Renaissance Convention Center, tampoco ta permiti pa huma paden durante e weekend di Christmas Town Expo, tur esaki pa motibo di seguridad. Multi Media International ta invita bo persona pa bishita www.facebook.com/ ChristmasTownExpo, Like y/o comparti bo opinion. Esaki ta duna bo e oportunidad pa gana un VIP Red Carpet Ticket

pa dos persona. Ganadornan lo wordo anuncia via nos pagina di facebook. Tambe bo por registra riba nos website www.expoaruba.com of riba Facebook www.facebook. com/ChristmasTownExpo pa asina ricibi bo entrada pa dia 29 di November y 1 di December pa solamente Afl. 5,-. Print of bin cu e carta di confirmashon riba bo Smartphone na e ticket booth y bo lo ricibi bo ticket na un Afl. 5,-. Carchinan ta obtenibel na Multi Media International situa na Ponton 44-B, Tel: 583-9039.

Talk of the Town a cera acuerdo cu Pension Fund Tourism Sector Aruba

Pension Fund Tourism Sector Aruba (PFTSA) ta contento cu awor nan tin Talk of The Town como miembro nobo pa cu nan fondo di pensioen. Tur empleado di Talk of the Town awor bo sigur cu nan pensioen ta bon regla. Manera ta conoci, e ta un rekisito pa ley cu pa januari 2014 tur compania mester por mustra cu nan ta afilia na un fondo di pensioen. Si esaki no ta e caso e compania tin

e posibilidad di haya un boet monetario. PFTSA ta existi desde 1992 bou di e iniciativa di AHATA y FTA caminda cu ambos tawata tin e mesun vision caminda cu ambos a wak e necesidad pa crea un plan di pensioen pa tur cu ta traha den sector di turismo. E plan di pensioen aki ta hasi cu esnan afilia na PFTSA lo ricibi un entrada di pensioen adicional ariba esun

general cu ta wordo duna pa gobierno di Aruba. PFTSA ta gradici Talk of the Town pa nan confiansa.Pa tur compania den sector turistico cu no tin nan plan di pensioen ainda, of tin pero ta desea di cambia, por tuma contacto libremente cu PFTSA na 5824499. Ariba e potretnan por mira Sr. Francisco Yanes di Talk of the Town como tambe Sra. Sanaa Baroud di PFTSA.


DIABIERNA 22 NOVEMBER , 2013

24

Bill Marriott ta corta cinta y introduci cambernan nobo na Renaissance Aruba

Sr. J.W. “Bill Marriott, Executive Chairman y Chairman of the Board di Marriott International; Ron Harrison, Global Officer di Marriott’s Architecture y Construction Division; Kathleen Matthews, Executive Vice President y Chief Communications & Public Affairs Officer na Marriott International a bishita Renaissance Aruba Resort & Casino diahuebs merdia. Sr. J.W. “Bill Marriott, Executive Chairman y Chairman of the Board di Marriott International

a oficialisa e ceremonia inaugural y corta sinta pa e cambernan nobo y rediseña na Renaissance Aruba Resort & Casino. Ehecutivonan di e hotel y VIPs cu tabata di bishita a presencia e acto ceremonial hunto cu Gerente General Sr. Paul Gielen y Chief Financial Officer, Sr. Rik Timmer. E trayecto di renobacion a enfoca principalmente riba invoca un sentimento netamente di Aruba, poniendo e ubicacion di e resort riba nos isla como

centro di inspiracion. Tur e 297 cambernan na Renaissance Marina Hotel awor ta den ambiente contemporaneo residencial. Huespednan lo aprecia structuranan di palo luhoso, silver, off white y algun detaye

di aqua pa balansa y refleha e colornan natural di Aruba su awanan cristal y santo blanco. Mas di $35,000 a keda inverti den cada camber como parti di e renobacion. Adicional na e cambernan, e Marina Ho-

tel pool deck y Blue Bar, L.G. Smith’s Steak & Chophouse, Papagayo Restaurant riba Renaissance Aruba’s su private island y Renaissance Island tambe a pasa dor di renobacion significante.


DIABIERNA 22 NOVEMBER , 2013

3

Presidente Ehecutivo di Avior Airlines

“Nos ta sinti nos mes parti di e isla aki” Nan a inaugura vuelo for di Maracaibo Ayera mainta e avion di e compania Avior Airlines di Venezuela a realisa su biahe inaugural na Aruba for di Maracaibo. Un ambiente di hubilo a ser crea den sala di VIP di nos airport internacional Reina Beatrix, cu a conta cu presencia di ehecutivo di Triple A, ATA, autoridadnan di Aeronautica Civil, y representantenan di e compania aereo. Sr. Erwin Genie kende ta Presidente Ehecutivo di e aerolin-

ea a gradici prome na Dios pa finalmente e vuelo aki por a bira un realidad. El a bisa cu nos solamente e compania aki ta inaugurando su vuelo for di Maracaibo pa Aruba, sino cu nan ta inaugurando e vuelo special for di Maiquetia. “Nos ta hopi feliz y contento prome pa e bonbini cu bosonan a duna nos... Nos ta sinti nos mes parti di e isla aki”, sr. Genie a bisa.

Periodista Argentino deteni na Bushiribana

E periodista di Argentina, Camilo Garcia di e CN23, a bin Aruba specialmente pa cubri bishita di Rey Willem Alexander y Reina Maxima e siman aki pero su persistencia pa haya un entrevista exclusivo cu e Reina, a conduci na su detencion durante di e espectaculo na Bushiribana diaranson anochi. Ya caba den oranan di mainta, Garcia a trata di haya un declaracion di Reina Maxima ora cu e pareha Real a yega e actividad dilanti di oficina di Gobierno pero aki e propio Rey Willem Alexander a pusha Camilo bek pa su sitio canto di caminda y aki personal di siguridad special a bay atende nan mes cu e periodista. Pa algun momento a busca su informacion personal y otro asunto mas prome cu a permiti’e bay liber pero e situacion aki no a stroba Camilo Garcia di bolbe purba den oranan di anochi na e show na Bushiribana. Aki un biaha mas Camilo, kende ya personal di siguridad tabatin wowo riba dje, a traha di yega demasiado cerca di Reina Maxima y e biaha aki e no a logra ya cu personal di siguridad a actua mesora y a bay over na su detencion. El a ser transporta den un auto special pa centro di Husticia di Santa Cruz caminda el a ser someti na un interogacion di algun ora prome cu a permiti su persona bay liber atrobe. Sinembargo el a bay liber ora cu ya e show di Bushiribana a finalisa y e pareha Real ya a bay for di e luga. Camilo Garcia, mirando e reaccionnan cu tin riba e noticia na Argentina, no ta un figura mucho popular debi na su trabou mes na Argentina, caminda entre otro mayoria a sugeri pa e keda deteni y encarcela.

El a agrega cu no solamente Avior Airline ta desea di trece turista Venezolano pa Aruba, sino cu nan kier cu e turista di Aruba ta bishita Venezuela tambe. Di otro banda, Presidente comercial di e compania aereo, Sr. Alejandro Lombardi, a bisa cu Avior Airlines ta kere den destinonan manera Aruba. Nan ta consciente cu nos isla ta un mercado principal pa e turismo for di Maracaibo. Nan lo cuminsa bula dos biaha pa siman riba diahuebs y diadomingo. Nan ta spera cu nan por conta cu e apoyo di ATA pa asina percura un demanda grandi di pasaheronan for di Venezuela pa Aruba. El a laga sa cu e posibilidad di transporta mas pasaheronan for di otro destinacion di Venezuela ta grandi,

ya sea for di Puerto Ordaz, Valencia, Barcelona, y Maracaibo. Sr. Lombardi a bisa cu actualmente Avior Airlines ta trahando pa amplia nan flota di avion pa asina evalua e posibilidad di bin cu vuelonan directo for di Valencia, y eventualmente for di Puerto Ordaz cu actualmente nan no ta operando for di e localidad aki. El a destaca cu actualmente na Venezuela ta existi un

necesidad di asiento pa bin Aruba. “Awendia nos ta parti di e inventario aki cu nos kier pone riba mercado”, el a bisa. Nan a bin cu e ruta nobo aki ya cu Avior Airlines su intencion ta pa aumenta nan itinerarionan. “Unico cos cu nos ta spera ta e apoyo cu semper nos ta ricibi di parti di nos hendenan di turismo na Venezuela, y busca forma pa promove mas e destino aki”, sr. Lombardi a bisa.


DIABIERNA 22 NOVEMBER , 2013

Directora di ATA-Venezuela, sra. Miriam Dabian

Mercado di turista for di Venezuela a crece na 2013 2014 lo bira un desafio grandi pa ATA Directora di ATA-Venezuela, sra. Miriam Dabian, a destaca e hecho cu otro compania aereo a cuminsa opera for di Venezuela cu ta dos di dos mercado turistico mas importante pa Aruba, y e prome di Latino America. Den cuadro di Avior Airlines su vuelo inaugural for di Maracaibo pa Aruba, sra. Dabian a bisa cu pa Aruba ta un placer di tene e compania aereo aki cu un vuelo adicional for di Maracaibo. El a agrega cu Maracaibo ta nos di dos ciudad mas importante for di Venezuela. E ehecutivo di ATA a indica cu Venezuela ta un pais bisiña cu nos tin un relacion masha estrecho. Tambe el a bisa cu e aña aki e mercado di Venezuela a registra un crecemento compara cu aña pasa. For di dia 14 di e luna aki, nos a bay over riba e cifra di turistanan di Venezuela cu a bin bishita Aruba na 2012. ATA tabata spera un crecemento di 20%, y actualmente nan a haya un crecemento mas grandi di 24%. Considerando cu a bin mas vuelo acerca, kiermen mas stoel, nan ta supone cu pa 2014 lo bira un desafio grandi pa ATA surpasa e cifra aki Directora di ATA-Venezuela, sra. Miriam Dabian a declara cu e Venezolanonan a descubri cu no solamente nan tin e opcion di bay keda den hotel, sino cu nan a descubri con pa keda na Aruba den hotelnan mas chikito ya sea den apartamento of den cas tambe.”Ora cu e hotelnan ta yen, nos tin otro opcionnan pa nan lo por keda na Aruba”, segun directora di ATA-Venezuela.

7


Diabierna November 22 2013

Pagina 10

Según sr. Guillfred Besaril, Parlamentario di MEP:

“Husto lo paga pa pecador!”

Durante tratamento di e ley di belasting special (milieu heffing) riba vehiculonan di huur, Parlamentario sr. Besaril a usa e expresion “Husto lo paga pa Pecador”. Riba e pregunta dicon expresion aki, sr. Besaril a duna e siguiente contesta: “E motibo di mi expresion ta simpel. Durante full e tratamento di e ley aki, a keda insisti cu e motibo principal pa impone e belasting aki riba e industria di Carrentals ta entre otro pa motibo di e daño cu e chauffernan di V-wagens etc. ta ocasiona na nos medio ambiente. Den un parti di mi disertación mi a trece padilanti cu no ta tur turista cu bai huur un auto, jeep of quad lo bay

core cu e vehiculo riba nos playanan (Offroad). No ta tur turista lo bay pasa cu e vehiculo riba neishi di bestianan protegi pa nos leynan. Manera por ehempel nos simbolo nacional e Shoco. Esnan cu comete e actonan aki, mester wordo castiga conforme nos leynan. Y pesey mi a cuestiona dicon ta pone un pleister na unda e dolor ta cu un heffing y no ta trata e dolor manera mester ta, pues aumenta e boetnan pa esnan cu ta irresponsabel cu nos medio ambiente! Na final mi a bin comprende dicon no por a trata e dolor manera cu mester tabata. Pasobra na final no tabata trata e bienestar di nos medio ambiente. Na final ta placa gobierno di AVP mester pa cu su gastonan descabeya! E no tabata nada otro cu un AHUSTACION mas scondi tras di un causa bunita: “Proteccion di nos Medio Ambiente”. Manera menciona den un otro entrevista, en bista di e importancia di medio ambiente pa Partido MEP y teniendo na cuenta e palabracionnan den e Dialogo Social 2010 -2012, fraccion di

MEP den parlamento a entrega un amienda pa asina aki bin cu un fondo destina pa medio ambiente. Na momento cu no solamente e auto turista V-wagen pero tambe ora cu nos mes cu ta biba aki mester

causa daño na medio ambiente, por tin placa disponibel pa remedia e daño y evita cu esaki bolbe sosode. Esey mester tabata e intencion pero lamentablemente nos amienda no a carga cu e sosten di

Staten. Fraccion di MEP den parlamento lo no contribui cu niun MEDIDA contra Pueblo pasobra Aruba merece mihor!” tabata palabranan final di parlamentario di MEP, sr. Guillfred Besaril.


Diabierna November 22 2013

Pagina 14

Topcar un biaha mas ta haci entrega di auto #1,000 bendi pa aña 2013 E Team di Topcar ta manda gradici henter pueblo di Aruba cu e confianza deposita den nan y nan marcanan di auto Nissan y KIA.

E Team di Topcar N.V. ta contento di anuncia cu dia 20 di November ultimo nan a entrega e auto number 1,000 bendi den aña 2013. Na 2012 Topcar a logra e hazaña aki

Ministro di Salubridad Publico y di Deporte ta anuncia cu entrante 25 november 2013 durante 14 dia lo tin oportunidad pa un y tur tuma conocemento na Departamento di Legislacion y Asunto Huridico, Macuarima 65, di un peticion cu a ser haci pa obtene un koffiehuis- y un restaurantvergunning A pa e parcela Sombre 22-E. E permisonan aki ta concerni e.o. benta di bebida sterki por detal y cuminda pa wordo consumi den e parcela. Durante dicho periodo aki tur hende por expresa por escrito nan obhecion contra dunamento di e permisonan menciona, dirigi na e Minister di Salubridad y deporte, via intermediacion di Director di Legislacion y Asunto Huridico, Macuarima 65.

dia 10 di December y ta algo cu ta fresco den nos memoria. Sra. Isaura Donaire Sanchez a bin busca nan auto na nan Car dealer preferi. E yabinan a wordo entrega door di sr. John Angela, representante di venta estelar. Sra. Donaire Sanchez a bai contento cu su KIA Sportage Automatico 2013 color Silver. Como cliente #1,000 di aña Sra. Donaire Sanchez a ricibi un bunita basket yen yen. Gerente General di Topcar, sr. Eddy Stenebome, ta sumamente contento cu e logro aki di su Team. Pa Topcar, e ta un orguyo di por bisa cu despues di 45 aña di sirbi e pueblo di Aruba awe Topcar ta e dealer di auto #1 na Aruba. Sr. Stenebome ta gra dici henter pueblo di Aruba pa e confianza deposita. Topcar, cu su dedicacion

y trabao den ekipo, ta sigui padilanti pa asina brinda nos pueblo e mihor atencion y informacion pa loke ta referi na autonan marca Nissan y Kia. Topcar N.V. ta un compania local cu historia di servicio y amabilidad na tur su clientenan. Topcar N.V. ta representante di marcanan renombra: Nissan y Kia Motors na Aruba. Pa mas informacion tocante servicio di benta, modelo di auto, prijs, parts y garashi yama libremente na 5821547 of 582-3747 of bishita e showroom na Caya Ernesto Petronia #21. Bira nos fan riba facebook y bishita nos pagina facebook of web: Nissan Aruba of –www. nissan.aw—. Y pa marca Kia bishita nos pagina riba facebook of web: Kia Motors Aruba –www.kia.aw


Diabierna November 22 2013

Pagina 7

Sindicato STA ta indigna cu edad di pensioen:

Den Dialogo Social nan ta horca pueblo Miembronan di sindicato mester lanta for di soño y exigi pa haya informacion --Diego de Cuba di Sindicato STA den un entrevista cu Solo di Pueblo a duna su punto di bista ariba e situacion di pensioen. E lider syndical a bisa cu e situacion ta uno hopi hopi grave y sindicato STA a adverti desde un comienzo. Sindicato STA a bisa di no kier ta participe di e masacre cu ta bay tin. Nos a bisa cu nos no kier wordo yama e burdugonan di pueblo tampoco, pasobra no ta e edad di pensioen so ta wordo hisa, pero e prima tambe. Esaki ta un peso extra. Dus dobbel peso. Sindicatonan cu ta sinta eyden, si awe atardi nan ta bay tuma un decision sin consulta cu nan miembronan, a bira tempo pa e miembronan lanta for di soño y bo mester por exigi pa haya sa loke ta pasando. Tin hopi hende cu ta miembro cu ta contra cu e sindicato ta forma parti di Dialogo Social. Loke cu wordo dicidi eyden, no ta afecta e miembronan so, pero henter e pueblo di Aruba. Esaki no ta democracia. Esaki ta dictadura di marca mayor. Esaki no ta e sistema. STA ta kere cu e bagamunderia aki mester stop. Si e no stop na bo, e lo stop na malo. Diego de Cuba a sigui bisa: “Mi no ta kere cu e dirigentenan cu ta forma parti di Dialogo Social, lo tin e pudor pa corta garganta di nan miembronan y di henter e pueblo di Aruba. Lamentablemente e unico solucion ta subi e edad di pensioen y sino Gobierno lo tin cu pomp placa den AOV pa por salba e pensioen.

Polis a detene alumno di EPB pa maltrato Central di Polis ta manda Patruya diarazon 10.30, na EPB San Nicolas pa un pelea den e oficina di e director. E security di e school, a hiba Polis na e oficina. Polis a mira cu un personal di CEA tabatin un homben wanta cu tabata basta nervioso. E personal di CEA a bisa cu e mucha homber a dale cu mokete riba su cabez y tambe a menaz’e di manda un hende pa caba cune. Polis a detene e mucha y a hibe warda di Polis.

Esaki no ta implica e hendenan cu tin cu cobra pensioen e aña aki. Cada aña loke Gobierno tin cu pomp, ta aumenta. Pero di otro banda di derochamento di placa na gran escala. Proyectonan unda bo ‘return of investment’ ta nihil. E hendenan aki a traha descabeya. Awor nos ta gestik. Ban den Dialogo Social pa horca pueblo. E lidernan sindical cu firma algo asina, no merece ningun clase di confianza di nan miembronan y e miembronan mester exigi nan cabez. Bo mester bay bek bo base, bay pidi nan autorizacion. Bay puntra bo miembronan! No abo ariba bo eigen houtje.

221113  
Read more
Read more
Similar to
Popular now
Just for you