Issuu on Google+


DIAMARS 10 DECEMBER , 2013

24

Esaki ta e “Piyama Party” pa 60 Plussers payet, pero e idea ta pa tur ta bunita bisti pasobra e ta bay ta un jouvert morning di berdad”, asina Presidente di SAC a duna di conoce.

Den cuadro di nan plan pa constantemente presenta ideanan nobo cu por trece innovacion den organisacion di nos carnaval, Stichting Arubaanse Carnaval (SAC) a caba di anuncia un evento nobo, specialmente pa esunnan riba 60 aña di edad. Cu esaki SAC kier envolvi e grupo di nos grandinan tambe, pa sigui di ta activo den celebracion di carnaval. Presidente di Stichting Arubaanse Carnival (SAC), Tecla Kelly, a haci e anuncio cu conhuntamente cu UNOCA, ta trahando pa organisa un even-

to di marca mayor dia 7 di Februari 2014, den cuadro di celebracion di 60 aña di nos carnaval. Esaki ta bay ta un evento cu un ambiente total pa e 60 plussers, na Scol di Arte cuminsando for di 9’or di mainta. A scoge e tema di “Jouvert Morning”, o sea un tremendo “Fiesta di Piyama” pa e prome evento cu SAC ta organisa exclusivamente pa nos ciudadanonan riba 60 aña di edad. “Prepara bo pidjama, bo baby-doll, bo bata bieu y e hende homber nan por bin bisti cu boxer, nan ta yen’e cu stenchi,

Lo bay tin premio pa e pidjama mas bunita decora. “E pidjama cu a keda bo fit-fit, esun cu a keda bo mucho grandi”, asina Tecla Kelly a expresa. SAC kier ta hunto cu nos grandi nan den carnaval pa asina tur hende por gosa di nos dushi temporada. Tur cos ta mustra cu e evento nobo aki riba programa lo bay hala hopi atencion y sigur yena un bashi cu tabata falta pa hopi aña den nos carnaval, esta pa nos ciudadanonan di un edad respeta, pero toch kier keda activo durante e temporada aki di celebracion y exposicion di creatividad y ambiente!

Cantidad di celebracion di fin di aña ya andando

Gruponan chikito y grandi ta bishitando Amazonia Churrascaria den e dianan aki pa nan celebracionnan di fin di aña, mustrando aprecio pa nan coleganan. Miembronan di My Fitness Gym St Cruz a bini hunto pa marca e final di un aña activo y saludabel, mientras cu coleganan di Swissport Cargo Services a topa na e restaurant pa celebra e

aniversarionan di 35 aña di servicio di no menos cu cinco colega diligente y dedica. Amazonia Churrascaria a sirbi un surtido impresionante di salada traha fresco cu a complimenta e parada di carni prepara riba grill y corta y sirbi na mesa. E restaurant ta un destinacion faborito pa e dianan di fiesta entre gruponan chikito y grandi, durante e temporada aki.

Ganado di rifa di YMCA

Cuater luna pasa YMCA Aruba a cuminsa cu su tradicional rifa anual pa recauda fondo pa mantencion di e servicionan cu nan ta ofrece na hobennan y comunidad general na YMCA Dakota y YMCA San Nicolas. Nathalie Harms-Ellis, secretario general di YMCA Aruba, a gradici tur persona cu a coopera cu bendemento di e rifanan, e pueblo general di Aruba pa a cumpra e rifa y e sponsornan pa nan gran ayudo. YMCA ta felicita tur ganado cu nan bunita premio. E sorteo cu a tuma luga recientemente y e numbernan ganado ta: 1 – 7521; 2 – 5023; 3 - 0662; 4 – 5441; 5 – 1143; 6 – 5746; 7 – 4066; 8 – 9089; 9 – 1293; 10 – 8843; y 11 – 4890. E dos centronan di YMCA Aruba diariamente ta atende como 200 hoben. E servicionan na YMCA ta inclui uzo di e veldnan di basketball y volleyball y guia pa hungadonan principiante y avansa, como tambe servicionan di cuido di Tra’i Merdia y asistencia cu huiswerk, conoci como Y’s Care. Ta pa por sigui brinda e mesun servicionan aki na un prijs hopi abou na e participantenan, mester conta riba sosten for di comunidad y sector priva



101213