Issuu on Google+


WWW.ARUBAWE.COM

1,50

DIAMARS 10 DECEMBER , 2013

DIAMARS 10 DECEMBER , 2013

RONALDINHO Y KAKÁ LO POR TA DEN BRASIL 2014

DE LA SALLESTRAAT 41 A TEL: 5881500 FAX 5824937

Florin

P21

arubawe2012@gmail.com

ACCION DI CUIDADO DI PRESO Y PRESONAN

Mientras cu cuidadonan presonan tabata para pafo di KIA of tabata reuniendo cu sindicato, un grupo di preso a dicidi di drenta accion y a subi riba dak pa oranan largo. A busca tur forma pa baha nan den un forma pacifico pero a dura te den oranan di atardi c’un unidad special di polis a subi y baha tur hende for di riba e dak. Pagina 3

Sigui Arubawe y na tur momento ! Laga bo tweet canta na @ArubaWe

www.arubawe.com

Un corant otro,un website otro.... un social media otro!

Aspirante Polis deteni Den cuadro di un investigacion pisa andando, Ministerio Publico a dicidi cu ta necesario pa detene un miembro di Cuerpo Policial, pa investiga su rol den un caso”, asina Minister di Husticia mr. Drs. Arthur Dowers a participa. Tanto Mando Policial como nos di Ministerio di Husticia ta lamenta esaki masha”. Ta trata aki di un hoben aspirante cu ta den preparacion pa bira polis y pa motibo di e

embergadura di e investigacion, ta dificil pa por duna mas informacion na e momentonan aki. Ministerio di Husticia ta limita su mes na confirma cu tin un investigacion grandi andando, pa algun luna caba, den cual varios departamento di husticia ta participa, entre otro e Recherche Samenwerkings Team, y e Departamento di Crimen Organisa di Cuerpo Policial mes. Den cuadro di e investigacion a detene varios sospechoso caba.


DIAMARS 10 DECEMBER , 2013

2

SEÑOR TA BISA“MUSTRA MI BO CAMINDANAN, SEÑOR, E DIRECCION CU BO KIER PA MI KIES. GUIA MI PASONAN SEGUN BO BERDAD, SIÑA MI: ABO TA MI DIOS Y SALBADOR; HENTER DIA MI TA SPERA DEN BO”, SALMO 25:4,5

Turista ta muri atropeya pa brommer di polis

E choke tabata formal caminda cu dor di impacto e dama victima a wordo manda riba e auto Nissan cu tabata pasando na e momentonan ey y ta mustra cu e brommer a pasa tambe riba pianan di e victima. Despues di e impacto e brommer a bay dal den e Jeep y despues sigui lastra riba caminda y bay para na un distancia hopi ley mas pariba, lagUn accidente fatal a sosode ayera mainta net dilanti di oficina di Cuerpo di Douane, ora c’un agente policial riba su brommer, a wordo sorprendi pa un pareha turista crusando caya. E brommer bayendo cu velocidad halto ariba pa atende un asunto di urgencia na KIA, a dal den un dama turista y dor di e impacto e victima ta bay dal den e auto Nissan A-5960 pa despues bay bek meymey di caminda, mortalmente herida. E agente policial ta perde control bay dal den un Jeep cu number V-5267 y un otro auto, y e brommer a sigui lastra bay para hopi mas pariba. Por a nota mesora cu e dama victima a perde su bida ya cu e no tabata duna señal alguno mientras cu por a mira cu el a fractura ambos pia den forma mahos. E esposo di e victima a keda

traumatisa y el a sinta na canto di caminda y mira su señora morto riba caminda y el a ricibi asistencia di specialistanan di Cuerpo Policial. ACCIDENTE Loke por a conclui na e sitio di accidente, ta cu e agente policial coriendo su sirena, tabata pasando den e seccion meymey di e liña di trafico na altura di Royal Plaza direccion pariba, pero den e fila bayendo ariba tabatin un bus grandi tambe y tin indicacion cu e bus a para pa laga algun turista crusa caya den cual tabatin e victima y su esposo. Aki por deduci cu mientras cu nan por a scucha e sirena di e brommer, nan no a kere cu esaki lo a aparece diripiente na dilanti meymey di caminda y nan a wordo sorprendi mescos cu e agente policial E. tambe a wordo wordo sorprendi pa nan aparencia.

ando e agente policial tambe herida. El a wordo trata na e sitio mes pa personal di ambulance y despues transporta pa hospital pa mas tratamento mientras cu a pidi presencia di dokter pa constata morto di e

señora kende a caba di baha for di e crucero den waf. Pa varios ora e caminda a keda cera relaciona cu investigacion cu mester a tuma luga, trancando trafico formal den e sector aki.

Mucha muhe ta agredi ex amigo

A topa ex cu su propio mama na cinema Un pelea formal a inicia den stacionamento na cinema, entre un dama hoben di 21 aña H. y su ex amigo di 22 aña di inicial A. cu a bin laga e mucha homber cu basta sla y rasca na curpa y cara. Informacion cu ArubAwe a ricibi ta mustra cu e dama hoben kende ta e agresor, a bay mira pelicula cu su amigo nobo, loke no ta nada straño pero problema a start ora cu el a mira cu kende su ex amigo a bay cine cune. A bin resulta cu e mucha homber su “date” tabata mama di e mucha muhe, un señora divorcia di 41 aña y mesora e mucha muhe a bay busca cuenta di kico ta pasando, sin haya un aclaracion drechi. E mama y e ex amigo a bay direccion di nan auto pa bandona e sitio pero e yiu muhe a sigui

nan tras hunto cu su amigo y e discusion a sigui y dado momento e dama hoben a ataca su ex amigo cu ayudo di su amigo nobo y cosnan a bay for di man. E señora mama a subi auto y bandona e sitio lagando esun cu el a bin cine cune atras pa su cuenta, kende a sigui haya sla formal for di e pareha. Dos guardia di siguridad a interveni hunto cu algun otro hende pa separa e brigandonan for di otro y e ex amigo a haya oportunidad di bandona e sitio, sin camisa cu e keda tur gescheur cu lip ta sangra y rasca na cara. Un situacion realmente dramatico y por a conclui cu e ex amigo a dicidi di bay tras di e mama despues cu e relacion cu e yiu muhe a kibra.


DIAMARS 10 DECEMBER , 2013

3

Guardianan di KIA den accion y presonan a imita e accion

Diaranzon awor cuidadonan di preso asisti pa TOPPA y Departamento pa Recurso Humano lo reuni pa finalize e proceso di nan posicion huridico. Un reunion cu ta resultado di un welga pisa ayera cu a hasta produci un accion serio di unidad mobil y team di aresto di polis. For di mainta, cuidadonan di preso a dicidi di pone trabou abou, como protesta pa e hecho cu te ainda no a caba di regla e promocionnan cu nan tin derecho riba dje, TOPPA a bisa. Segun Presidente di TOPPA Rene Bernabela, a duna dirigencia di KIA, particularmente Director Wijnenberg suficiente

tempo pa manda tur e documentonan necesario pa e trahadonan haya nan recompensacion debido pa e funccion cu nan ta ocupa. Pero, e tabata un sabor amargo pa tende cu e papelnan a keda pega na KIA mes, apesar di tur e promesanan di e director. Ayera a dicidi pa yama atencion di Gobierno y tambe di Minister di Husticia Arthur Dowers pa locual nan ta cataloga mal funccionamento di e team di maneho, no solamente pa motibo cu no ta pone atencion na e posicion huridico di e trahadonan, pero pasobra a permiti e condicion di e edificio tambe bay asina atras.

Y ta e situacion fisico di KIA , den nan concepto cu a permiti como 25 detenido sali for di nan celnan, y subi dak. Esaki despues cu detenidonan mes a sende algun matras na candela. E situacion tabata uno basta confuso, pasobra mientras cu e trahadonan tabata para pafo cu unicamente e aspirant cuidadonan paden, tur cos tabata indica cu no tabatin control riba e detenidonan cu a logra scapa di nan cel. Por a scucha e cachonan di KIA tabata ladra, pero despues di un ora polis y Cuerpo Especial Arubano a manda refuerso pisa, incluso e unidad di K9. Brandweer tambe a cudi pa paga e candela cu e detenidonan a sende. Es mas, nan tabata tira pida blokki cu segun relatonan, nan tabata por a ranca for di e edificio di KIA mes, y asina stroba e funccionarionan policial di yega cerca. Despues di como 5 ora di welga, a logra haya Minister Interino di Husticia Mike de Meza kende alabez ta Minister Presidente Suplente pa bin inter-

media. E Minister a bisa cu su prome prioridad ta siguridad nacional y cu si mester, lo no duda pa lanta cu caso sumario pa obliga e trahadonan bolbe pia di trabou. Sinembargo despues di a reuni cu TOPPA y Shopstewardnan a yega na e palabracion cu Diaranzon lo inicia e proceso pa percura cu e posicion huridico di e trahadonan keda reconoci, y asina yega na un areglo di pago retroactive tambe, mirando cu pa algun, nan tin añanan wardando nan promocion. Mientras cu e Minister tabata reuni cu TOPPA, brandweer a manda su hoogwerker cu a permiti miembronan di Arrestatie Team drenta den acccion y subi e dak pa obliga e detenidonan, mayoria di nan hoben, baha for di dak. Mester bisa cu un di e detenidonan hasta a yama un radio stacion pa keha cu nan no a ricibi cuminda y cu no a tene

cuenta cu nan derecho humano. Un di e cuidadonan di preso a comenta cu e ta algo normal cu e detenidonan tin cellular cu nan. Finalmente den oranan di atardi a logra domina e situacion y awor e investigacio lo mester indica ta con e grupo di presonan por a sali for di nan cel y subi dak. Incidentalmente, e Minister ta na Merca pa entre otro delibera riba e posibilidad pa mehoracion di e edificio of hasta eventualmente mira con mester yega na un edificio nobo mirando e condicion malo cu e edificio di KIA ta aden.

Investigacion pa labamento di placa y otro delitonan

Entrada hudicial na cas y oficina di Gerrit Schotte na Corsou

Ayera mainta oficialnan di Ministerio Publico di Corsou hunto cu miembronan di RST na Corsou, a efectua diferente entrada hudicial, na tanto cas, negoshi y tambe na oficina di Parlamento, relaciona c’un investigacion andando contra di e miembro di Parlamento, Gerrit Schotte. E caso aki tin di haber c’un investigacion cu a inicia for di 2012 caminda entre otro ta ser investiga labamento di placa, otro actividadnan ilicito entre otro falsificacion di documen-

to cu awor ta den un fase mas completo pa wordo completa. Sinembargo tin cu menciona cu Gerrit Schotte y ningun hende cerca di dje a keda deteni relaciona cu e investigacion aki pero si a confisca diferente documento, computer y otro informacionnan pa esakinan wordo investiga. E base di e investigacion ta riba conclusionnan cu a bin dilanto segun reglanan di MOT, caminda a constata cierto movecion di placa y cu a conduci na e accionnan di ayera mainta.

Pa haya autorisacion pa drenta e oficina di Schotte na Parlamento, a envolve Presidente di Parlamento di Corsou y tambe a haci esaki den presencia di Griffier di Staten di Corsou. WIELS Mesora despues cu a bira conoci di e accion aki contra localidadnan di Gerrit Schotte, hopi a asumi cu esaki lo ta relaciona cu e caso di asesinato di e ex lider di Pueblo Soberano, esta Hernan Wiels kende a wordo tira mata e aña aki pero mesora oficialnan di Ministerio Publico di Corsou a desmenti e informe aki, mustrando cu e accion di ayera mainta no tin nada di haber cu e caso di asesinato di e politico di Corsou. Un informe cu oficina di Minis-

terio Publico di Corsou a emiti den oranan di merdia a mustra cu investigacion lo sigui riba loke nan a logra pone man ariba y a base di e informe aki, lo determina kico ta bay pasa cu e caso of si tin detencion lo bay cay relaciona cu esaki. Schotte ultimo simannan ta

hibando un campaña formal pa loke ta su accion cu ta carga e nomber “Reforma” y caminda ta ser mustra cu ya caba Schotte a logra 50.000 firma di sostene pa introduci cambionan cu mester converti e isla di Corsou den un pais prospero.


DIAMARS 10 DECEMBER , 2013

4

Segun Presidente di sindicato TOPA, sr. Rene Bernabela

Director di KIA y Minister di Husticia ta responsabel di candela ocasiona pa detenidonan Trahadonan di KIA Ta dicidido pa busca claridad riba nan posicion huridico

Presidente di sindicato TOPA, sr. Rene Bernabela a declara riba e situacion cu a surgi ayera mainta na KIA. El a bisa cu e trahadonan di nos centro penitenciario KIA a dicidi ayera di bisa basta, y nan a bin cu un accion. Nan a dicidi di bay afo y nan a duna mandato na sindicato TOPA ya cu nan no tabata dispuesto pa drenta bek te ora cu nan tin un claridad definitivamente pa locual ta nan posicion huridico di nan promocion. E sindicalista a bisa cu e accion aki a tuma lugar despues di e tantisimo biaha cu TOPA a sinta cu directiva di KIA, hunto cu otro departamentonan concerni, cu tin di haber cu e parti di promocion, sinembargo nan a haya informacion cu ainda

nan posicion huridico no a bin cla. El a bisa cu e trahadonan tin practicamente dos pa tres aña cu TOPA ta atendiendo cu e asunto aki, ya cu e trahadonan kier haya nan posicion huridico despues di basta tempo cu nan ta wardando nan. Igualmente el a referi cu paden di KIA a ser registra un candela cu e detenidonan a ocasiona, y cu ta ocasionando daño na instalacion di KIA. Ayera TOPA ta pone e director di KIA y minister di Husticia sr. Arthur Dowers responsabel pa e candela aki. “E situacion a bira explosivo na KIA na e momento aki”, asina el a bisa. Tocante e incidente aki, sr. Bernabela a agrega cu esnan cu

ta ocupando KIA ta e aspirant di cuidadonan di preso cu a caba di cuminsa traha, y cu no tin niun sorto di experiencia pa maneha e detenidonan, y esaki a ocasiona cu e detenidonan a lanta contra nan. Segun Bernabela e detenidonan a cende palo y matras y tur locual nan por haya na candela. Bernabela a bisa cu ta existi un descontento ya cu otro coleganan “cu no ta ni presenta na pia di trabou” ta haya promocion y otro beneficionan. Mientras cu e trahadonan di KIA ta traha tur dia, y nan posicion huridico ta stagna sin haya claridad ariba esakinan. Pa loke ta e promocion, tin trahadonan cu ainda ta pendiente

Telefon: 588-1500 Fax: 582-4937 UN CORANT OTRO

Director

Editor-in-Chief Hareld Faro

di nan promocion corespondiente entre 1 pa 2 aña, mientras cu otro si ta haye. E ta denuncia cu te hasta tin empleado publico cu ta haya promocion sin un sorto di screening, y esaki ta un di e punto cu a haci cu “awa a pasa hariña”. Sr. Bernabela a laga sa cu nan ta lamenta cu director di KIA cada biaha cu nan ta sinta na mesa, e ta priminti shelo cu tera. Tambe nan a haya yamada di sra. Lares kende ta hefe di Departamento di Recursonan Humano, caminda e ta informa cu te ainda nan no haya tur e nombernan pa nan cuminsa analisa tur esunnan cu ta cla y esunnan cu ainda ta pendiente. Tambe el a referi na estado di edificio cu ta den un decaden-

Assistant Editors Maritza Maduro Benjamin Romero Elizabeth Guanipa

cia total, y cu no ta sirbi mas, segun sindicalista Bernabela. E sindicalista a bisa cu TOPA a purba di tene e trahadonan calmo, sinembargo ayera nan a dicidi cu “nan no kier tende di niun hende mas”, y pesey nan a dicidi di bay sali afo “todo por todo”. El a splica cu e accion di KIA ta conta cu e sosten di tur e trahadonan, ya cu e trahadonan cu ta baha warda a keda para pafo di e centro penitenciario, pero tambe e trahadonan cu mester a subi warda ayera mainta a uni na e accion aki. Te hasta e trahadonan cu mester subi ayera merdia tambe a mustra nan solidaridad cu nan coleganan.

Sales Exceutive Supervisor

Accountant Dept Thaira Lin

Directora Zaira Lin

Contributing Editor Dilma Arends

Layout Design Oscar Palomino

E opinion di nos colaboradoman no ta ferieha a pensamiento di Cas Editorial.

EMAILS: aviso@arubawe.com /// arubawe2012@gmail.com /// WEBSITE: www.arubawe.com


DIAMARS 10 DECEMBER 2013

PAGINA 15

DIARIO

Huez Comisario a aproba pa listra cas di ex Prome Minister di Corsow Gerrit Schotte

WILLEMSTAD: Dialuna mainta na Corsow a tuma lugar 6 listramento, bao di Huez

Comisario y den presencia di fiscal. E listramento a wordo hasi pa

Landsrecherche y RST. Entre otro a listra den un cas y otro edificio na Saliña, un

cas den vecindario di Mahaai/ van Engelen, un edificio di negoshi na Schottegatweg, un otro edificio di negoshi na Groot Kwartier y un oficina di e edificio di oficinanan di Staten di Corsow. Autoridadnan a hasi e accion di listramento relaciona cu un investigacion riba labamento di placa, e combinacion cu falsificacion. E investigacion a cuminza riba orden di Procurador General, relaciona cu dos denuncia cu a wordo hasi na 2012 cerca Ministerio Publico di Corsow unda cu e sospecho a wordo lanta cu Ex Prome Minister Gerrit Schotte, tabata culpable di e delitonan pues di labamento di placa y falsificacion. Informacion a wordo uza den esaki di e asina yama ‘Meldingen Ongebruikelijke Transacties’ (MOT). Despues cu PG a evalua e denuncianan, el a duna

Landsrecherche di Corsow e orden pa cuminza un investigacion di hechonan. OM y Landsrecherche a pidi asistencia di RST pa cu esaki. E resultadonan di e investigacion a wordo treci na PG y esaki a conduci cu PG a duna Landsrecherche e opdracht pa cuminza e investigacion mas profundo. E accion di listramento ta parti di e investigacion penal aki. Durante e listramento mainta, varios documento y USB sticks cu informacion a wordo confisca, cu por ta importante pa resto di e investigacion. Ningun detencion a cay ainda. Den e dia y simannan cu ta bin lo sigui investiga tur locual a wordo tuma den beslag, pa despues traha un procesverbal. E listramento den Staten a wordo conduci despues di palabra esaki cu Presidente di Staten y den presencia di Griffier di Staten.


PAGINA 2

DIAMARS 10 DECEMBER 2013

DIARIO

Presonan a bolbe subi dak

Trahadornan di KIA a welga y kier sa riba situacion di nan bevordering

ORANJESTAD (AAN): Den oranan di mainta tempran tabata tin tension na Korectie Instituut Aruba (KIA). Fred Wijenberg di management detensie en veleigheid actualmente ta encarga cu KIA. Ayera den oranan di mainta un cantidad di trahado a dicidi cu nan lo pone trabao abao debi cu pa basta aña ta wardando riba nan bervordering. Minister Artur Dowers cu ta engarga cu e cartera di Husticia no ta informa e trahadornan riba nan situacion y e derecho cu nan tin di nan bevordering. Tambe e situacion cu e trahadornan ta trahando den dje y e presonan ta bibando no ta e situacion di mas adecuado cu nan como trahado y preso tin. Hopi situacion straño ta pasa den

KIA y ainda no por bin cu un bon structura. E infrastructura di e edificio ta cayendo den otro y no ta adecuado mas, hopi caminda ta insigur tambe. Ayera por a mira un biaha mas unda cu e presonan a subi pa di dos biaha riba dak di KIA demostrando asina nan malcontento cu tin den KIA y cuanto poder nan tin den un instituto aki. KIA ta un instituto cu gobierno di Aruba tin cu carga su responsabilidad y cu mester tin e control, pero esaki no ta e caso. Pa basta aña caba minister di Justicia no a haci bishita na KIA y no a bay mira e situacion cu e trahadornan y e presonan ta bibando den KIA. Tin un management team cu normalmente mester ta di

tres persona pero actualmente ta dos hulandes cu Minister di Husticia a pone na cabes tin e maneho. Un di nan ta sr Fred Wijenberg cu desde 12 di maart 2012 a wordo nombra na KIA como management detensie en veleigheid y tambe a wordo pone como presidente di e management team cu tin actualmente den KIA. E di dos ta Dick van Leenen cu a bin for di Hulanda na peticion di Minister di Husticia pa a bin traha na K9 y na unda cu e ta haya tur cos paga. Sinembargo no a keda mucho tempo na K9 y minister Dowers a manda Leenen KIA den management team. E di tres persona cu mester forma e management team no tey mas

y tampoco no a busca un otro persona, te na e momentonan aki e vacatura ta habri. Pronto un comision di CPT for di Hulanda ta yega Aruba pa asina haci nan trabao di control y mira si KIA ta capacita pa ta un prison. Den pasado Aruba su rapportnan no a sali bon y na unda cu Aruba ta riba black list na Europa. Sinembargo e situacion aki no a cambia y no tin un adelanto pa Aruba por sali for di e situacion di Blacklist. Gobierno mester trata riba un plan pa un miho maneho, teniendo cuenta riba nos cultura y tambe persona nan capacita cu conocimento di maneho di un prison. Si un persona ta traha den seguridad of cu ta un polis cu a specializa su mes den ramo di K9 esey no

ta significa cu por maneha un instituto asina grandi manera KIA. Kico mas ta loke cu mester pasa den KIA pa asina Gobierno por pone atencion riba e situacion aki y bin cu structura y maneho structural manera mester ta den KIA. Mester por trece un bon ambiente di trabao pa e trahadornan y nan haya nan derecho di bevordering pero tambe KIA mester ta un luga sigur pa traha den dje. E situacion aki ta di dos biaha cu presonan ta tuma poder  y sali demostrando cu nan por. Tur esaki a pasa pa motibo cu trahadornan ta welga y busca nan derecho di nan placa y alaves hala atencion di gobierno pa cuminsa pone prioridad pa KIA.


DIAMARS 10 DECEMBER 2013

DIARIO

PAGINA 3

Dama turista a perde su bida ora el a cruza caya y a wordo gedal pa brommer di polis

ORANJESTAD (AAN): De oranan di merdia central di Polis a bati alarma pa un accidente basta serio cu a tuma lugar net dilanti di Oficina di Cuerpo di Duana. Aki ta trata di un caso na unda cu un Polis ariba brommer bayendo cu maximo urgencia pa atende un caso na KIA, a haya su mes den un incidente basta serio ora cu un turista bishitando nos isla via Crucero a opta pa crusa caminda sin paga tino, y ta wordo gedal pa e brommer. Door di e impacto fuerte, e turista a perde su bida al instante. Personal di Ambulans a presenta na e sitio pa brinda servicio medico, pero esaki no tabata necesario mas mirando cu e turista no tabata duna seĂąal di bida. Inmediatamente un team grandi di Polis a presenta na sitio y a cuminsa un investigacion profundo pa asina saca afor kico realmente a tuma lugar. Hopi testigo a coopera cu Polis splicando nan version di locual cu nan a presencia. Un caso di lamenta pasobra e seĂąora apenas tabata tin algun ora ariba nos isla, y cu e ta perde su bida den un forma asina cruel. Locual cu a haci mas dolor, cu e accidente a pasa dilanti di e casa di e victima cu sigur a keda hopi traumatisa. Por tira culpa ariba e victima cu e no a paga tino ora cu el a bay cruza caminda, tambe por tira culpa ariba e Polis cu e tabata core mucho duro specialmente den un area cu ta frecuenta pa hopi turista, y muy enparticular ayera cu tabata tin dos barco aden. Dr. Lin a presenta na e sitio y a declara e morto di e victima. Mientras tanto tambe por a mira na e sitio presencia di algun miembronan di Barco cu a bin pone nan mes bon na altura di e caso pa den e forma ey por informa e capitan di e sucedido. Investigacion ta bay determina kico realmente a tuma lugar, pero sigur e ora a yega pa nos cuminza ta mas

consiente den trafico. E victima ta e turista Stephanie Schofer naci na Alemania 14 di November 1965.  El a yega Aruba dialuna riba e barco crusero Aida Luna y tabata canando den e area di waf chikito. Paz na su restonan y hopi forza na e famia.


DIAMARS 10 DECEMBER 2013

DIARIO

Formacion Social demostrando su exito

PAGINA 9

19 hoben a pasa e prome fase di e trayecto di 4 luna cu exito

ORANJESTAD (AAN): Den presencia di diferente miembro di Gabinete Mike Eman II a tuma luga entrega

di certificado di e prome trayecto di Formacion Social di un grupo di 19 hoben cu ta participando den e

curso aki cu ta tuma luga na Marinierskazerne. Formacion Social ta un proyecto cu a cuminsa bou Gabinete Mike Eman I den cooperacion cu Marinierskazerne. Esaki tabata e di 4 grupo di hoben di e proyecto Formacion Social

cu a start cu e prome fase di nan trayecto na augustus ultimo. E proyecto aki ta consisti di dos fase di cual e prome parti ta e aspectonan militar cu ta dura 4 luna, mientras cu e parti di ofishi, siña algo cu nan por pone den practica, ta dura 8 luna.

Mita siman nan tin cu bay scol y e resto di e siman nan ta core stage. Esaki ta bay den cooperacion cu Enseñansa pa Empleo. Den e fase aki tambe e hobennan ta haya hopi guia di e lider di e proyecto SVT, sra Jessy Ras, motivando nan pa sigui cu e lucha pa finalisa e curso. E proyecto aki ta uno popular bou di hobennan y cada biaha cu un inscripcion habri, ta haya mas cu 50 hoben interesa. Ta haci un pre-seleccion cu ta yega rond di 35. E grupo aki mester pasa den diferente test pa mira si nan ta cuadra cu e exigencianan pa participa, entre otro evaluacion medico.  E grupo 4 ta esun cu mas tanto hoben a keda y finalisa e prome fase. E di 5 grupo di Formacion Social ta cuminsa na luna di januari y inscripcion pa esaki a cuminsa na luna di october caba. Tin incluso hobennan cu no a haya chens den e grupo 4, cu a wordo manda pa e di cinco grupo aki. E profesionalnan encarga cu ehecucion di e proyecto Formacion Social ta hopi contento pa motibo cu ta prome biaha cu un grupo asina grandi, 19 hoben, ta pasa pa e siguiente fase cu exito.  E ley Formacion Social ta pa hobennan entre 18 pa 24 aña cu no tin trabou y cu no a caba un scol secundario. Cu e proyecto aki nan ta haya un di dos chens den bida. Un trayecto unico ta wordo ofrece pa nan por drenta mercado laboral y bira miembronan util den comunidad. Pa esaki e hobennan ta haya un formacion fisico estilo militar den MariniersKazerne pa despues sigui un curso cu ta wordo duna dor di Enseñansa pa Empleo. E formacion ta dura un aña y ta consisti di dos parti, un parti di training y un parti di educacion. 


101213