Issuu on Google+

PAGINA 46

DIARIO

DIABIERNA 29 NOVEMBER 2013

Entrega di material di scol “Aruba den temp’i guera” na diferente scol na Aruba

ORANJESTAD (AAN) Diamars Archivo Nacional a haci entrega di pakete di material di scol na diferente scol aki na Aruba. Scolnan cu a ricbi esaki tabata EPB, Fatima College, Colegio Bon Bini, Maria School y Colegio Conrado Coronel. Ta trata aki di un pakete consistiendo di un buki pa alumno, un guia pa maestro, un corant cu informacion

di Segunda Guera Mundial relaciona cu Aruba, un buki conmemorativo di exposicion “Aruba den temp’i guera” teni na aña 2010 y un poster di Derecho di Mucha. Na 2009 Archivo Nacional cu sosten financiero di Prins Bernhard Cultuurfonds, UNOCA, ministerio Hulandes di VWS, Mondriaan Stichting, Prins Bernhard Cultuurfonds, Samenwerkende Fondsen

(SKAN), Gobierno di Aruba y Fundacion Amigonan di Archivo, a start cu un proyecto bastante ambisioso, esta di inventarisa materialnan na

Aruba di loke ta concerni e topico di Segunda Guera na Aruba, entrevista schutternan cu a participa na defensa di Aruba durante di e periodo ey pa asina presentanan como parti di nos herencia den un banco di data di Reino, un exposicion como resultado di e trabounan investigativo haci, y documentacion di esakinan den un buki y naturalmente material di educacion no solamente tocante di Segunda Guera, sino tambe di tur cos cu tin di haber cu guera en general, discriminacion, conflicto etc. E paketenan a keda entrega dor di Sra. Rosa Arends investigadora na Archivo Nacional y Sr. Nelson Tiel colaborador di Sala di Estudio. Riba e foto nos por aprecia momento di entrega na Colegio EPB, den representacion di sra.

Hanneke Bosma, Director Interino. E material aki ta destina pa e nivel di scolnan basico 5 y 6 y pa scolnan avanza 1 y di 2 aña. Tur scol a haya recientemente un pakete basico y por aplica pa e pakete completo cu ta material pa e muchanan. E scolnan cu no a ricibi e pakete completo pa alumnonan por contact Archivo Nacional na telefon 583-4880 of e-mail ana@aruba.gov.aw, pa asina por ricibi e esaki na scol. Apesar cu e material aki ta di materia di Historia, e por wordo uza tambe den otro materianan, manera Hulandes, Papiamento, Ingles, Musica y Desaroyo General. Archivo Nacional y Fundacion Amigonan di Archivo ta spera cu e material aki lo ta duna un aporte positivo na enseñanza y conocemento di nos historia, particularmente pa loke ta trata un episodio tristo den historia mundial.


PAGINA 47

DIARIO

DIABIERNA 29 NOVEMBER 2013

Continuando cu su recorido den enseñansa

Minister Hooyboer-Winklaar cu reunion hopi fructifero cu directiva di SPCOA

ORANJESTAD (AAN): Banda di e schoolnan Catolico y esunnan cu ta cay directamente bou di Gobierno, nos tin 6 school cu ta cay bou maneho di “Stichting Protestants Christelijk Onderwijs Aruba” (SPCOA)

y Minister di Enseñansa, Michelle Hooyboer-Winklaar, a reuni cu e dicho directiva. Den un ambiente masha ameno e mandatario hunto cu e directiva a delibera riba e manera di maneho di e schoolnan cu ta cay bou di

nan maneho, ya cu ta trata di 6 school en total y un total di 64 docente. Tin 3 school

Graf van Zinzendorf, school basico y preparatorio y tin 3 school na Playa; Mon Plaisier

den otro y e resultadonan di cada un. Tambe e mandatario a duna elogio di e bon

na San Nicolas; John Wesley College, school secundario –

school preparatorio, school basico y school secundario. Actualmente Mon Plaisiers school Basico y school Prepatorio ta den pleno renobacion, pero ta poniendo hopi esfuerso pa esaki keda cla pa e alumno- y maestronan por bay back nan localidad anterior y esaki ta un di e puntonan mas importante pa e resto di aña 2013. Minister ta satisfecho di por a haya un splicacion amplio, con cada school su structura ta hinca

relacion cu SPCOA tin cu Departamento di Enseñanza y ta contento cu esaki. Loke a resalta como punto di atencion y sigur lo haci sondeo riba esaki, ta e posibilidad pa tin un school di enseñanza special den e bario di San Nicolas. Un school tipo enseñanza special sigur lo aporta enormemente na e comunidad di pariba di brug, ya cu actualmente ta pabou di brug so tin acceso na e tipo ey.


PAGINA 52

DIARIO

Trey Merdia Noord a celebra Dia di Derecho di Mucha

ORANJESTAD (AAN): --Na Scol Basico Washington na Noord a wordo teni un atardi masha bunita yena cu canto, baile, contamento di storia pa asina tur mucha di Trey Merdia Noord por a goza di Dia Internacional di Derecho di Mucha. Por a nota e cari単o cu leidster nan ta duna e muchanan y pesey DIARIO ta desea nan tur hopi pasenshi y sigui cu e bunita trabao aki.

DIABIERNA 29 NOVEMBER 2013


PAGINA 60

DIARIO

DIABIERNA 29 NOVEMBER 2013

Resumen di  “the 16th Eastern Islands Cultures Conference” na IPA

ORANJESTAD (AAN): Recientemente IPA, hunto cu Universidad de Puerto Rico, University of the West Indies y The University of the US Virgin Islands a organiza e “16th

Eastern Caribbean Island Cultures Conference” na IPA, Ar-

uba. E conferencia aki a enfoca riba cultura, idioma, literatura

y mas den e region di Caribe. Minister di Turismo y Cultura sr. Otmar Oduber a inicia e conferencia na John Wesley Auditorium na San Nicolas. Su persona a enfoca riba e importancia di cultura relaciona cu identidad di un pais y e rol di enseñansa den esaki. Alavez e mandatario a elabora tocante su vision pa turismo na Aruba unda herencia cultural ta forma parti integral di esaki. Directora di IPA drs. Ava Thodé y directora adjunto drs. Marilyn Richardson a dirigi palabra di bonbini na esnan presente. Durante e conferencia tawatin diferente presentacion di academico local y internacional riba diferente tema. Banda di esaki a tuma luga e asina yama “book launch” unda varios autor a presenta nan buki. Tawatin varios presentacion di diferente persona y grupo manera Ars Nova bou liderasgo di señora Mayra Kock Garrido y mr. Luciano Milliard di Universidad di Aruba. E presentacion di Ars Nova y Luciano Milliard a consisti di un discurso combina cu canto encuanto e tema titula “Multiple Voices, One Culture.” Ars Nova a presenta un potpourri di diferente cancion clasico di Aruba manera Chanita y 6or combina cu obra di West y Zuid Afrika, Cuba y Haiti. Sr. Milliard den un forma etnografico a describi e rol di e investigado den cuadro di contexto Arubano ora ta enfrenta cultura multiple y den esaki con mester tene cuenta cu e complexidad y uniformidad di Aruba. Un otro presentacion principal tabata un panel cu a enfoca riba idioma y diversidad na Aruba, den enseñansa y den comunidad. A enfoca riba e desaroyo di Papiamento den nos comunidad y den school, innovacion den enseñansa manera e school piloto school Multilingual, investigacion recien tocante adkision di idioma stranhero den enseñansa superior y multilingualismo di mucha entre 4 y 8 aña.  Drs. Joyce Pereira, drs. Regine Croes, drs. Merlynne Williams, Jessica Maduro MSc y Ramon Todd Dandare Mag. Ling a toca e diferente temanan aki y a hiba un discurso pasiona y cientificamente funda cu dato

emperico. E discusion despues, tabata hopi interesante unda varios persona local y internacional a haci varios pregunta y of a duna nan comentario.  Banda di e oradornan internacional manera Prof. Faraclas, Dr Chenzira Kahina y Prof. Kuwabong tawatin varios presentado representando IPA, Universidad di Aruba y otro instancia. E personan cu a bin pa dilanti ta: drs. Esther Wilson, Prof. dr Wim Rutgers, Clementia Eugene MA, Roke Hoen MSc., Shauna Porter MA., Prof. dr. Ryan Peterson, drs. Mervine Kock, drs. Janneke Dapper, mr Noris van Lis Donata, drs Yolanda Richardson, drs Lilian Felter, drs Kimberley Wever y e studiantenan Tirzlyn Kolfin, Lindsay Geerman y Indra Zievinger. Drs. Dimitri Halley, dr. Luc Alofs, Stan Kuiperi M.Ed.,  Ricky Hoek MA., sr. James “Jimmy’ Oduber, drs. Birgit Kreykenbohm, drs. Eric Mijts, drs. Olivia Groeneveldt, dr. Paula Kibbelaar, drs. Shailini Lee, Ruby Eckmeyer MA. y drs. Gregory Richardson. E topiconan tabata trata entre otro aspectonan di cultura, idioma, literatura, enseñansa, turismo y psicologia di e region Caribense. Riba e dia final tawatin un presentacion di Stichting San Nicolas Awareness Platform (SSNAP) tocante nan vision y nan proyectonan comunitario. Esnan presente por a combersa,  haci pregunta y intercambia idea. Por bisa cu e conferencia aki tabata un exito total y a inspira hopi hende pa cuminsa presenta y documenta nan investigacion. E siguiente “Eastern Caribbean Islands Cultures Conference” lo tuma luga november otro aña na e costa Caribense di Costa Rica den e ciudad Limon. IPA ta gradici tur e sostenedornan y tur persona cu a participa y of a yuda den cualkier forma of otro. Ta extende un danki special na Ministerio di Cultura y Turismo, Ministerio di Enseñansa, Arubus NV, Aruba Hotel and Tourism Association (AHATA), Aruba Tourism Authority (ATA), Balashi National Beverages, Setar NV, Carubbian Festival, Peanuts Restaurant y Aruba Fantasy Tours. 


DIABIERNA 29 NOVEMBER , 2013

29

Cambio di mentalidad ta necesario pa comunidad realisa Tlf: 6008370

ARIES 21 Maart – 19 April Awe ta un dia perfecto pa landa i hasi meditasionNumber de suerte 2005

TAURO 20 April – 20 Mei Riba dia di awe lo0 ta un dia bon pa negosasion y romance Number di suerte 0120

GEMINIS 21 Mei – 21 Juni Tene cuidou cu enemigo nan oculto awe mester ta hopi atento cu bo pareha Number di suerte 1313 CÁNCER 22 Juni – 22 Juli No laga ningun hende strobabo awe cu bo projectonan Number di suerte 1426

LEO 23 July – 22 Augustus Un dia perfecto pa declara amor.y pa keiro un rato Number di suerte 1099

VIRGO 23 Agustus – 21 September controla cas awe prome cu Sali tene cuidou cu ladronicia Number di suerte 1122 LIBRA 22 Augustus – 22 oktober Un bishita sin spera na cas awe un placa lo drenta sin spera Number di suerte 7999 SCORPIO 22 Octuber – 21 November No bandona cas para firme den bo decisión nan Number di suerte 1818

SAGITARIO 22 november 21 December Un jamada stranjo lo laga bo pensa hopi ,laga bai loke no ta sirbi Number di suerte 2277

Minister Michelle Hooyboer-Winklaar: Violencia contra hende muhe ta un acto criminal! Dia 25 di november tabata Dia Internacional pa Eliminacion di Violencia Contra Hende Muhe y tur aña na Aruba ta wordo organisa un actividad pa recorda pueblo di Aruba cu esaki ta keda un problema den nos comunidad. Minister Michelle Hooyboer-Winklaar, como hende muhe preocupa y den su funcion como e mandatario encarga cu Enseñansa y Maneho di Famia a atende e conferencia organisa pa Fundacion Hende Muhe den Dificultad dialuna. Aki un biaha mas a presenta e “con”, “pakico” y consehonan, pero tambe datonan di e situacion existente pa hopi aña na Aruba pa cu violencia cu ta wordo cometi contra hende muhe. Minister Hooyboer-Winklaar a pone un biaha mas hopi enfasis riba e hecho cu violencia contra hende muhe no ta “algo di nos cultura”, pero e ta un crimen; e no ta algo aceptabel y no mag di wordo considera ni acepta bao di ningun circumstancia, ni pa e victima, ni pa nos comunidad en general, como algo cu ta “pertenece”. E ta desagradabel cu un biaha mas ta sigui papia tocante e tema aki, pasobra esey kiermen cu e ta keda existi aunke ta bisto cuanto esfuerso ta wordo haci pa elimina e fenomeno aki, e mandatario a expresa. El a añadi cu di otro banda mester realisa cu ta necesario pa sigui papia tocante violencia contra hende muhe y sin e dialogo ey e topico ta keda scondi y no ta yega na solucionnan.

CAPRICORNIO 22 Dec.– 19 Januari Un dia perfecto pa demonstra na bo donjonan di trabou tur bo cualidades nan Number di suerte 7525

ACUARIO 20 januari – 19 februari No laga ningún hende stroba bo awe ser bo mes i sigui dilanti Number di suerte 6028

PISCIS 20 februari – 20 maart Un dia perfecto pa pisca.bishita nos lama nan pa relaha y no laga ningún hende negativo strobabo awe Number di suerte 0263

Minister Hooyboer-Winklaar a menciona cu profesor Ryan Peterson a presenta algun aspecto hopi interesante di e situacion local, cu un splicacion amplio tocante e parti social emocional, pues e “pakico” tin e presencia di violencia contra hende muhe den nos comunidad den e grado cu e ta presenta. E conexion cu e analisis presenta pa Peterson, e minister a bisa cu mester haci mucho mas

investigacion den nos comunidad, pasobra e topico aki no a wordo investiga bastante profundo ainda, principalmente pasobra ta wordo considera cu ta un “taboo” pa discuti y papia tocante violencia domestico. Minister Hooyboer-Winklaar a expresa cu den su cuatro añanan como minister di asuntonan social, el a topa diferente caso lamentabel y semper e prome cos cu tabata bin den mente ta cu e lo tabata kier pa por a haci tur lo posibel pa por a preveni cada uno di e casonan aki. Pero atrobe, e factor “cultura”, den e sentido di “custumber”, ta un obstaculo cu ta causa cu casonan ta bay asina leu pasobra nan ta keda scondi of ta wordo ignora. Demasiado biaha violencia contra hende muhe ta wordo mira y tolera como un “problema di pareha” y “no asina serio”, pero e realidad ta cu e ta un acto criminal, Minister Michelle Hooyboer-Winklaar a subraya. Asina ta pasa cu polis sea no ta actua den casonan asina, of tambe e victima mes no kier pa polis tuma paso. E victima cu no ta para pa su derecho, ta pasobra e ta carga e “mentalidad di victima” y ta tapa y sconde locual ta pasando cune, e titular di enseñansa, maneho di famia y enseñansa pa adulto a splica. “E ta algo cu toch no ta biba den nos comunidad, cu esaki ta un acto criminal. Mi a uza e referencia di si bo sali riba caya y un hende bin dal bo, polis ta bay busca ken a haci’e. Den e caso aki (di violencia contra hende muhe) hopi biaha tin violencia fisico, un maltrato abuso fisico serio, y tin biaha nan ta bisa “no”, pero e ta keda na un hende muhe pa haci aangifte,” Minister Hooyboer-Winklaar a splica. Esaki ta un situacion lamentabel y indeseabel y demasiado caso ta keda scondi, segun e mandatario. E Minister ta elabora cu mester

publica cifranan, mester traha hopi riba conscientisacion y mester tin e meta pa “kibra e silencio y kibra e cadena di violencia”; hende muhe y hende homber mester ta willing pa para y bisa cu NO ta tolera e abuso nan mas. Un confrontacion di nos comunidad cu e cifranan, e estadisticonan, lo yuda den e proceso di conscientisacion, unda cu sigur lo tin un efecto di “shock” den nos comunidad ora personanan realisa cu violencia contra hende muhe tin un ocurencia hopi mas grandi cu mayoria hende ta pensa. Bao di Minister Hooyboer-Winklaar su maneho enseñansa tambe lo hunga un rol den e proceso di conscientisacion, unda cu mester siña nos muchanan for di un edad hopi hoben caba cu violencia y particularmente violencia domestico y violencia contra hende muhe no ta normal, e ta un acto criminal y e mester wordo para. Esaki lo mester wordo instrui na un forma cu e muchanan ta compronde, teniendo na cuenta nan edad, conocemento di vocabulario y nan nivel di comprondemento di un topico asina sensitivo. E enfoke mester ta riba e futuro generacionnan tambe, pa lanta nan cu e consciencia cu violencia contra hende muhe no ta normal y no ta algo di nos cultura y asina traha den e direccion pa elimina e fenomeno aki, haci’e algo di pasado, Minister Michelle Hooyboer-Winklaar a conclui bisando, cu e deseo pa wak e dia yega cu porfin esaki por ta un realidad.


DIABIERNA 29 NOVEMBER , 2013

32

Minister Michelle Hooyboer-Winklaar a topa cu directiva di scolnan publico Den cuadro di su bishitanan oficial pa cera conoci cu departamentonan cu ta resorta bou di Ministerio di Enseñansa, Minister Michelle Hooyboer-Winklaar hunto cu su conseheronan a reuni cu Dienst Publieke Scholen. Durante e reunion a scucha e ultimo desaroyonan den e departamento for di su director, Kenneth Jong, kende a aclaria e tareanan cu e departamento

specifico aki tin. Dienst Publieke Scholen ta existi desde aña 2009 caba y tin como meta pa maneha, organisa y sostene enseñansa publico y scolnan publico, semper teniendo na cuenta cu e cuadra legal di enseñansa. Scolnan publico ta consisti di varios tipo di enseñansa, for di “hoger onderwijs” (IPA) te “kleuter onderwijs”. Banda di e

scolnan publico, nan tin na nan encargo “Naschoolse opvang Traimerdia”, “Incorporatieprogramma Anderstalligen”, “Avondleergangen”, “Zweminstructeurs” y “Studieopdrachters”. Mescos cu tur otro departamento, aki tambe tin espacio pa mehoracion y Minister Michelle Hooyboer-Winklaar a compromete su mes pa sinta

atrobe cu nan pa asina hunto yega na solucionnan duradero

pa mehora e sistema di educacion pa nos muchanan.

Play Foundation ta sostene Imeldahof Aruba rumbo pa 60 aniversario

X-Mas Bazaar Show di Dande na Brazil Diadomingo 8 di december Centro di Bario Brazil su Christmas Bazaar ta habri su portanan. Manera tur aña nan ta organisa un Christmas Bazaar caminda bo ta sinti bo na cas y den un ambiente unico. Tin tentnan cu tur clase di adorno pa Dia di Pasco y tambe cuminda y snacks netamente pa bo sinti e ambiente di Pasco, sin laga afo oliebollen, galiña cu ham y hopi mas. Tambe tin Disco Bonam y e famoso Grupo Flor di Pasco di Brazil. E grupo aki ta di hende grandi y nan canticanan ta pa bo recorda algun anja atrás, asina ta bo mester tey. Adicionalmente Centro di Bario Brazil ta organisa un grandioso Show di Dande y Reconocemento di nos Baluartenan. Esey lo ta dia 27 di december cuminsando pa 7:30 pm. Ta participa 10 grupo di Dande cu 24 cancion y 23 persona lo ricibi nan recuerdo como baluarte. Lo ta un show hopi bon hinca den otro cu lo bira unico. Bin celebra hunto cu nos e grandioso dianan aki.

Play Foundation, funda door di DJ, artista y producer Chuckie, a host un dushi desayuno pa e empleadonan loyal di Imeldahof na Taste of Belgium, unda e hubilarionan a wordo presenta cu regalonan, flor y live music di Upgrade Music. Stichting Kinderhuis Imeldahof, ta duna acogida temporal na muchanan di 6-18 cu door di circumstancianan manera negligencia, mal uso di alcohol y/o droga door di mayornan, abuso mental y/o sexual no por keda biba cerca nan mayornan. Den 2014 Imeldahof lo celebra 60 aña di existencia y den e cuadro aki Play Foundation lo organisa y sponsor differente actividadnan, di lo cual e breakfast aki a forma e kick off. Play Foundation den colaboration cu Flora Market lo transforma hunto cu e muchanan y staff, e cura di Imeldahof pa un verdadero Christmas Wonderland e siman aki. Riba Driekoningen, 6 januari, e muchanan lo ta representa cu mas regalonan y ademas Play Foundation tambe lo designa, construi y mantene e website y e Facebook page di Imeldahof, asina sigurando nan presencia riba internet y facilita nan ‘community building’.


PAGINA 32

DIARIO

DIABIERNA 29 NOVEMBER 2013

Informacion erroneo di Colegio Arubano relaciona cu Bishita Real no a sosode y trafico a keda normal. A compronde cu lo sera e camindanan pa motibo di seguridad nacional for di organizador señora Nicole Hoevertsz. Loke mester remarca ta cu alumnonan di Mon Plaisir a worde permiti pa por saluda e pareha real for di hekki di school. Segun e rector Jossy Tromp su persona ta lamenta cu colegio a tene cuenta cu tur procedura pa cu seguridad di e pareha real, sin cu e medidanan di seguridad a worde aplica, mientras cu e alumno di Colegio por a saluda e pareha real mirando cu nan ta muchanan cu tin bon comportacion. Inspeccion di Enseñansa: Señora Mariska Dania di inspeccion di Enseñansa na ningun momento tabata directamente envolvi den cualkier decision of peticion

ORANJESTAD (AAN)* Relaciona cu bishita real siman pasa, den un otro medio di comunicacion un reportera a bisa cu Colegio Arubano no a duna su alumnonan permiso pa saluda Su Mahestadnan Rey Willem Alexander y Reina Maxima basa riba instruccion di inspector di enseñansa. Esaki ta riba e di dos dia di bishita real na unda cu den Stadion Guillermo Trinidad a tene un encuentro cu muchanan di schoolnan basico. Relaciona cu esaki rector di Colegio Arubano sr. Jossy Tromp y señora Mariska Dania ta desmenti categoricamente e informacion erroneo y incorecto aki. Colegio Arubano: Segun e rector di dicho institucion sr.Jossy Tromp a remarca cu strañesa el a tuma nota di un reportahe via di television cu su persona a prohibi e alumnonan di saluda e pareha real momento cu esakinan a pasa hopi cerca di e school na pia pa bay atende e evento den stadion. "Na prome lugar e evento

aki tabata pa alumnonan di schoolnan basico y tabata un dia normal di school pa e alumnonan di Colegio Arubano. Enberdad e alumnonan di Colegio Arubano no a haya oportunidad pa saluda e pareha real, esaki no ta pa motibo di mi persona como rector sino un peticion a bin desde dialuna mainta tempran di parti di Departamento di Enseñansa pa Colegio coopera cu seguridad nacional"! Ta asina cu e pareha real lo bay cana hopi cerca di Ciclo Basico y segun di parti di e directora Annemarie Proveyer di Departamento di Enseñansa, no ta intencion pa e alumnonan di Colegio para na e cura pa por saluda e rey y reina. Den e cooperacion cu e directora di Departamento di Enseñansa a dicidi di hala e pause un poco mas laat pa evita cu e alumnonan lo ta den recreo momento cu e pareha real lo pasa cerca. Ademas mester bisa cu lo sera e camindanan pa evita cu tin trafico for di oranan hopi tempran. sinembargo esaki

di parti di organizadornan di evento relaciona cu bishita real. su persona ta lamenta cu e reportero no a haci esfuerzo pa verifica e informacion y asina duna esaki corectamente. e ta inhusto cu e rector di Colegio ta worde tilda di algo cu ta leu di realidad of berdad. Departamento di Enseñansa:

Diario a combersa tambe cu señora Annemarie Proveyer directora di Departamento di Enseñanza, kende a duna di conoce cu ningun momento tabata intencion pa trece e rector den un luz negativo. Ta asina cu señora Nicole Hoevertsz como parti di e team encarga cu e bishita real a haci un peticion pa evita cu e muchanan lo cana mei mei di e delegacion real, a pidi pa Colegio Arubano evita esaki. Esaki ta relaciona cu seguridad di e pareha real y como tal su mes en persona a acudi na Colegio pa hunto cu e rector tuma e precaucionnan necesario basa riba e peticion aki. El a pensa cu tur cos a sosode 'smooth' y a colabora cu esnan encarga cu seguridad.


DIABIERNA 29 NOVEMBER 2013

PAGINA 45

DIARIO

Got your balls? We have your Xmas Tree! ARUBA

Muchanan cu limitacion fisico tambe mester haya e mesun oportunidad cu tur mucha pa haya un bon educacion ORANJESTAD (AAN): Den nos comunidad mescos cu den tur comunidad na mundo, tin hende incluyendo mucha, cu

limitacion mental, pero tambe cu limitacion fisico. Fundacion Mi Por (FMP) ta un fundacion cu ta yuda

PANORAMA POLITICO

Stabilidad E panorama politico pa Aruba ta pinta un stabilidad politico pa nos futuro cercano. Esaki por worde deduci for di e resultadonan di ultimo eleccion parlamentario cu a duna AVP e partido den Gobierno un mayoria mas comodo pa goberna nos pais pa e proximo cuatro anja. Mirando tur loque a worde logra durante di e prome periodo di Gabinete Mike Eman hopi hende a spera un Victoria mas grandi pero ora cu nan sinta keto y analiza cu AVP ta e unico partido cu ta bai dilanti cu un asiento siendo den Gobierno nan ta keda conforme. Dos biaha bou liderasgo di mr. Henny Eman y awor bou liderasgo di mr.Mike Eman. Esaki por worde atribui solamente na bon gobernacion pasobra MEP nunca a logra algo semahante. Awor cu AVP tin 6 asiento di bentaha ariba MEP y proyectonan grandi cu a worde prepara bou di e prome Gabinete Mike Eman lo mira lus di dia, dificilmente MEP lo por drenta Gobierno na 2017. Proyectonan manera Hospital nobo, Green Corridor, mudamento di haf di container pa Barcadera, e caminda di cuatro pista di aeropuerto pa Sasakiweg, e parke di energia solar na aeropuerto y e molinanan di biento na Urirama Lo tin un impacto grandi ariba nos economia. Aruba lo drenta un era di progreso nunca bisto y desempleo lo worde treci na un cantidad minimal. Na timon nos tin un lider Cristian-democrata cu tin e bienestar di nos pueblo na pecho y a demonstra cu caminda e “sosialistanan” a laga e pueblo na caya e a cumpli cu e parti social di un bon gobernacion. Mescos cu e redoblacion di placa di pension bao Henny Eman, Mike Eman a percura pa reparatie toeslag pa tur pensionado y trahadornan cu sueldo minimo den sector priva. Esaki ta duna e dynastia politico Eman un stempel di convivencia social y cu esnan mas vulnerable por ta sigur cu nan lo no worde lubida nunca. Un tercer Gabinete Mike Eman ta bira eminente y e stabilidad politico pa e proximo decada ta keda garantiza, pasobra esnan cu awor ta den oposicion lo siña nan les. Relacionnan estrecho basa ariba confiansa y respet mutuo entre e partnernan di Reino Hulandes ta un condicion primario pa stabilidad politico y progreso economico pa nos pais. Partido MEP tawata tin problema pa accepta e filosofia politico aki pero despues di 12 aña den oposicion probablemente nan lo mira e luz cu ta ilumina e mente humano…….

muchanan cu limitacion fisico, pa asina nan por fungi den comunidad na un manera normal. Pa por yuda entre otro cu e gastonan medico tin mester di placa y pesey FMP ta organiza diferente evento pa recauda fondo. E aña aki pa di 3 aña consecutivo FMP ta uni su mes cu Kenneth Cole Aruba y Gianni’s Group, pa un evento yama ‘Fashion With a Cause,

cu ta bay tuma lugar na Gianni’s Restaurant riba 15 di December. Durante un conferencia, Director di Gianni’s Group Daniele Ferrara a trece dilanti cu e compania bao di cual Gianni’s Restaurant y Amore Mio ta cay, ta purba sponsor mas tanto posibel evento pa yuda mucha, of hende grandi den necesidad. “Nos a cuminza 3 aña pasa cu e evento y e intencion ta

pa haya mas fondo posibel pa yuda esnan cu limitacion fisico”. Esaki segun Ferrara, kende a indica cu e evento ta costa 60 dollar pa persona y full e suma ta wordo duna na Fundacion Mi Por. “Gianni’s Group mes ta den e evento aki, pasobra pa nos ta importante pa muchanan por bay school por ehempel, pasobra si nan tin un limitacion fisico, esaki no mester stroba nan di haya un bon educacion”, segun Ferrara. Na final el a hasi un invitacion na tur hende pa bin na e evento riba 15 di December, cu e aña aki ta bay ta paden di e Restaurant y no pafo manera aña pasa. El a splica cu e biaha aki ta bay involucra e turistanan tambe den e evento. E carchinan por wordo cumpra adelanta na Gianni’s Restaurant, Kenneth Cole y durante e Christmas Expo cu ta bay tuma lugar 3 dia largo.

Arina ta presenta “Guide to Doing Business in Aruba” na Minister de Meza

O R A N J E S TA D ( A A N ) : Arina, e departamento oficial encarga cu promocion di Aruba como business destination y gateway, a caba di publica e prome edicion di e “Guide to Doing Business in Aruba”.

E guía aki ta uno cu ta inclui informacion practico pa inversionista interesa den cuminsa un negoshi na Aruba, sea pa e mercado local of mercado regional. E guía aki ta inclui informacion manera structura di compania,

incentivonan cu Aruba ta ofrece, incluyendo FreeZone Aruba y San Nicolas Special Zone y hopi mas. E prome copia a worde presenta door di directora Sharon Erasmus oficialmente na Minister di Economia, Telecommunicacion, Utilidad y Energia, Minister Mike de Meza, kende a keda sumamente contento cu e publicacion aki. E guia aki lo yuda den promociona Aruba y lo facilita inversionistanan cu informacion importante cu lo guianan den e proceso di establecimento na Aruba. E “Guide to Doing Business” ta disponibel na oficina di Arina den Weststraat, pero tambe pronto na diferente instancianan manera Camara di Comercio, Directie Economische Zaken y oficina di notario, abogado y accountants.


Diabierna November 29 2013

Pagina 14

Nominadonan pa Maestro di Aña ta papia di nan motivacion pa scoge e profesion di Maestro di School Consciente di e balor inmenso di e trabao di un Maestro di School y e reconocemento cu e merece, Departamento di Enseñanza Aruba (DEA) hunto cu Ministerio di Enseñanza ta otorga pa di tres aña consecutivo e premio "Maestro di Aña". Pa Enseñanza Special ta nomina Marisol CroesFranciscus di School Dun'un Man: "Unda cu mi bay mi atencion ta ariba mucha rond di mi; comparti un smile of un conversacion chikito. Mi ta let op si e mucha ta safe, con e ta comporta y con su estado emocional ta. Di e manera aki mi a bin constata cu traha cu mucha lo ta un trabou pa mi. Mas cu un trabao e ta un chance pa e cuido y educacion di e mucha. Y te cu awor mi ta sinti mi responsabel pa cada mucha cu ta forma parti di mi klas, mi famia." Pa Enseñanza Preparatorio (Kleuter) ta nomina Charity Croes di Arco Iris Kleuterschool: "Mi a yega di traha for di jong caba den diferente actividad cu tin di haber cu mucha, manera por ehempel na iglesia mi a yega di yuda y duna les den zondagschool, y mi a yega di traha como lider na Centro Juvenil Washington ora tin campamento. Traha cu e muchanan di cerca, experencia cu nan ta un mundo unico ariba su mes, sinti e deseo pa tuma tempo cu nan, hunga cu nan, yuda nan crece, contribui na nan formacion y desaroyo y laga nan sinti special y stima a haci cu mi a sinti e motivacion pa scoge esaki como mi profesion." Pa Enseñanza Basico ta nomina Teresita (Sita) da Costa di Maria Regina School: "Pa ser franco mi nunca a pensa riba e carera di maestro. Pero unabes mi a scoge pa e carera aki mi no por a kita mas di dje. E ta un profesion dinamico, unda bo no por para keto y unda bo por touch bida di hende den un manera positivo. Nos enseñanza no mester ta djis un machine cu ta produci bon studiantenan

pero un institucion unda e mucha ta siña bira parti di nos comunidad. Nos school mester bira un lugar unda e mucha kier bin pasobra e ta sinti su mes bon, protegi, stima y un lugar unda e ta sinti su mes balora." Pa Enseñanza Secundario ta nomina Mariana JimenezAngela docente di ASW na Colegio Arubano: "Despues di a traha 12 aña den e sector bancario, mi a cuminsa sinti cu mi por duna algo mas di mi mes. Pa mi e ta un privilegio di por traha cu hoben y guia nan den un bon caminda. Hobennan mester di e atencion ey. Hopi biaha un mucha cu ta comporta su mes diferente den klas of ta druk, ta pasobra e ta gritando na e mundo eyfor cu e ta den un problema y e no sa con pa trata cu ne. Ami a sinti e anhelo pa yuda e adolescentenan." Pa Enseñanza PostSecundario ta nomina Sarah Sambo di sector Salubridad y Servicio na Colegio EPI: "Mi tabata kier un cambio den mi carera door cu di profesion mi ta un trahador social. Mi tabata tin docentenan den mi pensamento cu a inspira mi pa mi por a bisa mi mes ki sorto di docente lo mi kier ta pa mi studiantenan. Awo mi ta para 10 aña dilanti klas y tur dia siñando algo nobo di mi studiantenan y habri pa feedback y opbouwende kritiek di mi coleganan. Locual cu sigur ta duna mi tur aña un goso interno ta ora mi mira e studiante cu su diploma y su smile pasobra el a logra su soño." Por haya e entrevista completo di cada nominado riba e website Enseñanza Aruba | www.ea.aw. E proyecto Maestro di Aña kier enfoca mas e cosnan positivo cu ta sosode den klas, danki na e esfuerzo di e Maestro di School. Den e prome fase di e proyecto e maestro y docentenan a keda postula pa nominacion door di nan alumno y studiantenan, mayor y/ of coleganan di school. Despues di evaluacion un cuerpo di hurado a selecta

un nominado pa cada nivel di enseñanza. E nominadonan actualmente ta teniendo un conversacion cu e hurado cu ta consisti di personanan cualifica y cu amplio

experiencia riba tereno di Enseñanza na Aruba. Na luna di december Minister di Enseñanza lo anuncia e Maestro di Aña 2013. Pa mas informacion relaciona

cu e proyecto aki por acudi na nos website Enseñanza Aruba | www.ea.aw. Tambe por sigui nos riba Facebook of Twitter pa keda up to date cu tur informacion.

Cumpra bo auto prome cu Pasco y cuminsa paga fin di Februari, 2014

Aruba Bank cla pa financia autonan nobo na Car Extravaganza

--Despues di e exitoso evento di “Mega Car Sale” di Aruba Bank, unda cu hopi cliente a probecha pa busca nan auto nobo cu e mihor oferta y beneficio ofreci pa Aruba Bank, ainda abo tin chens di probecha y saca bo auto nobo pa e dianan di fiesta venidero. Den e fin di siman aki na e evento di “Car Extravaganza”, lo tin un tremendo show di auto

y Aruba Bank tambe lo ta presente pa tur cliente cu ainda kier probecha y haci nan compra di un bunita auto cu e mihor ofertanan di banco. E oferta di Aruba Bank ta uno cu sigur no por laga pasa, ya cu bo por haya e auto di bo soño na un interes di 10.50% cual interes efectivo ta varia entre 10.65% y 10.71% y cuminsa paga te fin di Februari 2014.

Pasa diasabra awor, dia 30 di November na Stern durante Car Extravaganza, for di 4:00 pm pa 7:00 pm, cu bo 2 ultimo comprobante di salario, carta di referencia di trabao y identificacion valido y laga e representantenan di Aruba Bank yuda bo yega na bo auto y asina pasa e dianan di fiesta venidero den bo auto nobo!


Pagina 30

Diabierna 29 November 2013

Resumen di “the 16th Eastern Islands Cultures Conference” na IPA --Recientemente IPA, hunto cu Universidad de Puerto Rico, University of the West Indies y The University of the US Virgin Islands a organiza e “16th Eastern Caribbean Island Cultures Conference” na IPA, Aruba. E conferencia aki a enfoca riba cultura, idioma, literatura y mas den e region di Caribe. Minister di Turismo y Cultura sr. Otmar Oduber a inicia e conferencia na John Wesley Auditorium na San Nicolas. Su persona a enfoca riba e importancia di cultura relaciona cu identidad di un pais y e rol di enseñanza den esaki. Alavez e mandatario a elabora tocante su vision pa turismo na Aruba unda herencia cultural ta forma parti integral di esaki. Directora di IPA drs. Ava Thodé y directora adhunto drs. Marilyn Richardson a dirigi palabra di bonbini na esnan presente. Durante e conferencia tabata tin diferente presentacion di academico local y internacional riba diferente tema. Banda di esaki a tuma lugar e asina yama “book launch” unda varios autor a presenta nan buki. Tabata tin varios presentacion di diferente persona y grupo manera Ars Nova bao liderazgo di sra. Mayra Kock Garrido y mr. Luciano Milliard di Universidad di

Aruba. E presentacion di Ars Nova y Luciano Milliard a consisti di un discurso combina cu canto encuanto e tema titula “Multiple Voices, One Culture.” Ars Nova a presenta un potpourri di diferente cancion clasico di Aruba manera Chanita y 6’or combina cu obra di West y Zuid Afrika, Cuba y Haiti. Sr. Milliard den un forma etnografico a describi e rol di e investigador den cuadro di contexto Arubano ora ta enfrenta cultura multiple y den esaki con mester tene cuenta cu e complexidad y uniformidad di Aruba. Un otro presentacion principal tabata un panel cu a enfoca riba idioma y diversidad na Aruba, den enseñanza y den comunidad. A enfoca riba e desaroyo di Papiamento den nos comunidad y den school, inovacion den enseñanza manera e school piloto School Multilingual, investigacion recien tocante adquision di idioma stranhero den enseñansa superior y multilingualismo di mucha entre 4 y 8 aña. Drs. Joyce Pereira, drs. Regine Croes, drs. Merlynne Williams, Jessica Maduro MSc y Ramon Todd Dandare Mag. Ling a toca e diferente temanan aki y a hiba un discurso pasiona y cientificamente funda cu dato emperico.

E discusion despues, tabata hopi interesante unda varios persona local y internacional a haci varios pregunta y of a duna nan comentario. Banda di e oradornan internacional manera Prof. Faraclas, Dr Chenzira Kahina y Prof. Kuwabong tabata tin varios presentador representando IPA, Universidad di Aruba y otro instancia. E personan cu a bin pa dilanti ta: drs. Esther Wilson, Prof. dr Wim Rutgers, Clementia Eugene MA, Roke Hoen MSc., Shauna Porter MA., Prof. dr. Ryan Peterson, drs. Mervine Kock, drs. Janneke Dapper, mr Noris van Lis Donata, drs Yolanda Richardson, drs Lilian Felter, drs. Kimberley Wever y e studiantenan Tirzlyn Kolfin, Lindsay Geerman

y Indra Zievinger. Drs. Dimitri Halley, dr. Luc Alofs, Stan Kuiperi M.Ed., Ricky Hoek MA., sr. James “Jimmy’ Oduber, drs. Birgit Kreykenbohm, drs. Eric Mijts, drs. Olivia Groeneveldt, dr. Paula Kibbelaar, drs. Shailini Lee, Ruby Eckmeyer MA. y drs. Gregory Richardson. E topiconan tabata trata entre otro aspectonan di cultura, idioma, literatura, enseñanza, turismo y psicologia di e region Caribense. Riba e dia final tabata tin un presentacion di Stichting San Nicolas Awareness Platform (SSNAP) tocante nan vision y nan proyectonan comunitario. Esnan presente por a conversa, haci pregunta y intercambia idea. Por bisa cu e conferencia aki tabata un exito total

y a inspira hopi hende pa cuminsa presenta y documenta nan investigacion. E siguiente “Eastern Caribbean Islands Cultures Conference” lo tuma lugar November otro aña na e costa Caribense di Costa Rica den e ciudad Limon. IPA ta gradici tur e sostenedornan y tur persona cu a participa y of a yuda den cualkier forma of otro. Ta extende un danki special na Ministerio di Cultura y Turismo, Ministerio di Enseñanza, Arubus NV, Aruba Hotel and Tourism Association (AHATA), Aruba Tourism Authority (ATA), Balashi National Beverages, Setar NV, Carubbian Festival, Peanuts Restaurant y Aruba Fantasy Tours.


291113