Issuu on Google+


DIABIERNA 31 JANUARI , 2014

2

SEÑOR TA BISA:SEÑOR TA BISA: “MA ABO, ORA BO TA BAY RESA, DRENTA BO CAMBER CERA PORTA Y RESA NA BO TATA, CU TA DEN E LUGAR SECRETO AKI, Y BO TATA CU TA MIRA LOKE BO TA HACI DEN SCONDI LO RECOMPENSA BO”, MATEO 6:6

Sindicato ABV ta convoca reunion urgente awe pa 8’or di mainta

Raad van Toezicht a bin cu otro contract pa mara “man y pia” di director medico di hospital Nan ta duna Raad van Toezicht un ultimatum pa revoca e contact ey te atardi 4’or Un inkietud ta reina cerca e trahadonan di Horacio Oduber Hospital (HOH). Presidente di Sindicato di Hospital, ABV, sra. Gina Maduro a declara cu nan ta invita tur trahado di hospital pa un reunion urgente awe pa 8’or di mainta dilanti di hospital mes. Sra. Maduro a bisa cu e reunion urgente aki no tin nada di haber cu negociacion di CAO, sino cu un situacion cu a surgi cu director di HOH, Dr. Jaime Falconi y Raad van Toezicht relaciona cu prolongacion di su contracto.

El a splica cu dia 14 di januari tabatin un firmamento di acuerdo entre gobierno y Dr. Falconi. Pero aworaki e Raad van Toezicht di hospital kier bin cu otro contact riba e contract existente caba. E sindicalista a bisa cu Raad van Toezicht kier bin cu otro contract caminda dificilmente Dr. Falconi lo por firme, ya cu e condicionnan cu nan tin hinca den e contract aki “nan ta mara su man y pianan”. Sra. Maduro a laga sa cu e contract nobo cu e miembronan

Raad van Toezicht a traha pa Dr. Falconi ta condiciona su funcion como director di hospital, y esaki ta inaceptabel pa sindicato ABV Na luna di januari Dr. Falconi su contract a vence como director medico di Hospital. Den e caso aki gobierno a interveni y Dr. Falconi a haya cuater luna pa den e periodo aki tur partido envolvi lo por sinta pa wak un structura nobo den hospital. Pero a bin resulta awor cu e Raad van Toezicht di hospital a dicidi di bin “cu otro contact

riba un contract”. Sr. Maduro a indica cu e situacion aki ta algo inaceptabel pa nan, ya cu si nan lo kier duna un prolongacion esaki mester tuma lugar a base di e contract existente cu a wordo firma caba. “Mañan mainta 8’or nos tin reunion y nos ta bay duna Raad van Toezicht un ultimatum pa nan revoca e contact ey te atardi 4’or”, asina presidente di sindicato ABV a declara categoricamente na ArubAwe. El a

bisa cu diasabra ta 1 di februari, y e no por imagina cu nan lo bay habri un hospital sin un director medico. El a reitera cu sindicato ABV ta pidi Raad van Toezicht pa revoca e di dos contract cu nan kier bin cune, y laga director medico di HOH continua aki cuater luna pa asina haya tempo pa mira e structura cu tin. “Pero no e contract cu nan ta exigi pa e firma”, asina presidente di ABV sra. Gina Maduro a declara ayera tardi na ArubAwe.

Parlamentario di fraccion di MEP, sr. Ady Thijsen

Investigacion profundo no a wordo haci riba impacto di lei “aansprakelijkheid belasting” No a wordo teni cuenta cu nos Codigo Civil

Parlamentario di fraccion di MEP, sr. Ady Thijsen.

Parlamentario di fraccion di MEP, sr. Ady Thijsen a duna su punto di bista riba e lei cu a ser aproba dialuna ultimo, cu ta e lei “aansprakelijkheid belasting en premies volksverzekering”, e ta un ley cu ta bin pa protege e trahadonan di doñonan di trabou cu no ta cumpli pa paga

belasting y primanan, pues e ta pone tur empresa responsabel pa cumpli cu nan obligacion di pago di impuesto, y demas obligacion fiscal. El a indica cu e lei aki ta uno cu partido MEP a bin cunele, y a transcuri basta aña pa tog el a wordo trata y aproba. El a bisa cu su partido a bay hopi cauteloso cu e lei aki, ya cu e ta un lei di un gran magnitud, ya cu mester evalua prome hopi cos. E ta haya straño si cu na aña 2009 cu partido AVP a sinta nan no a trata e lei aki di biaha. E ora e ta evalua e prioridadnan cu partido AVP a haci ora cu nan a drenta gobierno, nan

a enfoca riba infrastructura, kiermen construccion. Pesey sr. Thijsen ta wak hopi straño cu gobierno anterior no a cuminsa trata e lei aki di biaha na 2009, sino cu nan a pase na 2014. El a bin cu e reflexion aki ya cu ora ta ser papia di mundo di construccion ta ser trata cu hopi sub-contratista. E ta haya cu esaki a pone cu entre 20092013 masha hopi uitzendbureau a wordo lanta. Pesey el a haci e siguiente pregunta na Minister di Finansa: con e ta mira e lei di belasting aki awor cu e leinan di laboral cu a wordo pasa. E ta lamenta cu e no a haya e contesta di e mandatar-

io manera mester ta. El a bisa cu ora cu nan a trata e lei laboral a bin cambionan cu partido MEP no ta haya cu ta bon pasobra den practica e ta trece problema. El a trece como ehemplo cu den nos Codigo Civil a ser cambia e lei unda ta ser bisa cu un uitzendovereenkomst ta bira un arbeidsovereenkomst. Parlamentario Thijsen ta indica cu cosnan asina ta haci un diferencia grandi. E ta trece esaki dilanti pa mustra cu den e tratamento di lei aki, no a wordo teni cuenta cu e aspecto aki, apesar cu el bin cu pregunta pa e mandatario, y lamentablemente e no a haya

contesta. Igualmente Parlamentario Thijsen a bisa cu un lei di e magnitud aki ta exigi prome pa haci un investigacion vooral e gobierno actual di partido AVP cu ta bay sigui inverti hopi den infrastructura, y esaki alomenos mester exigi un investigacion p.e. cuanto companianan bo ta papia di dje, y cuanto nan a raporta den entrada di belasting. El a laga sa cu e falta di atencion y investigacion aki ta refleha ki sorto di gobierno nos tin. E parlamentario di oposicion ta haya cu un gobierno “mester ta sincero, responsabel y mustra su capacidad di goberna.”


DIABIERNA 31 JANUARI 2014

PAGINA 15

DIARIO

Inversionnan di FDA ta inclui mehoracion di recursonan humano di Aruba tambe

Minister Yrausquin: “Nos kier yega na un Aparato Gubernamental di cinco strea den un par di aña” ORANJESTAD (AAN): Firmando pa Fondo di Desaroyo Arubano (FDA) por financia e curso “Leiderschap training van leidinggevenden en/ of HR-functionarissen ter voorbereiding van het nieuwe HR-systeem, Gobierno a dal un paso mas dilanti pa yega na un servicio di 5 strea den e Aparato Gubernamental.” Esaki ta loke Minister di Finanza y Organisacion Gubernamental Juan David Yrausquin a expresa.

Diaranson mainta den Sala di Conseho di Minister a tuma luga firmamento di un acuerdo entre Gobierno, FDA y Departamento di Recurso Humano (DRH) pa 25 director di departamento di Gobierno por participa den e curso di liderazgo cu tin duracion di un aña. Esaki ta wordo realisa den cooperacion cu PwC Advisory y Universidad di Aruba. E ‘leadership training’ aki, cu ta dirigi riba lidernan den sector priva y publico, ta pa desaroya

A SER PERDI/HORTA! Dia 28 Januari 2014

un Chihuahua color blanco scur macho e tin un banchi blauw.

For di P.C. Hoofdstr. San Nicolaas. Su nomber ta Tackito e tin solamente 4 luna dus e falta su hangua nan ahinda. Si abo a mira, of sa o sea nan a ofrece bo un cacho.

Pls yama: 560-3191 su doño ta haña su falta y ta yor’e

Danki di Antemano

e calidad di  liderazgo den diferente tipo di organisacion. “E idea ta pa e mehora e liderazgo den e aparato gubernamental,” Minister Yrausquin a bisa momentonan despues di a pone su firma bou di e acuerdo aki, como e mandatario encarga FDA. Sr. Yrausquin a splica cu DRH a prepara tur e documentonan pa haya e financiamento y a haci seleccion di e directornan cu lo participa den e curso aki. E meta di Gobierno ta pa busca e recursonan necesario pa capacita su hendenan y logra cu den un par di aña por papia di un aparato gubernamental di cinco strea. “Den esaki FDA ta hunga un rol hopi importante. E ultimo añanan nos por a wak no solamente e parti fisico, cu kisas hopi biaha ta haya e atencion, pero tambe diferente proyecto pa mehoracion di aparato gubernamental a wordo financia door di FDA y nos ta aprecia esey. Por menciona e proceso di automatisacion den diferente departamento di Gobierno y awor DRH a haya e caminda pa FDA.” Sra. Omaira Larez, di DRH, a splica cu esaki ta parti di e plan total cu tin pa drecha e aparato gubernamental, tanto den organisacion como personal. Un di e prome proyectonan ta e ‘Leadership Academy’, cual ta bay wordo ehecuta door di PriceWaterhouseCoopers Advisory hunto cu Universidad di Aruba.    E curso menciona a cuminsa e luna aki cu participacion di mas di 100 persona, segun Ruben Goedhoop di PwC Advisory, kende a splica cu tin personanan di sector priva tambe participando.  E contrato a wordo firma pa Ministro di Finanza y Organisacion Gubernamental Juan David Yrausquin, Edwin Roos y Glenn Thode (di FDA), hunto cu Omaira Larez di DRH.


PAGINA 2

DIARIO

DIABIERNA 31 JANUARI 2014

Presidente di FDA Edwin Roos contento cu proyectonan ta aumentando

Proyectonan di FDA cla pa start cu firma di Minister Yrausquin ORANJESTAD (AAN): Minister di Finanza y Organisacion Gubernamental Juan David Yrausquin a firma diaranson mainta algun acuerdo cu Fondo Desaroyo Aruba (FDA) relaciona cu financiamento di proyectonan cu ta wordo promovi door di Gabinete Mike Eman II. FDA ta cay bou responsabilidad di e mandatario aki. Na e ceremonia tabata presente representantenan di e diferente organisacionnan envolvi, manera Omaira Larez di Departamento di Recurso Humano, Franklin Figaroa (projectleider di DOW), Edwin Roos y Glenn Thode (FDA), Ruben Goodhoop (di PWC) y  Anthony Thiel di BIC NV. Minister Yrausquin den su introduccion a remarca cu tin diferente proyecto andando cu Gobierno ta promove cu ayudo di FDA. “Na cuminsamento di Gabinete Mike Eman a pone un enfoke riba proyectonan di FDA ... E cantidad di e proyectonan aki ta aumentando tambe door cu a haya e formula pa haci miho uzo di e fondonan di FDA. Nos ta gradicido na FDA cu ta un cooperacion entre Hulanda y Aruba cu a pone e fondonan disponibel pa diferente proyecto wordo realisa riba nos pais,” e Sr. Yrausquin a splica. E acuerdonan firma tabata curso di “Leiderschap training van leidinggevenden en/ of HR-functionarissen ter voorbereiding van het nieuwe HR-systeem” pa Departamento di Recurso Humano (DRH) y Segundo fase embeyecimento di Baby Beach. “Realisacion di cada proyecto cu ta wordo financia door di FDA ta un momento di orguyo”, segun e Presidente Edwin Roos. “Tur proyecto cu nos firma, chikito of grandi, ta importante pa FDA,” el a bisa. Pero tambe el a expresa su satisfaccion pa e hecho cu a constata e ultimo añanan cu proyectonan cu ta wordo presenta y aproba pa wordo ehecuta ta aumentando. “Mi por bisa cu Gobierno y tur e departamentonan presente, boso por sigui riba e ambicion cu boso a mustra caba, pasobra nos mester realisa mas (proyecto) pa aña p’asina uza tur e fondonan cu tin disponibel.” E firmamento di tres acuerdo diaranson mainta, el a agrega, ta un bon muestra di e diferente

tipo di proyectonan cu FDA ta financia. Aunke mayoria ta infrastructura, y ta mas visibel, pa FDA ta mes importante e trayecto di DRH ta bay aden hunto cu PriceWaterhouse cu ta proyectonan cu “ta contribui na nos hendenan y ta aporta na e servicio di 5 strea cu Minister Yrausquin a bisa cu Gobierno por brinda un y tur.”  


Fin 31114