Page 1


DIARANSON 29 JANUARI , 2014

13

Parlamentario mr. Xiomara Ruiz-Maduro:

Companianan cu a traha Linear Park y Caya Betico Croes no a cumpli cu leynan “Parlamento a trata e Ley di responsabilisacion di debe di belasting y di primanan di seguro social. E Ley lo mester caba cu e inhusticia cu companianan ta keda sin paga nan belasting y entrega e prima di seguronan social na Gobierno. Companianan asina ta pone cu ta bin un competencia inhusto cu e companianan cu si ta cumpli cu nos leynan. Den esaki Gobierno mester duna e miho ehempel door di contrata companianan serio pa ehecuta su proyectonan. Den e proyectonan di Linear Park y renobacion di Caya Betico Croes tin duda si e companianan aki ta cumpli cu nos leynan.

tal di e proyecto. Ta conoci cu Gobierno a contrata dos compania desconoci na Aruba pa asina respectivamente construi e proyecto di Linear Park fase 1 y e renobacion di Caya Betico Croes. Tur dos e proyectonan aki a tarda masha hopi mes pa keda cla y a wordo confronta na mas di un ocasion cu problema pa paga nan trahado debidamente. Algo cu ta seĂąala caba cu lo por surgi problema tambe cu pago di e belasting y primanan social corespondiente. Pa locual ta trata Linear Park fase 1, e compania Venezolano Prosuinca a keda encarga cu e ehecucion di e proyecto pa mita di e prijs di e costo to-

E proyecto cu a inicia na februari 2011 a sufri un tardansa enorme y a wordo ehecuta na un calidad cu ta wordo cuestiona. Remarcabel ta cu e compania ya for di 15 di november 2011 no tabata conta mas cu un director of un representante local, ya cu for di registro di Camara di Comercio a bira conoci cu e director a retira. Na e momento ey e proyecto tabata leu di a keda finalisa y e duda grandi a keda atras, ken lo a keda responsabel pa e debe di belasting y primanan social cu mester a wordo paga.

E trabounan den Caya Betico Croes tambe a wordo ehecuta pa Mantbraca, un compania cu no ta conoci den e mundo di construccion na Aruba. E proyecto aki tambe a haye cu problema pa paga empleado, a conoce un tardansa enorme. For di Camara di Comercio su registro ta sali na cla cu den e compania aki tabata tin cambio di director y a yega na nos oido cu e compania lo ta confrontando un posibel bancarota. Esaki tambe ta trece e duda cune si e compania aki lo a cumpli cu nos leynan di belasting y di prima social debidamente. Enbista di e Ley di responsa-

bilisacion di belasting y di prima social nos a puntra Minister Yrausquin si e por sigura nos cu e companianan aki cu ta ehecuta proyecto pa Gobierno a cumpli debidamente cu nos leynan. Pero nos Minister di Finanzas no por a sigura nos esaki, bisando cu e no por duna informacion y a pidi nos pa bay puntra Minister Sevinger si nan a cumpli cu nos leynan. Ta di spera cu nos Minister di Finanzas lo sa di percura pa e companianan cu traha proyecto grandi manera e Green Corridor y e Hospital cumpli debidamente cu nos leynan. Ta den man di Gobierno pa duna e mihor ehempel.�


DIARANSON 29 JANUARI , 2014

15

Duaneronan honra pa no falta dia di trabou Durante e celebracion di Dia di Duana, cual a tuma luga dialuna na Renaissance Convention Center, Minister di Finanza Juan David Yrausquin a honra un grupo di Cuerpo di Douane. E mandatario kier a reconoce e miembronan di e cuerpo aki cu no a keda ningun dia cas cu AO. A yega na e lista aki basa riba datonan ricibi for di SVb, cu ta controla e dianan AO. Ta trata aki di un grupo di 10 Duanero di un grupo di mas cu 200 trahado. Nan a ricibi un certificado y un regalo chikito for di e mandatario. Ta trata aki di: Junior A. Arends; Gwnedoline C. Boekhoudt; Ricardo J. Croes; Edgar Croes; Patricia M. Flanders Illis; Giovanni C. Peterson; Wilson H. Robles; Angelo Tromp; Roland Wernet; Dwaynexel Raven. E reconocimento ta un forma di incentivo na e grupo di Douaneronan, cu a yega como un sorpresa pa nan.

Promotor di bitcoin deteni pa labamento di placa Charlie Shrem, Director di BitInstant, un agencia di cambio pa bitcoins, e moneda digital, a keda aresta e siman aki y ta sospecha hunto cu un complice di e laba mas cu 700 mil euro procedente di placa di droga. E placa como tal a yega riba e mercado digital di droga Silk Road y Shrem lo tabata sa esaki. Segun e raport policial cu a sali e siman aki, Shrem di 24, lo a duna su complice Robert Faierlla, cu tin e nomber BTCKing, e suma di 1 miyon dollar na bitcoins (700 mil euro). Faiella a uza e placa pa cumpra droga y a bende esaki online via e

website Silk Road. Segun autoridadnan fiscal, Shrem tabata consiente cu e monedanan virtual tabata destina pa compra di droga. Mientras cu e sospechosonan tabata scondi tras di nan computer nan a gana hopi placa na labamento di placa segun James Hunt, un di e investigadonan fiscal. Ambos sospechoso tabata hopi consiente “cu e placa tabata destina pa cumpra droga.” Shrem no ta unicamente director di BitInstant, pero tambe ta director activo di e entidad cu ta cuida e balor di bitcoin y ta

un di e promotornan mas grandi di e moneda virtual cu no tin sosten di ningun banco central of otro instancia oficial cu ta brinda siguridad riba placa. Shrem ta den e directiva di Bitcoin Foundation cu ta promove e uzo di bitcoins. E ta acusa di labamento di placa y tambe di ta uza e placa pa droga, pa cua e por spera un castigo maximo di 20 aña di castigo. Bada di esey e Director ta acusa tambe pa e uzo ilicito di medionan pa transaccionnan monetario. FBI a logra desmantela Silk Road aña pasa, 2013, despues di un investigacion di dos aña y mey. E luga di comercio virtual,

cu tambe a bira conoci como e E-bay ilegal pa droga, tabata pa hopi tempo e luga ideal pa traficadonan di droga ya cu no

tabata registra ni warda e datonan. Mientrastanto e website di BitInstant ta for di liña na e momentonan aki.


DIARANSON 29 JANUARI 17 DIARANSON 29 JANUARI , 2014, 2014

Real Madrid prome clasifica pa semifinal Copa del Rey

Real Madrid diamars a bira e prome clasifica pa e semifinalnan di Copa del Rey despues di derota Espanyol (1-0) den e partido di buelta di kwart final. E ekipo Madrileño a gana danki na un gol di Jesé Rodriguez, di 20 aña, na di 7 minuut di e wega despues di un pase largo di Xabi Alonso. E centrocampista internacional a golpea e bala den halto for di

su tereno y e hoben delantero, despues di a controla e bala inicialmente cu pecho cu a desbalansa e defensa Joan Capdevilla, a haya su mes su so dilanti e keeper rival, Kiko Casilla, cu el a derota cu un tiro na mita haltura. E trainer Italiano Carlo Ancelotti a duna descanso na algun di su regularnan manera e Croata Luka Modric, e delantero Karim Benzema y e defensanan Bra-

sileño Pepe y Marcelo. Bale tabata ausente debi na molester na su pia robez. E ekipo di Ancelotti tabatin un wega placido apesar di e intentonan ofensivo di Espanyol, y e ekipo blanco ta sigui sin permiti gol den 2014 y, pa prome bes den henter historia di e club, e tin ocho partido oficial sigui sin permiti un gol. E record aki di Real Madrid tam-

BAY COLOMBIA SIN PAGA JULI 2014

Perfecto

Participa den nos campaña di dos pasashi destinacion na Colombia

Nomber : Adres : Tel :

Te cu e wega di diamars, e record tabata den man di Paco Buyo cu entre 1994 y 1995 tabatin 658 minuut sin permiti un bala

drenta su net. E marca nobo di Casillas ta den 682 minuut. E keeper di Espanyol a salba su ekipo di varios tiro cu e mester a tapa, dos di Cristiano Ronaldo y un di Angel Di Maria. Barcelona y Levante ta hunga awe y diahuebs Racing-Real Sociedad.

Abonado di ArubAwe ta gana e pasashi mas 200 dollar CASH No Abonado ta gana solamente e pasashi

DE LA SALLESTRAAT 41 A TEL: 5881500 FAX 5824937

Pa un Vakantie

be a sirbi pa e capitan Iker Casillas, titular ayera den porteria, establece un record nobo den historia di e club.

JULI 2014


DIARANSON 29 JANUARI , 2014

3

Parlamentario Andin Bikker ta bisa

Robo di autonan ta halto y minister di Husticia no ta haciendo nada Ainda e mandatario no a presenta plan efectivo pa combati criminalidad

Lider y Parlamentario di Democracia Real, sr. Andin Bikker.

“Ta parce un cos cu nos no tin minister di Husticia riba e pais aki”, asina lider y Parlamentario di Democracia Real, sr. Andin Bikker a habri su conferencia di prensa di tur diamars mainta. El a referi na e casonan di kiebro y ladronicia den autonan di huur cu practicamente ta ser publica den prensa tur dia a base di rapport di polis. Algo cu a hala atencion di e politico di e partido cora ta un remitido di un turista cu a ser publica den un matutino local,

unda e ta splica cu su auto di huur a wordo horta, y ora cu el a bay duna keho ta bin resulta cu den e mesun siman como cinco auto di e mesun car rental a ser horta, y cu e indice di turista cu ta ser afecta cu robonan di autonan di huur ta sumamente halto. Parlamentario Bikker ta considera e asunto aki hopi delicado, mirando e hecho cu turismo ta actualmente e unico pilar economico cu nos ta draai riba dje, y esun mas importante y esun cu ta resta nos. Tambe el a declara cu criminalidad ta afectando nos pueblo specialmente pa locual ta trata robonan den auto y kiebronan den cas, y mester bin un frena na dje. “Nos ta sinti cu te ainda e minister cu a core un tremendo campaña, y el a haya hopi voto, pero su trabou mes e ta neg-

Andin Bikker observador internacional na El Salvador Lider y Parlamentario di partido Democracia Real (DR), sr. Andin Bikker a anuncia cu proximamente e lo biaha na San Salvador (El Salvador) pa participa como observador internacional den eleccion presidencial cu lo tuma lugar cu lo tuma lugar diadomingo 2 di februari awor. Sr. Bikker a bisa cu e tabatin honor di wordo invita pa ta observador internacional na San Salvador. El a ricibi e invitacion na luna di november ultimo den cuadro di nan aspiracion pa DR bira miembro di International Democrat Union (IDU). E lider politico di DR a bisa cu e partido ARENA cu ta miembro IDU tin un candidato presidencial cu tin “chens sumamente grandi” pa bira presidente di e pais Centro Americano den cuadro di eleccion di fin di siman awor. Ta trata di e candidato presidencial di ARENA, Norman Quijano kende hunto cu su compañero pa bira Vice-Presidente, Rene Portilo ta esunnan mas faborito pa gana e eleccion aki. Sinembargo un encuesta divulga pa Telesur ta indica cu Frente Farabundo Martí pa Liberacion Nacional (FMLN), a registra e mayor indice di popularidad pa gana e eleccion di dia 2 di februari awor. “Mi persona a wordo invita pa ta un di e observadornan internacional. Algo cu ta wordo permiti dor di nan leinan y den cuadro di nan eleccionnan y Constitucion”, asina e lider di DR a declara masha entusiasma pa e invitacion aki. Lei electoral di El Salvador ta considera un segundo rond den caso cu niun di e candidatonan por a logra un mayoria di mas cu 50% di e votonan. Si niun candidato no lo por logra e mayoria aki lo tin un segunda buelta dia 9 di maart venidero. Den eleccion di diadomingo awor e pueblo di El Salvador lo bay eligi Presidente y Vice-Presidente di e pais aki.

lishando”, asina Parlamentario Bikker a declara na prensa. El a indica cu “ora cero a yega” y cu minister di Husticia mester actua ya cu “pueblo ta fada”. El a indica cu partido Democracia Real a bin cu diferente proposicion di manera constructivo pa busca un solucion efectivo pa desmantela e gangnan of crimen organisa cu ta cometiendo e tipo di delito aki. Nan a propone y pidi pa reserva fondo di presupuesto pa bin cu proyecto piloto pa haci uzo di sistema cientifico y tecnologia pa desmantela e grupo aki di crimen organisa. E ta considera cu e proyecto piloto di ubica cierto artefacto camufla pa haci uzo di GPS den autonan vulnerabel di robo, y laga nan den sitionan cu habitualmente e casonan aki ta tuma lugar, lo por yuda

pa yega na e paraderonan di e delincuentenan aki. E ta kere cu e proyecto menciona ta facil di realisa y cu poco fondo ta realisabel... pero “si bo tin un plan’. Pero el a bisa cu nan ta sinti falta di un plan di parti di minister di Husticia, ya “cu e no tin un plan”, y te dia awe e mandatario no a presenta un plan contra criminalidad na Parlamento. “Si bo tin un plan bo por soluciona y frena e tipo di criminalidad akinan”, el a declara. El a añadi cu cada tratamento di presupuesto semper nan ta haci un apelacion na minister di Husticia sr. Arthur Dowers presenta su plan riba asuntonan cu pueblo ta reclama y “cu e no ta haciendo nada”. Parlamentario Bikker ta considera como gewoon un excuus e hecho cu minister di Husticia ta abstene di revela un

plan pa evita cu e criminalnan lo por ta na haltura di dje. El a bisa cu si berdaderamente nan ta ehecutando un plan secreto anto ta importante pa nan bin cu resultado. Igualmente den su funcion como Parlamentario sr. Bikker a laga sa cu su partido a yega di presenta proyectonan cu a resulta efectivo na Hulanda, Alemania, Florida y na Chicago pa frena e ola di ladronicia di autonan pa horta piesanan. Nan a instala cierto artefactonan den autonan cu ta prevalente pa wordo horta y asina nan a logra desmantela diferente gruponan di crimen organisa. Pero el a aclaria cu pueblo mester tene cuenta cu gobierno ta esun cu ta fayando pa combati criminalidad y no oposicion, ya cu ta gobierno esun responsabel di hiba un maneho riba e tereno aki.

Ley di responsabilidad pa impuesto y premionan

Aproba den forma unanime den Parlamento despues di seis aña Minister di Finanza y “Overheidspersoneel”, a haya sosten di Parlamento completo pa aproba introduccion di ley “aansprakelijkheid belasting en premies volksverzekering (Invoeringsverordening lv. aansprakelijkheid belasting en premies). Na momento cu e mandatario a presenta e proyecto di ley na Parlamento dia 20 di januari, el a bisa: “Nos kier percura cu tur ciudadano, compania y instancianan cu tin cu paga impuesto, ta cumpli cu esaki tambe.” E ley aki, Sr. Yrausquin a enfatisa, “ta un ley cu ta bin pa protege e trahadonan di doñonan di trabou cu no ta cumpli pa paga belasting y primanan.” E tabata un proyecto di ley cu ta data di aña 2008, cu Minister di Finanza Juan David Yrausquin, a haci varios adaptacion riba dje pa e cumpli cu tur regla y por a wordo entrega na Parlamento. E aprobacion unanime a bay sin cu mester a vota den forma individual. “Husto no ta bay paga pa pecador,” e mandatario a bisa na final di e reunion. Awor Gobierno ta bay concentra pa percura cu tur esnan cu mester paga belasting ta cumpli, evitando cu otronan innecesariamente ta bay paga mas

belasting. Un amienda di fraccion di AVP, cu a keda acepta tambe, ta duna tur esnan concerni mas tempo pa adapta nan mes na e ley nobo y probablemente e lo drenta na vigor pa prome di juni awor. E proyectonan di ley cu Parlamento a aproba ta encera tres aspecto importante: 1) Ketenaansprakelijkheid. Esaki ta encera cu e contractant principal cu tin e trabou ta wordo poni responsabel si su subcontractant no cumpli cu Departamento di Impuesto pa pago di impuesto y primanan; 2) Companianan cu ta haci uzo di Uitzendbureaunan ta para responsabel pa e pago di impuesto y prima di e servicio cu nan ta cumpra; 3) director di companianan tambe ta wordo poni responsabel pa cumplimento di pago di impuesto y prima, manera ley ta prescribi. E mandatario a splica cu Gobierno no solamente kier pa tur ciudadano y instancia cumpli cu Departamento di Impuesto, pero e departamento aki tambe mester haya e hermentnan pa por funciona debidamente y e conceptonan di ley cu aworaki ta den Parlamento ta brinda esaki.


DIARANSON 29 JANUARI , 2014

6

Polis di Trafico y CEA riba caya cu aparato pa ‘swipe’ Ministerio Publico a adkeri recientemente cuatro aparato di swipe portatil y a duna esakinan na Cuerpo Policial di Aruba (KPA) y Cuerpo Especial Aruba (CEA). Tanto Polis como CEA a haya cada uno dos aparato di swipe. KPA lo usa un di e aparatonan aki den trafico, loke kier meen cu e persona cu wordo para riba caminda pa Polis y haya un boet pa motibo cu el a comete un infraccion di trafico, lo por swipe mes ora cu su carchi di banco pa paga e boet aki. E otro aparato lo wordo poni na Warda di Noord y ta vooral pa facilita turistanan pa paga e transaccionnan cu nan haya.

CEA lo usa e aparatonan di swipe ora di tratamiento di casonan di trafico (verkeerszitting) na Corte y e accionnan di cobramento di boet atrasa. Te awor no tabata posible pa personanan cu wordo condena pa huez di trafico pa paga un boet, paga e boet aki despues di e tratamiento den Corte. Cu e aparato di swipe nobo, e boet por wordo paga mes ora cerca CEA na Corte. Banda di esey CEA lo carga entrante dialuna 27 di januari 2014, e aparato di swipe durante e accionnan di cobramento di boet atrasa. Ora hende tin boet habri y keda sin paga, hasta despues di un waarschuwing, anto CEA ta yega te na su cas pa cobra e placa aki.

Placa cu turistanan ta laga atras

A aumenta cu 5.26% den prome tres kwartaal di 2013 Banco Central a presenta cifranan di e prome dos kwartaalnan y e tres kwartaalnan di 2013 pa loke ta trata ‘tourism receipts’, es decir e placa cu turistanan ta laga atras den nos economia. Minister Otmar Oduber ta sumamente contento di por a mira un crecemento positivo riba e crecemento cu nos a conoce comparando 2011 cu 2012 y cu ta ilustra tambe cu nos isla no solamente a crece den cantidad di bishitante, pero tambe den cantidad di placa cu e turistanan ta laga atras. Si compara e cifranan di e prome dos kwartaalnan di 2011 y 2012 por mira un crecemento di 2.93% y pa e mesun periodo comparando 2012 cu 2013 por ripara un crecemento di 6%. Si inclui e di tres kwartaal tambe por mira un crecemento significativo comparando 2011 cu 2012 y 2012 cu 2013 di 3.17% y 5.25% respectivamente. Minister di Turismo ta gradici y felicita tur e stakeholders cu a haci di e resultado aki uno exitoso pa nos isla, pa nos economia y pa nos hendenan. El a bisa cu ta trata aki di un trabou en conhunto, un trabou y un logro cu solamente por a wordo logra danki e bon relacionnan y cooperacion entre tur actor den e ramo, pero tambe en special na cada un di esunnan cu ta labora den e industria cu ta haci cu nos isla ta un di e miho y mas gusta den e region. Pa e aña aki lo sigui traha fuertemente pa mantene e posicion privilegia cu nos isla tin y lo sigui enfoca riba calidad pa asina e placa cu nos turistanan ta laga atras por aumenta. Den e cuadro ey no solamente lo continua cu e trabounan pa mehora Producto Aruba cu a bin ta tumando luga caba, pero lo bay mas leu y enfoca riba haci di San Nicolas e di dos capital turistico di nos isla, e luga caminda nos bishitantenan por haya loke awendia nan ta buscando mas y mas, esta cultura, historia y herencia di nos dushi Aruba. TOURISM

2

RECEIPTS

0

1

1 2 0 1 2 2 0 1 2 2 vs 2011

0

1

3 2013 vs 2012

Kwartaal 1 y 2 1 2 7 2 . 4 1 3 0 9 . 8 + 2 . 9 3 % 1 3 9 9 0 . 1 + Kwartaal

6

%

1,2,3 1 8 2 7 . 8 1 8 8 5 . 9 + 3 . 1 7 % 1 9 8 5 . 1 + 5 . 2 6 %

Si e keda nenga pa paga e placa, CEA lo hibe KIA pa e sinta su dianan di detencion (vervangende hechtenis). Pa facilita e personanan aki pa paga nan boet, CEA lo carga e aparato di swipe di awor pa dilanti, pa hende paga cu nan carchi di banco y evita di e manera aki pa CEA mester hiba nan KIA. E accionnan di cobramento di boet atrasa ta sigui sin stop y Ministerio Publico ta haci un biaha un yamada urgente na tur esnan cu tin boetnan cu

ainda mester wordo paga, pa no warda te cu CEA ta para dilanti porta di cas, pero pa pasa bin paga.

Caha di Ministerio Publico ta habri tur dia den siman di 8.00 pa 11.30’or di mainta y di 1.00 te 3.30’or di atardi.


WWW TRAGEDIA

Atracador a muri tragicamente durante intento di atraco

Ta hopi importante pa nos tin bo informacionnan corecto. Yena e formulario cu ta obtenibel na ELMAR of riba www.elmar.aw

CELEBRANDO 33 AÑA CU PUEBLO Aña 36 ▪ No. 9914 • 1,50 Florin

Mas vuelo cu mas capacidad di asiento pa Aruba

DIARANZON 29 JANUARI 2014

AVIACION

Avioneta cu 3 persona abordo a cay den lama na St. Maarten

Aruba Airport Authority contento cu Southwest lo bula pa nos isla

20 mucha nombra como agente special di investigacion

ORANJESTAD (AAN): Informacion ricibi ayera for di St. Maarten a indica cu dialuna atardi alrededor di 5’or alarma grandi a wordo bati na Airport di Grand Case cu ta situa na e banda Frances di St. Maarten pa un avion cu a confronta problema. tur dos motor a stop di funciona y el a baha den lama. Den e edicion aki por lesa di e caso aki y riba e foto por mira e tres personanan cu tabata abordo y cu a wordo rescata pa Sea Rescue di e isla.

INVESTIGACION

Departamento di Impuesto a cuminsa cu control di bukinan di Supermercadonan SOCIAL

Sra. Anky Vrolijk: OANJESTAD(AAN)-- Cumpliendo excelente cu nan encargo di investiga historia di nan famia y aspectonan di herencia cultural di Aruba, 20 mucha a wordo nombra como Agente Special durante e apertura di e exposicion unico :XPO 1880 na Museo Historico . Di e logro aki por lesa awe.

Guardacosta a rescata boto Rhiza

ORANJESTAD(AAN)-- Guardacosta hulandes pa Caribe, for di Corsou a sali cu un Super RHIB pa rescata un boto den cual tabata tin 4 persona y cu tabata drief cu coriente di lama direccion di barancanan pariba di Aruba. Nan a yega na ora pa cumpli cu nan tarea y lastra e boto rumbo pa Rogersbeach. Por lesa di esaki awe.

Ta papiando cu gruponan, hobennan y grandinan den bario riba MFA


PAGINA 10

DIARANZON 29 JANUARI 2014

DIARIO

CEDE Aruba ta lanza su plan di maneho nobo y su website nobo cedearuba.aw

ORANJESTAD (AAN): Durante un conferencia di prensa, CEDE Aruba a presenta su website nobo cedearuba.aw cu informacion importante pa organizacion no gobernamental ariba tereno social, educativo y recreativo. Banda di esaki a presenta un plan integral cu prioridadnan ariba tereno social. E plan di maneho integral di CEDE Aruba lo enfoca ariba desaroyo di bario y sociedad, reforsa individu y Famia, desaroyo di mucha y hoben, participacion di hende grandi y hende cu limitacion y otro grupo vunerabel. E lema di e plan aki ta dialogo, cooperacion y sinergia. CEDE Aruba ta un organizacion di desaroyo y co-financiamento cu ta sostene programa y proyecto di NGO’s den sector social. Na Aruba tin hopi NGO, tur fundacion of asociacion, cu ta haci esfuerso pa mehora e provisionnan pa bienestar den comunidad Arubano. CEDE Aruba ta yuda e NGO’s cu desaroyo y financiamento di tur sorto di proyecto duradero. E reto grandi ta cu tin mas cu 200 NGO’s cu ta activo na e momento aki, pesey CEDE Aruba ta bay enfoca mas ariba cooperacion, dialogo y sinergia. Den esaki CEDE Aruba ta bay tuma un papel activo, esta trece organizacionnan hunto, stipula prioridad conhuntamente y desaroya programa y proyecto en cooperacion cu otro. Un meta importante ta pa yega na miho cooperacion entre NGO’s, entre NGO’s y departamento di gobierno y entre NGO’s y sector priva. Durante e siguiente 6 aña CEDE Aruba lo enfoca ariba e siguiente temanan. Desaroyo di bario y sociedad Pa CEDE Aruba ta importante pa stimula un dynamismo en-

tre hende den diferente bario y sociedad completo. Aruba tin hopi iniciativa, entre otro di hopi grupo informal dentro di nos comunidad. Den cuadro di e tema Bario & Sociedad CEDE Aruba kier dirigi su mes entre otro riba stimulacion di centro di bario, sostene actividad pa diferente gruponan den e bario y encera algun bario cu ta mas isola den su totalidad. Y ademas CEDE Aruba kier lucha pa e fortificacion di trabao boluntario y e posicion di boluntario den sociedad. Reforsa individuo y famia Famia ta e piedra di skina di nos sociedad. Pero e structura di famia a cambia considerablemente durante ultimo decadanan, entre otro a consecuencia di aumento di divorcio y migracion. Famianan mas y mas ta bou presion y ta menos capacita pa eherce nan funcion di cuido. Den cuadro di e tema individuo & Famia CEDE Aruba ta sostene iniciativa dirigi riba fortificacion di e posicion economico di famianan, crea un ayudo coherente pa mayornan y educadornan y reforsa cuido di famia. Pesey educacion pa adulto y realisacion propio ta hunga un rol importante den esaki. Desaroyo di mucha y hoben Muchanan y hobennan ta forma e generacion di futuro. Den e cuadro aki ta importante pa mas trempan posibel stimula un desaroyo positivo y preveni problema. Pa e gruponan mas hoben CEDE Aruba ta sostene proyecto cu ta dirigi riba prevencion trempan. Si ta trata di hoben CEDE Aruba ta dirigi su mes riba proyecto cu ta dirigi riba habilidad pa defensa propio, desaroyo di caracter, pasa tempo liber na forma consciente y liderazgo hubenil. Pa fortifica e

self-esteem di hoben y promove e firmesa ta mes importante. Hende grandi y hende cu limitacion Pa CEDE Aruba ta importante cu tur hende por participa den nos sociedad. Hende grandi y hende cu limitacion riba hopi tereno tin e mesun retonan, en particular si ta trata e infrastructura den nos sociedad. CEDE Aruba ta sostene iniciativa cu ta dirigi riba integracion di hende grandi y hende cu limitacion. Ademas CEDE Aruba ta sostene proyecto dirigi riba active aging, participacion di hende grandi y mehora e structura di cuido di hende grandi. Den e grupo di hende cu limitacion CEDE Aruba ta dirigi su mes entre otro riba (re)integracion riba mercado laboral y fortifica e sistema di cuido (diario). Gruponan vulnerabel E diferente gruponan vulnerabel semper ta haya mas atencion

den e maneho di CEDE Aruba. Por pensa riba diferente grupo di riesgo den nos sociedad, manera ex - prizonero, muchanan cu ta laga school sin logra gradua, mayornan hoben, hende cu problematica di droga, y migrante. E iniciativanan cu nos ta sostene riba e tereno aki ta dirigi riba un trabao y trato coherente di e gruponan aki, na unda reintegracion y participacion ta e metanan mas importante. Fortificacion di NGO Pa CEDE Aruba ta hopi importante cu e sector di NGO bastante hancho na Aruba ta worde constantemente reforsa. Pesey CEDE Aruba ta bay dirigi su mes mas riba sosten structural di NGO. Esaki por inclui dianan di estudio regular dirigi riba aspecto di maneho manera desaroyo di maneho, skirbi file di proyecto, set-up un administracion efectivo, marketing efectivo y uzo di social media, etc. Banda di dianan di estudio CEDE Aruba tambe por organi-

za curso y training pa gruponan mas chikito, y trayectonan di consulta mas intensivo tambe ta posibel. Ta haci uzo di servicio di experto externo pa esaki. Website Ariba e website nobo www. cedearuba.aw publico general por haya hopi mas informacion over di e trabaonan di CEDE Aruba den tres idioma, esta Papiamento, Hulandes y Ingles. E website ta duna informacion tocante mision, vision, meta, maneho y tur procedura y criteria pa por haci un aplicacion pa financiamento. CEDE Aruba ta purba di traha mas digital posibel, pues por download e formulario di aplicacion y entrega proyecto via mail. Pa cualkier informacion por yama nos na 582-7666 of manda mail pa medio di e website. CEDE Aruba ta gradici tur organizacion cu a coopera pa yega na e plan aki, entre otro Departamento di Asunto Social, SER, CBS, KVK y tur NGO’s.

Utilities ArubaNV Aandeelhouders N.V. ELMAR Met inachtneming van artikel 21 roep ik hierbij een Algemene Vergadering van Aandeelhouders van N.V. ELMAR bijeen ten kantore van Utilities Aruba N.V. op maandag 10 februari 2014 om 10:00 uur. De agenda van deze vergadering luidt als volgt; 1. Opening 2. Goedkeuring notulen AVA van 20 januari 2014. 3. Commissariaat 4. Rondvraag 5. Sluiting Nadere informatie omtrent de agenda ligt ter inzage ten kantore van Utilities Aruba N.V.

Hoogachtend,

Utilities Aruba N.V. Drs. Franklin Hoevertsz. Directeur.


PAGINA 18

DIARANZON 29 JANUARI 2014

DIARIO

Anky Vrolijk, directora di MFAnan:

Ta papiando cu hoben y grandinan, fundacion y grupo den bario pa percura cu cada MFA ta operacional for di momento cu nan habri ORANJESTAD(AAN): Trahando di manera anticipa y proactivo, personal di Facilidadnan Multifunccional (MFA) tin tempo caba trahando, no for di un lessenaar, pero den seno di cada bario. Asina a keda manifesta door di hefe di e departamento, Señora Anky Vrolijk. “Gobierno tabata kier bon informacion prome cu yega na un proyecto asina, paso ta un proyecto hopi grandi y mester di hopi material y informacion”. Pa tal motibo ekiponan asigna a drenta cada bario pa haci inventarisacion y crea un perfil. “A sinta cu grupo di hendenan pa haya sa mas kico ta e necesidad real di e bario,” Vrolijk a expresa diaranson ultimo durante firmamento di acuerdo di construccion pa MFA Noord; un momento importante. Durante ultimo dos aña, coleganan Omar Harms y Harm van Sjeip a haci encuesta, pero tambe Prome Minister Mike Eman a sa di bay den e bario y haci anochinan informativo. Esakinan a sirbi pa trece e bario hunto pero tambe pa wak e diseño di e edificio y con pa e funciona na su eficiencia maximo basa riba e necesidad y deseonan di e bario. “Por ehempel bo kier un edificio cu ta pas cu e cultura di e bario y bo no ta bay traha algo segun bo gusto, pero segun e gusto di e bario. P’esey a scoge pa cada MFA tin un arkitecto di e mesun bario pa e keda cu e identidad di e bario,” Señora Anky Vrolijk a splica. Intencion na prome instante tabata pa reuni den grupo chikito, pero na final a bira gruponan grandi. E hefe di MFA a bisa cu a topa den cada bario cu un cantidad grandi di grupo, fundacion y boluntarionan. “A enfoca hopi tambe riba hoben y a bay schoolnan busca informacion, ideanan mas moderno, paso e edificionan aki mester ta moderno. E vision di Gabinete Mike Eman ta cu e edificionan aki mester tin un concepto moderno cu lo keda valido den futuro pa su bon funcionamento den comunidad.” Cada Facilidad Multifuncional na Noord, Paradera, Santa Cruz, Savaneta y San Nicolas tin un gerente y un asistente asigna. Atrobe a percura pa esaki ta personanan cu ta bin di e mesun bario y conoce bon pa nan por ta mas util posibel. Den e caso di Noord, gerente ta Sr. Richard Tromp, kende manera Vrolijk a indica, ta un persona hopi capacita. “E lo guia e MFA y ta e persona di

contacto pa tur fundacion, pa tur e clubnan, pero tambe pa e habitantenan di e bario mes.” E Facilidad Multifuncional ta un concepto cu Gobierno di Aruba ta introduci pa reemplasa e modelo anticua di Hulpbestuurskantoor. Ademas di e servicionan actual cu ta obtenibel manera pago di cuentanan di utilidad y documentonan di Censo y

Belasting, e MFA moderno lo amplia e gama di posibilidad na otro instancia y departamentonan. Manera Señora Vrolijk a splica “Un ehempel ta AZV cu tabatin un necesidad pa bay den e bario di Noord mirando cu nan central ta na Playa. Nan kier duna e servicio mas facil pa e persona bin na su AZV card. Bo por imagina cu si bo no tin

un AZV, e problema si algo pasa. Di e manera aki bo ta yega mas facil y percura cu esaki ta na ordo.” Mescos ta e caso cu

FCCA y DIMAS, entre otro. Tambe lo tin espacio asigna na Biblioteca, sala pa les di obra di man y musica y podium pa tur den bario cu kier presenta. Den e modelo nobo, e MFA lo ta habri oranan normal di oficina, pero lo keda habri tambe te anochi pa ricibi habitantenan di e bario.

UNIVERSITEIT VAN ARUBA Faculteit der Rechtsgeleerdheid De Faculteit der Rechtsgeleerdheid van de Universiteit van Aruba heeft het genoegen u de volgende postacademische onderwijs cursus aan te bieden:

Concordantie in het bestuursrecht. Over de betekenis van de Nederlandse Algemene wet bestuursrecht voor het Arubaanse bestuursrecht. Er bestaat onduidelijkheid over de vraag of het Koninkrijksrechtelijke concordantiebeginsel (artikel 39 Statuut) ook voor het bestuursrecht geldt. Spreker, die van mening is dat de betekenis van dit beginsel ook op het terrein van het burgerlijk recht en het strafrecht wordt overschat, bepleit een ontkennend antwoord. Hij licht dit toe aan de hand van verschillen tussen de Nederlandse Algemene wet bestuursrecht en de Arubaanse Landsverordening administratieve rechtspraak. Ook recente ontwikkelingen in Nederlandse wetgeving en jurisprudentie pleiten voor bestuursrechtelijke autonomie zonder concordantieplicht. Omdat die recente ontwikkelingen bijzondere aandacht krijgen, heeft de bijeenkomst tevens het karakter van een actualiteitencollege. Docent: Prof.mr.dr. Herman E. Bröring is gastdocent aan de Universiteit van Aruba en als hoogleraar verbonden aan de vakgroep bestuursrecht en bestuurskunde van de Rijksuniversiteit Groningen. Datum en tijd: Plaats: Inschrijfgeld: Informatie:

Donderdag 6 februari 2014 van 16:00 tot 19:00 uur Zaal C, Universiteit van Aruba J.E. Irausquinplein 4 Afl. 300.00 Center for Lifelong Learning- E-mail: cll@ua.aw Tel. 5889946 toestel 262


DIARANZON 29 JANUARI 2014

PAGINA 3

DIARIO

Mas vuelo cu mas capacidad di asiento pa Aruba Aruba Airport Authority contento cu Southwest lo bula

ORANJESTAD (AAN): Manera DIARIO a trece dilanti caba, entrante dia 1 di juli 2014, Aruba lo cera conoci cu un aerolinea nobo, Southwest Airlines, cu despues di a adkiri AirTran, awor lo cuminsa haci vuelonan internacional tambe. Prome cu esey nan tabata conoci solamente pa vuelonan domestico den Merca so. Nan yegada pa Aruba lo percura pa 4 vuelo adicional, mas 638 capacidad di asiento extra for di 3 destinacion. Aruba Airport Authority ta masha contento di por yama nan bon bini dentro di poco riba nos isla, uzando nan avionnan nobo A737-700 di 143 stoel, cu ta nifica 6 stoel mas riba cada vuelo compara cu AirTran. Ta bon pa enfatisa cu AirTran/ Southwest a cuminsa nan operacionnan na Aruba dia 19 di december 2009. AirTran ta representa 11% di participacion den e mercado di Merca pa Aruba pa un total di alrededor di 64,000 pasahero pa aña. Na aña 2011, Southwest Airlines a adkiri AirTran Air-

ways. Desde e momento ey, a cuminsa traha duro pa integra e dos aerolinea nan aki pa brinda vuelonan di excelencia y continuo pa nan clientenan. Mientras cu di un banda e aerolinea ta mantene su Servicio na Cliente como su prioridad den negoshi, a opta pa añadi mas destinacion na nan mapa di ruta combina y asina traha incansablemente pa refina nan modelo di haci negoshi. E intencion ta pa pronto

Lo tin controlnan den diferente sectornan e aña aki

Departamento di Impuesto a cuminsa cu control di bukinan di Supermercadonan O R A N J E S TA D (AAN): Departamento di Impuesto ta haci diferente control di bukinan den sectornan di negoshi. Den cuadro di esaki a cuminsa siman pasa cu control di supermercadonan. Esaki ta ensera cu den e proximo dianan diferente supermercadonan lo haya bishita di controladornan di Departamento di Impuesto. E control aki ta pa controla si e negociante a cumpli y ta cumpliendo cu su deber di paga impuesto na ora y completo. Si esaki no ta e caso e ora e control por resulta den aanslagnan pa coregi esaki cu boet. Tambe negoshinan cu tin di haci cu e supermercadonan lo por ricibi bishita pa asina haya informacion di e sector di negoshi aki.

Departamento di Impuesto lo haci diferente control den diferente sectornan di negoshi na Aruba e aña aki. Nan ta pidi tur negociante pa sea conciente y haci nan declaracionnan pendiente mas liher posibel y tambe paga nan impuestonan corespondiente na ora y completo. Esaki tambe ta pa evita boet cu lo por haci mas dificil pa por cumpli cu debernan di impuesto.

comberti e dos aerolinea nan den un solo red di vuelo, cu opcion pa pasaheronan cumpra ticket via un solo iterinario, sistema di reservacion y programa di lealtad. Ora pone AirTran y Southwest banda di otro, hunto nan ta sirbi no menos cu 97 destinacion den Merca, Mexico y Caribe. Si plannan sigui mescos, na final di aña 2014 e dos aerolinea nan lo integra den un.

Southwest Airlines a anuncia su plannan e siman aki pa lansa su prome vuelonan internacional riba 1 di juli 2014. Nan lo tin vuelonan diario for di Atlanta pa Aruba, e mesun ruta cu awor Delta Airlines ta bulando. Tambe lo tin vuelo diario for di Baltimore pa Washington pa Aruba. A anuncia vuelonan semanal for di Orlando, Florida pa Aruba, cu tambe ta haci nan e unico operador di e ruta aki. Jo-Anne Arends, hefe di e departamento di “Airline Marketing” pa Aruba Airport Authority a sigura cu ta debi na e relacion estrecho cu nan tin cu e aerolinea nan, cu nos aeropuerto por sigui desaroya oportunidadnan di negoshi nobo cu cada un di nan. E acercamento proactivo di e departamento di mercadeo di aerolineanan, sin duda ta duna un empuhe pa atrae aerolineanan nobo pa nos aeropuerto. “Nos aeropuerto ta conoci pa su paketenan di incentivo na aerolineanan, ta atende cada un segun nan necesidadnan, constantemente ta mehorando su facilidadnan, ta conta cu pre-clear-

ance pa vuelonan pa Merca, tin un terminal relativamente nobo y ta pusha pa ta mas sostenibel. Esaki ta haci nos diferente di otronan y ta atrae aerolineanan pa nos aeropuerto”, segun JoAnne Arends a splica cu un sonrisa di satisfaccion riba su cara. Peter Steinmetz, CEO di Aruba Airport Authority di otro banda a splica cu: “Pa nos aeropuerto, mas vuelo semper ta nifica bon noticia, mescos mas destinacion y specialmente mas airservice pa nos isla. E logronan aki sinembargo no ta bin sin mas, pero ta debi na e vision cu Aruba Airport Authority N.V. ta hibando pa desaroyo rutanan nobo, explora aerolinea nan nobo y amplia e posibilidad pa pasaheronan por yega nos isla mas facil, mas lihe y na tarifanan mas combiniente”. Nos isla por ta orguyoso di nos aeropuerto, cu a gana un cantidad di premio internacional, specialmente pa su acercamento unico, moderno y special pa atrae aerolineanan nobo pa nos isla como destinacion turistico.

Guardacosta a bay yuda rescata boto Rizha

ORANJESTAD (AAN): Tabata Diasabra merdia 12:30’or, cu Guardacosta Hulandes pa Caribe a haya informe cu un boto tin problema cu motor na e parti pariba di costa di Aruba. Mesora e Super-RHIB for di Curacao a sali pa bay check e alarma aki. Ora cu a bay investiga, a haya sa cu ta trata di e boto di motor “Rizha”. Nan a confronta problema cu motor, y e coriente di lama y ola bruto tabata menaza di lage bay dal contra baranca di costa di Aruba. Tabatin cuatro persona abordo. Cu e yudanza rapido di Guardacosta, nan a pone cabuya y a cuminza lastra Rhiza, y a hibe rumbo pa Rodgers Beach den Colony. Aki e tripulantenan a yega sano y salvo na tera.


PAGINA 35

DIARIO

DIARANZON 29 JANUARI 2014

Minister Paul F.T. Croes riba Dia di Betico;

Un estadista, un ehempel y un lider di nos pais! determinacion, pasenshi, curashi y tactica a sa di logra un meta importante pa nos Pais. Betico ya no ta un figura politico partidista mas, sino a bira un figura y un simbolo nacional. Aruba a conoce un crecemento economico y demografico grandi desde cu nos a haya nos status autonomo. Un estadista manera Betico Croes sigur a ORANJESTAD (AAN): Dia 25 di Januari Aruba completo a celebra e fecha natalicio di un di e politico y estadistanan mas grandi di historia di nos pais. Riba e fecha aki na 1938 nos libertador Betico Croes a nace. Betico a desaroya bira un figura politico importante historico di nos pais. Internacionalmente sr. Betico Croes a disfruta di e respet di dignatarionan. Betico a logra culmina un lucha cu a worde hiba pa hopi

aña. Un lucha pa separacion for di e constelacion di Antias Hulandes. Locual a haci Betico Croes grandi, tabata cu el a sa di uni un pueblo completo den logra un meta comun, e Status Aparte di nos pais. Pakico ta importante pa keda recorda y celebra e dia aki? Como un ehecutivo di nos pais, na e momento aki cu e maneho pa cu Hobennan, ta importante cu hobennan mira Betico Croes como un ehempel politico, cu hopi

mira posibilidadnan enorme pa nos pais na momento cu nos drenta e fase nobo aki. E Status Aparte a haci e toma di decisionnan importante y crucial mas cerca di cas. E decisionnan tabata keda tuma awor door di nos mesun gobierno. Den nomber di e Ministerio di Asuntonan Social, Maneho pa Hubentud y Labor, mi kier a expresa

palabranan di felicitacion na henter e pueblo di Aruba pa cu celebracion nacional di Dia di Betico. Esaki ta e mensahe cu Minister a duna rond di nos isla durante e diferente actividadnan cu el a bishita. Pabien Aruba den e celebracion cu a tuma lugar rond di nos isla.

Minister Yrausquin:

“Concepto di ley pa regla ‘hoger beroep’ pa impuestonan ta cla y lo encamina e proceso basa riba consehonan”

ORANJESTAD(AAN): Na ocasion di apertura di edificio nobo di Corte di Husticia, Presidente di Corte Comun di Husticia, Evert Jan van der Poel, a haci un yamada pa Aruba regla apelacion den tres instancia pa casonan di impuesto. Relaciona cu esaki, Minister Yrausquin, encarga cu Finansa y Organizacion Gubernamental, a remarca cu ya tin un concepto di ley pa regla ‘hoger beroep’ den casonan di impuesto y cu lo encamina e proceso pa esaki yega Parlamento asina cu ricibi conseho di e departamentonan concerni.

E mandatario a splica cu anteriormente tur fraccion den Parlamento (incluyendo su persona como Parlamentario e tempo ey) a di indica di no ta di acuerdo pa regla ‘hoger beroep’ unicamente pa boetnan. E tempo ey a expresa enfaticamente, cu na momento di regla esaki, mester stipula ‘hoger beroep’ pa tur caso. Esaki ta encera cu por bay den ‘hoger beroep’ pa e impuesto riba su mes tambe. Tratamento di e ley aki a keda para. Minister Yrausquin ta kere den mehoracion

di e proteccion legal di ciudadanonan riba tereno di impuesto. E Minister a duna di conoce cu e ta di acuerdo cu e principio pa regla ‘hoger beroep’ pa impuestonan den nos Pais. “Tin un concepto di ley cla caba y basa riba e consehonan cu nos a manda pidi e departamentonan nos lo encamina e proceso pa trata e ley aki den Parlamento”, asina e mandatario a sigura. Minister Yrausquin ta haya e aspecto di ‘hoger beroep’ pa impuestonan importante, paso esaki ta duna ciudadanonan e derechonan cu ta husto. Ademas esaki lo yuda mehora e clima di inversion. Minister Yrausquin a splica cu na momento cu regla e ‘hoger beroep’, e amienda di Parlamentario Bikker lo por funciona tambe y ciudadanonan lo por bay den cassatie pa casonan di impuesto. “E ora nos lo papia di un mehoracion substancial di e posibilidadnan cu un ciudadano tin pa busca su derecho den casonan di impuesto”, esaki segun e mandatario.

Chofer den Tercel Blanco lo a menaza di tira hende O R A N J E S TA D . ( A A N ) : Mainta trempan dialuna, un persona a reporta di ta wordo persigui pa un Tercel color blanco y esun den Tercel kier tire mata. Tanto e patruya di polis y polis motoriza cu tabata den vecindario di Savaneta a wordo dirigi den e direccion. Segun e version compila, central di polis a dirigi patruya riba e caminda principal di San Nicolas pa Oranjestad y

cu tabata parce cu un Toyota Tercel color blanco tabata persigui un otro auto. Chofer di e Toyota Tercel lo tabata den posesion di un arma di candela y e kier a tira mata e otro chofer. Na altura di “La Granga” na Savaneta e chofer di e Toyota Tercel a wordo deteni pa algun patruya di polis. E chofer di inicial J.L. a wordo listra y den su posesion no a haya ningun arma di candela.

E Toyota Tercel color blanco A.15233 no tabatin documentonan valido segun ley ta describi, locual a haci cu polis a confisca e auto. Ademas J.L. no por a mustra tampoco su rijbewijs na polis. Relaciona di tabata stuur sin rijbewijs, polis a detene y a hiba J.L. warda di polis San Nicolas pa presente dilanti fiscal auxiliar y pa mas investigacion.


PAGINA 4

DIARIO

DIARANZON 29 JANUARI 2014

Minister Yrausquin:

Ley aproba unanimamente ta proteha trahado di doño di trabao cu no ta cumpli cu impuesto- y primanan

Bo tabata sa cu pa pone bo mes ariba e sistema di dia lunar tur loke bo mester haci ta ahusta bo holoshi pa e perde dos minuut y 5 seconde cada hora? Eugene lonesco: “Nos ta supuesto di ta inmortal y sin embargo nos ta muri”. E prome biaha cu porcelana a ser fabrica na Viena tabata na aña 1718. Tin 170,000,000,000,000,000,000,000,000, diferente manera pa inicia un wega di ahedrez. E haraña viuda macho Negra (black widow), na momento cu e caba di haci amor cu e hembra, ta ser devora esaki. Un viuda negra hembra por despacha te 25 macho pa dia pa otro mundo di e manera aki. Bo tabata sa cu indiannan Americano no mester paga belasting ariba nan pida tera? Frankenstein, como figura popular, a ser crea pa e esposa di e poeta Percy Shelley. Mary Wollstonecraft Shelley a skirbi e buki “Frankenstein” na a¤a 1818, basando su mes ariba e escrituranan di cierto alkimistanan cu a bisa cu nan a crea un humano chikito yama “homunculus” den un test tube. E estado di Wyoming, na Merca, tin menos cu 1,000 caso di cancer pa a¤a. New York State tin e incidencia mas halto di Merca cu mas di 70,000 victima di cancer cada aña. Un cuarta parti di e poblacion mundial ta biba ariba menos di $200 pa aña. Nobenta miyon ta sobrebibi ariba menos cu $75 pa aña. Ultimo palabranan di Oliver Goldsmith na aña 1774 (ora cu nan a puntre si su mente ta tranquilo: “No, e no ta”. E indiannan Quechua, di e montañanan di Los Andes na Sur America, tin di 2 te 3 quart di sanger den nan curpanan cu otro hendenan cu ta biba na elevacionnan mas abao. Marine Corps tabata originalmente cu ramo di e Ehercito Britanico na e colonianan Americano. E corps a ser organiza na aña 1740 na New York y a ser incorpora den e Ehercito di Estados Unidos despues di e revolucion. Estudionan haci pa e Departamento di Sicologia di De Pauw University ta mustra cu e razon principal pakico hende ta gana ta pa evita castigo. Bo tabata sa cu e famoso autor di e storianan di Sherlock Holmes tabata un oftalmologo (doctor di wowo) pa profesion? E prome riel di trein na Merca tabata di palo. El a ser traha pa Thomas Leiper na aña 1809, na Crown Creek, Pennsylvania. Bo tabata sa cu Eskimonan ta usa nevera pa nan cuminda no congela? Robert G. Ingersoll: “Cada persona cu expresa un pensamento honesto ta un soldat den e Ehercito di libertad intelectual”. Bo tabata sa cu durante e Gran Depresion di 1930 na Merca, 1 di cada 4 homber tabata desemplea?

ORANJESTAD(AAN): Dialuna anochi Parlamento di Aruba a aproba unanimamente e ley presenta pa Minister di Finansa y Organizacion Gubernamental, Juan David Yrausquin. Un di e metanan ta cu e ley aki lo promove competencia husto, ya cu tur hende lo mester cumpli cu nan impuesto- y primanan social. Minister Yrausquin ta contento cu e apoyo di tur fraccion den Parlamento. Un ley entrega pa Gabinete Oduber y cu gobierno actual a trece cambionan den dje basa riba comentarionan ricibi den comunidad, di miembronan di Parlamento y tambe di gremionan comercial. E ta un ley cu lo percura pa un miho cumplimento cu impuesto, pero tambe pa competencia husto entre negoshinan riba nos Pais. “Nos no ta kere cu mester tin negoshinan cu tin un bentaha riba otro negoshinan, pa motibo cu nan no ta paga impuesto”, esaki segun Minister Yrausquin. Ademas e manda-

tario a subraya cu “un otro aspecto hopi importante di e ley aki ta e proteccion adicional pa e trahado di un doño di trabao cu no ta cumpli cu su debernan di paga impuesto”. E minister a sigui splica cu a conoce varios casonan den pasado, y a duna como ehempel un caso grandi di un uitzendbureau cu tabata duna servicio na un hotel. E uitzendbureau aki a bati bancarota y e impuestonan a keda sin worde paga, mientras cu e doñonan a bandona nos Pais, lagando e trahadonan responsabel pa e impuestonan cu nan

como compania nunca a cumpli cu ne. “Nos ta kere cu esaki no ta husto”, asina Minister Yrausquin a enfatisa. E ley aki ta percura pa companianan traha cu negoshinan legitimo, cu ta cumpli cu nan debernan pa paga impuesto. Si e companianan haci e investigacion necesario, e companianan aki lo no tin problema. Pero si nan no percura cu nan ta traha cu negoshinan legitimo, cu ta cumpli cu nan debernan di paga impuesto, e ora por pone nan responsabel pa esaki. Adicionalmente e ley aki ta regla locual ta trata e aspecto di directornan di companianan cu no tin e miho intencionnan, cu no ta cumpli cu nan debernan di paga impuesto y kisas ta crea construccionnan pa evita cu nan por worde poni responsabel. Cu e ley nobo por yega cerca e directornan aki tambe. Segun e minister “na final di dia locual nos kier logra ta cu husto no tin cu paga pa pecado”.


PAGINA 42

DIARANZON 29 JANUARI 2014

DIARIO

Pa colmo su composicionnan a cambia ambos corona

SAC a dedica Festival di Tumberito na Lionel Croes ORANJESTAD (AAN): Tur aña ‘Stichting Arubaanse Carnaval’ (SAC), siendo organizado di e festival di Tumberito Infantil y Hubenil ta dedica e festival na un baluarte di e evento. E aña aki, a otorga e honor na Lionel “Rupi Rupi” Croes. Tecla Kelly, Presidente di SAC a entreg’e e plakkaat special, den cual ta honr’e pa su añanan di dedicacion y sosten na e festival. E trayectorio di Lionel Croes den Festival di Tumberito a cuminsa na aña 1984 ora cu su mama, Lilian (Shi Preke), a oblig’e pa canta Ranchera. Y Lionel a gana e titulo maximo. Di eynan su omo Chinto Croes a compone un tumba pa Lionel Croes na aña 1985, “E Pato di Carnaval”. Y Lionel a conkista e corona di Tumba Infantil. Na 1986 Lionel a participa cu "Ta Mi ta e Guy" y a sali prome finalista, di eynan nan a sali rumbo pa Hulanda y na 1989 Lionel a participa den tur e Tumberonan grandi cu su cancion adapta pa Salsa y Sabor ( musiconan Antiano) “Ta mi ta e Guy” y a conkista e titulo maximo, repre-

sentando su pais Aruba! Na aña 1989 el a regresa Aruba y dia 2 di Februari 1990 a participa cu " E Trein di Carnaval" den seccion Hubenil y a conkista e titulo maximo. Despues a cuminsa canta den Tumba Festival Grandi y danki na e maestro Harry Zimmerman, awe Lionel ta un propio compositor di tumba. Su prome tumba el a compone pa e mes "Carta pa La Reina" y di eynan a keda compone pa Festivalnan di Tumberito y hasta pa Festival di Tumba Grandi. Lionel Croes su lema ta: “Si bo no por haci algo bon... No haci’e". Den cada letra y melodia di su cancionnan e ta hinca hopi tempo y entusiasmo. E ta bisa di mester sinti su mes confortabel y cu e siguransa cu e ta un cancion cu por mishi un curason, asina su cancionnan ta sali! SAC ta gradici Lionel Croes pa su sosten di semper y spera cu e dedicacion aki lo sirbi como un empuhe pa e por sigui yuda mas mucha y hobennan den e Festival di Tumberito Infantil/Hubenil den e añanan nos dilanti.

Minister Juan David Yrausquin:

Ta trahando riba maneranan pa MFAnan cubri parti di nan mesun gasto

O R A N J E S TA D ( A A N ) : Como Minister di Finanzas, Juan David Yrausquin ta wak den e acuerdo cu Stichting Onroerend Goed Aruba (SOGA), un situacion positivo caminda Gobierno ta aporta na e bon inversion di fondonan di APFA y caha di

Gobierno ta ricibi entrada mientras cu e construccion di tur cinco Facilidad Multifuncional rond Aruba ta den construccion. Despues di esey, ya Gabinete Mike Eman a pensa riba e posibilidadnan pa crea un sistema caminda e edifi-

cio mes ta paga pa parti di su gastonan di operacion. Minister Yrausquin a splica cu SOGA ta realisando den e proyecto di Facilidadnan Multifunccional (MFA) un inversion total di 22.8 miyon Florin. Nan ta percura pa e pro-

ceso di construccion y mantencion, mescos cu e ta caso cu otro edificionan manera SIAD na Camacuri y DIP/ DOW na Wayaca. “Asina APFA tin caminda pa inverti su fondonan y Gobierno por contribui na dje,” Minister Yrausquin a splica. Ta e intencion di Gobierno di Aruba y sigur di Minister Yrausquin pa cubri e suma di huur pa medio di e entrada for di transaccionnan cu ta worde haci na e propio Facilidad Multifuncional. Manera a keda menciona anteriormente, e idea ta cu na cada MFA departamentonan publico manera Censo, Belasting y instancianan manera AZV y FCCA por tin un espacio pa atende publico. Companianan di Utilidad ya caba tin acuerdonan haci, mescos cu ta ainda den un Hulpbestuurskantoor. E Minister di Finanzas a bisa: “Sea e departamento, servicio of compania tin un presencia fisico pa atende nan cliente, of ta permiti acceso na personal di MFA den nan sistema pa asina por procesa nan operacion di co-

branza, etc.” Algun punto ta fiha caba mientras cu otro tin espacio pa introduci ainda. Por tin otro servicionan di sector priva cu ta bin acerca y “na final di dia e ciudadano ta esun cu tin un forma mas facil pa ricibi e servicio cu e tin necesidad p’e.” Adicionalmente cada diseño di MFA, haci pa arkitectonan local, a tene cuenta cu aspectonan di sostenibilidad y eficiencia den consumo di energia. Tambe e Sr. Yrausquin a expresa su satisfaccion di tende cu bario di Noord ta esun cu a haya e primicia a tin e prome edificio di MFA y cu e personanan cu lo ta encarga cu su maneho y direccion ta hendenan di e bario tambe cu conoce e necesidadnan di e bario. Facilidadnan Multifuncional ta reemplasa loke tabata conoce te aworaki como Hulpbestuurskantoor den cada districto, pero cu un gama mas amplio di servicio y beneficionan pa comunidad. Nan lo ta habri for di mainta te anochi y lo ofrece espacionan tanto paden como pafo destina na encuentro social y recreaccion.


DIARANZON 29 JANUARI 2014

PAGINA 43

DIARIO

Mervin Wyatt-Ras, encuanto Congreso riba tereno di Salubrida na Aruba

ORANJESTAD(AAN)-- Durante reunionnan den Reino a palabra cu Aruba lo ta encarga pa organisa un congreso

ariba tereno di Salubridad pa por yega na mas cooperacion cu otro Durante e deliberacionnan di

IPKO na januari di e aña aki, e representantenan di diferente pais den Reino, esta, Corsou, St. Maarten, Hulanda y Aruba a palabra cu pa loke ta trata Salubridad Publico lo acerca minister di Salubridad di Aruba pa organisa un congreso pa tur actor riba e tereno aki. Meta principal ta pa yega na palabracionnan concreto pa hisa calidad di cuido mantene e cuido na prijs pagabel. Parlamentario Mervin Wyatt Ras cu ta trekker di e grupo di trabou di salubridad di IPKO desde aña 2012, hunto cu e comision di Bienestar General y Salubridad Publico di parlamento di Aruba a haci diferente trabao y presenta un paper na IPKO (2013) cu sugerencianan. A reuni cu diferente actor riba tereno di salubridad, a inventarisa kico ta ser haci door di diferente instancia y entidad y a señala diferente reto cu lo por ser trata hunto pa yega na cooperacion mutuo. E difer-

ente paisnan den Reino tambe a inventarisa den nan pais y a base di e inventarisacion aki a yega na puntonan comun unda cooperacion por ta posible y unda ta señala puntonan di discusion cu otro. Durante e reunion a resalta cu e topico aki mester wordo considera como ehempel di unda por logra yega na otro na un forma mas concreto, locual tambe ta meta di IPKO. Ariba diferente topico sa discuti y ta keda na esey so. Ta importante pa IPKO por tin resultado concreto di cooperacion ariba diferente

tereno. Wyatt-Ras ta spera cu riba e tereno aki tambe lo por tin mas cooperacion enbista cu ta keda un reto tanto pa nos pais, otro pais den reino y paisnan mundialmente pa garantisa un bon cuido di salud, unda e patient ta central mientras cu e gastonan ta keda controlabel y pagable. Segun Wyatt-Ras esaki ta un reto grandi y ta spera cu en berdad nos paisnan por ser cabez cu otro den bienestar di nos pueblonan, en especial nos hendenan di menos recurso.

Isabel Dammers di DIP:

Kavelnan mester wordo manteni limpi y alegre pa carnaval

Parlamentario Donny Rasmijn-AVP

Debido preparacion di nos localnan promer cu nan por habri un negoshi ta esencial

ORANJESTAD (AAN): Durante di tratamento di e ley Aansprakelijkheid Belastingen en Premies Volksverzekering, mihor conoci como e ley Ketenaansprakelijheid, parlamentario Donny Rasmijn a trece su preocupacion pa e negociantenan local cu ta cuminsa un negoshi y despues ta hayanan cu problema cu belasting. Esaki, segun e parlamentario, sa pasa hopi y esey ta debi cu nos localnan no ta haya un prepara-

cion debido via Camara di Comercio promer cu nan por cuminsa e negoshi of mientras cu nan a caba di cuminsa cu nan negoshi. “No ta na su lugar pa hacie e proceso dificil pero e ta bay pa duna nos localnan e posibilidad pa sigui un curso, e por ta voluntario, ora cu e ta nobo den e business”, Rasmijn ta bisa. Mester yudanan prepara, por ehempel, un business plan y mustranan tur e gasto-

nan cu mester worde paga na belasting y fondonan social manera Sociale Verzekerings Bank (SVB) y Algemene Ziektekosten Verzekering (AZV). Con pa calcula e gastonan aki ta primordial pa asina preveni cu e local, cu tur bon intencion, tog ta haye cu problemanan financiero pasobra nan no a worde prepara manera debe ser manera cu ta sosode na por ehempel Hulanda. “Eynan, un comerciante nobo, mester completa e curso di Algemene Ondernemers Vaardigheden promer cu nan haya permiso pa cuminsa un compania pero e ta evita cu e persona ta haya su mes den problema cu belasting y ta haye obliga pa sera su negoshi y keda cu un sabor amargo pa haci negoshi”, segun Rasmijn. Durante di e reunion e parlamentario a trece su preocupacion na Minister di Finanzas Juan David Yrausquin pa asina e por papia cu su colega De Meza pa Camara di Comercio por duna e curso aki na negociantenan local nobo. “Nos kier pa mas negoshi habri na Aruba pero un debido preparacion di nos localnan cu ta habri un negoshi ta esencial pa e por triunfa”, Donny Rasmijn ta termina.

ORANJESTAD (AAN): Den un entrevista cu Isabel Dammers miembro di management team di DIP el a splica un tiki riba e preparacion di carnaval y Kavelnan cu ta wordo otorga. Den Vondellaan ta caminda por pone trailer y riba L.G. Smith Boulevard ta haya e tentnan. Despues cu a saca e nombernan cu presencia di notario a bay over na entrega e kavelnan. Entrante 15 di Februari lo bay over na pone e trailernan y tentnan ta wordo gehuur for di DOW y DOW mes ta arma esaki. E fecha precies cu lo arma tent no ta conoci pero sigur esaki ta prome cu e parada pasa.  DIP semper tin su reglanan. E lugar mester keda limpi y e ruta mester ta alegre pa celebra nos carnaval den forma festivo. Tin drumnan poni riba e ruta. No mester traha cosnan bou di e tentnan pasobra dimes e ta fresco. Algo importante ta pa tene cuenta cu hopi hende ta bay mira carnaval. Ta un carnaval grandi y mester coopera cu otro. Mester traha e espacio

pa duna otronan riba ruta un lugar pa nan tambe por mira carnaval. Riba acera sigur ta keda publico pa otronan cu no tin kavel. Tin area riba e ruta cu lo wordo sera patras pa evita cu tin tiramento di cos. Palet ta algo cu no mag di arma pa sera cura etc. DIP ta haci nan best pa tene bista segun e hefe di DIP Isabel Dammers.    Door di e largura di parada tin adaptacion di e ruta. DIP ta sigui masha di cerca e discusionnan tambe encuanto rutanan. Te ainda e experiencia na San Nicolas ta sin problema. Dimes no tin kavel y tin gruponan cu tin nan lugar vast di para. E tradicion ta cu despues di Jouvert Morning para nan auto of laga nan lugar reserva. Si ta pa DIP nan lo a pone tent riba henter e ruta di carnaval na Playa. Aruba gusta fiesta y ta gezellig pa keda hang around pero tin un fin segun Isabel Dammers. Cu tent por ruim op mucho mas liher vooral pa limpieza.   E ventilacion cu tent tambe ta bira mucho mas mihor.


Fin 29114  
Read more
Read more
Similar to
Popular now
Just for you