Page 1


WWW CONFLICTO

Famia Ras di Coba Lodo kier biba na paz cu nan cabritonan

Pregunta tocante bo cobransa? Yama Customer Service na 5237100

CELEBRANDO 33 AÑA CU PUEBLO Aña 36 ▪ No. 9919 • 1,50 Florin

Minister Mike de Meza Keynote Speaker den Conf. Carbon War Room

DIALUNA 3 FEBRUARI 2014

CARNAVAL

Jerrino Ridderstap corona rey di tumba 2014

na islanan Virgen Britanico

Jeuline Abspoel Mrs. Carnival di Savaneta ORANJESTAD(AAN) -- Ayera durante actividad carnavalesco di Grupo di Carnaval di Savaneta, Sra. Jeuline Abspoel a wordo corona como Mrs. Carnival di Savaneta. Aki o mira e flamante representante di Savaneta hunto cu Ministro Dr. Alex Schwengle. E grupo di Savaneta ta aparece den carnaval 60 cu nan Cactus Fantasie bao direccion di sra. Martica Arends.

Participacion record pa Kaiso y Soca Festival

ORANJESTAD(AAN)--E foto aki a di inscripcion di ayera atardi pa ayera anochi pa e festival di Kaiso y Soca di e aña aki den Carnival Village. Un total di 138 composicion a keda inscribi cu participacion di 28 banda musical. E cancionnan ta 43 calypso y 95 Soca. DIARIO ta spera di lo bin cu reparticion di e anochinan den edicion di mañan y si e comision a manera esun di tumba a traha, lo por ricibi e lista di cantantenan, composicionnan y bandanan mes ora tambe pa publicacion.

OANJEDTAD(AAN)-- Por fin Jerrino “bass” Ridderstap su soño a bira realidad despues di tanto aña terminando den finalistanan entre 2 y 5 lugar. Diasabra el a termina na prome lugar, ganando e concurso di tumba cu su tumba “Aplauso p’e”. Mas por lesa den e edicion aki.


DIALUNA 3 FEBRUARI 2014

DIARIO

Famia Ras di Coba Lodo ta cla pa bay guera pa defende nan interes

PAGINA 3

sinembargo kier biba na paz cu nan cabritonan

ORANJESTAD(AAN):E rumannan Ras di Coba Lodo area di Shete ta cla pa bay guerra si ta necesario pa defende nan interesnan. Nan ta sinti cu awor kier persigui nan cria di cabrito cu pa decadanan largo nan a nace den dje. Nan ta yiu di defunto Feliz Ras. Ta como 15 ruman cu awor a haya polis na nan porta unda un polis femenino y otro masculino a laga sa cu mester tene e bestianan cera. Si no haci tal lo bay cu e cabritonan un caminda y mester paga pa haya nan bek. Esaki e famia ta sinti cu ta mas bien un instruccion cu a bin di cualkier gobernante rico pa caba cu loke nan a lanta den dje. Asina mes a puntra e famia si sa tende di molester cu nan cabritonan ta causa. Nan ta haya cu pasobra tin hende a bin biba despues den e area nan cu tin tereno na diferente parti di Coba Lodo cu Shete, awor nan bestianan no por bay mondi mas. Asina mes nan lo zorg pa traha un cura pa evita cu e bestianan ta bay mondi. Ruman Antonio Ras a splica cu nan ta decidido pa sali na defensa di nan criadero di cabrito. Nan ta cria bestia pasobra djis cos bay malo y no tin cuminda importa

Aruba Key-Note Speaker durante cumbre di Carbon War Room mas, nan si tin pa sirbi e pueblo. Mescos nan ta planta pa asina cosecha cuminda di tera fresco fresco di Aruba. Nan no kier pa abuso di gobierno na mando tuma lugar contra nan. Esun cu ta manda polis mester bin nan mes pa atende cu nan riba e problema. Mas ainda

dos polisnan cu a bin ni sikiera a identifica nan mes. Por spera mas problema si no laga nan bestianan den trankilidad cu nan ta desea. Cada uno cu cuchio, hacha, cabo di piek etc den man ta cla pa tur cos segun e rumannan Ras cu ta yiunan di Feliz Ras.

Jerrino “Bass” Ridderstap ta Rey di Tumba 2014

ORANJESTAD(AAN)-- : Esaki ta di tres bes cu e banda cu D’Licious ta participa den Festival di Tumba y ta mas di 10 bes cu Jerrino Ridderstap mes ta participa como cantante. E aña aki, cu areglo di Pedro “Goyo” van der Linden, cu composicion di Jerrino Ridderstap mes y Ivanaur van der Linden, el a logra bay cu e corona maximo di Rey di Tumba pa prome bes, cu e tumba “Aplauso p’e”. Pa e banda mes, e logro aki sin duda ta corona nan trabou duro, nan preparacion intensivo, ensayonan, sacrificio y perseverancia pa logra crece den e mundo musical di nos isla. D’-Licious ta compaña e grupo di “Don Flip Racing” den

paradanan di mucha mientras cu nan lo toca pa e grupo “Majestic” durante paradanan di hende grandi. Letranan di e tumba ganado ta como lo siguiente: Si mi por a warda henter dia den solo, Pa wak bo bunitesa y admira bo, Bo ta un inspiracion pa mi pais, Curason di Carnaval, Awe nos t’ey pa admira bo. Ma nace ta conoce bo caba. Coro: Bo ta un strea cu ta briya leu den horizonte. Bo te cara di nos pida baranca. Coro: Bo ta imagen riba pia cu rond mundo ta bin mira Awe bo ta bay demostra. Coro: Bo beyesa carnaval. Riba tur ruta cu bo pasa. Coro: Tin historia a keda tras. Bo bunitesa y grandesa. Coro: Ta luci te den exterior. Via radio y television. Coro: Den corantnan publico. Esta briyante, cada aña mas bunita bo ta. Coro: Mi kier pa bo wak’e, Wak’e, Wak’e Wak’e pasa  (3x). Wak’e (4x) Awe ta bo dia. Nos tin cu celebra.

60 aña di carnaval. Ta riba caya e mester ta. Coro: Wak’e pasa, Wak’e pasa El a subi caya. Ambiente lo bay reina. Awe riba su dia. 60 aña riba pia. Aruba su carnaval. Manera di nos no tin igual. Un aplauso pe. Bishitante saca potret di dje. Nos ta engrandece. Paso ta un so tin di dje. Pone man nan hunto. Dun’e su honor. Ban pone man nan hunto. Dun’e su honor. Carnavalistanan         Coro: Aplauso. Tur hende. Bati bo man pe. Paso e merece. Ora e parada pasa. Cu tur banda musical. Ora e Reina saluda. Prins y Pancho cuminda. Gruponan luhoso di carnaval. Cu tur aña ta resalta. Carosanan presente. Masa yen di ambiente. 60 Nos ta celebra. Den grandi nos ta festeha. 60 nos ta celebra. Baila y gosa unda cu ta. Aplauso pe. Bati bo man pe. Aplauso pe. Paso e merece. Coro: Aplauso (3x) Aplauso pe. D-D-D'-Licious  Sinti’eee.

ORANJESTAD(AAN):Awe vice-prome minister di Aruba y alaves minister encarga cu Asuntonan Economico y di Energia, ingeniero Mike de Meza, ta encabesa un delegacion pa e cumbre ‘Creating Climate Wealth’ organisa pa Carbon War Room. „Nos ta sumamente honra di a ricibi un invitacion personal di Jose Maria Figueres y Sir Richard Branson pa participa y tambe dirigi e key-note speech durante e cumbre aki,” e mandatario a splika. E cumbre aki lo ser atendi pa un grupo selecto di hefe di gobierno y hefe di estado di region. E meta di e cumbre aki ta pa alinea strategianan pa logra accelera uso di fuentenan di energia renobable. E cumbre lo ser teni na Necker Island, cu ta e isla priva di Sir Richard Branson na British Virgin Islands. Durante gobernacion anterior, Gabinete Mike Eman I a tuma e pasonan necesario pa pone Aruba riba e caminda pa sosteniblidad den tur aspecto. Gabinete Mike Eman II a tuma como su tarea pa trece un balansa entre prosperidad y bienestar. „E creacion di e di tres pilar economico ta den pleno ehecucion,” asina Minister Mike de Meza a declara na su salida pa Necker Island. Den un futuro hopi cercano Aruba lo ta un gateway completo pa Latinoamerica. Parnernan strategico manera TNO, Gasunie, Carbon War Room, New America Foundation, Harvard, como tambe pioneronan den sostenibilidad manera Sir Richard Branson y Wubbo Ockels, ta trahando cu Aruba en un espiritu di cooperacion, harmonia y bienestar pa yega na un desaroyono sostenible den tur aspecto. Durante e conferencia di Rio+20, Minister President Eman a anuncia cu Aruba lo ta 100% sostenible den su suministro di energia den anja 2020. E transicion pa sostenibilidad aki ta forma e base pa un pilar economico nobo cu ta basa riba conocemento y servicionan den e sector di energia alternativo den combinacion cu e green gateway entre Latinoamerica, Merca y Europa. Den e cuadro aki Aruba den un partnership strategico lo sa si saca beneficio di economianan creciente di Latinoamerica. Aruba ta forma parti di e ’10 Islands Commitment’ di Carbon War Room E compromiso aki ta encera comparti cu otro islanan loke Carbon a siña y experiencia den e caminda cu el a scoge pa cana hunto cu Aruba den logra su meta. Durante e ultimo conferencia di Green Aruba na oktober 2013, Carbon War Room a presenta e ‘smart growth pathway’, un plan strategico, pa logra e independencia total di fuentenan convencional pa produccion di energia. E discurso di Minister de Meza lo refleha e synergia cu ta existi entre e transicion pa sostenibiliad y e oportunidadnan economico cu esaki ta trece cun’e.

Ecue 3214