Page 1


INTERNACIONAL A23 50 persona a fayece despues cu avion a cay na Rusia

Dialuna 18 November 2013

E escritora ganado di premio Nobel, Doris Lessing a fayece

London, INGLATERA – E escritora Britanico, Doris Lessing, premio Nobel di Literatura na 2007, a fayece ayera, na edad di 94 aña di edad. Lessing a nace na 1919 Persia, actual Iran, di mayornan Britanico y a wordo cria na Rhodesia, actual Zimbabwe. Desde 1937 el a biba den Reino Uni. Lessing tabata e autor di obranan manera Sing the herb (1950), The Golden Notebook (1962), Stories of London (1992) y hopi otro cu a haci su persona e miho pa merece un gran cantidad di premio, entre loke ta destaca e Medicis y Principe de Asturias de las Letras. E Academia Sueco, na momento di a otorga premio Nobel, a describi Lessing como e “escritor epico fe-

menino cu hopi experiencia kende cu skepticismo, pasion y un poder cu vision a samina cu minuciosamente un civilisacion dividi.” Sin embargo, e escritora no tabata por a asisti na e ceremonia tradicional di entrega di e premio pa motibonan di salud. Por ta e obra mas aprecia di Lessing ta “The Golden Notebook” (1962), caminda el a relata e experiencia di un escritora cu exito kende ta mantene un diario personal. Segun e Academia Sueco “e movemento feminista a considera e buki aki como un trabao pionero, caminda cu ademas ta pertenece na un cantidad di obranan cu a confirma e mirada cu tabata tin riba siglo XX di e relacionnan entre homber y muhe.”q

Subdirector di inteligencia Libio a wordo secuestra Tripoli, LIBIA – Fuentenan cerca na e organismo di siguridad Libio a bisa cu e subdirector di inteligencia di Libia, Moustafa Nouh, a wordo secuestra. Segun informacion, e hecho a sosode den e aeropuerto di Tripoli ora cu Nouh a regresa e pais. Sinembargo, autoridadnan no a confirma esaki ainda. E secuestro di Nouh a sosode memey di un welga general provoca pa e presencia di ehercito regional den e capital di e pais. E welga a wordo convoca despues cu por lo menos 43 persona a fayece diabierna ultimo den e bario di Tajoura, pafo di Tripoli, ora cu integrantenan di e ehercito Mistrata, kendenan a yuda den derota Muammar Gaddafi dos aña pasa, a tira contra di miles di manifestante cu a reuni pa exigi e militarnan bandona e ciudad.

Prome minister di Libia, Ali Zeidan.

Luna pasa, e prome minister, Ali Zeidan, a wordo secuestra pa algun ora. Desde diasabra ultimo, mayoria di scol y tiendanan ta cera y hopi residente local y algun grupo arma a instala barera di proteccion blokiando algun caya.q

Kazan, RUSIA – E Ministerio pa Situacionnan di Emergencia di Rusia a informa cu por lo menos 50 persona a fayece ora cu un avion Boeing 737 di pasahero a cay na e aeropuerto di Kazan, capital di e republica di Tatarstan. A bordo tabata tin 44 pasahero y 6 miembro di tripulacion. E avion cu tabata procedente di Moscu a dal riba e pista di e aeropuerto ora cu esaki a purba di baha despues di a aborta un prome intento di aterisahe.q


181113  
Read more
Read more
Similar to
Popular now
Just for you