Issuu on Google+


DIARANSON 29 JANUARI , 2014

3

Parlamentario Andin Bikker ta bisa

Robo di autonan ta halto y minister di Husticia no ta haciendo nada Ainda e mandatario no a presenta plan efectivo pa combati criminalidad

Lider y Parlamentario di Democracia Real, sr. Andin Bikker.

“Ta parce un cos cu nos no tin minister di Husticia riba e pais aki”, asina lider y Parlamentario di Democracia Real, sr. Andin Bikker a habri su conferencia di prensa di tur diamars mainta. El a referi na e casonan di kiebro y ladronicia den autonan di huur cu practicamente ta ser publica den prensa tur dia a base di rapport di polis. Algo cu a hala atencion di e politico di e partido cora ta un remitido di un turista cu a ser publica den un matutino local,

unda e ta splica cu su auto di huur a wordo horta, y ora cu el a bay duna keho ta bin resulta cu den e mesun siman como cinco auto di e mesun car rental a ser horta, y cu e indice di turista cu ta ser afecta cu robonan di autonan di huur ta sumamente halto. Parlamentario Bikker ta considera e asunto aki hopi delicado, mirando e hecho cu turismo ta actualmente e unico pilar economico cu nos ta draai riba dje, y esun mas importante y esun cu ta resta nos. Tambe el a declara cu criminalidad ta afectando nos pueblo specialmente pa locual ta trata robonan den auto y kiebronan den cas, y mester bin un frena na dje. “Nos ta sinti cu te ainda e minister cu a core un tremendo campaña, y el a haya hopi voto, pero su trabou mes e ta neg-

Andin Bikker observador internacional na El Salvador Lider y Parlamentario di partido Democracia Real (DR), sr. Andin Bikker a anuncia cu proximamente e lo biaha na San Salvador (El Salvador) pa participa como observador internacional den eleccion presidencial cu lo tuma lugar cu lo tuma lugar diadomingo 2 di februari awor. Sr. Bikker a bisa cu e tabatin honor di wordo invita pa ta observador internacional na San Salvador. El a ricibi e invitacion na luna di november ultimo den cuadro di nan aspiracion pa DR bira miembro di International Democrat Union (IDU). E lider politico di DR a bisa cu e partido ARENA cu ta miembro IDU tin un candidato presidencial cu tin “chens sumamente grandi” pa bira presidente di e pais Centro Americano den cuadro di eleccion di fin di siman awor. Ta trata di e candidato presidencial di ARENA, Norman Quijano kende hunto cu su compañero pa bira Vice-Presidente, Rene Portilo ta esunnan mas faborito pa gana e eleccion aki. Sinembargo un encuesta divulga pa Telesur ta indica cu Frente Farabundo Martí pa Liberacion Nacional (FMLN), a registra e mayor indice di popularidad pa gana e eleccion di dia 2 di februari awor. “Mi persona a wordo invita pa ta un di e observadornan internacional. Algo cu ta wordo permiti dor di nan leinan y den cuadro di nan eleccionnan y Constitucion”, asina e lider di DR a declara masha entusiasma pa e invitacion aki. Lei electoral di El Salvador ta considera un segundo rond den caso cu niun di e candidatonan por a logra un mayoria di mas cu 50% di e votonan. Si niun candidato no lo por logra e mayoria aki lo tin un segunda buelta dia 9 di maart venidero. Den eleccion di diadomingo awor e pueblo di El Salvador lo bay eligi Presidente y Vice-Presidente di e pais aki.

lishando”, asina Parlamentario Bikker a declara na prensa. El a indica cu “ora cero a yega” y cu minister di Husticia mester actua ya cu “pueblo ta fada”. El a indica cu partido Democracia Real a bin cu diferente proposicion di manera constructivo pa busca un solucion efectivo pa desmantela e gangnan of crimen organisa cu ta cometiendo e tipo di delito aki. Nan a propone y pidi pa reserva fondo di presupuesto pa bin cu proyecto piloto pa haci uzo di sistema cientifico y tecnologia pa desmantela e grupo aki di crimen organisa. E ta considera cu e proyecto piloto di ubica cierto artefacto camufla pa haci uzo di GPS den autonan vulnerabel di robo, y laga nan den sitionan cu habitualmente e casonan aki ta tuma lugar, lo por yuda

pa yega na e paraderonan di e delincuentenan aki. E ta kere cu e proyecto menciona ta facil di realisa y cu poco fondo ta realisabel... pero “si bo tin un plan’. Pero el a bisa cu nan ta sinti falta di un plan di parti di minister di Husticia, ya “cu e no tin un plan”, y te dia awe e mandatario no a presenta un plan contra criminalidad na Parlamento. “Si bo tin un plan bo por soluciona y frena e tipo di criminalidad akinan”, el a declara. El a añadi cu cada tratamento di presupuesto semper nan ta haci un apelacion na minister di Husticia sr. Arthur Dowers presenta su plan riba asuntonan cu pueblo ta reclama y “cu e no ta haciendo nada”. Parlamentario Bikker ta considera como gewoon un excuus e hecho cu minister di Husticia ta abstene di revela un

plan pa evita cu e criminalnan lo por ta na haltura di dje. El a bisa cu si berdaderamente nan ta ehecutando un plan secreto anto ta importante pa nan bin cu resultado. Igualmente den su funcion como Parlamentario sr. Bikker a laga sa cu su partido a yega di presenta proyectonan cu a resulta efectivo na Hulanda, Alemania, Florida y na Chicago pa frena e ola di ladronicia di autonan pa horta piesanan. Nan a instala cierto artefactonan den autonan cu ta prevalente pa wordo horta y asina nan a logra desmantela diferente gruponan di crimen organisa. Pero el a aclaria cu pueblo mester tene cuenta cu gobierno ta esun cu ta fayando pa combati criminalidad y no oposicion, ya cu ta gobierno esun responsabel di hiba un maneho riba e tereno aki.

Ley di responsabilidad pa impuesto y premionan

Aproba den forma unanime den Parlamento despues di seis aña Minister di Finanza y “Overheidspersoneel”, a haya sosten di Parlamento completo pa aproba introduccion di ley “aansprakelijkheid belasting en premies volksverzekering (Invoeringsverordening lv. aansprakelijkheid belasting en premies). Na momento cu e mandatario a presenta e proyecto di ley na Parlamento dia 20 di januari, el a bisa: “Nos kier percura cu tur ciudadano, compania y instancianan cu tin cu paga impuesto, ta cumpli cu esaki tambe.” E ley aki, Sr. Yrausquin a enfatisa, “ta un ley cu ta bin pa protege e trahadonan di doñonan di trabou cu no ta cumpli pa paga belasting y primanan.” E tabata un proyecto di ley cu ta data di aña 2008, cu Minister di Finanza Juan David Yrausquin, a haci varios adaptacion riba dje pa e cumpli cu tur regla y por a wordo entrega na Parlamento. E aprobacion unanime a bay sin cu mester a vota den forma individual. “Husto no ta bay paga pa pecador,” e mandatario a bisa na final di e reunion. Awor Gobierno ta bay concentra pa percura cu tur esnan cu mester paga belasting ta cumpli, evitando cu otronan innecesariamente ta bay paga mas

belasting. Un amienda di fraccion di AVP, cu a keda acepta tambe, ta duna tur esnan concerni mas tempo pa adapta nan mes na e ley nobo y probablemente e lo drenta na vigor pa prome di juni awor. E proyectonan di ley cu Parlamento a aproba ta encera tres aspecto importante: 1) Ketenaansprakelijkheid. Esaki ta encera cu e contractant principal cu tin e trabou ta wordo poni responsabel si su subcontractant no cumpli cu Departamento di Impuesto pa pago di impuesto y primanan; 2) Companianan cu ta haci uzo di Uitzendbureaunan ta para responsabel pa e pago di impuesto y prima di e servicio cu nan ta cumpra; 3) director di companianan tambe ta wordo poni responsabel pa cumplimento di pago di impuesto y prima, manera ley ta prescribi. E mandatario a splica cu Gobierno no solamente kier pa tur ciudadano y instancia cumpli cu Departamento di Impuesto, pero e departamento aki tambe mester haya e hermentnan pa por funciona debidamente y e conceptonan di ley cu aworaki ta den Parlamento ta brinda esaki.


DIARANSON 29 JANUARI , 2014

6

Polis di Trafico y CEA riba caya cu aparato pa ‘swipe’ Ministerio Publico a adkeri recientemente cuatro aparato di swipe portatil y a duna esakinan na Cuerpo Policial di Aruba (KPA) y Cuerpo Especial Aruba (CEA). Tanto Polis como CEA a haya cada uno dos aparato di swipe. KPA lo usa un di e aparatonan aki den trafico, loke kier meen cu e persona cu wordo para riba caminda pa Polis y haya un boet pa motibo cu el a comete un infraccion di trafico, lo por swipe mes ora cu su carchi di banco pa paga e boet aki. E otro aparato lo wordo poni na Warda di Noord y ta vooral pa facilita turistanan pa paga e transaccionnan cu nan haya.

CEA lo usa e aparatonan di swipe ora di tratamiento di casonan di trafico (verkeerszitting) na Corte y e accionnan di cobramento di boet atrasa. Te awor no tabata posible pa personanan cu wordo condena pa huez di trafico pa paga un boet, paga e boet aki despues di e tratamiento den Corte. Cu e aparato di swipe nobo, e boet por wordo paga mes ora cerca CEA na Corte. Banda di esey CEA lo carga entrante dialuna 27 di januari 2014, e aparato di swipe durante e accionnan di cobramento di boet atrasa. Ora hende tin boet habri y keda sin paga, hasta despues di un waarschuwing, anto CEA ta yega te na su cas pa cobra e placa aki.

Placa cu turistanan ta laga atras

A aumenta cu 5.26% den prome tres kwartaal di 2013 Banco Central a presenta cifranan di e prome dos kwartaalnan y e tres kwartaalnan di 2013 pa loke ta trata ‘tourism receipts’, es decir e placa cu turistanan ta laga atras den nos economia. Minister Otmar Oduber ta sumamente contento di por a mira un crecemento positivo riba e crecemento cu nos a conoce comparando 2011 cu 2012 y cu ta ilustra tambe cu nos isla no solamente a crece den cantidad di bishitante, pero tambe den cantidad di placa cu e turistanan ta laga atras. Si compara e cifranan di e prome dos kwartaalnan di 2011 y 2012 por mira un crecemento di 2.93% y pa e mesun periodo comparando 2012 cu 2013 por ripara un crecemento di 6%. Si inclui e di tres kwartaal tambe por mira un crecemento significativo comparando 2011 cu 2012 y 2012 cu 2013 di 3.17% y 5.25% respectivamente. Minister di Turismo ta gradici y felicita tur e stakeholders cu a haci di e resultado aki uno exitoso pa nos isla, pa nos economia y pa nos hendenan. El a bisa cu ta trata aki di un trabou en conhunto, un trabou y un logro cu solamente por a wordo logra danki e bon relacionnan y cooperacion entre tur actor den e ramo, pero tambe en special na cada un di esunnan cu ta labora den e industria cu ta haci cu nos isla ta un di e miho y mas gusta den e region. Pa e aña aki lo sigui traha fuertemente pa mantene e posicion privilegia cu nos isla tin y lo sigui enfoca riba calidad pa asina e placa cu nos turistanan ta laga atras por aumenta. Den e cuadro ey no solamente lo continua cu e trabounan pa mehora Producto Aruba cu a bin ta tumando luga caba, pero lo bay mas leu y enfoca riba haci di San Nicolas e di dos capital turistico di nos isla, e luga caminda nos bishitantenan por haya loke awendia nan ta buscando mas y mas, esta cultura, historia y herencia di nos dushi Aruba. TOURISM

2

RECEIPTS

0

1

1 2 0 1 2 2 0 1 2 2 vs 2011

0

1

3 2013 vs 2012

Kwartaal 1 y 2 1 2 7 2 . 4 1 3 0 9 . 8 + 2 . 9 3 % 1 3 9 9 0 . 1 + Kwartaal

6

%

1,2,3 1 8 2 7 . 8 1 8 8 5 . 9 + 3 . 1 7 % 1 9 8 5 . 1 + 5 . 2 6 %

Si e keda nenga pa paga e placa, CEA lo hibe KIA pa e sinta su dianan di detencion (vervangende hechtenis). Pa facilita e personanan aki pa paga nan boet, CEA lo carga e aparato di swipe di awor pa dilanti, pa hende paga cu nan carchi di banco y evita di e manera aki pa CEA mester hiba nan KIA. E accionnan di cobramento di boet atrasa ta sigui sin stop y Ministerio Publico ta haci un biaha un yamada urgente na tur esnan cu tin boetnan cu

ainda mester wordo paga, pa no warda te cu CEA ta para dilanti porta di cas, pero pa pasa bin paga.

Caha di Ministerio Publico ta habri tur dia den siman di 8.00 pa 11.30’or di mainta y di 1.00 te 3.30’or di atardi.


PAGINA 16

DIARIO

Mester bin cu man duro

Durante ocho aña di gobernacion di MEP e siguridad na Aruba a bay atras hopi pa e simpel motibo cu no tabatin un maneho hiba door di e ministro di husticia di e tempo ey. Concentracion a bay ariba gana placa y pasonan cu a worde tuma door di gobierno di AVP prome cu cambio di gobernacion a worde poni un banda. Un di e problemanan mas grandi tabata e hortamento y estorbo di e chollernan concentra na centro di Play y San Nicolas. E gobierno di AVP a lanta un cuerpo special pa concentra ariba e problema di choller cu bao di MEP a bira CEA. MEP a cambia e cuerpo aki di atende cu e problema di choller den un aparato pa gana placa grandi pa e hendenan di MEP. Tarea a bira pa busca stranhero sin permiso pa cera nan na KIA y kita placa di nan of nan dunador di trabao pa nan por keda Aruba. E parti di KIA cu tabata worde usa tabata e parti cu gobierno di AVP a reconstrui pa bira un centro pa pone e chollernan cu worde poni bao di curatela haya e trato cu nan mester haya ora nan ta poni bao di curatela segun leynan cu e gobierno di AVP di e tempo ey a laga cla atras. E unico liña di maneho cu MEP tabatin durante e ocho añanan di gobernacion tabata sigura cu e centronan di Playa y San Nicolas keda centronan di choller. Na Playa gobierno di MEP a huur un edificio cu antes tabata e hotel den curazon di Playa y haci esaki un facilidad pa e chollernan. E hotel cu nan a huur ta di famia di Evelyn Wever Croes. Di e manera aki sigurando cu Caya Grandi y vecindario lo keda pesta di choller. Meta di gobierno di MEP pa destrui centro di Oranjestad tabata un exito total. Pa complace cu nan famia y amigonan permisonan a worde duna banda di e hotelnan grandi pa construi shopping mallnan enorme competiendo cu

Telefonnan di DIARIO 582-6747 Fax 582-8551

e tiendanan den Caya. Situacion di husticia e tempo ey tabata asina partidista cu ora hendenan cu a paga e ministro di husticia placa pa haya permiso y a anuncia esaki den medionan di comunicacion e procurador general a declara cu hende cu a paga e ministro placa pa haya permiso tambe ta castigabel. Criminalidad no tabatin ningun atencion di gobierno di MEP pasobra nan tabata ocupa cu ganamento di placa pa nan mes y nan famia y amigonan. Esaki tabata e situacion cu AVP a haya aña 2009 ora di tuma over gobernacion di nos isla. Na prome instancia e gobierno di AVP a introduci un maneho di stimula e chollernan pa voluntariamente bay Santo Domingo pa haya un trato pa kita nan vicio di droga. Na caminda a resulta cu esaki no ta suficiente pa kita e chollernan for di centro di nos ciudadnan. Ta resulta pa trata di soluciona e problema di choller ta exigi di bin back cu e sistema di pone choller bao di curatela y introduci un instituto pa trata nan ora cu nan a worde poni bao di curatela door di Huez. Pesey e parti cu e gobierno di AVP a prepara 12 aña pasa awo ta bay worde usa pa cera y trata e chollernan cu lo worde poni bao di curatela. Ta di spera cu pronto e problema di choller lo pertenece na pasado manera nos a mira

sosode na Curaçao. Naturalmente e problema di criminalidad no ta solamente e chollernan pero nan ta un parti grandi cu mester worde soluciona. Ministro di husticia tin mas tempo awo cu e no ta encarga cu e ministerio

DIARANZON 29 JANUARI 2014

pisa di enseñanza y por concentra completamente ariba husticia y muy en particular

pone comunidad di Aruba sinti mas sigur door di hiba un maneho cu man duro.


DIARANZON 29 JANUARI 2014

PAGINA 17

DIARIO

Ta sigui horta auto di turistanan

ORANJESTAD.(AAN): E problema di kibra, drenta, y horta den auto ta sigui keto bay y ainda no tin un plan concreto di parti ministerio publico pa manda mensahe cla y raspa pa esnan cu ta causando daño enorme na nos comunidad. Hasta esnan cu ta contribui na nos pilar economico (tur-

ismo) a laga nan voz resona y a expresa nan preocupacion. Dialuna algun minuut pasa di mey anochi, a wordo reporta via central di polis cu desconocinan a kibra, drenta den un Mitsubishi Lancer A 50405 staciona dilanti cas situa na Tanki Leendert. Patruya di Oranjestad a bay

na e direccion pa atende e caso reporta y na yegada polis a papia cu e señora inicial A. cu segun su declaracion, desconoci nan a destrui bentana patras na banda drechi di e auto. E ladron (nan) a desmantela y a saca radio di e Mitsubishi y a horta tambe un par di zapato deportivo. Mainta trempan tambe a

presenta na warda di polis Santa Cruz e homber inicial J.S. pa entrega keho di ladronicia di su V-wagen Hyundai Getz color shinishi V2091 cual el a huur for di Amigo car rental . J.S. a declara cu diadomingo atardi pa alrededor di cinco el a staciona su V wagen dilanti su cas y tur cos tabata

na lock y intacto. Dialuna mainta den careda di och’ or el a constata cu su auto a wordo horta y polis a tuma su keho oficial.. Den otro caso patruya di Strandpolitie, atardi pasa di cinc ‘or, a wordo dirigi na “Oceania” situa riba J.E. Irausquin Boulevard pa nan atende un pareha turista victima di ladronicia den su auto. Na yegada e homber Matthew y muher Jane, ambos naci na Merca a wordo atendi. M. a declara, cu atardi pa den careda di cinc’ or el a staciona su Vwagen modelo Nissan Versa color blanco V 2805 cu a pertenece na Hertz den vecindario di faro y den compania di su casa nan a bay cana den e duinen nan y despues di mas o menos binti minuut el a bolbe na su Vwagen y a constata cu bentana di porta dilanti na banda drechi tabata destrui y e tas di Jane a wordo horta. Polis a tuma e di tantisimo keho nan di loke ta tumando lugar tras di Light House.

Laptop a somenta for di den auto ORANJESTAD.(AAN); Na warda di polis na Shaba, diadomingo den transcurso di mainta e señora di inicialnan M.P. a presenta pa entrega denuncia di ladronicia for di su auto. Dia 25 January (diasabra) pa och’ or di anochi e tabatin su Laptop den auto pero a laga esaki atras sin cu e tabata cera. Pa mas o menos diez ‘or y trinta minuut di anochi riba e mesun dia, M.P. a bolbe na su auto y a constata cu su laptop a somenta pa cual el a entrega denuncia oficial di ladronicia.

Telefonnan di DIARIO 582-6747 Fax 582-8551


DIARANZON 29 JANUARI 2014

PAGINA 25

DIARIO

Mensahe na e persona cu a bay cu e cartera na Angochi

ORANJESTAD (AAN): El a bay cu e cartera! Pues el a ser horta! Dialuna dia 27 januari 2014 den oranan di anochi na Angochi Supermarket na Santa Cruz e persona riba e potretnan a pasa man pa cartera di un cliente, cu el a laga cay ora el a sak. E persona desconoci a gara e cartera y a bay cune.

Te cu Diamars anochi, e no a worde entrega back. Por wak riba e potretnan con esaki a pasa claramente, y nan tin mas potret y grabacion. Ta pidi cualkier persona cu por reconoce y sa ken e persona aki ta of e persona riba e potret mes, pa please tuma contacto na 740-2232 of 561-2934 of 562-8227 of 5652578, ta di suma urgencia.

Tas di oro a reaparece pero "no tabata fun pa every one" ORANJESTAD.(AAN); E compania “Fun For Every One” watersport, diadomingo mainta a solicita presencia di polis relaciona cu un tas cu nan a haya bao di nan tent. Personal e Strandpolitie a bay na e watersport na unda e trahador di e watersport en cuestion a entrega e agentenan un tas color di oro, cual tabata contene yabi di camber, di Occidental Grand, rijbewijs na nomber di Jennifer Fairchild naci na USA 28/11/1978, y master card na nomber di

Jennifer. Polis a hiba e tas cu contenido na warda di Strandpolitie y a depone esaki na disposicion di su doño. Mientras tanto den oranan di atardi na Occidental Grand, e presencia di Strandpolitie a wordo rekeri y na yegada nan a atende e señora Jennifer Fairchild Segun Jennifer a declara di ta hospeda den e hotel en cuestion y e ta desea pa entrega keho di ladronicia di su tas color di oro cual ta contene su i-phone 4s color di plata y

preto cu su etui y den e etui tin un subway pas,100 dollar y su credit card, rijbewijs y su yabi di camber. Tambe den e tas tin carson y un otro telefoon di su homber, pero e no ta desea di entrega keho. E tas en cuestion a wordo haya pa personal di “Fun- 4 Every One” ,pero sin I-phone ta tampoco e 100 dollar y un que otro a tuma lugar den careda di cinc’or di marduga durante cu nan tabata landa dilanti Occidental Grand. E keho a wordo entrega na polis.


PAGINA 34

DIARIO

DIARANZON 29 JANUARI 2014

Diamars mainta

Harley Davidson accidenta na Tanki Leendert

ORANJESTAD(AAN): Un motociclista Harley Davidson a accidente diamars mainta. E auto cu a ocasiona e accidente a subi caminda pabou di Union Caribe direccion Rotonde Tanki Leendert. E brommer biniendo di pariba a dal den wiel patras di e auto. E motociclista tabata levemente herida cu dolornan na dede pero no mester a bay hospital. E auto despues di ocasiona e desgracia a sigui core bay direccion pariba y pasa rotonde di Tanki Leendert.

Mas pariba banda di Rococo Plaza e consenshi di e chauffeur a reflexiona y a para canto di caminda y yama polis bisanan cu e ta un poco mas pariba. Ora polis a yega parce cu e tabata spanta, lomba sunu pero tambe kizas tiki bebi. Door cu e tire patras a kap el a dicidi cu ta mihor e para. Mientrastanto el a supla 675 riba e machine y esaki tabata suficiente pa polis bay over na detencion. 6:25 AM e detencion a cay y polis a sugui cu e proceso di investigacion.


PAGINA 35

DIARIO

DIARANZON 29 JANUARI 2014

Minister Paul F.T. Croes riba Dia di Betico;

Un estadista, un ehempel y un lider di nos pais! determinacion, pasenshi, curashi y tactica a sa di logra un meta importante pa nos Pais. Betico ya no ta un figura politico partidista mas, sino a bira un figura y un simbolo nacional. Aruba a conoce un crecemento economico y demografico grandi desde cu nos a haya nos status autonomo. Un estadista manera Betico Croes sigur a ORANJESTAD (AAN): Dia 25 di Januari Aruba completo a celebra e fecha natalicio di un di e politico y estadistanan mas grandi di historia di nos pais. Riba e fecha aki na 1938 nos libertador Betico Croes a nace. Betico a desaroya bira un figura politico importante historico di nos pais. Internacionalmente sr. Betico Croes a disfruta di e respet di dignatarionan. Betico a logra culmina un lucha cu a worde hiba pa hopi

aña. Un lucha pa separacion for di e constelacion di Antias Hulandes. Locual a haci Betico Croes grandi, tabata cu el a sa di uni un pueblo completo den logra un meta comun, e Status Aparte di nos pais. Pakico ta importante pa keda recorda y celebra e dia aki? Como un ehecutivo di nos pais, na e momento aki cu e maneho pa cu Hobennan, ta importante cu hobennan mira Betico Croes como un ehempel politico, cu hopi

mira posibilidadnan enorme pa nos pais na momento cu nos drenta e fase nobo aki. E Status Aparte a haci e toma di decisionnan importante y crucial mas cerca di cas. E decisionnan tabata keda tuma awor door di nos mesun gobierno. Den nomber di e Ministerio di Asuntonan Social, Maneho pa Hubentud y Labor, mi kier a expresa

palabranan di felicitacion na henter e pueblo di Aruba pa cu celebracion nacional di Dia di Betico. Esaki ta e mensahe cu Minister a duna rond di nos isla durante e diferente actividadnan cu el a bishita. Pabien Aruba den e celebracion cu a tuma lugar rond di nos isla.

Minister Yrausquin:

“Concepto di ley pa regla ‘hoger beroep’ pa impuestonan ta cla y lo encamina e proceso basa riba consehonan”

ORANJESTAD(AAN): Na ocasion di apertura di edificio nobo di Corte di Husticia, Presidente di Corte Comun di Husticia, Evert Jan van der Poel, a haci un yamada pa Aruba regla apelacion den tres instancia pa casonan di impuesto. Relaciona cu esaki, Minister Yrausquin, encarga cu Finansa y Organizacion Gubernamental, a remarca cu ya tin un concepto di ley pa regla ‘hoger beroep’ den casonan di impuesto y cu lo encamina e proceso pa esaki yega Parlamento asina cu ricibi conseho di e departamentonan concerni.

E mandatario a splica cu anteriormente tur fraccion den Parlamento (incluyendo su persona como Parlamentario e tempo ey) a di indica di no ta di acuerdo pa regla ‘hoger beroep’ unicamente pa boetnan. E tempo ey a expresa enfaticamente, cu na momento di regla esaki, mester stipula ‘hoger beroep’ pa tur caso. Esaki ta encera cu por bay den ‘hoger beroep’ pa e impuesto riba su mes tambe. Tratamento di e ley aki a keda para. Minister Yrausquin ta kere den mehoracion

di e proteccion legal di ciudadanonan riba tereno di impuesto. E Minister a duna di conoce cu e ta di acuerdo cu e principio pa regla ‘hoger beroep’ pa impuestonan den nos Pais. “Tin un concepto di ley cla caba y basa riba e consehonan cu nos a manda pidi e departamentonan nos lo encamina e proceso pa trata e ley aki den Parlamento”, asina e mandatario a sigura. Minister Yrausquin ta haya e aspecto di ‘hoger beroep’ pa impuestonan importante, paso esaki ta duna ciudadanonan e derechonan cu ta husto. Ademas esaki lo yuda mehora e clima di inversion. Minister Yrausquin a splica cu na momento cu regla e ‘hoger beroep’, e amienda di Parlamentario Bikker lo por funciona tambe y ciudadanonan lo por bay den cassatie pa casonan di impuesto. “E ora nos lo papia di un mehoracion substancial di e posibilidadnan cu un ciudadano tin pa busca su derecho den casonan di impuesto”, esaki segun e mandatario.

Chofer den Tercel Blanco lo a menaza di tira hende O R A N J E S TA D . ( A A N ) : Mainta trempan dialuna, un persona a reporta di ta wordo persigui pa un Tercel color blanco y esun den Tercel kier tire mata. Tanto e patruya di polis y polis motoriza cu tabata den vecindario di Savaneta a wordo dirigi den e direccion. Segun e version compila, central di polis a dirigi patruya riba e caminda principal di San Nicolas pa Oranjestad y

cu tabata parce cu un Toyota Tercel color blanco tabata persigui un otro auto. Chofer di e Toyota Tercel lo tabata den posesion di un arma di candela y e kier a tira mata e otro chofer. Na altura di “La Granga” na Savaneta e chofer di e Toyota Tercel a wordo deteni pa algun patruya di polis. E chofer di inicial J.L. a wordo listra y den su posesion no a haya ningun arma di candela.

E Toyota Tercel color blanco A.15233 no tabatin documentonan valido segun ley ta describi, locual a haci cu polis a confisca e auto. Ademas J.L. no por a mustra tampoco su rijbewijs na polis. Relaciona di tabata stuur sin rijbewijs, polis a detene y a hiba J.L. warda di polis San Nicolas pa presente dilanti fiscal auxiliar y pa mas investigacion.


DIARANZON 29 JANUARI 2014

DIARIO

PAGINA 41

Homber a maltrata guardia na Ritz Carlton

ORANJESTAD.(AAN); Dialuna marduga algo pasa di cinc’ or, patruya di noord a bay Ritz Carlton relaciona cu pelea. Na yegada, e manager di casino a declara cu un homber local tabata den casino y tabata haci fastioso y molestia turistanan y cu e homber a wordo saca for di e casino. Pafor e homber a cuminsa bringa cu e guardia di seguridad di inicial O. cu a ricibi golpi na cara y tambe e guardia a bay tera, y e agresor finalmente a scop e guardia den su cara. Despues e homber a bay direccion Marriott y e la drenta den e taxi 201. E manager a hiba e guardia O. na Dr Horacio Oduber Hospital na prome auxilio pa e ricibi trato medico. Lo controla e grabacion di locual camera a capta y mas despues, O. lo entrega keho di maltrato na despacho di recherche. Polis a ripara y a wak claramente cu e guardia di seguridad di inicial O. naci na Curacao di 42 aña di edad, a ricibi herida serio tanto na nanishi y frente.

A fia caretia y boter di gas y no kier debolbe nan

ORANJESTAD.(AAN); Polis di Oranjestad a bay den oranan di atardi na un cas situa na Madiki pa nan atende problema entre bisiña. Na e direccion e señora G. naci na Colombia di 67 aña a declara di a haya discusion cu e homber bisiña di inicial Q. y cu Q. a fia su caretia y boter di gas y awor Q. no kier debolbe ni e boter gas tampoco e caretia. Polis tambe a papia cu e homber Q. di 45 aña y el a laga sa cu e no tin ningun caretia di nan. Patruya a notifica e señora G. cu e por acudi na despacho di recherche Oranjestad, pa entrega keho di malversacion.


PAGINA 60

DIARIO

Oracion pa awe: Señor duna mi un curason cayente di tera fertil, cu ta permiti bo palabra duna fruta den mi bida.

Specialista den seguro di entiero

Presenta pa: (297) 582-4427 info@onderlingehulp.com

Cumana # 76 Tel: (297) 588-6699 (297) 593-0857 “Señor ta mi wardador, mi’n tin falta di nada Den cunucu di yerba berde e ta ponemi sosega. E ta hibami na awa trankil, Pa mi bolbe haña forsa”. Salmo: 23 Nos ta agradecido pa tur locual e la nifica pa nos, un Mama, Wela y Ruman ehemplar y luchadora, conforme cu boluntad di Dios nos ta participa cu inmenso dolor na nos curazon fayecimento inesperadamente di nos querida Mama, Wela y Ruman stima:

GRUPO DI ORACION Carismatico “SHALOM” Cu e Amor di Cristo Hesus, ta invita e Pueblo di Tanki Leendert y Aruba henter, cordialmente pa asisti. na un anochi di: “ALABANZA Y ADORACION” Na: KAPEL MONTE CALVARIO (Tanki Leendert) Bin busca bo Sanacion, Restauracion Bendicion y Gozo den “E Palabra di Dios DIA: Diaranson 29 di Januari, 2014 ORA: 7:30 PM - 9:30 PM ORADOR: Sra. Theresita Farro Nos ta cuminsa cu e Santo Rosario. Nos ta warda sin falta! “Bo manda bo Spirito, ata nan ta crea, y Bo ta renoba cara di tera.” Salmo 104;30

Sra.vda. Teresia M. Angela-Dirks mihor conoci como “Maria of Dudu“

* 14-10-1945 † 26-01-2014 Na nomber di Su yuinan stima:Frankiln & Ana Angela Marcelino & Marienne Angela Regina Angela & Valentino Geerman Jaqueline Angela & yuinan Mescos cu yui: Maritza Dania & yuinan Claudia y famia Tur su nieto y nietanan cu semper ela stima: Eugene Dirksz & Thais Henriquez Junior Dirksz y Lyndell Werleman Kevin Maduro Joshua, Justin, Ashlee Angela Lirienne, Hailey, Christofer Angela Jaydrick Angela, Roosje Dirks & famia Su rumannan stima: Higenia Maduro & Rosimbo Dirks y yuinan Mescos cu ruman: Franklin Dirks Cuñanan: Helena Dirks & yuinan Jacenta & Dito Lacle y yuinan Bertha Angela Swanan: Angelico Angela & yuinan Juan Angela & yuinan Su ihanan Joy & Angela Dirks Ita Dirks & Pief Maduro y famia Betty & Luka Werleman Subrino y Subrinanan, Prima y Primonan, Comer y Compernan Su Rumannan den Cristo “Iglesia La mision de Hesus” Su ex-coleganan : Buro Voorlichting & Team di Minister Otmar Oduber Demas famia: Angela, Dirks, Dirksz, Maduro, Varis, Geerman, Lampe, Werleman, De la Cruz, Sambo, Lacle, kock, Wernet, Dania, Danje, Koolman, Ras, Arends, Caster, Tromp, Henriquez, Giel, Odor. Ta invita famia y conocirnan pa e acto di entiero cu lo tuma lugar diawebs 30 di januari 2014 saliendo for di Misa Inmaculada Concepcion Sta Cruz. E resto mortal ta reposa for di 2’or pa 4’or di atardi den Misa. Adres pa condolencia: Diarazon 29 januari 2014 for di 7 or pa 9 or na Aurora Funeral Home Cu nos querida mama dudu sosega na paz.

Pa avisonan di morto

Nos ta participa fayecimento inespera di

Olga Margarita Franken na bida mama di propetario di The Brass Selection Nos ta desea na Sr. Clinton y famia hopi forsa den e dianan dificil. Cu Olga Sosega na paz.

Cu imenso tristeza ta participa fayecimento di: Sra. Vda. Teresia M. Angela-Dirks Staff y Personal di Don’t Panic Transport y Miembronan di Don’t Panic Racing Team kier a extende palabra di profundo condolencia na henter famia y tur e conocirnan. Hopi forza den e momentonan dificil aki Cu Sra. Teresia sosega na paz.

morto@diario.aw

DIARANZON 29 JANUARI 2014

Habitantenan di diferente bario ta hopi preocupa:

“Nos mester lanta gruponan pa defende nos mes”

ORANJESTAD (AAN) – For di habitantenan di diferente bario redaccion di DIARIO a ricibi siguiente reclamo y sugerencia pa lanta gruponan defensor: “Nos mira un canal di television for di Mexico na unda despues di aumento di criminalidad andando a dicidi lanta gruponan pa defende nan mes. Na Mexico tin gruponan cu ta patruya cayanan di habitantenan y ta cuida y defende casnan y famianan. Ya caba hasta turistanan a cuminza nota negligencia sin precedente pa loke ta orden publico na unda hendenan a tuma e ofishi di ladronnan na Aruba. Increible cu na un isla asina chikito te cu dia di awe no a mira solucion pa loke ta hortamento di autonan. Parce, e ciudadanonan no tin derecho di tin libertad di staciona nan auto sea na cas, negoshi, parkeonan of cualkier otro caminda sin cu ta bin hende pone mannan riba auto di otro hende destrui of kima nan. Tin cantidad di ciudadanonan ta pagando banco pa autonan cu nan a bay fia y te awe ta na pia of ta depende di lift y cu debe pa paga na e banconan aki. Si pueblo no cuminza defende nos mes cosnan lo tuma lugar, pasobra nos no por sinta mannan cruza si atracadornan, ladronnan, antisocialnan bin te den nos casnan pa horta y sigur nos tin cu defende nos mes. Nos a eligi Gobierno cu tin e responsabilidad di defende, proteha ciudadanonan y nan propiedadnan. Si Gobierno no sa con pa combati criminalidad anto mester aproba un ley cu ta duna Pueblo derecho pa defende nos mes y nos famia, formando gruponan cu ta patruya den cayanan proteha nos propiedadnan. A yega momento pa Pueblo cuminza defende nos mes di tanto ladronicia na e mihor manera posible ! Na Aruba nos tin cuminza forma e gruponan pa combati y pone cosnan na ordo, ya cu ni drumi nos habitantenan por drumi anochi cu ladronnan rond. Tin yen chollernan ta haci y deshaci, ladronnan di auto ta horta y destrui par di auto den dia cla y e situacion alarmante ta sigui sin control”, tabata reaccion di Pueblo cansa di criminalidad andando.


DIARANZON 29 JANUARI 2014

DIARIO

PAGINA 7

Auto sospechoso mira den Matadera

ORANJESTAD (AAN); Tabata casi dos’or di marduga, central di polis a ricibi yamada di habitante biba na Matadera, debi cu a seùala un auto preto ta staciona den vecindario di su cas. Mesora central a despacha patruya di noord na e direccion y nan a atende e habitante y el a declara cu a yega horta na su cas y a ainda e tin e spanto (traumatiza). Polis na yegada nan no a topa e auto preto y nan a tira bista tambe den area y tampoco nan no wak ningun vehiculo segun e description.

Hopi gasto ora ladron a horta tur cuatro wiel di pickup ORANJESTAD (AAN); Centro di Alarma a ricibi informe diamars algun prome cu merdia, tocante di un pickup blanco Isuzu localiza na Parkietenbos pariba di Dump. Debi cu e vehiculo falta su tire nan, a solicita presencia di Nagico, polis na yegada a topa na e lugar indica e Isuzu D-Max color blanco sin su cuater wielnan y ta para riba cuater bloki tras di un cas. Durante Nagico ta tratando pa lanta e Isuzu cual no ta facil un bloki bao di e auto a mishi cu e tanki y probablemente lo haya buraco chikito pa cual diesel ta core.


Kpa 29114