Issuu on Google+


A18 POLIS

Diabierna 15 November 2013

Agente Policial cu accion di limpiesa na Playa

ORANJESTAD -Diahuebs mainta un grupo di agentenan policial cu ta na Post di Polis di Bario di Playa cu tin e proyecto di accion di medio ambiente, a drenta accion na e mondi cu tin unda antes tabata Papito Garage. Aki a bin topa cu un cas di choller unda algun adicto tabata keda y a topa cu basta sushi y hasta waya corta cu a

wordo horta pa saca e koper. Un grupo di persona boluntario cu ta encarga cu e limpiesa aki tambe a duna un man pa asina benta tur e sushi afo. Por tuma nota cu Playa ta hayando bishita di e Agentenan Policial aki teniendo un limpiesa rond di nos isla. Un accion cu realmente mester di hopi reconocemento. Aruba ta aprecia e gesto aki.q

Auto procedente di ladronicia haya den e dam na Alto Vista

NOORD -- Diahuebs anochi pa mas o menos 7’or di anochi, un persona cu ta cuida veld di Nacional ta bin topa cu un auto Nissan Sentra Blanco den e dam cu tin patras di e veld nobo di Nacional, na Alto Vista. Mesora e ta avisa polis, patruya di Noord ta bay na e sitio y

berdad ta trata di un Nissan Sentra Blanco cu ta procedente di ladronicia. E meneer cu ta encarga cu e veld a splica cu e auto aki mester a wordo laga atras, den oranan di marduga of den dia. Paso nan a cera e veld basta laat y no tabata tin niun auto den e dam. E ladronnan a bay cu al-

gun piesa, bateria y waya nan di ‘spark plug’ pero paden di e auto nan no a bay cu nada.

Takelwagen di polis a transporta e auto aki pa warda di polis na Santa Cruz pa asina

e team di recherche cu ta encarga cu ladronicia di auto, por haci mas investigacion.q



151113a