Issuu on Google+


1,50

DIABIERNA 31 JANUARI , 2014

WWW.ARUBAWE.COM

DIABIERNA 31 JANUARI , 2014

P21

BARCELONA A DEROTA LEVANTE 5-1

DE LA SALLESTRAAT 41 A TEL: 5881500 FAX 5824937

Florin

arubawe2012@gmail.com

REUNION URGENTE NA HOSPITAL

新 年 快 乐 Pa 8’or di awe mainta sindicato di trahadonan di dr Horacio Oduber Hospital, esta ABV, a convoca un reunion urgente pa tur su miembronan, dilanti di entrada principal di hospital, relaciona cu disgusto pa otro accion cu e sindicato ta considera inhusto, un falta di respet pa loke ta un contracto nobo pa e periodo di 4 luna pa e actual director

di Hospital. E sindicato ta considera e accion di directiva di hospital como un acto di mala fe, di falta di respet pa loke a cumbini cu Gobierno algun siman atras caminda simplemente ta nenga di respeta nan propio firma bou di un acuerdo logra dos siman pasa. Pag. 2

GONG XI FA CAI ArubAwe 全体员工: 祝所有在阿鲁巴的华人新年快乐 ,恭喜发财,万事顺利!!


DIABIERNA 31 JANUARI , 2014

2

SEÑOR TA BISA:SEÑOR TA BISA: “MA ABO, ORA BO TA BAY RESA, DRENTA BO CAMBER CERA PORTA Y RESA NA BO TATA, CU TA DEN E LUGAR SECRETO AKI, Y BO TATA CU TA MIRA LOKE BO TA HACI DEN SCONDI LO RECOMPENSA BO”, MATEO 6:6

Sindicato ABV ta convoca reunion urgente awe pa 8’or di mainta

Raad van Toezicht a bin cu otro contract pa mara “man y pia” di director medico di hospital Nan ta duna Raad van Toezicht un ultimatum pa revoca e contact ey te atardi 4’or Un inkietud ta reina cerca e trahadonan di Horacio Oduber Hospital (HOH). Presidente di Sindicato di Hospital, ABV, sra. Gina Maduro a declara cu nan ta invita tur trahado di hospital pa un reunion urgente awe pa 8’or di mainta dilanti di hospital mes. Sra. Maduro a bisa cu e reunion urgente aki no tin nada di haber cu negociacion di CAO, sino cu un situacion cu a surgi cu director di HOH, Dr. Jaime Falconi y Raad van Toezicht relaciona cu prolongacion di su contracto.

El a splica cu dia 14 di januari tabatin un firmamento di acuerdo entre gobierno y Dr. Falconi. Pero aworaki e Raad van Toezicht di hospital kier bin cu otro contact riba e contract existente caba. E sindicalista a bisa cu Raad van Toezicht kier bin cu otro contract caminda dificilmente Dr. Falconi lo por firme, ya cu e condicionnan cu nan tin hinca den e contract aki “nan ta mara su man y pianan”. Sra. Maduro a laga sa cu e contract nobo cu e miembronan

Raad van Toezicht a traha pa Dr. Falconi ta condiciona su funcion como director di hospital, y esaki ta inaceptabel pa sindicato ABV Na luna di januari Dr. Falconi su contract a vence como director medico di Hospital. Den e caso aki gobierno a interveni y Dr. Falconi a haya cuater luna pa den e periodo aki tur partido envolvi lo por sinta pa wak un structura nobo den hospital. Pero a bin resulta awor cu e Raad van Toezicht di hospital a dicidi di bin “cu otro contact

riba un contract”. Sr. Maduro a indica cu e situacion aki ta algo inaceptabel pa nan, ya cu si nan lo kier duna un prolongacion esaki mester tuma lugar a base di e contract existente cu a wordo firma caba. “Mañan mainta 8’or nos tin reunion y nos ta bay duna Raad van Toezicht un ultimatum pa nan revoca e contact ey te atardi 4’or”, asina presidente di sindicato ABV a declara categoricamente na ArubAwe. El a

bisa cu diasabra ta 1 di februari, y e no por imagina cu nan lo bay habri un hospital sin un director medico. El a reitera cu sindicato ABV ta pidi Raad van Toezicht pa revoca e di dos contract cu nan kier bin cune, y laga director medico di HOH continua aki cuater luna pa asina haya tempo pa mira e structura cu tin. “Pero no e contract cu nan ta exigi pa e firma”, asina presidente di ABV sra. Gina Maduro a declara ayera tardi na ArubAwe.

Parlamentario di fraccion di MEP, sr. Ady Thijsen

Investigacion profundo no a wordo haci riba impacto di lei “aansprakelijkheid belasting” No a wordo teni cuenta cu nos Codigo Civil

Parlamentario di fraccion di MEP, sr. Ady Thijsen.

Parlamentario di fraccion di MEP, sr. Ady Thijsen a duna su punto di bista riba e lei cu a ser aproba dialuna ultimo, cu ta e lei “aansprakelijkheid belasting en premies volksverzekering”, e ta un ley cu ta bin pa protege e trahadonan di doñonan di trabou cu no ta cumpli pa paga

belasting y primanan, pues e ta pone tur empresa responsabel pa cumpli cu nan obligacion di pago di impuesto, y demas obligacion fiscal. El a indica cu e lei aki ta uno cu partido MEP a bin cunele, y a transcuri basta aña pa tog el a wordo trata y aproba. El a bisa cu su partido a bay hopi cauteloso cu e lei aki, ya cu e ta un lei di un gran magnitud, ya cu mester evalua prome hopi cos. E ta haya straño si cu na aña 2009 cu partido AVP a sinta nan no a trata e lei aki di biaha. E ora e ta evalua e prioridadnan cu partido AVP a haci ora cu nan a drenta gobierno, nan

a enfoca riba infrastructura, kiermen construccion. Pesey sr. Thijsen ta wak hopi straño cu gobierno anterior no a cuminsa trata e lei aki di biaha na 2009, sino cu nan a pase na 2014. El a bin cu e reflexion aki ya cu ora ta ser papia di mundo di construccion ta ser trata cu hopi sub-contratista. E ta haya cu esaki a pone cu entre 20092013 masha hopi uitzendbureau a wordo lanta. Pesey el a haci e siguiente pregunta na Minister di Finansa: con e ta mira e lei di belasting aki awor cu e leinan di laboral cu a wordo pasa. E ta lamenta cu e no a haya e contesta di e mandatar-

io manera mester ta. El a bisa cu ora cu nan a trata e lei laboral a bin cambionan cu partido MEP no ta haya cu ta bon pasobra den practica e ta trece problema. El a trece como ehemplo cu den nos Codigo Civil a ser cambia e lei unda ta ser bisa cu un uitzendovereenkomst ta bira un arbeidsovereenkomst. Parlamentario Thijsen ta indica cu cosnan asina ta haci un diferencia grandi. E ta trece esaki dilanti pa mustra cu den e tratamento di lei aki, no a wordo teni cuenta cu e aspecto aki, apesar cu el bin cu pregunta pa e mandatario, y lamentablemente e no a haya

contesta. Igualmente Parlamentario Thijsen a bisa cu un lei di e magnitud aki ta exigi prome pa haci un investigacion vooral e gobierno actual di partido AVP cu ta bay sigui inverti hopi den infrastructura, y esaki alomenos mester exigi un investigacion p.e. cuanto companianan bo ta papia di dje, y cuanto nan a raporta den entrada di belasting. El a laga sa cu e falta di atencion y investigacion aki ta refleha ki sorto di gobierno nos tin. E parlamentario di oposicion ta haya cu un gobierno “mester ta sincero, responsabel y mustra su capacidad di goberna.”


WWW BARIO

Plannan pa Rooi Afo a keda revela

新年好 Happy Chinese New Year CELEBRANDO 33 AÑA CU PUEBLO Aña 36 ▪ No. 9917 • 1,50 Florin

Mirando un fastball di Hunta di Supervision

Cos ta pinta scur pa Haime Falconi como director na Hospital

DIABIERNA 31 JANUARI 2014

SALUBRIDAD

Negoshi na San Nicolas a wordo cera inmediatamente debi na djaca y opera sin permiso

Turista a cay den buraco na Eagle ORANJESTAD(AAN): Net dilanti e edificio bieu di Ling & Sons, patras di Sun Plaza, riba Diahuebs anochi, un turista a sali cay den un greppel. Polis como tambe Ambulans a bay na e lugar pa duna yudanza. E turista a caba di sali di supermarket, y tabata cana bay zuid, y a bay bula un pida muraya chikito, sin sa cu eybao di e greppel. El a haya algun golpi na su curpa, pero na final a dicidi di bay cu un Taxi pa Hotel.

7


PAGINA 12

DIARIO

Sinicato ABV a nota:

DIABIERNA 31 JANUARI 2014

Dr. Jaime Falconi a tuma su retiro toch

ORANJESTAD(AAN): No obstante cu a yega na un acuerdo entre Minister Presidente, Minister di Salud Publico, Hunta di Supervision y cu Dr. Jaime Falconi mes, toch na el a dicidi cu e ta bay toch. Su ultimo dia di trabao lo ta mañan diabierna dia 31 di januari 2014. E sindicato cu ta representa mayoria trahado den Hospital a informa di no ta contento cu esaki y ta culpa Hunta di Supervision pa e desaroyo negativo aki. “E gentlement agreement cu a worde firma dia 14 di Januari 2014 entre Minister President Mike Eman, Minister di VGH A. Schwengle y Raad Van Toezicht y Dr. Falconi pa un verlenging di 4 luna mas no ta bay tuma luga mas pa motibo cu Raad Van Toezicht ta ofreciendo un otro contract compara cu esun existente na unda nan ta mara man y pia di Dr. Falconi. E Raad aki no tin ni respet pa e Prome Mandatario di Aruba. Pa ABV y su miembronan esaki ta e druppel di e emmer”, asina Gina Maduro, Presidente di ABV a duna di conoce. Mas leu el a bisa “TA BASTA cu e Raad Van Toezicht aki. A wanta basta ABUSO di PODER pa an-

Telefonnan di DIARIO 582-6747 Fax 582-8551

jas di e 7 culpabel nan aki. Di parti di Directiva di ABV nos ta pidi tur miembro pa un reunion URGENTE mañan mainta 8or bou palo di Almendra. ABV no ta bay acepta cu e 7 hendenan aki ta haci y deshaci cu nos unico hospital. Ta bon cla cu e hendenan aki no tin ni e cuido y menos e pueblo di Aruba na pecho. NAN EIGEN BELANG y nan arogancia ta na prome luga”. Na final ABV a sigura cu dia 1 di Februari no ta bay habri sin un Director medico. Pero si e lo bay habri sin un Raad Van Toezicht cu a masacra nan pa añanan largo. “A yega momento pa e Raad aki den su totalidad BAHA NA AWA!”, asina e Presidente di ABV a skirbi riba su facebook.


PAGINA 4

DIARIO

DIABIERNA 31 JANUARI 2014

Cos ta pinta scur pa Haime Falconi como director na Hospital mirando un fastball di Hunta di Supervision Tempo cu Sir Walter Raleigh a introduci tabaco na Inglatera na principio di añanan 1600, Rey James I a skirbi un foyeto argumentando contra su uso. E ehemplo aki di un intento gubernamental pa regula humamento a fracas ya cu el a bira den corto tempo un habito popular di proporcionnan enorme. Aunke Venus ta un planeta elusivo, ya cu parti mainta e ta un streya matinal, y parti atardi e tan un streya vespertino, su ruta a ser calcula pa e indiannan Maya cu un eror di solamente 4 seconde pa aña! Un tipo di lagadishi, e “chuckwalla” ta scapa di su perseguidornan scondiendo su mes den un buraco den baranca. Ey e ta infla su curpa cu aire di tal forma cu e ta keda cera den e buraco y no por ser ranca djey. James Russell Lowell (1819-1891): “Solamente e bobonan y e mortonan nunca ta cambia di opinion”. Bo tabata sa cu un crocodil no por move su lenga? E ta hancra ariba e base di su boca y no por ser movi. Consuelo pa e pelonnan: Macaconan macho ta perde e cabey ariba nan cabez mescos cu sernan humano. E nomber “Confucius” no ta un nomber Chines. Na China e filosofo y sabio su nomber ta K’ung Fu’tzu. Herbert Hans Haupt tabata un spion Aleman cu a baha na Florida for di U-584 dia 17 di Juni 1942, como parti di e Operacion Pastorius. El a ser atrapa pa FBI. El a ser huzga, haya culpable y espionaje y a ser ehecuta dia 18 di Augustus 1942. Dia 10 di Juni di aña 1501, Alonso de Hojeda, e descubridor di Aruba, a ser nombra Gobernador. Aruba a cay bao di su regimen y ta el a bira e prome Gobernador di Aruba desde su descubrimento. E isla di Delos tabata sagrado pa e Griegonan antiguo. Pesey ningun hende tabata nace of muri na e isla ey. Ora cu un muher tabata sali na estado, of un persona tabata malo, nan tabata ser hiba rapidamente di e isla y teni leu di su costanan te ora cu e cura of muri, pero na otro caminda. Abehanan tin cinco wowo. Tin tres wowo chikito riba e punto di e cabez di un abeha y dos mas grandi den e parti delantero di su cabez. Bo tabata sa cu e signo “&” na un tempo tabata un letter cu tabata forma parti di e alfabet Ingles? Amiger Barclay “Ser humano ta pensa cu un cos bale pa pena kere den dje, solamente si ta dificil pa kere den dje”. Diccionario di lo oculto. Amniomancia. Predeci e futuro di un mucha for di e situacion(areglo) di e membrananan amniotico na momento di nace. E Babilonionan a desaroya un serie di ecuacionnan cuadratico avanza hopi siglo prome cu Cristo a nace. Oro di 24 karat no ta oro puro. E tin un cierto cantidad di coper den dje. Oro absolutamente puro ta asina suave cu e por ser moldea cu bo mannan. E nomber real di Voltaire, e famoso escritor y filosofo Frances ta Francois Marie Arouet. Bo tabata sa cu e boca di e Statua di Libertad ta 3 pia hancho?

ORANJESTAD(AAN): Tur cos ta mustra cu dr Haime Falconi lo no keda cuater luna mas na hospital como director. Despues cu a firma un tipo di acuerdo of protocol cu intervencion di gobierno, parce cu cos ta mustra scur pa e keda. E hunta di supervision a bypass tog e acuerdo y a presenta berdad un contrato nobo di trabou nobo pa cuater luna. Pero e contrato nobo no ta un prolongacion di e mesun contrato sino un contrato diferente cu ta leu di esun actual. Esey ta mas bien mustra algo di mala fe di parti di e hunta di supervision. Parce cu e gobernantenan mes no a aprecia e wega malo cu a wordo hunga. Esaki ta un fastball cu e hunta di supervision a manda. E director sigur lo no acepta e acuerdo nobo di

trabou. Tur hende entre otro gobierno a kere cu nan lo sigui riba e contrato cu e tabata tin caba. Sinembargo a haya e situacion caminda cu a presenta un contrato di trabou cu e director

Haime Falconi no por acepta. Ta algo cu ta mustra intencional pa e nenga. Si no drecha e contrato nifica cu e director medico lo bai cas y goza di su pensioen y esaki ta netamente loke no tabata desea.


DIABIERNA 31 JANUARI 2014

PAGINA 51

DIARIO

Gobierno tin obligacion pa duna un miho ehempel

Gobierno mester mustra responsabilidad riba proyectonan grandi di Greencoridor y hospital ORANJESTAD (AAN): Parlamentario Xiomara Maduro Ruiz di fraccion di MEP ta duna di conoce cu e ley di ketenaansprakelijkheid ta di hopi tempo na parlamento. E tempo cu e ley a yega parlamento a dicidi cu lo no saca esaki debi cu Aruba tabata pasando den momentonan di crisis. Tambe na 2007 a introduci BBO. Segun Parlamentario Xiomara Ruiz mirando loke cu tabata pasando a dicidi e tempo ey pa wanta e ley. Awor gobierno di gabinete Mike Eman a trece e ley aki padilanti na December 2010. E ley aki ta pone cu e compania nan cu mester cumpli cu belasting y tambe pa e prima nan social. Segun parlamentario Ruiz Maduro den caso cu companianan ta traha cu otro companianan

chikito y ta sera contacto cu contratistanan chikito e compania cu a sera e contacto ta para responsabel. Segun parlamentario Ruiz Maduro e miho manera pa por haci esaki ta cu si e compania tin un cuenta apart unda cu e placa ta wordo deposita gobierno ta sigur cu si tin un situacion cu a bay robes gobierno tin e placa. Cu e ley aki gobierno tin su obligacion tambe pa asina duna un miho ehempel. Actualmente gobierno tin algun proyectonan grandi unda cu e proyectonan aki ta wordo haci pa asina companianan cu no ta conoci y cu despues ta duna dolor di cabes unda cu directornan ta desaparece y na unda cu gobierno ta keda sin haya su placa di belasting. Parlamentario Xiomara

maduro Ruiz ta duna como ehempel cu den e proyecto di linear park a uza e compania di prosilca unda cu a cuminsa opera na februari 2011, pero na momento cu mester bay mira e situacion di e compania aki den registro nan di camara di comercio por a tuma nota cu na November 2011 e director y representante ta sali afo. Sinembargo na e momento ey ainda e trabao nan di linear park no a wordo termina. Parlamentario Maduro Ruis ta duna di conoce cu e pregunta ta keda si e persona nan aki di e compania prosilca a paga belasting na Aruba ?. E compania a cumpli cu loonbelasting?. Sinembargo minister di finanzas no por a contesta fraccion di MEP riba e punto aki. Parlamentario Maduro Ruiz ta kere cu Minister di finanzas por a sigura fraccion di MEP cu e compania aki a paga belasting na Aruba. Un otro ehempel ta e proyecto di caya betico croes cu e compania manbraca cu no ta conoci y a traha mas di tres a単a di trabao unda cu tabata tin problema cu pago di trabao.

Na momento cu esaki a sosode ya caba e compania tabata duna indicacion cu tin situacionnan cu ta canando robes y cu kizas cu gobierno tampoco a haya su placa di belasting. Sinembargo ya caba tin rumor cu e compania di manbraca a sera su portanan unda cu e responsabilidad pa pago di belasting pais Aruba a wordo perhudica un biaha mas si e pagonan no a tuma luga. E ley di ketenaansprakelijkheid ta un bon ley , pero ainda tin algun puntonan cu mester wordo regla unda cu mester pone e placa un caminda reserva. Awor gobierno mester mustra e responsabilidad debi cu tin

proyectonan grandi na caminda cu gobierno ta bin cu ne. Greencoridor y hospital ta e proyectonan cu mester bin y na unda cu gobierno mester wak bon di e companianan di construccion cu lo haya e proyecto pa nan cumpli cu e belasting manera ley ta stipula. Segun parlamentario Maduro Ruiz esaki nan ta ehempelnan den e parti di construccion, pero e ley ta encera pa tur compania cu ta haci uso di empleadonan contrata. Tambe tin e responsabilidad di e empleado pa e ricibi un payslip pa asina wak kico e como empleado a contribui nap ago di belasting.



Hoh 31114