Issuu on Google+


WWW SALUBRIDAD

IMSAN ta haya necesario pa adkiri dos ambulance nobo

ELMAR kier corda su clientenan pa entrega e meterstand via customerservice@elmar.aw

CELEBRANDO 33 AÑA CU PUEBLO Aña 36 ▪ No. 9906 • 1,50 Florin

Investigacion a cuminza punta riba un solo persona!

Sospechoso principal den asesinato Nikky Beach ta conoci pa Polis Carnival Cruise Lines ta aumenta nan bishita pa Aruba cu 14 calls

ORANJESTAD (AAN): Minster di Turismo, Transporte, Sector Primario y

Cultura Otmar Oduber y su delegacion a reuni diahuebs mainta cu alto ehecutivonan

di Carnival Cruise Lines na Miami. Minister Oduber ta indica cu Carnival Cruise Lines a contribui aña pasa grandemente na e 149% di incremento den off season. Durante e reunion ameno y sumamente positivo aki e mandatario a haya e grato noticia cu Carnival lo aumenta nan bishitanan pa Aruba cu 14 call den 2014 haciendo e total di call pa e aña aki 44 total. Esaki ta demostra cu e compania grandi aki ta hopi contento cu loke Aruba ta ofrece al momento.

DIABIERNA 17 JANUARI 2014

CONFLICTO

SPA ta bolbe yama reunion di urgencia pa Polisnan ORANJESTAD (AAN): E sindicato di Polis, SPA, encabesa pa Angelo Davelaar no a keda satisfecho cu e contesta ricibi for di Mando Policial relaciona cu e promocion di un Polis den e rango di Hoofdagent. Nan ta bolbe yama nan miembronan pa un reunion urgente awe Diabierna 10’or di mainta na SPA. E sindicalista a splica cu nan a ricibi un carta for di Alto Comisario mr. Dolfi Richardson, pero nan ta haya cu esaki a causa mas bruhamento entre e miembronan di e sindicato, pa cual directiva lo kier reuni cu nan diabierna mainta pa hunto determina e contesta cu mester sali pa Mando Policial.


DIABIERNA 17 JANUARI 2014

PAGINA 3

DIARIO

Sospechoso principal den asesinato Nikky Beach ta conoci pa Polis

ORANJESTAD(AAN): Informacion nobo ta indica, cu Recherchenan di Oranjestad encarga cu e caso pafo di Nikky Beach tin e investigacion casi cla. Ta cuestion di algun ora pa pone man riba e sospechoso principal den e caso aki. E sospechoso principal ta netamente esun cu a agredi e victima di trinshon, cu un golpi fuerte na su cabez cu consecuencia fatal. Varios testigo ta apareciendo den e caso aki pa duna declaracion na polis. E declaracionnan aki a conduci cu Recherche tin e sospechoso principal na bista. Algun cos chikito falta pa asina sera e puzzel completo. No ta descarta cu entre e cantidad di persona cu a worde scucha e sospechoso principal tambe tabata tey. Esaki nos no por confirma ainda. E prome dia na e lugar

a haci dos detencion y e dia despues un detencion mas. Total tin tres detencion pero e sospechoso principal no ta aden ainda segun nos fuentenan. Awor ta cuestion di warda algun testigo mas caba di declara y no ta descarta cu na pia di trabao autoridad lo bay piki esun responsabel di e agresion na cabez di Sherman Webb cu a haya un sangramento masivo na su cabez cu consecuencia fatal. E motibo di e agresion no ta conoci. Ta ser papia si cu tabata tin algun hende presente cu tabata kedando den boto cu grupo di amigo. Parce den e grupo aki tambe tin mas hende cu sa of ta envolvi directamente den e caso. Hopi ta e comentarionan rond di e caso aki y e speranza di pueblo tey den cuerpo policial cu lo pone man riba e persona principal pa e agresion mortal.

Kerki atrobe victima di ladronnan

ORANJESTAD (AAN): Poco dia pasa Kerki protestante Oranjestad a bira victima di ladronicia y atrobe ladron a bolbe presenta na e mesun Kerki pa tira otro para. Na e Kerki polis a papia cu e homber encarga cu mantencion inicial P. y el a declara cu e dia en cuestion mainta trempan el a yega y a ripara cu nan e di dos piso tin shutter saca di bentana. Te asina leu nan ta sinti falta di “Leaf Blower”, supuestamente desconocinan via di Drain pa awa nan a subi y keho a wordo tuma.

Opinion publico:

Medidanan na caminda lo no laga nos pueblo hala rosea ORANJESTAD (AAN) – E comentarionan tocante medidanan cu ta na caminda, cu gobierno tin wanta ainda, pero cu ta bay tuma, ta sigui drenta na nos mesa di redaccion. Indicacion cu ta wordo duna ta cu e medidanan aki lo no laga nos pueblo hala rosea. Asina pisa e medidanan ta bay ta. E duele cu hopi hende tin ta cu no a papia cu berdad den campaña politico. Pueblo mester a haya sa cu gobierno lo mester tuma medida, y no nenga esaki manera tabata e caso, ora oposicion a alerta riba esey. Awor ta bin sali na cla cu si ta berdad cu gobierno tin un debe monumental. Si e debe aki a wordo crea pa e gobiernonan anterior y ta dada di mas cu dos decada, y ta e gobierno Mike Eman II tin cu tuma medida, lo mester a trece esaki dilanti for di prome cu Gabinete Mike 1 a cera su periodo, pa tur hende na Aruba lo a tene cuenta cu esaki y deposita nan voto na haltura di e realidad. Si medidanan ta bin tras di lomba di pueblo, pueblo lo sintie manera un bofta y lo perde credibilidad den nos gobernantenan, y mas ainda, den tur politico na Aruba pasobra nan no ta papia berdad mientras nan kier gana voto, y despues tur e cosnan aki ta bin sali na cla. Asina leu, a compila den un articulo, diferente opinion publico tocante e tema aki.

Virus Chikungunya ta plamando rapidamente den Caribe ORANJESTAD (AAN) – E informacion mas actualiza tocante e Virus Chikungunya, ta indica cu apenas algun siman despues cu epidemiologonan na San Maarten a detecta e prome casonan di e virus aki, e Organizacion Mundial di Saldu ta alerta riba e aumento di malesanan infeccioso propaga pa e insectonan transmisor. E virus aki, cu ta wordo transmiti pa un sangura, ta plama rapidamente den Caribe, den pleno temporada turistico di invierno apenas poco siman despues cu e prome casonan a wordo detecta na Sint Maarten, parti Frances. Segun cientificonan den e isla tin caba 200 caso di e virus chikungunya, original principalmente di Africa y Asia, y e por causa un malesa cu ta debilita e curpa, acompaña pa keintura halto, rash, dolornan di musculo y coyuntura intenso, pero cu masha poco caso di mortalidad. Kico ta e virus chikungunya? E “Centronan pa control y prevencion di malesanan di Merca” (CDC) a indica cu e casonan nobo a wordo confirma den e Islanan Caribense Frances di Martinique, Guadaloupe, y Sint Bartolome.

E virus a afecta dos residente di Sint Maarten Hulandes, cu ta comparti su teritorio cu Sint Maarten Frances, cu tabata confronta casonan di dengue, cu ta transmiti pa e sangura Aedes Aegypti, cu ta ainda mas grave. E Islanan Birgen Britanico a informa, dialuna cu a pasa, riba tres caso den e isla chikito di Jost Van Dyke, cu tin menos cu 300 habitante pero cu ta ricibi miyones di turista di henter mundo, pa e celebracion di Aña Nobo. Nan ta destaca si, cu e casonan confirma no ta di personanan cu a viaha locual ta indica cu e sangura ta instala caba den e poblacionnan di sangura existente. Autoridanan di Salubridad Publico den e Islanan a intensifica nan programanan di fumigacion, mescos cu e vigilancia epidemiologico. Tambe, mescos cu ta e caso cu dengue, nan ta pidi e poblacion pa elimina awanan

cu ta keda para pa reduci e lugarnan cu por sirbi di criadero. Ta wordo pronostica e propagacion, durante e proximo lunanan y añanan na otro islanan di Caribe y areanan bisiña den nos continente. Tambe ta wordo menciona cu alrededor di nuebe miyon di turista Mericano ta bishita, anualmente, e paisnan Caribense. E viaheronan infesta lo por causa un transmision local di e virus na Merca, si nan wordo pica pa e sangura y esaki despues ta pica otro hendenan. E palabra Chikungunya ta nifica “esun cu ta dobla” den e lenga Kimako di Mozanbique, refiriendo na e condicion fisico di e pacient. E virus a wordo isola pa prome biaha na aña 1953, ora el a wordo detecta den sanger di un pacient na Tanzania. E malesa ta dura entre cinco cu siete dia y e dolornan articular serio por incapacita e pacient pa tempo mas largo. E ta carece di tratamento y solamente por uza analgesico y anti-inflamatorio no esteroide pa reduci e dolor y inflamacion, y mester evita uso di aspirin. Tampoco ta existi vacuna pa preveni e virus aki, pesey mester tuma medidanan preventivo pa evita pica di sangura.


PAGINA 43

DIARIO

DIABIERNA 17 JANUARI 2014

Aportando cu nos muchanan

Minister dr. Alex Schwengle cu donacion na Fundacion pa Nos Comunidad ORANJESTAD (AAN): Nos hendenan ta conoci pa tin bon curason y semper ta dispuesto pa yuda nan prohimo y esey ta haci cu hopi biaha nos comunidad ta sali na vanguardia di esunnan di menos recurso. Minister dr. Alex Schwengle tambe ta un

persona cu ta hopi activo riba e tereno aki y mediante su Fundacion, el a haci entrega di un cantidad grandi di paña pa muchanan por cuminsa 2014 cu paña nobo. Aunke cu e tradicion di antes di Tres Rey no ta comun mas e ta un bon motibo pa corda comparti cu

nos muchanan ora aña bolter y 6 di januari ta e fecha cu nos ta cuminsa generalmente cu school yen di animo pa sigui cu un bon aña. “Fundacion Schwengle pa salubridad” a worde representa pa Sra Janine Quant cu a entrega e fundacion e poloshirtnan nobo nobo. E fundacion ta promove estilo di bida saludabel concientisando hobennan y

muchanan riba e importancia di cuido di nan salud, come saludabel y balansa, bebe awa y haci movecion. Sra Quant a comparti cu pa muchanan por tin panja nobo ta mes importante cu otro necesidadnan. Fundacion pa Nos Comunidad ta activo pa 4 aña caba y a cera aña 2013, cu un total di 1630 famia registra na e fundacion cu ta cay bou di

famia den necesidad. E total di mas di 1400 persona ta haya e ayudo aki y esey ta danki na nos comunidad cu ta deposita nan confianza y apoyo den e fundacion. Fundacion pa Nos Comunidad ta percura pa brinda sosten y apoyo na e famianan di menos recurso y tabatin e oportunidad di ricibi e donacion aki. Señora Indra Stamper, director di e fundacion, a ricibi e gesto aki di Minister Schwengle na nan sede situa na Ponton. “Nos ta e unico banco di cuminda na Aruba, unda cu nos ta yuda nos famianan cu tin necesidad cu tin mester di cuminda, pero banda di esey tambe si nan tin mester di mueble y paña. Pues e donacion di polo-shirt nobo, destina specialmente pa e muchanan. Despues di analisa nos estadisticanan unda nos a bolbe haya informacion mas recien, ta indica cu 37% di e personanan cu nos ta yuda, ta mucha. Nos ta contento cu esey, ya cu mayoria biaha nan ta esunnan cu ta sufri mas di e situacion di nan mayornan. Fundacion pa nos Comunidad ta hopi contento cu e apoyo cu nan ta haya di comunidad, ya cu ta danki na nan aporte, nos di e fundacion por yuda un otro”, Indra Stamper a indica.

Ladronicia for di tres auto registra na Polis ORANJESTAD (AAN); Na warda di Polis a presenta e homber naci na hulanda inicial A.v D. di 48 aña pa entrega denuncia di ladronicia den su auto.

E denunciante a declara cu diaranzon ultimo den oranan di atardi el a staciona su V-3678 color blanco modelo KIA Picanto na Eagle Beach. Casi dos ora despues el a bolbe na

su auto y a constata cu radio di auto mas su holoshi marca Dansh Design a worde horta. E señora inicial E. tambe victima di ladronicia di su auto a acudi na warda di polis Oranjestad y a declara y denuncia cu desconoci a destrui bentana glas atras na banda drechi di e auto. E ladron (nan) a horta dos tas den cual tin make up, camara Samsung y un tablet Samsung. Polis a bay na Brickel Bay pa asistencia solicita pa un turista Segun e turista denunciante M.T.B. naci na Polonia di 34 aña el a staciona su auto na e beach altura di Vela Watersport y desconoci a drenta horta den dje. Segun B. a sigui declara, su V-5653 modelo Hyundai i10 el a huur esaki for di Dollar Rent-a-Car, den dje el a laga e yabi auto y ladron a bay cu e yabi pa cual e ta denuncia esaki.


PAGINA 6

DIARIO

DIABIERNA 17 JANUARI 2014

Director di IMSAN ta haya necesario pa adkiri dos ambulance nobo e aña aki

ORANJESTAD (AAN)-- Matutino DIARIO a entrevista e director di IMSAN, señor Joel Rajnherc, relaciona cu e cantidad di ambulancenan cu mester pa e demanda di servicio existente riba nos Isla. E funcionario a menciona cu na e momentonan aki nan ta haya falta di dos ambulance nobo mas, mirando cu nan tin basta auto cu ta hopi bieu, aunke motoricamente nan ta riba caya. Pero nan ta conciente cu e edad di e vehiculonan ta asina grandi cu na dado momento, lo no por haci nada mas cu nan. Sr. Rajnherc a señala cu nan tin planea pa logra e aña aki, di amplia e servicio cu dos ambulance nobo, pa otro aña adkiri otro, pa asina tin cinco nobo y cada aña keda reforza e servicio door di cambia un ambulance.

Na e momentonan aki, señor Rajnkerc a agrega, IMSAN ta haciendo estudionan interno pa wak cuanto ambulance mester tin riba caya pa shift. Actualmente, nan ta trahando cu cuater unidad regularmente. Hopi biaha, nan ta poniendo atardi, den e di dos shift tambe cuater ambulance y anochi tres. El a subraya cu e Isla ta creciendo den cantidad di trafico hopi, aunke e distancianan ta keda mescos, y ademas tin hopi caya cera cu ta haci dificil pa yega na tempo na ora cerca e pacient, of pa hiba e pacient pa Hospital y kizas esaki ta haci necesario pa cambia e manera di traha. El a agrega cu nan ta purba semper pa tin un ambulance disponible riba e tres parti di e Isla, alomenos. Esaki ta nifica cu si un ambu-

lance ta bayendo di Wayaca pa Hospital un otro mester ta caminda pa Wayaca, pa si acaso e wordo yama e tey caba. Si esun di San Nicolas ta bayendo Playa, un di Wayaca tin cu bin ariba y un di Playa tin cu bay na Wayaca. Nan ta haciendo investigacion pa mira con nan por realiza esaki na un manera factible. Esaki kiermen cu e ambulancenan mester core

mas kilometer y esey ta haci cu mas presion ta wordo poni riba e vehiculo mes, señor Rajnherk a remarca. El a agrega cu tambe e ekiponan cu nan tin den e ambulancenan ta yegando na edad cu nan mester wordo cambia. Nan ta bon awor, pero mester haci inversionnan pa futuro tambe pa keda cu e ekipo mas moderno y optimal pa traha cu nos hen-

denan. Hopi placa a wordo inverti den educacion di e personal di ambulance, no solamente e verpleegsternan pero tambe e chofernan, di kendenan señor Rajnherk ta hopi orguyoso, locual e ta reitera semper, y e ta kere cu ta tempo ta yegando pa e ley nobo di Ambulance Zorg wordo trata pa haci uso mas eficiente di nan personal y ekiponan.


Vos 17114