Issuu on Google+


DIAHUEBS 16 JANUARI , 2014

9

Minister dr. Alex Schwengle cu donacion na Fundacion pa Nos Comunidad Nos hendenan ta conoci pa tin bon curason y semper ta dispuesto pa yuda nan prohimo y esey ta haci cu hopi biaha nos comunidad ta sali na vanguardia di esunnan di menos recurso. Minister dr. Alex Schwengle tambe ta un persona cu ta hopi activo riba e tereno aki y mediante su Fundacion, el a haci entrega di un cantidad grandi di paña pa muchanan por cuminsa 2014 cu paña nobo. Aunke cu e tradicion di antes di Tres Rey no ta comun mas e ta un bon motibo pa corda comparti cu nos muchanan ora aña bolter y 6 di januari ta e fecha cu nos ta cuminsa generalmente cu skol yen di animo pa sigui cu un bon aña. “Fundacion Schwengle pa sa-

lubridad” a wordo representa pa Sra Janine Quant cu a entrega e fundacion e poloshirtnan nobo nobo. E fundacion ta promove estilo di bida saludabel concientisando hobennan y muchanan riba e importancia di cuido di nan salud, come saludabel y balansa, bebe awa y haci movecion. Sra Quant a comparti cu pa muchanan por tin panja nobo ta mes importante cu otro necesidadnan. Fundacion pa Nos Comunidad ta activo pa 4 aña caba y a cera aña 2013, cu un total di 1630 famia registra na e fundacion cu ta cay bou di famia den necesidad. E total di mas di 1400 persona ta haya e ayudo aki y esey ta danki na nos comunidad cu ta deposita nan

confianza y apoyo den e fundacion. Fundacion pa Nos Comunidad ta percura pa brinda sosten y apoyo na e famianan di menos recurso y tabatin e oportunidad di ricibi e donacion aki. Sra. Indra Stamper, director di e fundacion, a ricibi e gesto aki di Minister Schwengle na nan sede situa na Ponton. “Nos ta e unico banco di cuminda na Aruba, unda cu nos ta yuda nos famianan cu tin necesidad cu tin mester  di cuminda, pero banda di esey tambe si nan tin mester di mueble y paña. Pues e donacion di polo-shirt nobo, destina specialmente pa e muchanan. Despues di analisa nos esta-

disticanan unda nos a bolbe haya informacion mas recien, ta indica cu 37% di e personanan cu nos ta yuda, ta mucha. Nos ta contento cu esey, ya cu mayoria biaha nan ta esunnan cu ta sufri mas di e situacion di

nan mayornan. Fundacion pa nos Comunidad ta hopi contento cu e apoyo cu nan ta haya di comunidad, ya cu ta danki na nan aporte, nos di e fundacion por yuda un otro”, Indra Stamper a indica. 


WWW KAVEL

Lista oficial otorgamento di vergunning pa kavelnan di carnaval 60

Pregunta tocante bo cobransa? Yama Customer Service na 5237100

CELEBRANDO 33 AÑA CU PUEBLO Aña 36 ▪ No. 9904 • 1,50 Florin

Situacion tenso cerca polisnan!

Alto comisario a duna di conoce cu e promocion tabata robes Awe mainta tin reunion pa miembronan di SPA na POVA

A tira lot pa Festival di Calypso y Roadmarch infantil/hubenil

ORANJESTAD (AAN): Na Centro di Bario Brazil tabata tin tiramento di lot pa e Festival di Calypso y Roadmarch infantil y hubenil cu lo tuma luga e fin di siman aki. E interes ta dobel di aña pasa, unda tabatin 12 participante mientras cu e aña aki a cera cu 24 participante. E Festival di Calypso y Roamarch infantil y hubenil ta tuma luga den Aruba Entertainment Center na Dakota. E evento ta cuminsa for di 7:00PM pero porta ta habri desde 6:00PM caba y ta priminti di bira grandi e aña aki atrobe. Ta conta cu un total di 26 participante total, compaña pa Exquizit Band.

Autopsia:

Golpi na cabez a causa morto di Sherman Webb ORANJESTAD (AAN): Autopsia a wordo haci diamars atardi riba e curpa di Sherman Webb cu a wordo haya benta riba e tereno pariba di Nikky. Por confirma maltrato. Sangramento masal den cabez ta motibo di su morto. No por otro cu lesion a wordo ocasiona pa violencia na e cabez. Curpa a wordo duna liber. Investigacion ta sigui pa wak precies kico a pasa y kico ta rol di cada ken den e caso total. Awor tin e proceso di voorgeleiding di e sospechosonan y aki lo dicidi si e tres sospechosonan aki lo

keda deteni. Recherchenan di Oranjestad tin e caso aki

bou nan encargo pa wordo investiga. 

DIAHUEBS 16 JANUARI 2014

INVESTIGACION

Mucha di 3 aña a bira malo y a fayece ORANJESTAD (AAN): Diamars anochi a sosode un situacion caminda un criatura di 3 aña a fayece. Na un cas na Weg Fontein un mama ta bati alarma cu su yiu ta hopi malo. Mesora a cuminsa prepara un ambulance. E momento ey e ambulance di San Nicolas tabata biniendo Hospital cu un emergencia y esun di Playa tabata na Cura Cabay cu otro caso di emergencia. Mesora a saca un di tres ambulance pa bai San Nicolas pero esaki a sali di Playa. Esnan encarga cu e yamada di emergencia a cuminsa coach e mama pa asina e mes cuminsa reanima e criatura. Ta un mucha muher cu a bira hopi malo. Esaki a sosode y ambulance a yega mientrastanto na e adres y personal di ambulance a tuma over. Mesora a hibe Centro Medico y tabata tin momentonan cu e criatura a haya pulso. Mirando e gravedad a escoge pa hibe cu urgencia pa hospital. A pidi yudanza policial pa habri caminda. Asina nan a yega hospital unda e preparacion tabata wordo haci pa ricibi e criatura. A sigui traha pa scapa su bida pero algo rond di mey anochi a resulta cu e mucha a fayece. Esey nifica cu e esfuerzonan haci pa e mama y personal di ambulance no a yuda. Algo asina ta laga un adulto cu a purba scapa bida di e criatura basta malo. Awor kizas un investigacion mester bay tuma lugar pa saca afo exactamente kico a sosode cu e mucha a muri. 

BUSKEDA

Julian Hernandez Rodriguez ta perdi ORANJESTAD (AAN): Famia preocupa a entrega un keho na Polis, den cual ta informa cu nan tin un ser keri perdi desde weekend. E homber ta sufri di problema mental, aunke mester bisa cu e no ta un hende agresivo. Ta trata aki di Julian Hernandez-Rodriguez di 48 aña di edad, naci na Colombia y biba na Weg Seroe Blanco # 23. E ta midi 1.60 meter y ta di postura delega y cuero color cla. E ta papia papiamento y spaño. Ultimo bes cu a mire ta diasabra alrededor di 4:00pm ora el a sali di cas, despues di tabata mirando television cu su famia. Normalmente e no sa sali sin bisa. Famia ta pensa cu e lo a bay mira Fakkel Optocht. E tabata bisti cu un jeans color blau y un poloshirt strepia color blau y berde. Na pia e tabatin keds color licht blau. Cualkier persona cu por a mir’e of si por tin mas informacion, pa por fabor yama Polis mesora. Su famia ta hayando hopi falta di dje.


PAGINA 2

DIAHUEBS 16 JANUARI 2014

DIARIO

Mike Eman riba dialogo:

E fondo di AOV a wordo scapa pa 16 mil pensionado mescos cu esun di APFA ORANJESTAD (AAN): Den un entrevista cu prome minister Mike Eman el a splica un tiki riba e reunion cu tabata tin despues cu nan a topa cu sindicatonan relaciona cu aumento di edad di pensioen. E prome mandatario a splica cu ta 16 mil hende cu a cobra pensioen tin siguranza cu e placa tey pa nan. Esaki ta pa motibo di e pasonan concreto tuma fin di aña. E gobierno aki a asumi responsabilidad di biaha pa scapa e fondo di AOV mescos cu a haci cu esun di APFA. Tabata tin raportnan cu a wordo traha unda a tuma diferente paso prome cu a yega asina leu. Tabata tin recomendacion den pasado caminda prome cu mishi cu pensioen mester a zorg pa e politico tambe duna ehempel y gobierno di AVP a tuma e paso pa trece e cambio y individualiza e prima y tambe e grondslag. A base di calculacion pa futuro e cambionan a yuda pero tog no suficiente. Prome minister Mike Eman a splica cu a sinta na mesa cu partnernan social. E direccion cu tabata mirando tabata tin hopi sosten y simpatia. Mester a bai hiba informacion na e miembronan y den e

temporada cortico entre eleccion, formacion di gobierno, dialogo social y fin di aña no a duna suficiente di tempo pa dialogo y tin tur hende hunto. Algun a sostene e cambio y otronan no. Asina a palabra cu esnan no di acuerdo cu ta sindicatonan pa atende e asunto. Awor a pone un

tempo mas largo pa mira si e alternativa cu a pone y pasa den parlamento tabata mihor. Aki dos siman ta haya nombernan di esnan cu lo drenta den e werkgroep pa mira e retonan di vergrijzing con lo paga pe etc. Tambe cu mas tempo y trankilidad e ta sigui pero pasonan importante a wordo tuma pero por cambia si ideanan mihor bini riba mesa. Tur hende lo drenta cu mentenan habri. Tin sindicatonan manera STT cu a presenta un raport. Tambe tin punto di agenda cu a wordo acorda caminda hunto cu e cambionan trece un vision y mihor maneho relaciona cu e vitalidad di empleadonan. Tin casonan caminda empleadonan cu yega cierto edad ta duro pa nan haya trabou. Tin cierto trahador cu ta wordo acerca pa duna nan pakete. Prome minister Mike Eman a splica cu e forma di mantene hende na trabou mas largo ta duna e espacio pa e hobennan tambe por prepara nan mes mihor. E retonan aki tabata existi caba prome cu a papia di edad di pensioen.

Un crecemento record di 18.23% den 2013!

ATA: Aruba a yama bon bini na 688.472 turista crucero

ORANJESTAD (AAN): Aruba Tourism Authority (ATA) a ricibi e cifranan final pa loke ta trata turismo crucero y ta satisfecho di anuncia cu Aruba a experencia un biaha mas un crecemento sumamente satisfactorio di 18.23% den e segmento aki. E crecemento aki a wordo registra pa e periodo di januari 1 pa december 31, 2013, unda cu na nos waf a yega un total di 688.472 turista. Den e mesun periodo na aña 2012, Aruba a ricibi 582.313 turista crucero. Pues, Aruba a ricibi 106.159 turista mas na 2013, compara cu 2012. Pa loke ta e cantidad di barco cu a bishita Aruba,

cifranan ta mustra un crecemento cu 63 yamada adicional (cruise calls). Ora compara 2012 (294) cu 2013 (357), esaki ta sali un diferencia positivo di 21.42%. E lunanan durante cua mas turista a yega Aruba riba barco na 2013 tabata januari (64 yamada y 118.542 pasahero); december (49 yamada y 96.136 pasahero), maart (44 yamada y 84.229 pasahero) y februari (43 yamada y 88.888 pasahero). Den un luna mas keto, esta augustus, cual ta cay den ‘low season’ pa crucero den Caribe, Aruba a ricibi 9 barco cu 21.470 pasahero. E balor di e turista cu ta bishita Aruba riba barco

ta considerabel. Y, no solamente pa e placa cu e ta gasta aki durante su estadia cortico. Cada un di e turistanan aki ta wordo considera como turista cu potencial pa bolbe Aruba pa un estadia mas largo y e mercadeo di ATA, hunto Ministerio di Turismo, Aruba Ports Authority & “partners” ta dirigi den e direccion aki tambe. Ademas, cada persona cu bishita Aruba y ta papia bon di nos isla cu nan amigo, famia y coleganan ta yuda promove nos industria. Analisando e cifranan final, por mira cu aunke cu Aruba su industria di turismo a proyecta, o sea tabatin reservacion pa barco crucero pa 370 yamada, na final di dia e cancelacion di 13 yamada no a causa un impacto mucho grandi riba e crecemento stabiel y fuerte den cantidad di bishitante. Entre e cancelacionnan tabatin seis yamada di e barco Freewinds, dos di Caribbean Princess  y un yamada den caso di e barconan Coral Princess, Delphin, Grandeur of the Seas, Brilliance of the Seas y Disney Wonder.

E proyeccion - cual ta basa riba e reservacionnan cu companianan ta haci na e waf di Aruba- pa december 2013 tambe tabata un poco mas halto di loke el a resulta en realidad pa loke ta trata cantidad di turista, unda cu a conta riba un total di 100 mil turista y a resulta cu tabatin casi 4000 bishitante menos. Por conclui cu den caso cu e yamadanan aki si a tuma luga y e total di bishitante na december lo tabata 100 mil, Aruba lo a conoce un crecemento un poco mas halto, pues di 20% di e negoshi crucero, cual tabata originalmente e pronostico di ATA pa 2013. Pa loke ta e cantidad di yamada, esaki

si a resulta mas cu 20%, o sea 21.4%. E bon bini caluroso y bon servicio cu e turistanan crucero ta ricibi na Aruba y e entusiasmo y profesionalismo di e partnernan den turismo y comercio, ta entre e puntonan mas fuerte di nos isla. E capital humano, combina cu e desaroyonan positivo y grandi den e industria pa loke ta trata e diferente servicionan di tour y actividad y sigur nos beachnan limpi, trankilo y bunita, Aruba ta wordo considera pa companianan di barco crucero como un di e destinacionnan mas atractivo pa ofrece na nan clientenan.


DIAHUEBS 16 JANUARI 2014

PAGINA 3

DIARIO

Situacion tenso cerca polisnan!

Alto comisario a duna di conoce cu e promocion tabata robes Awe mainta tin reunion pa miembronan di SPA na POVA

ORANJESTAD (AAN): Un biaha mas tin inkietud den cuerpo policial unda cu promocionnan ta wordo haci dilanti di otro y riba otro. Presidente di sindicato SPA sr Angelo Davelaar ta duna di conoce solamente un persona a wordo promovi como Hoofdagent y a haya su landsbesluit. Sinembargo full e klas cu tabata Brigadier eerste klas hunto cu e polis cu a wordo promovi tambe tabata den e mes un klas unda cu tur mester a wordo promovi como hoofdagent pa hunto haya nan landsbesluit manera ley ta stipula. Actualmente e klas completo ta haci e funcion di Hoofdagent pero nan no ta promovi y tampoco no tin nan landsbesluit pa asina por cobra di e posicion cu nan a studia pe

y ta trahando pe. Sinembargo presidente di SPA a tuma contacto cu Alto comisario Dolfi Richerson y a duna di conoce cu e promocion tabata robes cu a wordo haci. Actualmente tin un klas completo cu ta sinti cu nan ta wordo laga un banda siendo cu nan tambe tin e mes un derecho pa e promocion aki ya cu tur a gradua pa ta un hoofdagent. E situacion aki no ta prome biaha ta pasa den cuerpo policial tin biaha ta purba

Homber haya drumi den plas di sanger na San Miguel

ORANJESTAD (AAN): Diaranzon anochi polis a wordo manda poco pura den direccion di San Miguel. Na un cas cu apartamento desde mainta e habitantenan no a mira un habitante. E doño di e apartamento a dicidi di drenta e apartamento net prome cu polis a yega. El a bin topa cu e habitante benta riba vloer den plas di sanger. Mesora e

polisnan cu a yega a pidi presencia di ambulance. E persona tabata hala rosea pero no tabata reacciona. E tabata tin corta na curpa y tambe wowo. Kico a pasa cune no ta conoci. Ambulance a bay cune hospital. E tabata keto bay for di conocimento. Polis a mas bien tuma algun dato pero lo busca drechi despues di e situacion. E persona ta un adulto.

di evita pa e situacion no pasa pero actualmente keto bay tin situacionnan cu ta pasando y na unda cu ta trece un inkietud pa e otro polisnan cu tambe ta traha duro y tin nan derecho. Segun presidente di SPA un par di luna atras tin un situacion similar a pasa unda cu tin algun hoofdagent cu ta wardando nan landsbesluit, pero e otro grupo cu ta sigui nan si a haya nan promocion y ta hayando mas placa cu esnan cu tin mas aña den servicio di cuerpo policial cu e otro. Esaki ta situacionnan cu ta trece frustracion den cuerpo policial. Antes PNO tabata e departamento cu tabata tin tur papel na ordo y ta regla e posicionnan di e polisnan pero actualmente Departamento di

recursonan humano (DRH) ta trahando riba tur cos, pero na final ta Alto comisario Dolfi Richardson ta esun responsabel na momento cu e pone su firma bao di papel pa otorga e landsbesluit segun presidente di SPA. Awe mainta sindicato SPA tin reunion cu tur su miembronan y ta pidi pa ta presente na POVA 10or di mainta pa asina papia riba e situacion y sa kico ta loke ta reina bao di e otro polisnan pa nan promo-

cion como Hoofdagent. SPA a trata di haya contacto cu minister di husticia riba e situacion aki pero no por a haya contacto cu ne pero si a laga responde cu su coordinador pa por papia riba e situacion aki, pero tampoco minister no a tuma contacto bek cu sindicato. Sinembargo mando policial si ta na altura y a duna di conoce tambe cu e ta un situacion cu a pasa robes y no lo por hala atras mas. Sinembargo e resto di klas a keda perhudica, awor ta keda na altomando pa bin dilanti y trata di drecha e situacion pa promove tur e resto di klas manera nan merece y tin derecho riba dje. Tur hende ta haci fout, pero na caminda mester por drecha loke a wordo daña y duna cesar loke ta di cesar.

Prome Minister Mike Eman:

A firma un acuerdo cu hunta di supervision y Dr Falconi lo keda cuater luna mas ORANJESTAD (AAN): Durante entrevista cu prome minister Mike Eman a puntre con ta bayendo cu e intervencion di gobierno pa e asunto di nombracion di director di hospital. Tabata wordo papia cu kier logra un di tres director pa hospital. E director actual Jaime Falconi tin algun tempo caba haciendo e trabou. Tin e hunta di supervision di siete miembro cu ta controla e hunta di maneho. Gobierno mes tin poco poder den e hunta di supervision pasobra no tin e cantidad di miembro necesario pa por tuma un decision riba nan mes. Den e caso specifico di nombracion di director nobo tabata tin un situacion caminda e hunta di supervision no kier a sigui cu e directiva actual di hospital. Kier e termina e contrato. Tin un minister nobo cu tabata merece un trankilidad na hospital pa asina tur stakelholder por a yega na un entedimento mihor posibel. Na Hospital tin hopi cos cu mester bay sosode. Pa maneha e cambionan cu tin ta retonan importante cu hopi

deseo pa Aruba por duna te hasta servicio mas den region. Aruba ta conkistando un nomber como un pais cu lo bay crea un pilar  den cuido medico pa local y esnan di afo. Pa minister Schwengle ta importante pa e tin e trankilidad pa haya e mihor personanan pa carga e responsabilidad cu tin. Un despedida di dokter Falconi lo no duna e trankilidad mirando e aprecio grandi di hospital mes y gobierno mes mirando e forma cu a atende cune desde cu el a asumi e responsabilidad. Sin duna ken tin razon of no a pidi pa tog wanta un rato e discussion  dunando minister Schwengle e espacio pa tuma

e mihor escogencia. Prome minister Mike Eman ta contento cu despues di algun dia di deliberacion caminda a firma un acuerdo cu hunta di supervision y Dr Falconi lo keda cuater luna mas. Awor e minister tin e tempo pa sigui traha riba su escogencianan. E director Falconi tin e gana grandi pa yuda drecha e cuido medico. Mescos gobierno a pone e persona di Dr Schwengle pa yuda drecha e calidad di cuido medico. Awor e postura di cada uno a logra pa yega hunto pa e espacio cu mester. Asina por duna contenido na cuido medico manera mester y structura di hospital.


URATACA CENTER

Special di awe:

Carni Stoba, Aroz, Pan Bati & Berdura

Diahuebs 16 Januari 2014 - Edicion-8 Vol.19305

Sta. Cruz #110 Tel: 585-9500 Fax:585-0951 - E-mail: solodipueblo@gmail.com

1.50

LIDER DI MEP, MR. EVELYN WEVER-CROES

BANCO CENTRAL NO TA SER PERMITI PA HACI SU TRABAO CRITICO MAS!

Gobierno kier limita responsabilidad di Banco Central, pero ken mester paga e cuenta? Pueblo! Danki na srta. Giorgina Martinus:

Afl. 10.00 (di 12 pa 3pm) Tel: 585-5212

Servicio limita di paspoort riba diabierna 17 di Januari 2014

Baby malo a wordo transporta cu urgencia pa hospital Despues di un rato el’a fayece

Accidente frontal pa motibo cu chauffeur lo tabata bezig cu cellular

Aruba a luci na Reinado Internacional del Cafe 2014!

Famia a perd’e desde diasabra atardi

Julian HernandezRodrigues ta perdi


Diahuebs Januari 16 2014 17 Februari 2014 Corte di Prome Instancia

Horario Sospechoso Acto Castigabel Pa 8.30 F.A.R.H. a wordo acusa di, conhuntamente cu un otro of otronan, intencionalmente y cu premeditacion, a tuma bida di un persona riba 30 di Juni 2013, door cu e y/of su complice a intencionalmente y despues di reflexion calmo y deliberacion trankilo, a tira e persona aki cu un arma di candela den su cabez. E ta wordo acusa di, conhuntamente cu un otro of otronan, posesion di un arma di candela y/of balanan riba 30 di juni 2013. Pa 9.30 J.A.G.F. ta wordo acusa di, conhuntamente cu un otro of otronan y riba caminda publico, a comete violencia contra un y/of dos persona riba 29 di September 2013. E violencia a encera scopmento y/of dalmento y/of trapamento y/of tiramento cu botter riba e personanan aki, durante cual F. a scop un di nan na su boca/cara, a consecuencia di cual e persona aki a keda gravemente herida. F. ta wordo acusa di, conhuntamente cu un otro of otronan y riba caminda publico, a comete violencia contra tres of mas persona y un y/of dos auto. E violencia a encera cu dalmento y/of zwaaimento cu un machete y/of tiramento cu piedra riba e personananaki, y/of dalmento cu machete y/of tiramento cu piedra riba e autonan. F. tawordoacusa di a intencionalmentemaltrata un persona cu un arma (esta, un machete) dor di dal e variosbiaha cu e arma akina su pia. 10.30 F.G.M. M. ta wordo acusa di posesion di un arma di candela y balanan riba 18 di Juli 2013 y di a planta matanan di Cannabis riba e mes fecha ey. 11.30 G.M.P. P. ta wordo acusa di ladronicia cu violencia di telefon celular di un persona riba 22 di September 2013. E violencia a encera cu P. a bisa e persona na tono menazante: “Taabo mi mester, yiu di ****” y/of “Duna mi dos florin y mi ta duna bo loke mi tin den mi tas” y/of “Bo mester tin placa” y/of a tene un cuchio di cushina riba e persona y/of a ranca cu forza e lantera cu e persona tabatin den su man y/of a lucha cu e persona y/of a ranca e telefon for di man di e persona. P. ta wordo acusa di ladronicia di un of mas carson den un tienda riba 9 di Augustus 2013. E ta wordo acusa di ladronicia di un machine riba 14 di Augustus 2013.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Pagina 5

Baby malo a wordo transporta cu urgencia pa hospital Despues di un rato el’a fayece Diamars den oranan laat di anochi, pa un of otro motibo un baby a bira hopi malo y a wordo treci na Centro Medico den un situacion critic. Mesora a cuminsa reanim’e y bao reanimacion el’a wordo transporta cu hopi urgencia cu ambulance pa Dr. Horacio Oduber Hospital. Patruyanan di polis di San Nicolas, Santa Cruz y Playa a para na puntonan principal y a cera caminda pa asina e ambulance por yega mas liher hospital. Despues di un rato cu el’a yega hospital, ta drenta un tristo informacion cu e criatura aki a fayece. Paz na su restonan. Condolencia y hopi forza na e famia.


Vos 16114