Issuu on Google+

DIALUNA 20 JANUARI , 2014

DIALUNA 20 JANUARI , 2014

24

Interes grandi pa presentacion di buki riba bida familiar, social y politico di Mike Eman ‘Visie, Passie en Lef’ Autor Rene Zwart den forma elocuente a skirbi di e vision, pasion y curashi di e persona Mike Eman

ORANJESTAD- Amigo, famia, conocir, colega y interesadonan tabata presente diasabra atardi dilanti Beatrix School pa atende presentacion di e buki ‘Visie, Passie en Lef’ (Vision, Pasion y Curashi) cu e periodista Parlamentario Hulandes Rene Zwart a skirbi riba Mike Eman. Di su bida familiar, su bida social y sigur su bida politico. E ambiente tabata ameno y notabel tabata cu e interes pa lesa e buki ta grandi, pasobra na final di e presentacion y despues cu su señora Doina Eman a ricibi e prome ehemplar, e bukinan a bay manera pan cayente. Ganashi di benta di e buki ta bay pa Imelda Hof. Un bunita causa cu ta tipifica e hende Eman y tambe e autor Rene Zwart. Ambos persona hopi envolvi cu comunidad. Cabesantenenan di scolnan cu nos Prome Minister Mike Eman a atende a hiba palabra. Tur tabata di acuerdo di un solo cos. Cu e mucha Mike Eman y scol no tabata amigo di otro. Hopi bes Mike no tabata yega scol y su ruman homber grandi Henny mester a carg’e

riba lomba pa hibe scol. Su raportnan no tabata di gaba y su animacion pa scol masha abou. Cosnan a cambia na momento cu Mike a caba Juliana School y a drenta Colegio Arubano. Di eynan su estudio a bay biento en popa y hasta saltando klas e hoben Mike Eman a termina su VWO cu tremendo puntonan. Di eynan el a bay studia y a caba dos estudio universitario. E resto ta historia. Mike Eman a slaag cum laude pa su estudionan univeritario. Un hoben talentoso cu tabatin un ‘moeilijke start’ loke den su situacion tabata comprendibel. Sr. Taytelbaum, cabesante di Reina Beatrix School tempo Mike Eman a atende scol basico a bisa cu p’e ta un momento special pa ta para eynan pa papia di un ex alumno cu a yega asina leu di ta dirigi e isla bunita cu yama Aruba. “Cu un team di docente nos a pone e base pa hopi persona cu awe ta hendenan prominente den comunidad. Mi ta mira den publico Minister Paul Croes, kende tambe

a atende e scol aki, mescos dr.Visser”. Taytelbaum a lesa despues un raport di Mike Eman cu no tabata nada alentador, aunke cu poco poco e prestacion a mehora. Rekenen a bira un 9 y Nederlands un 7, ‘Schrijven’ ta un vak cu nunca Mike Eman a domina manera mester ta. Ex rector di Colegio Arubano Dolf Hoevertsz a bisa di ta masha orguyoso di por bisa cu e ta un di e poco rectornan den Reino Hulandes cu por bisa di tabatin un Prome Minister como alumno. “Mike no tabata un mal mucha tempo di scol. Al contrario. Semper cu masha bon manera y atento. Awe mi ta tende tur rond cu el a haci masha bon trabou, pero cu ainda falta”. Na final di su discurso yena di anecdota Hoevertsz a bisa cu un cos si no por keda sin mensiona. “Mike a termina su VWO cu un lista di kita sombre. Di eynan el a bay studia dos estudio universitario riba tereno di Derecho. Cu

Mike ta un hende inteligente no tin ningun duda”. Eddy Croes, ex cabesante di Juliana School tambe a conta di e dolornan di cabes cu el a pasa cu e chabalito Mike Eman. Finalmente tur cos a bay bon cu Mike y el a haci su mama y rumannan orguyoso. Eddy Croes a papia tambe di su colega politico Mike Eman. Hunto nan a pasa den varios cos y cu man yen di hendenan di prome ora a lanta AVP bek ora cu partido a pasa den momentonan dificil. Mike a dicidi di afilia politica, na principio contra boluntad di famia, pero cu te awe ta dune tur sosten. El a demostra cu enberdad politica ta core den su sanger. Awe partido AVP tin un mayoria total den Parlemento cu 13 asiento y Mike Eman tin riba 8 mil hende cu a deposita nan confiansa den dje. Eddy Croes kende pa añanan a para banda di Mike Eman den momentonan di alegria, di tristesa, di emocion y tension a conta ratonan largo den forma agradabel hopi aventura cu nan a pasa hunto. “Mike Eman ta un Minister Presidente cu tin

idea y soñonan y ta realisa nan tambe. Esey ta e diferencia entre e y otronan. Mike ta nos number uno y Mike ta di nos”. Na final Eddy Croes tabatin palabranan di masha elogio pa Doina Eman, kende tin un aprecio, admiracion y amor incondicional pa su casa Mike Eman, kende e ta sostene 100%. Pesey e ta e persona indica pa haya e prome ehemplar di e buki ‘Visie, Passie en Lef’. Amigo y bisiña Tom Pieterz tambe a dirigi algun palabra. E ta corda Mike desde mucha y e diferencia di edad despues no a hunga un rol den nan amistad. Loke cu cerca dje a resalta ta con Mike na e edad di apenas 12 aña den encuentro cu bisiña tabata defende cu masha hopi fervor filosofia di su partido y su famia. “Hopi aña despues ora cu Mike a bisa mi cu e ta pensa di drenta politica, pami y pa Aruba henter tabata e miho escogencia cu e y su partido por a haci. Asina un talento unico no a bay perdi. Mike a nace pa ta politico”.


DIALUNA 20 JANUARI , 2014

3

Ta keda na Aruba mes pa bira cede riba tereno di husticia fiscal Tin oportunidadnan habri pa Corte di Husticia di Aruba cu evaluacion di e ley cu ta regla e Corte Comun di Husticia na 2015. Y Presidente di e instancia Mr. E. van der Poel tin un ehempel crucial pa esaki. El a menciona e punto aki durante apertura di e edificio nobo di Corte na Aruba. Pa hopi tempo tin plan pa un hurisdiccion fiscal. Algo cu ta brinda oportunidad pa Aruba. “Cada pais cu kier atrae inversionista, mester traha riba un clima di inversion adecua. Parti di esaki ta un sistema di belasting cu ta bon y confiabel, y cu siguramente ta inclui proteccion legal. Ora ta existi duda riba e hurisdiccion fiscal, inversionistanan ta baha na awa y e ciudadano tambe lo perde confianza den gobierno.” Van der Poel a bisa cu Parlamento di Aruba a mira e balor na 2010 pa modernisa y fortalece e derecho fiscal. Na introduccion y tratamento e tempo ey di ‘Landsverordening Beroep in Belastingzaken’, e fraccionnan di A.V.P, M.E.P. y P.D.R. a duna di conoce nan deseo pa amplia e hurisdiccion di apelacion te na un jurisdiccion di apelacion pa tur caso di belasting. “Cu esey pais Aruba a tuma un papel di liderazgo. Den e mesun tempo na tratamento

di e adaptacionnan di ‘rijkswetten’, a accepta e amienda di e delegado special Bikker. Esaki a encera cu veredicto di casacion di corte supremo contra casonan di belasting den apelacion, mester ta posibel.” E posibilidad di casacion cerca e hues di mas halto den Reino, esta ‘Hoge Raad’ ta un beneficio grandi pa por convence inversionistanan potencial for di por ehempel Sur y Norte Merca, ya cu e ora ey por sigura cu e derecho fiscal ta garantisa. Van der Poel a sigui bisa cu e proyecto di e ley ta cla y cu awor mester keda trata pa Parlamento. “Mientrastanto e casonan for di e paisnan ta aumentando cerca e Conseho di apelacion existente relaciona cu casonan di belasting; y e Conseho, e oficinanan di Inspeccion y e contribuyentenan di belasting, ta enfrentando tempunan muchu largo den e procesamento di nan asuntonan” Van der Poel a duna un sugerencia na Aruba pa atrobe cumpli cu e papel di liderazgo y energeticamente cumpli cu e derecho fiscal den tres instancia, cu ta Prome Instancia, Corte di Apelacion y Casacion. Nos lo ripara den

practica cu nos lo keda contento cu esey. Riba kico nos ta warda?” Si Aruba tuma e iniciativa y den bon palabracion cu Corte y e expertonan di belasting logra stimula un acceleracion di e ehecucion di e plannan aki, e ora ey e hurisdiccion fiscal renoba di prome instancia y di apelacion por ta bon coordina for di e sala di e “Corte bunita aki.” Cu un tipo di re-asignacion asina den cua e hurisdiccion fiscal di Corte ta pasa pa Aruba, un paso por pone atrobe un paso den un miho reparticion di e tareanan di Corte aki den e diferente centronan. E ora ey e concepto ‘Comun’ di Corte lo haya mas nificacion, van der Poel a sigui bisa. “Ademas mi sa di un funcionario publico Arubiano capaz, cu entre tanto a cana den e edificio aki cu hopi entusiasmo. Mi ta tira esaki den laira, sabiendo cu ta mas facil bisa cu pa haci.” Van der Poel a mustra cu si ta spera mas di Corte, anto e tambe ta spera cu por lo menos lo explora e posibilidad aki debidamente y “gustosamente lo mi kier ta den conversacion cu esnan interesa aki na Aruba,” tabata e palabranan di Presidente di Corte Comun di Husticia van der Poel.

Nave misterioso descubri na Luna Un imagen misterioso cu ta mustra un enorme obheto staciona riba superficie di Luna a cuminsa produci un cantidad di speculacion den prensa internacional relaciona cu ta trata di un supuesto base extraterestre (UFO)

Segun e website Tech and Gadget News, “esaki ta un enorme silueta cu berdaderamente ta parce un nave espacial...Y e ta mas grandi cu

Central di Polis a dirigi un patruya na un cas na Noord, Monserat, caminda nan lo tin cu intermedia den un situacion di famia. Na e cas polisnan ta papia cu e homber di edad halto di inicial T. kende a pidi ayudo di e oficialnan di polis, pa intermedia pa e por saca un muhe cu su yiu homber mayor ta drumi paden cune y cu e no kier na e cas. El a splica polisnan cu ta trata aki di un choller muhe y polisnan a bay papia cu e yiu homber y e muhe, caminda nan ta informa e yiu cu su tata no kier pa e trece e muhe cas y na e muhe choller nan a avis’e pa no bin na e cas ey mas, ya cu e no ta bon bini eynan. E choller a piki su cosnan y a bandona e sitio.

Mucha muhe di 15 aña ta horta celular

E potret a ser saca di e map cu Google a traha di Luna. E supuesto obheto ta situa den e coordenada 22042’38.46N y 142034’44.52E. E obheto tin un forma triangular y shete punto di luz ta Sali for di dje. E descubrimento aki ta obra di un investigado di temanan paranormal cu a firma como WowForReeel. El a publica tambe un video den Youtube tocante su propio teoria acerca di e aparicion misterioso aki.

Yiu ta trece muhe choller bin drumi na cas

cualkier aeroplano cu a ser construi den nos planeta Tera”. Sinembargo den e mesun website aki a ser bisa cu nan ta considera e posibilidad cu e obheto misterioso aki lo por ta un base secreto cu a ser construi pa ser humano ariba Luna.

Polisnan mester a atende un caso di ladronicia den caya grandi caminda dos mucha muhe a bay cu celular di un turista y cu nan a logra di haya sa ta kende. Na e sitio polisnan ta papia cu e señora U. Kende a bisa cu e homber S. A yuda gara dos mucha muhe kendenan a pasa man pa su celular y core bay. E homber S. a sigui e mucha muhenan cu e señora y nan a bin reconoce e muchanan y a bin resulta cu ta e mucha muhe Q. kende tin apenas 15 aña di edad, y el a wordo deteni y transporta pa warda di polis na Dakota caminda el a wordo deteni, interoga y el a ricibi un multa pa despues wordo laga liber. Kisas e hobencita aki no a pensa con serio e delito cu el a comete tabata pero awor si el a pasa den un susto forma.


DIALUNA 20 JANUARI , 2014

4

Presidente Corte Comun van der Poel

Edificio ta un regalo bunita pa cumpleaños Corte Comun di Husticia

E aña aki e Corte Comun di Husticia ta cumpli 145 aña. Y no lo por tabatin un regalo di cumpleaños cu e edificio di Corte di Husticia renoba. “Un edificio di Husticia ‘State of the Art’ den cua e partinan di monumento ta restaura y na cua, a agrega cu bon gusto un edificio di oficina amplio y moderno,” Presidente di Corte Comun di Husticia Mr. E. J van der Poel a bisa na occasion di e apertura di e edificio. Mr. van der Poel a bay mesora riba e discusion cu tabata existi pa establece e cede di Corte Comun na Aruba den luz di e desaparicion di Antia Hulandes. Y e Presidente di Corte Comun a bisa cu relata na e discusion aki semper a keda enfoca riba e hecho cu husticia mester ta central, visible, y accesibel cu ta permiti esnan cu ta busca husticia haya esaki na un forma facil. “Treciendo e vision ey padilanti, un argumento di benta tabata cu mantencion di e lugar aki y renobacion di e edificio existente, lo a duna un impulso enorme na parti paden di ciudad cu ya tanto tawatin mester

di un renobacion. Ta di aplaudi cu e sucesivo gobiernonan di pais Aruba a comparti e vision aki y tambe cu yudansa di diferente instancianan entre otro Monumentenzorg, a lag’e bira realidad.” Van der Poel a expresa gratitud di parti di Corte na tur cu a contribui na e proyecto aki. E edificio di Husticia ta digno di un Corte di Prome Instancia y di Corte di Apelacion, segun van der Poel, refiriendo atrobe na e discusion di 2008 pa muda e cede di Hof pa Aruba. “Lo mi haya personalmente hopi atractivo como president, pa mi tin oficina den e edificio bunita aki. Cu esey mi no ta sugeri cu Corte kier lanta un discusion nobo tocante e cede di Corte.” Pero e discusion ai no ta necesario mirando cu e Rijkswet ta bisa cu Corte por tuma cede den cada un di e paisnan. Y Aruba ta menciona como e prome pais mirando cu e ta esun mas bieu den Caribe. “Mas importante ta pa puntra nos mes con e Corte por hasi uzo optimal di e posibilidad duna door di e pais Aruba pa duna mas contenido, den un

forma efectivo, na e concepto ‘comun’ di e Corte aki. Un inversion manera e edificio aki ta un invitacion claro na e Corte pa hasi uzo optimal di esaki.” Evaluacion Rijkwet Na 2015 lo evalua e E Rijkswet Gemeenschappelijk Hof van

Director

Un aña prome cu e evaluacion aki, van der Poel ta pensa cu Corte mester mustra mas poder di conviccion y firmesa awor

cu e ta desaroyando mas leu e vision di e organisacion. Tur esaki na interes di un sistema di husticia cu ta di bon calidad y eficiente, cu lo hiba e paisnan pa dilanti y lo fortalece e confiansa di e ciudadano den e estado di derecho.”

Garage Cordia Aruba ta anuncia:

Parts mas barata pa motibo di cambio di Yen Garage Cordia Aruba, representante di e marca TOYOTA, ta hopi contento pa por anuncia cu nos departamento di Parts di e marca TOYOTA, ta conoce un ahuste di tur e prijsnan. Tur parts a bira mas barata, te cu 15%. Garage Cordia Aruba ta consiente di e costonan di bida actual y ta busca y percura pa su clientenan por tin mas garantia y mihor servicio na e mihor prijsnan posible. Cambia, replace of hanja un piesa nobo pa nos auto, ta un problema cu nos tur ta pasa den dje. Na e momento cu nos ta buska e mihor pa nos autonan, semper nos prome opcion ta pa un piesa original. Na Aruba, Garage Cordia tambe ta pensa riba e dianan dificil desde cu nos economia a cambia y majoria di e prijsnan den mercado a subi.

Telefon: 588-1500 Fax: 582-4937 UN CORANT OTRO

Justitie y e ora ey lo discuti kico ta e balor agrega di e sistema general di husticia pa e paisnan individual.

Editor-in-Chief Hareld Faro

Assistant Editors Maritza Maduro Benjamin Romero Elizabeth Guanipa

Den e ultimo lunanan economia mundial a conoce un cambio, unda e Yen ( Moneda di Japan) a conoce un cambio, cu pa despues di hopi anja, ta crea un efecto na diferente mercado a nivel mundial, incluyendo Aruba. E cambio aki, den nos region di Caribe a trece un tremendo efecto positivo, ja cu ta permiti companianan local cu producto Japones pa por hasi un ahuste den e prijsnan di e producto nan. Pa e motibo aki, E invitacion general ta keda pa pasa bishita Garage Cordia Aruba, puntra nos prijsnan nobo di TOYOTA ORIGINAL PARTS, y si bo Auto TOYOTA mester un cambio, replace of un piesa nobo, esaki ta e mihor momento pa cumpre y probecha di e ahuste di prijs cu Garage Cordia ta haciendo.

Sales Exceutive Supervisor

Accountant Dept Thaira Lin

Directora Zaira Lin

Contributing Editor Dilma Arends

Layout Design Oscar Palomino

E opinion di nos colaboradoman no ta ferieha a pensamiento di Cas Editorial.

EMAILS: aviso@arubawe.com /// arubawe2012@gmail.com /// WEBSITE: www.arubawe.com


WWW DOW

Oficialmente Ing. Marlon Croes ta bira director di DOW entrante 1 di Februari

ELMAR kier corda su clientenan pa entrega e meterstand via customerservice@elmar.aw

CELEBRANDO 33 AÑA CU PUEBLO Aña 36 ▪ No. 9907 • 1,50 Florin

Infrastructura

Team Ringweg-3 satisfecho cu producto cu lo wordo presenta diaranzon anochi pa pueblo

DIALUNA 20 JANUARI 2014

PROMER MINISTER

“Cu un edificio di Corte di 5 strea, nos tin tambe un poder hudicial di 5 strea”

Monarcanan di Calypso y Roadmarch di mucha POLIS

Dos mucha muher lo a asalta turista

ORANJESTAD (AAN): Riba e potret aki por mira e monarcanan infantil y hubenil di Calypso y Roadmarch di mucha, ganadornan diasabra anochi den e concurso anual infantil y hubenil. Nan ta King Size cu a retene su corona di Rey di Roadmarch hubenil, Dancing Princess, reina infantil di roadmarch e aña aki, King Jamahni rey di calypso infantil 2014 y Reina Jeeda di calypso hubenil.


DIALUNA 20 JANUARI 2014

PAGINA 13

DIARIO

Prome Minister Mike Eman na ocasion di apertura di edificio renoba di Corte di Husticia

“Cu un edificio di Corte di 5 strea, nos tin tambe un poder hudicial di 5 strea.” Cu esaki mi kier men henter e aparato hudicial”

ORANJESTAD (AAN): Na apertura di Edificio di Corte cu a wordo renoba, restora y amplia, Prome Minister Mike Eman, Presidente di Hoge Raad mr. G.J.M Corstens y Presidente di Corte Comun, mr. E J. van der Poel a tene discursonan elocuente pa marca e momento historico aki. Prome Minister Mike Eman na e ocasion aki a emiti tambe un declaracion riba e balor grandi di e momento aki. Prome Minister a bisa cu p’e ta un gran honor y orguyo pa ta presente den cuadro di inauguracion oficial di e edificio nobo di Corte di Husticia di Aruba. “Pafo ainda ta trahando riba embeyecimento di e becindario, pero paden ta cla. Aruba ta dispone awor di un bunita edificio di Corte. Un edificio di Corte unda cu elementonan tradicional y elementonan nobo a uni den forma harmonioso. Nos tur por ta orguyoso di esaki. Mi palabranan di aprecio ta bay na tur esnan cu a traha pa logra esaki”. Eman na varios occasion a yega di expresa cu aki na Aruba no solamente nos tin necesidad pa hotelnan di 5 strea, pero tambe tin e necesidad pa tin un hospital di cinco strea, scolnan di cinco strea, plenchi y cayanan di cinco strea y asina por sigui. “Awe mi kier agrega aki na esaki: Nos tabatin mester tambe di un edificio di Corte di cinco strea. Awor nos tin’e tambe. Manera boso sa, un aumento di bienestar di e ciudadano Arubiano ta un di e puntonan principal di prioridad den maneho di Gobierno. Ora cu mi bisa mehoracion di e bienestar e ta bay mas cu leu cu solamente prosperidad, di entrada. Bienestar ta un terminologia cu ta encera economia. Economia no ta envolvi su mes cu e felicidad di e persona individual. Bienestar ta dirigi su mes hustamente riba felicidad di e persona individual” Eman a splica cu infrastructura di cinco strea ta contribui na bienestar di e ciudadano Arubiano. Pero hecho ta cu un elemento escencial di e bienestar di e ciudadano Arubiano no por wordo expresa den e parti fisico di infrastructura. “Hopi biaha nos no ta sinta pensa cu un di e elementonan escencial pa bienestar di e ciudadano Arubiano ta cu e por sinti cu e ta biba den un estado di derecho. Den nos Constitucion ta para cu cada pais di Reino mester percura pa cumpli cu derecho y libertadnan fundamental di ser humano, siguridad y

“deugdelijkheid van bestuur”. Den Constitucion ta para tambe cu e derecho, libertad y siguridadnan aki di Reino mester wordo sigura. Pa nos articulo 43 di Statuut ta e areglo principal den dje. Nos lo resisti fuertemente proposicionnan pa elimina e articulo aki”. “Den un estado di derecho tambe ta conta loke George Washington hopi tempo pasa a bisa: ‘Administration of justice is the firmest pillar of government’.Indicando cu loke ta pasa diariamento dentro di e murayanan di e edificio aki ta escencial pa e bienestar di e ciudadano Arubiano y escencial pa nos democracia. Nos democracia Parlamentario ta stop di existi na momento cu no tin un estado di derecho independiente”. Eman a bisa cu Aruba  tabata e prome pais den Reino cu a otorga e “toetsingrecht” cu

Staatsregeling ta menciona. Tur e partidonan politico cu a contribui den realisacion di e Constitucion di Aruba na 1985 tabata di acuerdo cu esaki. “Cu un edificio di Corte di cinco strea, nos tin un poder hudicial di 5 strea na Aruba - y cu esaki mi kiermen henter e aparato hudicial. Pero e peligro ta cu tin biaha den casonan cu nos ta tuma cosnan for granted”, nos no ta duna nan e balor cu nan merece. Asina mes nos tin cu sigui haci esaki”. “Awor tin trankilidad riba tereno di husticia. Pero no semper esey tabata e caso. Tabatin periodonan di conflicto cu tabata escala entre Gobierno y Magistratura. Esaki hasta den un pasado reciente. Tambe tabatin periodonan den cual politiconan y gobernantenan na Aruba, despues cu Hues duna su veredicto, ta trata di atacha publicamente e imparcialidad y autoridad di e poder hudicial”, Eman den su discurso a trece dilanti. “Semper, tambe tempo mi tabata miembro di oposicion, mi tabata fuertemente contra un actitud asina. Tur hende, tambe un politico y gobernante, cu no ta di acuerdo cu un decision di Corte, por bay den apelacion.

Nos mester realisa hopi bon cu un politico of gobernante cu despues di un decision di Hues no bay den apelacion - pasobra e sa miho - pero cu si pa motibo di politica partidista ta bay pone

den duda e imparcialidad di e Hues, ta atachando e fundeshi di nos Estado di Derecho. Esey ta inaceptabel y nos tur mester rechasa e actitud aki  cu tur nos orsa. Nos lo sigui haci esaki”. 


DIALUNA 20 JANUARI 2014

PAGINA 15

DIARIO

Prome Minister Eman a anuncia

 Team BoBario ta bira Departamento Desaroyo Comunitario

ORANJESTAD (AAN): Durante un reunion cu a tuma luga diahuebs ultimo den Dr. Edward Cheung Center for Innovation, integrantenan di Team Bo Bario hunto cu miembronan di departamento y institutonan cu ta traha hunto cu e team aki a haya un presentacion riba e ultimo desaroyonan relaciona cu futuro di Team BoBario. E team ta resorta na e momentonan aki bou di loke algun aña atras a lanta como, ‘Bureau Gemeenschapszin & Burgerparticipatie’. Durante e reunion aki, Prome Minister Mike Eman a anuncia cu e bureau aki ta bira un departamento riba su mes y ta haya e nomber di ‘Departamento di Desaroyo Comunitario’. E persona cu a dirigi e bureau aki ultimo añanan ta sra. Ruth Tromp- Schoop, kende a haci un trabou sublime cu

masha poco recurso na su disposicion. E meta principal di Team BoBario for di su inicio

tabata pa duna barionan mas atencion. Gabinete Mike Eman I a enfoka hopi riba barionan rond di Aruba,

cu tin nan caracteristica, necesidad y inclinacionnan particular. Mas leu ainda, no por simplemente sali for di e punto di bista cu necesidadnan di un bario ta mescos cu esunnan di un districto. Barionan ta comunidadnan mas chikito y peculiar. Cada bario of area residencial tin nan mesun necesidadnan. Por ehempel, e composicion di e poblacion di un area residencial cu ta di personanan di edad halto, tin un necesidad diferente cu uno caminda cu

e poblacion ta mas hoben. Esaki ta e motibo cu e prome fase cu Gabinete Mike Eman y Team BoBario a implementa tabata uno pa investiga e necesidadnan aki den cada bario. A dedica hopi atencion na e barionan, bishitando nan tur siman, scuchando y catalogando deseo y necesidadnan di e habitantenan. Tur esaki a desaroya su mes bou ‘Bureau Gemeenschapzin en Burgerparticipatie’ cu tabata maneha Team BoBario y tabata bou supervision di Sra. Ruth Tromp-Schoop. “Despues di 4 aña nos a conclui cu e tin su derecho di existencia, pasobra tin un necesidad pa e trabou cu e team BoBario ta haci, pueblo a brasa e concepto di cercania di Gobierno cu e barionan y e forma con e departamento aki ta sostene iniciativanan den bario,” Eman a splica.


DIALUNA 20 JANUARI 2014

Panico!

Ora Evelyn lanza su mentiranan sushi aki na Aruba esaki ta malo pa su partido pero e no ta causa Aruba daño grandi y mayoria di nos pueblo ya sa cu Evelyn ta un mentiroso patologico y no ta haci caso di dje. Esaki ta otro ora Evelyn ta manda mentiranan falso pafo di Aruba manera e a haci siman pasa durante e reunionnan di e miembronan di e parlamentonan di Reino Hulandes. E ora e engañonan ta haya un bida cu si ta haci daño na nos isla. Nos suerte ta cu tanto e parlamentarionan di Hulanda como di Corsow y St. Maarten sa kende Evelyn y su coleganan ta y nan ta conciente cu nada di loke Evelyn a pone ariba papel sin firma y den forma secreto ta berdad. Hecho ta keda si cu Evelyn ta lider di un partido di Aruba y actuando di e forma asina sushi y falso ta bin ariba nomber di Aruba. Probablemente Evelyn ta kere cu door di lanza mentiranan ariba su oponentenan e atencion di e miem-

bronan di e parlamentonan di Hulanda, Corsow y St. Maarten ta kita for di nan. Paosbra nan si tin relacionnan comercial cu criminalnan grandi di mundo. Y aki ta trata di lasonan serio cu tin atencion di parti grandi di prensa internacional. Evelyn berdad por kere cu door di inventa storianan falso ariba hende drechi ta pone cu hende no ta wak kico seriamente tin den MEP. Ni con grandi e mentiranan di Evelyn ta nan no ta kita cu na Merca e autoridadnan judicial ta investigando cuanto placa Dino Bouterse a duna Glenbert pa campaña y cuanto di e placa aki Evelyn a haya y kico e condicionnan di Bouterse ta en coneccion cu e placa cu e a duna. Te awe Evelyn no a bin duna un splicacion di cuanto placa MEP a ricibi di Bouterse pero si tur hende na Aruba por a mira cu e campaña di MEP tabata pober te dia cu Glenbert a drenta y diripiente MEP tabatin placa grandi pa

PAGINA 19

DIARIO

campaña. Ta parce cu berdad Evelyn ta kere cu e avionnan priva cu Bouterse y Glenbert tabata bula aden tabata worde paga cu placa di petroleo y oro of Evelyn no kier pensa un poco mas leu y imagina su mes con e polisnan Mercano ta mira e relacion di Glenbert cu Desi y Dino Bouterse. Desi Bouterse a worde condena na Hulanda pa 12 aña di prison pa traficacion di droga y ta worde busca pa aparece dilanti Huez como sospechoso mayor den e caso di asesino di 15 oponente politico. Dino Bouterse a worde condena na Surinam pa 8 aña di prison pa traficacion di droga y arma. Awo Merca tin Dino Bouterse den prison wardando su caso bin dilani como sospechoso di crimen di traficacion di droga y arma y ulitmamente di colabora cu gruponan terrorista. Evelyn ta kere di berdad cu Dino Bouterse a worde aresta na Panama saliendo for di Aruba cu esaki ta casualidad. No tin duda cu

Evelyn tin mas tino cu esey y e sa bon bon cu husticia di Merca ta investigando profundamente cuanto placa Dino a duna MEP y kico e condicionnan tabata y si yega sina leu cu Dino ta worde condena Evelyn por conta ariba dje cu Dino ta bay splica polis Mericanco exactamente cuanto placa e a duna MEP y cua e condicionnan tabata. Ta e ansha aki cu Evelyn ta biba cune ta pone cu su gañamento ta bira mas reaccionnan di panico pa purba di kita e atencion for di loke Glenbert y MEP tin cu criminalnan grandi den droga arma y terorismo. Ta consehabel pa Evelyn wak e grabacion di e reaccion di Glenbert dia cu a worde publica cu Glenbert tin lasonan cu e Boutersenan. E cara hincha. cora y wowonan ta puil mientras e ta gritando

cu su lasonan cu e Boutersenan tabata solamente lasonan di amistad. Dos dia despues a sali na cla cu Glenbert ta diep diep envolvi den negoshi di tur tipo cu Bouterse. E mentiranan di Evelyn ta pa trata di tapa e escandalo di MEP, Evelyn y Glenbert cu Desi y Dino Bouterse.

Motociclista a bira furioso y causa un caso di “road rage” ORANJESTAD (AAN); Relaciona cu destruccion na un auto, polis a bay na un adres na San Miguel pa check un asunto. Na yegada e señora inicial B. a declara lo siguiente. B a declara mas trempan di anochi e tabata core den su auto Toyota color Corolla color blanco A-50029 den direccion di U Convenience Store y yegando pazuid di di Mermaid diver (Bubali) el a wak un brommer para banda di caminda. Tambe el a wak cu chofer di e brommer a dune señal cu e por bay su dilanti, pa cual el a bay zuid direccion pa pasa dilanti “Super Food” y sigui riba Caya Ritmo direccion U Convenience Store, y el a staciona. El a mira con chofer di e brommer color scur MFA 15 (??) a baha abao y a bin den direccion di e señora denunciante. E chofer a cuminsa zundra cu casi el a mate cu auto. Denunciante a nenga pa cual e chofer a rabia y hasta dal riba windshield di e auto cu algo. Un testigo cu a keda desconoci a bisa denunciante cu e chofer a dal e windshield cu valhelm y pa cual esaki a keda destrui. Polis a tuma e denuncia di e caso di “road rage” aki, y polis a haci investigacion na e lugar y segun informe compila e chofer di brommer ta bisti shirt blanco manga largo y tin print riba e manga nan y tin tambe carson cortico blauw y slof na pia y color di e brommer ta scur cual supuestamente cu motor 125 cc.


DIALUNA 20 JANUARI 2014

PAGINA 3

DIARIO

Team Ringweg-3 satisfecho cu producto cu lo wordo presenta diaranzon anochi pa pueblo

ORANJESTAD (AAN) – Ing. sra. Swinda Dijkhoff tin hopi aña trahando na DOW, y na aña 2010 el a wordo acerca pa forma parti di e team cu a dirigi e preparacion di Green

Corridor. Den conferencia di prensa, relaciona cu e proyecto Ringweg 3, Avenida Watty Vos Boulevard, el a menciona cu na aña 2012, mirando cu e tin experiencia

Gobierno ta organiza evento special pa introduci concepto ‘Renobacion Aruba NV”

caba, el a wordo pidi pa tuma liderazgo di e proyecto Ringweg.3 tambe. Esaki ta un reto nobo pe, y el a expresa con e ta desea su team y pesey Ark. Paul

Kemp a bin aden hunto cu sra. Marcele di Hulanda. Nan ta hopi adelanta cu nan producto y e documento cu mester pa otro siman, lo keda cla prome cu tempo. Logicamente esaki ta tuma hopi mas ora di trabao pero e team ta hopi satisfecho. Comunicacion constantemente entre e team y tur esnan concerni

ta esencial, pa e exito di un proyecto asina. Ing. Swinda Dijkhoff tambe a haci un yamada na pueblo di Aruba, pa acerca Centro di Bario Playa Pabao, diaranzon awor 22 di Januari, pa ser conoci cu e proyecto y bin tur nan sugerencia, conseho y preguntanan cu nan por tin, pasobra nan ta habri pa tuma esaki.

Chauffeur a plama Tercel den palo di luz

E eminente drs. Wilhelmus Eggenkamp ta orador principal ORANJESTAD (AAN): Na ocasion di realisacion di “Renobacion Aruba NV’ (Stadsherstel) Gobierno di Aruba ta organisa un evento special diamars dia 21 di januari na Rietveld Academie pa esnan envolvi y tambe interesadonan cu kier sa kico tur e concepto Renobacion Aruba NV ta encera. Renobacion Aruba NV ta un modelo di Public Private Partnership na Aruba. Na e evento di introduccion di Renobacion Aruba NV ta bay tin algun discurso na unda esnan presente por contribui activamente na nan. Orador principal ta e eminente drs. Wilhelmus Eggenkamp, kende actualmente ta Consehero di Gobierno Hulandes riba Herencia Cultural . Den pasado sr.Eggenkamp tabata director di Stadsherstel Amsterdam y a ocupa varios funcion di hopi importancia. Un persona cu un curriculum impresionante.

Pa su trabou y dedicacion Su Mahestad a condecor’e Ridder in de Orde van Oranje Nassau. Esaki banda di hopi otro reconocimentonan importante mas. Drs. Eggenkamp tin un lista largo di publicacionnan academico riba su nomber. Gobierno di Aruba ta masha orguyoso di por a haya un persona di taya manera drs. Eggenkamp bin Aruba pa duna su bista riba e concepto ‘Stadsherstel’. Gobierno di Aruba ta convenci cu e trabounan haci den ciudadnan no ta solamente na bienestar di economia y vitalidad di e ciudadnan y e pais, pero cu mas ainda nan ta beneficia e comunidad den su totalidad.  E presentacion den Rietveld Academie ta cuminsa diamars 4’or di atardi. Despues di e discursonan ta sigui un encuentro ameno unda e discusionnan por sigui riba un forma mas relaha.

ORANJESTAD (AAN): Diasabra marduga algo pasa di 3or un hoben tras di stuur a pega soño baha caminda dal den palo di luz. E accidente a sosode riba caminda di Babijn direccion pa Sta Cruz na altura di e t-splitsing di Weng Kee. E auto a haya basta sla y no por a core mas. Takelwagen mester a bin te na e sitio pa kita e auto di caminda y pone un banda. E chauffeur no tabata herida, solamente bon spanta pa e sucedido.

Dos mucha muher lo a asalta turista ORANJESTAD (AAN): Diabierna anochi, central di polis di polis a dirigi su patruya di Oranjestad den Emma straat altura di La Linda relaciona cu atraco. Parce na yegada a resulta, cu dos mucha muher a atraca señora Sari U. naci na Merca di 20 aña di su celular. Altura di La Linda e homber inicial S. naci Haiti di 32 aña a yuda e señora Sari victima di asalto y nan a logra di gara un di e mucha muher nan. E mucha muher en cuestion su inicial ta Z.V.Q. di 15 aña di edad y el a wordo deteni y a transporte mesora na warda di polis Dakota y a presente dilanti fiscal auxiliar y riba ordo di e fiscal auxiliar el a wordo teni na warda pa lo demas interogacion y despues cu a traha process verbaal a lage bay.


PAGINA 30

DIALUNA 20 JANUARI 2014

DIARIO

Edric Burleson tambe a caba Grupo 3 di Formacion Social

Mi a siña cu traha den ekipo y cu disciplina ta yuda bo aki’den y tambe den bida

ORANJESTAD (AAN): Como un di e cinco hobennan cu a completa recientemente su trayecto di Formacion Social, Edric Burleson ta e persona indica pa papia di e efecto grandi cu e programa di entrenamento y educacion por haci den bida di hobennan cu buscando un direccion nobo.  Cu 22 aña el a tuma e decision di duna su mes un di dos oportunidad pa bay dilanti dor di siña un ofishi y cambia su pensamento pa uno mas probechoso p’e mes y su famia. Awo cu su 23 aña, e hoben cu ta bin di bario di Calabas sa cu e tin tur loke e mester pa prospera y cu e ta cuminsa dor di tur dia lanta

tempran. E ta consciente cu pa hopi,  entrenamento militar cu nan ta haya pa cuater luna na Marinierskazerne na Savaneta, por ta basta pisa. Varios di su compañeronan cu a cuminsa den grupo 3 na januari 2013, a cay afo sea dor di esaki of otro circumstancianan. Sin embargo e ta kere cu e secreto di e exito ta sinta den traha hunto. Edric ta conta: “Si tur hende bira un team, e ta mas facil.” Otro factor ta e boluntad cu bo tin pa deshaci di e custumbernan bieu y cu un mente habri adapta na e disciplina nobo cu bo ta wordo siña. No ta facil pa bay di un bida di

comodidad caminda bo ta dicidi ki ora y con cosnan ta wordo haci, pa pasa pa un sistema caminda tur cos ta stipula dor di superiornan y bo mester obedece constantemente. Apesar di esey, Edric sa bon cu esaki ta djis un di e lesnan cu lo sirbi’e pa resto di su bida. “Loke a haci e diferencia ta disciplina. Esey ta loke bo mester tin semper,” e hoben a expresa. Burleson a conta con durante e experiencia na Marinierskazerne nan a haci hopi ehercisio. Tambe el a corda con nan a bay campa den mondi pa basta dia y otro biaha a entrena den lama dor di bolter e boto cu nan ta riba dje pa despues bir’e y subi bek. E otro parti di Formacion Social ta esun caminda e hobennan aki ta bay bek scol durante ocho luna pa siña un ofishi. “Enseñanza pa Empleo ta pone bo up to date, pa bo haya e conocemento bek di scol. E ta bale la pena”. Nos a haya diferente vak manera wiskunde y computerles, pero tambe guia di Pastor y motivacion. E ultimonan aki, segun Edric “a mustra nos con nos por bay hopi dilanti.” Su plannan pa futuro ta

manera un canvas blanco cu e por bay crea un miho destino. Loke si e tin sigur ta cu tur dia di awo padilanti, e ta lanta tempran mescos el a siña na kazerne. E proyecto di Formacion Social a inclui tambe un parti di stage, cual Edric a haci den e partamento di Maintenance na hotel Costa Linda. Aki tambe su experiencia tabata bon.   Formacion Social ta un programa andando for di 2012 na momento cu Gabinete Mike Eman I a

cera acuerdo di cooperacion cu Ministerio di Defensa na Hulanda riba iniciativa di Prome Minister di Aruba. Haciendo uso di facilidad y personal di Marinierskazerne, Arumil, pero tambe di Enseñansa pa Empleo, lidernan spiritual y di motivacion y cu asistencia di sector comercial, ta brinda hobennan sin diploma y sin trabou, un di dos oportunidad pa haci di nan bida uno di probecho y cu un futuro mas prometedor.

“Cocoliso” kibra auto pero a laga su bicicleta atras ORANJESTAD (AAN): Un di e tantisimo chollernan cu ta causa practicamente tur dia problema dolor di cabez. Horta, destrui, causa molester en fin, su carchi castigo ta asina largo cu husticia no sa mas kico haci cune y manera Cocoliso tin masha hopi mes ta circulo. Apesar cu actualmente tin un cantidad di choller ta bao curatela pa nan worde rehabilita. Diaranzon marduga pasa di 1’or, a drenta yamada na polis cu un persona a kibra den un auto na Irausquin & Sons situa riba L.G. Smith Boulevard. Mesora a worde despacha e patruya di Oranjestad na e empresa menciona y parce cu un persona a kibra den e auto. Segun esun cu a reporta e sospechoso a worde reconoce como e conocido choller “Cocoliso”. Polis a tuma e denuncia y e bicicleta cu e sospechoso a laga atras polis lo percura pa depone esaki na warda di polis.

Telefonnan di DIARIO 582-6747 Fax 582-8551


Diario-33


DIALUNA 20 JANUARI 2014

PAGINA 43

DIARIO

Elias, Jean y Danny ta cla pa cuminsa un bida nobo cu ayudo di Formacion Social

Grupo 5 a caba di cuminsa, registracion pa grupo 6 ta habri caba ORANJESTAD (AAN): Elias, Jean y Danny,  tres hoben di diferente bario pero cu e mesun meta, di bira un miho hende y un miho yiu. Nan ta entre e 24 hobennan cu dialuna siman pasa a cuminsa Grupo number 5 di Formacion Social. Esaki ta e iniciativa di Prome Minister Mike Eman pa saca hobennan for di riba caya y duna nan e entrenamento y capacidad pa traha y sigui un bida ehemplar pa nan mes y pa nan comunidad.

su mente. E ta conta “pa mi tin un estudio drechi. Awo mi ta purbando pa drecha mi bida.”   El a acerca lider di e proyecto, Sra. Jessy Ras despues di a wak e anuncio cu a sali den corant pa invita hobennan pa registra.   Apenas e tin un siman desde cu Grupo #5 a cuminsa y ya ainda ta adaptando na tur e cambionan den su bida diario. Su expectativa ta progreso, siña hopi cos nobo y haya mas experiencia y finalmente logra un diploma y trabou.

Elias Dijkhoff Elias Dijkhoff ta un hoben di 18 aña di e bario di Catiri y cu voluntariamente a drenta e programa. E motibonan tras di e decision ta bon cla den

Elias a duna un impresion breve di unda e ta bin y dicon el a dicidi pa haci algo otro. “Mi tabata sali cu mal brother y dicidi di haci cos malo. Pero awor mi kier haci algo bon pa mi futuro. Ora mi caba cu e pro-

grama aki mi kier sigui studia.” El a ripara caba cu bo mester ta semper tempran y bo mester tin disciplina. E rutina nobo ta completamente diferente di loke e ta custumba cune y ta trahando pa adapta. “E ta full otro. Bo mester tin disiplina, respet y seriedad.” Jean George Jean George tin 18 aña y loke mas a impresion’e den su prome siman den Formacion Social ta e actividad físico y responsabilidad cu tur hende mester carga. “Core den lodo, push ups, drecha nos cama” e ta splica. Tambe el a conta con na kazerne, caminda nan ta pasa tres siman continuo, tin tres camber y den cada un cinco hende ta drumi. “Ami tin cu guia nan kico pa haci, drecha cama y cashi.”

Jean George tabata presente hunto cu su grupo na e ceremonia di entrega di certificado na e hobennan cu a completa Grupo 3. Presencia esey a inspir’e pa yega na e mesun momento. “E ta bay ta duro, pero mi ta stabil. Mi ta dicidi pa cab’e,”   e ta bisa. Ora e caba e kier sigui Avondmavo. Danny Maduro Cu su 22 aña, Danny ta bin di e districto di Santa Cruz. El a conta con el a laga atras su famia y hendenan pa e haci bon den Formacion Social. Durante e proximo cuater lunanan, Danny lo ta den un entrenamento tipo militar cu lo ta sigui despues pa ocho luna di estudio na Enseñanza pa Empleo y despues e ta core un stage na un compania local.

“Mi kier mustra mi hendenan y pueblo tambe cu mi ta bay cambia mi bida , busca cosnan bon pa haci y probecha. El a ripara cu e programa di Sociale Vormingtraject ta un programa cu tin hopi regla, pero e no tin un problema cu esey paso regla ta loke e kier den su bida. Su meta ta pa traha y logra loke e kier. Entre loke e kier ta e oportunidad di drenta Marinierskazerne mes pasobra e ta haya cu aki ta un luga cu e por ta su mes. E bida militar ta algo cu e tabata gusta for di chikito. E ta bay probecha e oportunidad di SVT pa wak si den futuro e por drenta Arumil. Formacion Social ta un programa andando for di 2012 na momento cu Gabinete Mike Eman I a cera acuerdo di cooperacion cu Ministerio di Defensa na Hulanda riba iniciativa di Prome Minister di Aruba. Haciendo uso di facilidad y personal di Marinierskazerne, Arumil, pero tambe di Enseñansa pa Empleo, lidernan spiritual y di motivacion y cu asistencia di sector comercial, ta brinda hobennan sin diploma y sin trabou, un di dos oportunidad pa haci di nan bida uno di probecho y cu un futuro prometedor. E tres hoben aki ta den Grupo 5 pero registracion pa Grupo 6 ta andando caba. Informacion ta obtenibel cerca Jessy Ras na Marinierskazerne y cerca Omar Harms na Oficina di Gobierno.


DIALUNA 20 JANUARI 2014

PAGINA 7

DIARIO

Fiscal a bisa acusado Proyecto Green Corridor ta unico na cu por trata e caso sin Aruba y Islanan Hulandes Caribense abogado,

pero e acusado a insisti cu e ta bay busca uno ORANJESTAD (AAN): Diahuebs e sospechosonan R.D.L.H y J.E.S mester a presenta dilanti di mesa berde di huez na corte di husticia, debi na e hecho cu nan a wordo acusa di conhuntamente cu un otro of otronan, kiebro den un establecimento y ladronicia di un suma di mas di 8.000 florin y/of un laptop y/of yabinan y/of un DVR y/of un of mas memory sticks riba 14 di Februari 2011. Como cu J.E.S a fayece, e no por tabata presenta na corte. R.H si tabata tey, pero el a bin sin abogado. Huez a puntre si e tabat desea di tin un abogado y el a bisa cu si. El a pidi huez pa pospone tratamento di e caso, pa e busca un abogado. Fiscal a indica cu como cu R.H a admiti tur cos, e caso lo ta facil pa trata sin abogado mes y asina lo keda cla lihe sin mester pospone esaki. E sospechoso a bisa cu e ta prefera di wordo representa pa un abogado y huez e ora ey a pospone e caso pa un tempo indefini.

ORANJESTAD (AAN) – Den conferencia di prensa yama pa director interino di DOW, Ing. Marlon Croes, tocante e proyecto ringweg 3 Boulevard Watty Vos, pa loke ta regarda e aspecto di financiamento, tabata tin pregunta di prensa. Ing. Marlon Croes a indica cu aña pasa nan a hiba esaki na Parlamento unda nan a autoriza minister di Infrastructura, pa cera un contrato di mas cu cinco aña cu un partido, y esaki a duna DOW e habilidad pa cuminza cu destaho. Ing. Marlon Croes a subraya cu durante e encuentro cu companianan local y internacional otro siman, DOW lo por bay midi e interes cu

tin pa e proyecto aki, pero nan tin entendi cu tin companianan grandi di afo, internacional, cu a aplica caba pa duna e sentido di interes na dje. Pero ta keda na Aruba pa bende e proyecto aki na e industria cu tin, y convence nan pa participa den dje. Ta trata aki di un proyecto cu DOW ta calcula cu pa April 2015 e contratista por inicia esaki pa cabe completamente den dos aña y mey. El a menciona tambe cu e Green Corridor un proyecto nobo na Aruba, y den Reino Hulandes den Caribe, y hopi hende tin hamber di participa den dje y gana e bidding. Como tal, DOW mester a defende caso contra decision-

nan cu a wordo tuma door di gobierno riba e proyecto aki, y locual nan a siña di dje ta cu mester bay reduci e puntonan riba cual tin cu tuma decisionnan, y esaki nan a haci tambe. E casonan tur DOW a gana, ing. Marlon Croes a subraya, y esaki ta duna indicacion cu e project team cu ta encabeza e proyecto aki, hunto gobierno ta integro, transparente, obhetivo y consecuente cu e decisionnan cu nan ta tuma. E ta kere cu casonan cu por bay Corte cu e PPP Avenida Watty Vos Boulevard lo ta menos si acaso tin. Esaki pasobra e mercado a madura pa e sistema aki.


URATACA CENTER

SIMAN DI BETICO

Special di awe: LasagneCarni, Garlic Bread & Roasted Veggies

Dialuna 20 Januari 2014 - Edicion-8 Vol.19308

Sta. Cruz #110 Tel: 585-9500 Fax:585-0951 - E-mail: solodipueblo@gmail.com

1.50

Afl. 10.00 (di 12 pa 3pm) Tel: 585-5212

Investigacion:

Otmar meti den Strawberry Gate!! A paga preso Ospina miles di florin pa planta strawberry na Aruba! Cuanto Strawberry a wordo produci ? AVB CU DONACION NA KONINGIN WILHELMINA FONDS COMO RECONOCIMENTO PA FUTBOLISTA JERWIN GIEL

mike eman lo bay den historia como e politico cu a crea mas debe pa aruba igual cu Grecia Ademas di tin e stempel di traidor, cu a bende Aruba cu Curaçao den e cadena di 12-8

Dobbel participacion tabatin su influencia positivo

“King Size” ta retene su titulo di rey di roadmarch Hubenil

Candela grandi ariba dump na Parkietenbos Esaki por dura algun dia pa e paga full!


Dialuna Januari 20 2014

Pagina 2

Na Sasaki:

Dos auto a keda mey mey den rooi Posibel velocidad halto ta e causa

Partido AVP lo bay den historia como partido ladron

Mike Eman lo bay den historia como e politico cu a crea mas debe pa Aruba igual cu Grecia Ademas di tin e stempel di traidor, cu a bende Aruba cu Curaçao den e cadena di 12-8 --Den un buki recien cu a sali riba e bida di Mike Eman, Mike a yama su mes como e salvador di Aruba, pasobra el’a salba Aruba di un crisis. Hopi cu a tende esaki, a haci nan mes e pregunta: Mike Eman di berdad por ta bon di cabez? Tur cos ta mustra cu Partido AVP lo bay den historia como e partido ladron cu a horta placa di pais Aruba. Asina Corte den Prome Instancia a dicta di 11 di Maart 2008, den un sentencia. No solamente ladron, pero traidor tambe. Na aña 1950, Henny a traiciona e lucha Arubano ora cu el’a bende Aruba cu Curaçao pa un puesto di ministro den gobierno. E tempo ey a bini e kiebro entre Juancho Yrausquin cu Henny unda cu PPA a lanta cabez pa goberna Aruba pa 15 aña largo, treciendo prosperidad pa pueblo, pensioen pa pueblo, como tambe a haci e apertura di turismo pa Aruba. Nunca AVP tabata tin vision, pasobra Henny a puntra e tempo aya: Ta pa cabritonan di Noord a traha hotel? Mustrando asina un partido sin vision y pa colmo traidor di patria ora cu

Diabierna anochi algo pasa di 10’or Polis a bay ariba Sasaki, poco panord di ex - House of Cheng. Dos auto biniendo di pazuid cu velocidad halto a perde control despues cu nan a pasa House of Cheng. Den tur e esey ora cu nan a perde control, un baranca basta grandi a bula bay te otro banda di caminda y causa daño na un auto pasando. Polis di trafico tambe a presenta. Na e sitio ambos

chauffeur a duna diferente declaracion. Mirando manera di e chauffeur di e Lexus. polis a dicidi di lague supla. Segun e tabata bisa ta dos so el’a dal. Pero na momento cu nan a pone supla, el’a supla 600 ugl. El’a keda deteni pa ta core auto bao influencia di alcohol. Specialista di Trafico tambe a presenta pa asina determina kico exactamente a sosode. Probablemente pustamento!

a bende Aruba cu Curaçao den e cadena di esclavitud 12-8. Mike Eman ainda debe pueblo di Aruba contesta ariba e placa waniaps di Interbank/ FCCA unda a konkel pa asina ranca placa di pueblo y te cu awe sin paga bek. Kico ta e logro di Mike? Aumenta e debe di pais Aruba. Esaki ta loke Mike a haci. Hayando un Gobierno di MEP unda cu e debe tabata manehabel, Mike a bay keda ranca placa di pueblo, parti contract, haci henter Aruba su clientalismo politico pa asina tur hende depende ariba dje. Awe Mike Eman ta bay den historia como e politico cu a crea mas debe pa nos pais. Kere o no kere, un dia, te pueblo aki mes lo bay paga pa e desaster di Mike Eman. Pesey nos ta keda ripiti, cu Partido AVP ta un partido di ladron, confirma pa huez, dia 11 di Maart 2008. Mas tristo ta cu Mike Eman a stop e caso den Corte na November 2009, pa asina e miembronan di AVP no mester paga bek e placa cu nan a horta. Ki dia Mike ta duna pueblo cuenta ariba e caso aki ?


Dialuna Januari 20 2014

Pagina 8

ARUBA VOETBAL BOND CU DONACION NA KONINGIN WILHELMINA FONDS ARUBA COMO RECONOCIMENTO PA FUTBOLISTA JERWIN GIEL

Season Card tambe por bin waak e wegnan aki sin costo adicional. AVB kier a gradici patrocinadornan

Diadomingo ultimo, durante e di dos anochi di e cuart final di Copa Betico Croes na Centro Deportivo Guillermo Prospero Trinidad, ARUBA VOETBAL BOND a haci un donacion na Koningin Wilhelmina Fonds Aruba. Esaki a bay den presencia di futbolista Jerwin Giel cu actualmente ta batayando cancer y ta den proceso di chemo. Jerwin ta hungador di Estrella. Como sorpresa pa Jerwin, AVB a laga traha un billboard di Jerwin cu un dicho cu mes ta para firme su tras cual ta bisa ‘It’s hard to beat a person who never gives up’. Esaki a wordo poni riba e borchi hunto cu un potret di Jerwin y e logo di Wilhelmina Kanker Fonds como tambe esun di

AVB. Banda di weganan sumamente interesante Aruba Voetbal Bond kier recorda tur hende ariba e ‘Halftime Special’ cu awor ta na AWG.1200,-! Banda di gana esaki por gana tambe un large pizza di Domino’s Pizza, un caha di Coca Cola, un caha di Gatorade, un intro class pa CrossAruba y tambe chens di gana un iPad Air di MIO WIRELESS! Pueblo en general ta keda cordialmente invita pa bin presencia hopi accion y sinti hopi emocion di nos futbol local. Anto kizas abo tin e ticket ganador pa asina tin e chens di scop e bala for di middenveld pa gana entre otro AWG.1200,-! Entrada general lo ta 10 florin y entrada Silver lo ta 15 florin. Esnan cu tin un

di Copa Betico Croes: Domino’s Pizza, Coca Cola, Gatorade, Crossaruba, Big Wheel Lottery y MIO Wireles. Un biaha mas AVB ta invita Aruba henter pa bin apoya nos futbolistanan local. Bin sinti emocion di nos futbol local!!!


Press 20114