Page 1


DIASABRA 11 JANUARI , 2014 Minister di Enseñansa, Michelle Hooyboer Winklaar a hasi un presentacion na Bestuurskantoor pa mustra su vision y e plannan cu e tin pa cu e educacion en general. Ta hopi obvio cu minister Winklaar-Hooyboer no solamente tin su focus pa educacion di nos muchanan pero sino henter e Pueblo di Aruba. “Ta importante pa cada persona conclui pa nan mes cu nunca ta laat pa siña”, asina e mandatario a enfatisa durante su presentacion. Banda di su vision e la elabora un tiki riba e metanan principal y e maneho cu e lo hiba pa jega na su metanan. Cu un vision bon determina, caminda ta reconoce e puntonan fuerte y talento di cada alumno y yuda engradece e potencial aki ta hopi importante. No ta tur mucha por studia riba e mes un nivel, no ta tur mucha tin e mes un talent riba e mes un ramo. Nos como esnan encarga pa e enseñansa na Aruba mester hasi todo lo posibel pa trese un variacion di opcionnan pa nos muchanan. Un otro aspecto cu lo tin pone hopi antencion riba dje ta e envolvimento di cada studiante den nos comunidad. Esaki lo duna nan un bista di kiko en realidad ta pasando rond di nan. Tur e aspecto nan aki tin un solo meta: contribui na un nivel halto di nos economia den nos sociedad. E mandatario sigur no por hasi esaki su so. “Nos mester sinta hunto y dialoga y jega na e conceptonan cu e studiantenan lo benificia di dje. Pa esaki mi mester di sosten di e educadornan, mayornan, studiantenan, tur instancia concerni cu enseñansa na Aruba. Nos tur mester compronde e rol cu enseñansa ta hunga den crea un sociedad sostenibel y miho”, e mandatario ta remarca. Manera nos tur sa e mandatario a hasi un set di bishita na diferente scolnan caba na Aruba. E bishitanan aki tabata di asina hopi importancia pa por a hasi un sumarisacion di kiko ta e problema nan mas grandi cu tin actual den enseñansa di Aruba. No solamente problema sino na undam ester pone

enfasis pa juda e sistema. Algun di e metanan cu a wordo menciona, pero sigur no ta e unico nan cu lo pone atencion na nan ta: mehora infrastructura y ambiente fisico na e scolnan, mehora e logronan di cada studiante y mehora e satisfaccion di e trabao pa e docente. E mandatario sigur lo hasi tur

10

Minister Michelle Hooyboer-Winklaar

Cada persona conclui cu nunca ta laat pa siña loke ta na su alcanse pa mehora e sistema actual pero ta pone enfasis cu esaki lo no

pasa di un dia pa otro y ni tampoco sit ur stakeholders no ta dispuesto pa sinta hunto y di-

aloga y jega na decisionnan cu ta importante pa e Enseñansa na Aruba.


DIASABRA 11 JANUARI , 2014

Prome studiante internacional pa Rietveld Academia Diaranson ultimo e prome studiante procedente di Italia pa sigui su estudio na Rietveld Academie di arte a jega Aruba. Cu hopi anticipacion pa biba y studia na Aruba Joela a cuminsa cu su biahe pa Aruba. “Mi a biaha cu bus for di Florence pa Amsterdam, cual a dura 26 ora. Despues mi a bula bin Aruba cu a dura mi 9 ora, pero mi ta sintimi hopi entu-

siasma pa cuminsa. Ta prome biaha mi ta bishita e parti di mundo aki caminda tin solo 365 dia pa aña”, Joela a declara durante un bishita na kantoor di Minister di Enseñansa, Michelle Hooyboer-Winklaar. Un otro studiante Kristi di Paramaribo, Surnam tambe a jega y tur dos ta cla pa cuminsa cu nan carera artistico. Cu poco retraso e curso lo cuminsa cu un introduccion dia

16 di januari pa 9’or di mainta. E asina jama “Edificio di Brenchi”, un joya di un monumento restaura den Wilhelminastraat, ta e edificio caminda Rietveld Academie Aruba ta situa. Por lo pronto por ricibi informacion tocante Rietveld Academia cerca Julienne Paskel na Directie Cultuur y Alice van Romondt na Ministerio di Enseñansa na Bestuurskantoor.

Sigui Arubawe y na tur momento ! Laga bo tweet canta na @ArubaWe

www.arubawe.com

Un corant otro,un website otro.... un social media otro!

13


DIASABRA 11 JANUARI , 2014

6

Parlamentario Rene Herde

Lider di MEP ta pasa documento no oficial y despues bandona conferencia E wega sushi cu e lider di MEP a cuminsa hunga for di dos siman pasa na Aruba, a culmina diahuebs mainta durante di e Conferencia di IPKO na Corsou, cu disgusto y desaprobacion completo di tur delegacion di e paisnan presente. Diahuebs mainta e lider di MEP a pone un documento cu e mes a traha yen di redo y mentira bou nomber di Parlamento di Aruba y sin su firma, riba mesa di tur participante na e conferencia. E mes a coi su caminda bay Aruba. E no tabata tey ni pa splica ta di unda e documento a bin y ta ken a trah’e. Ora e lider di AVP, Rene Herde’, a mustra riba e hecho cu a pone un documento, bou nomber di Parlamento di Aruba, sin firma y sin splicacion riba mesa di conferencia, tur hende den e sala a mustra nan disgusto pa loke a sosode. Algun di e miembronan di delegacionnan a hasta kibra e documento cu nan a haya mes ora dilanti di tur hende sin sikiera lesa loke tabata scirbi. E presidente di e comision Hulandes a

distancia su mes di e documento y a bisa cu e documento no ta forma parti di e reunion y nan no ta tuma nota di dje. Durante resto di e dia miembronan di tur delegacion di e paisnan a expresa directamente na miembronan di MEP y na otronan, nan disgusto y desaprobacion pa e comportacion di MEP. Mas ainda e echo cu e lider di MEP, no a ni presenta na e reunion pa duna cara y para pa e mentiranan cu ela scirbi, a wordo considera bou di tur nivel y falta di responsabilidad personal pa su actonan.

nan lider a scirbi y haci. Nan a keda keto y hasta a bandona e sala di e conferencia. Anochi ningun miembro di MEP tabata presente na e dinner ofreci door di representante di Gobierno Hulandes. Eynan hende a bolbe expresa nan desapunto cu e lider di MEP y si coleganan, no a duna cara y presenta na un di e encuentronan di e conferencia. Ora nan a tende cu e lider di MEP ya a bolbe Aruba sin sikiera participa of dispidi, nan desaprobacion pa e comportacion di e lider di MEP y su dos coleganan a bira ainda mas grandi.

E lider di e fraccion di AVP cu a denuncia e acusacionnan y e comportacion di e lider y e otro dos miembronan di MEP, a cualifica e comportacion como un acto sushi y cobarde di e lider di MEP. Un comportacion cu no ta cuadra cu e trabou di un parlamentario y sigur no den e contexto di un conferencia di IPKO entre pasinan di Reino. Tambe el a cualifica e otro dos miembronan di MEP pa cobarde, pasobra nan tampoco tabata tin e decencia pa para pa loke

Rene Herde a splica prensa cu e reunionnan mes a bay bon, apesar di cu a trata di temanan pisa y sensitivo. E unico cos cu a hera daña henter e conferencia tabata e comportacion bergonsoso di e miembronan di MEP. Rene Herde’: “MEP a bolbe hunga wega sushi. Pero e biaha aki ela backfire pisa riba nan. Mi a purba envolve e miembronan di MEP den preparacion di e reunionnan hunto cu otro partidonan, pero MEP a nenga. Nos a duna nan mas tempo cu

otronan pa duna nan contribucion. Nan a tene tur hende ta warda y a adopta un posicion intransigente. E lider di MEP a purba hinca un documento cu no a wordo trata den e comision di Aruba, na un forma scondi den e documentonan di Parlamento pa e conferencia, nos mester a par’e. Nos a pidi e lider di MEP pa sinta hunto pa evita cu Aruba lo participa dividi na e conferencia, e lider a nenga di sinta hunto cu e otro partidonan. Na e conferencia miembronan di MEP a papia bunita paden, pero pafo den prensa nan a scupi veneno y a daña imagen

di Aruba. Finalmente, e lider di MEP a pone un documento den forma scondi riba mesa di conferencia, sin pone su nomber bou di dje y mal uzando nomber di Parlamento di Aruba sin permiso y incorecto. E no tabata tin ni e decencia pa duna cara pa loke el a skirbi y haci. El a core bay bek Aruba sin bisa. Esaki ta e forma di traha di MEP awe na 2014. Nan comportacion ta falso, inconfiabel, gañado y cobarde. Pero e biaha aki tur hende a wak nan wega sushi y ela sali nan caro. E poco respet cu e lider tabata tin a bay perdi awor! E wega sushi a backfire mahos!”

Minister Michelle Hooyboer-Winklaar

Introduccion “ Eindtermen “ y otro testnan nacional lo yuda resultado di studiantenan Durante e conferencia di prensa e siman aki e mandatario encarga cu e cartera di enseñansa a elabora riba e metanan primordial cu mester di atencion actualmente. Sigur esaki nan no ta tur pero ta esnan di mas importante cu e por a tuma nota di nan durante e diferente reunionnan cu e tabata tin cu diferente stakeholders den enseñansa. E mandatario a presenta e metanan principal: Maneho Infrastructura y ambiente fisico , Mehora logronan di e studiante , y Mehora e satisfaccion di e trabou pa nos Maestronan di scol. Banda di esaki a presenta e maneho cu lo wordo hiba pa por yega na e metanan. Den esaki a enfoca riba e aspecto di uso di indicadornan y testnan pa por midi con nos studiantenan ta presta compara cu otro , y compara cu otro Paisnan rond di mundo. “ Una bez nan sa unda nos ta , e ora nos sa kico precis lo mester mehora . Cu introduccion di e testnan nacional , y eindtermen , pa tur scol sa unda nan mester ta para na final di aña , e ora nos ta hisa e chens pa nos studiante saca e mihor resultado di su educacion. “ Minister Hooy-

boer-Winklaar e bisa durante su presentacion. Esaki lo ta importante no solamente riba nivel basico sino riba tur nivel den nan enseñansa, esta secundario y post-secundario. Mester jega na un acuerdo kiko ta e nivel minimo cu cada studiante mester jega na final di nan estudio pa cada materia y ta laga e metodo na cada scol pa duna esaki na e manera cu mas ta relata na e scol. “Mi ta di opinion cu cada scol mester tin mas libertad di e manera con nan kier duna e material. Si ta cu tecnologia, cu muziek, cu movecion, cu pintamento, si ta den clas of no. Nan mester por disidi esaki den nan seno, pero si mester ta hopi duidelijk e nivel caminda e studiante mester ta na final di nan estudio”, e mandatario e splica. E topico aki ta asina amplio cu por scibi y splica hopi mes ariba dje. E siguiente stap nan cu e mandatario lo tuma ta reunion nan cu e diferente departamentonan pa discuti con lihe por introduci e test nan aki. “Nan ta existi caba. Loke nos mester hasi awo ta incorpora esaki den nos sistema”, e mandatario a splica.

“E DIFERENCIA DEN RADIO”

Variashon den Programashon Musical, Informativo, Noticiero y Entretenimiento.


PAGINA 16

DIARIO

Hende drechi?

E ultimo analisis politico a trece padilanti cu Evelyn Wever Croes ta hibando su partido den un rumbo spantoso pasobra su mentiranan a pasa tur limite. Den e cuadra ey e punto a bin padilanti si berdad tur e candidatonan ariba lista di MEP ta di acuerdo cu e engañonan feroz aki y a expresa cu ta di spera cu tin candidatonan cu no ta comparti e opinionnan di Evelyn. Un poco tempo pasa a drenta den MEP un persona cu tabata gusta y respeta door di su patientnan y su amigo y conocirnan. E persona aki tabata dokter Kelly. Pa hendenan cu tabata cerca di dje e paso cu e tuma door di bay ariba lista di MEP tabata dificil pa nan kere. E tempo ey e a duna e splicacion cu e ta bay ariba lista di MEP pasobra Nel Oduber como lider di partido a primintie cu Booshi Wever lo no bay ariba lista mas como cu partido lo tabata den un curso nobo y a cuminza sanea partido. Tur esaki a resulta di tabata mentira. Booshi a bay ariba lista gritando cu e kier mira kende ta kite for di lista di MEP. Despues di poco tempo dokter Kelly a siña conoce e mentalidad di MEP y a dicidi di huy. No solamente tuma retiro for di Staten pero a huy bay biba den exterior. Esaki pa e no mester topa cu su mes

hendenan. Su berguenza tabata asina grandi cu e no por a keda biba na Aruba. Den e analisis di un paar di dia pasa a menciona dos persona cu posiblemente por ta hendenan drechi cu no ta di acuerdo cu e sushedad cu Evelyn ta saca tur dia. Ningun momento a worde treci den e analisis ey cu lo tin interes di otro partido pa kita candidatonan pa bin cu nan partido. Loke a worde enfatiza ta cu posiblemente e candidatonan aki no ta di acuerdo cu e mentiranan falso y baho di Evelyn y nada otro. Pa bin cu un declaracion cu tin partido cu kier cambia nan opinion por ta pero no tin nada di haci cu acceptacion di e viesedad di

Evelyn. Por tabata asina cu pasobra e candidato number dos tabata meneer di school cu a duna mucha jong les tabatin standardnan mas eleva cu Evelyn y lo demas candidatonan di MEP. Na San Nicolas sigur tin un cantidad grandi di mucha conciente di e maldad cu MEP a y ta haci cu nan por cuestiona e meneer di school aki con por ta cu e ta parti di e partido aki mientras cu na school nan tabatin un otro impresion di dje. Mescos ta conta pa su famianan y su becindario. Tin di nan cu no ta compronde mescos cu tabata e caso cu dokter Kelly con por ta cu e ta accepta e comportacion bao di tur nivel di Evelyn. Mayoria di e candidatonan

Habitante a coba riba caminda publico sin permiso ORANJESTAD (AAN): Polis a bay atende caso reporta relaciona cu tin coba riba caminda, debi cu auto nan ta core cu velocidad halto den area di Sero Janchi. E unidad di polis cu a presenta diahuebs mainta trempan a constata cu enberdad riba caminda a wordo coba altura di un cas. Tambe polis a tuma nota un slang di awa cu ta sali for di cura di e cas y agentenan a acerca e habitante y e señora inicial E a declara di tin hopi molester di stof cu ta lanta debi cu e vehiculonan ta pasa cu velocidad halto dilanti su cas. Polis a splica e señora cu ta prohibi pa coba buraco riba caminda publico of pa tuma decision pa regla trafico sin permiso. E señora a mustra comprension y polis a indica e señora pa e instancianan concerni.

DIASABRA 11 JANUARI 2014

nobo di ariba lista di MEP ta hendenan desconoci. Pesey no ta na su luga pa cuestionan nan. Ya caba vrios di e candidatonan a core sali for di MEP declarando cu Evelyn no ta sirbi como lider y cu e ta mentiroso tambe. E otro persona cu a worde menciona den e analisis tabata un señora bon educa cu ta casa cu yiu homber di un ex presidente di Staten hopi respeta den nos comunidad. E hoben aki a worde lanta na un manera hopi decente y hopi conciente di politica mirando e trabao tremendo cu su tata a haci. Pesey ta

logico cu un hoben asina por sinsti cu loke su casa ta accepta na mentiranan horibel no ta bon pa hende drechi carga. Pesey e speranza ta keda cu for di paden di MEP ariba un cierto momento lo tin candidatonan cu ta fada di e politica di un nivel asina begonzoso y ta cuminza protesta. E cantidad di MEPnan cu ta birando inkieto ta creciendo y probablemente esaki ta e motibo cu e candidato number dos ariba lista a worde forza pa trata di trankiliza esnan cu ta rebeldiando contra e lider.

On 11114  
Read more
Read more
Similar to
Popular now
Just for you