Page 1

DIASABRA 04 JANUARI , 2014

4

Lider di fraccion di AVP, sr. Rene Herdé

Delegacion di Aruba dividi pa atende inter-parlamentario na Corsou MEP a purba di forsa documento tocante integridad den gobernacion E delegacion parlamentario di Aruba cu lo asisti entrante otro siman den e reunion Parlamentario di Reino, no a logra concilia un posicion solido como un unidad riba e temanan cu lo forma parti di e agenda cu lo ser trata na Corsou. Asina lider di fraccion di AVP, sr. Rene Herdé a expresa durante e delaster conferencia di prensa di su partido na 2013. Ta trata di e prome reunion inter-arlamentario entre parlamentonan di Hulanda, Corsou, St. Maarten y Aruba cu lo tuma lugar for di dia 6 pa 11 di januari awor. Parlamentario Herdé a considera e reunion aki importante ya cu e ta un di e formanan cu paisnan den Reino ta traha cu otro ariba nivel politico. “Ariba su mes e tema ta importante”, asina el a bisa. Sinembargo e politico y Parlamentario di AVP sr. Herdé a lamenta e posicion intransigente di e partido mas grandi di oposicion MEP. El a bisa cu den ultimo cuater aña Parlamento di Aruba a purba pa tur fraccion den Parlamento por traha hunto pa atende e tipo di conferencia aki cu un punto di bista na interes di Aruba. Parlamentario Herdé kende tambe ta fungi como presidente di e Comision di Asuntonan di Reino y Exterior, a reitera cu continuamente el a purba pa traha conhuntamente pa atende e tipo di reunion aki. Pero cu un bos di decepcion el

a bisa cu: “Lamentablemente mi no tabatin mucho exito den trece tur fraccion hunto”. Esaki apesar cu fraccion di AVP tin 13 asiento den Parlamento suficiente pa domina basicamente tur comision di Parlamento. Pero -segun sr. Herdé- den tur comision semper nan ta percura pa tur fraccion, incluso e fraccion di un miembro di partido Democracia Real, ta den tur comision y participa den cada un di nan. Pa e conferencia inter-parlamentario na Corsou atrobe nan lo confronta e mesun situacion di un delegacion dividi den e caso aki un fraccion, esun di MEP, segun sr. Herdé. El a bisa cu e fraccion di MEP simplemente a nenga su mes di traha conhuntamente cu e otro fraccionnan. El a agrega cu fraccion di MEP ta nenga di acepta e reglanan cu ta conta pa tur fraccion y “ta terco y insisti di asumi un posicion di nan mes cu ta bay pone cara di Aruba na berguensa. Ta bay causa discusion innecesario entre miembronan di e delegacion di Aruba”. Parlamentario Herdé a splica cu den tur reunion di preparacion pa e reunion inter-parlamentario di entrante otro siman, dos di e tres miembro di e fraccion di MEP no a presenta nunca. Te hasta fraccion di MEP a haya oportunidad pa traha riba un tema y discutie den e comision, y a tarda te diasabra ultimo pa e comision por a haya

e documento ey cu nan tin cu discutie ainda prome cu nan ta biaha, segun e lider di fraccion di AVP. E ta haya mas fastioso ainda cu e lider di MEP a “purba forsa un documento den e documentonan oficial sin cu el a wordo discuti den e comision”. Sr. Herdé a bisa cu como presidente di dicho comision e mester a para literalmente e lider di MEP riba e intencion aki. “Niun punto di bista di ningun fraccion tampoco di AVP por wordo acepta como punto di bista di e delegacion di Aruba, sin cu el a wordo discuti den e comision. Den e comision den cual tur partido y tur fraccion ta participa ta dicidi hunto si un posicion ta bira posicion di e delegacion of no”, asina Parlamentario Rene Herdé a bisa categoricamente. El a bisa cu e punto cu fraccion di MEP a purba di forsa sin cu el a ser debati y acepta debidamente segun reglanan estableci tabata ariba integridad den gobernacion. Un tema -segun sr. Herdé- cu Hulanda, Corsou, St. Maarten y Aruba kier papia riba dje. El a indica cu e modo con nan a scoge pa trata e tema aki ta “di no bay bringa otro pasobra den tur pais tin cosnan cu no ta bayendo bon. Nos a tende di casonan na Hulanda, politiconan envolvi den cosnan ilicito. Nos a wak tende na Corsou, na St. Maarten, y Aruba mes tambe tabatin su problemanan den pasado...”,

Telefon: 588-1500 Fax: 582-4937 UN CORANT OTRO

Director

Editor-in-Chief Hareld Faro

Parlamentario di AVP sr. Rene Herdé.

asina e lider di fraccion di AVP a declara durante un confer-

encia di prensa cu a ser teni na Cas di Partido dialuna ultimo.

Friesnan ta haya nan mesun ley y organo di idioma Friesnan lo haya nan mesun ley riba idioma. Den e ley aki ta regla cu e idioma Fries y Hulandes ta dos idioma oficial den e provincia Friesland of Fryslân. Legalmente ta stipula cu ciudadanonan di Friesland tin e derecho pa uza nan mesun idioma den Corte of ora di tene contacto cu dirigentenan den nan mesun idioma, sea ta Hulandes of Fries. Tambe a institui un Organo pa e Idioma Fries, cu tareanan legal pa proteha y promove e idioma. Esaki ta locual e ley Idioma Fries ta bisa cu e luna aki a drenta den ehecucion. Minister pa Asuntonan Interior y Relacionnan di REino ta di opinion cu e ta di gran importancia pa proteha y promove Fries. E Organo di Idioma Fries ta encarga pa mira con e status y uzo di Fries ta den e provincia. E Organo ta conseha y raporta organonan di directiva, manera Ministerionan, provincia y municipionan di Friesland ademas di instancianan hudicial. Tambe e tin un fuccion di agenda y conseha. E Organo ta enfoca riba e implementacion corecto di e Tratado di Cuadro di Minorianan Nacional y e Nota Europeo pa idiomanan regional. E Organo ta conta cu cinco miembro. Mas ainda, e ley nobo ta fortifica e reglanan pa e uzo di e idioma Fries, di parti di e gobiernonan decentralisa den e provincia. E organonan publico aki di awor en adelante mester prepara reglanan y un plan di maneho pa e uzo di e idioma Fries. Papiamento tambe reconoci legalmente como un idioma oficial na Hulanda, particularmente pa e islanan BES.

Assistant Editors Maritza Maduro Benjamin Romero Elizabeth Guanipa

Sales Exceutive Supervisor

Accountant Dept Thaira Lin

Directora Zaira Lin

Contributing Editor Dilma Arends

Layout Design Oscar Palomino

E opinion di nos colaboradoman no ta ferieha a pensamiento di Cas Editorial.

EMAILS: aviso@arubawe.com /// arubawe2012@gmail.com /// WEBSITE: www.arubawe.com


Canando den mondi a topa cu auto parcialmente desmantela

ORANJESTAD(AAN): Un auto cu a ser horta den e area di Papilon a wordo haya parcialmente desmantela den mondi na Tamarijn. Polis a wordo avisa mesora di e caso aki. E persona cu a haya e auto

PAGINA 19

DIARIO

DIASABRA 4 JANUARI 2014

Djun Djun Quandt tabata herida den Bernadetastraat

tabata canando cu su cacho. Aki ta trata di e Tercel color Blauw cu number A-30178. E departamento concerni di joyriding a wordo poni na altura. A hiba e auto warda pa investigacion continua.

Carbon y Leña TAKE AWAY Delicioso cuminda Januari 4 y 5

- Sancocho di Rabo de baca - BBQ Ribs y Galinja - Sancocho di galinja criollo - BBQ Mix ( Ribs, galinja, - Sopi di cabrito pork chop sin weso y - Papaya stoba carni a la brasa ) - Comcomber stoba Tur cuminda ta wordo sirbi - Pisca cu saus crioyo cu aroz moro o blanco, - Carni a la brasa salada di berdura, - Chicharon cu yuca banana hasa, arepa - 1/2 galinja a la brasa (diadomingo) y un refresco. )

Haci bo pedida na tempo via tel. 5948921 y 7444128 of pasa na Ponton 119-E. Caminda di Sheriff restaurant bin abow.

O R A N J E S TA D ( A A N ) : Diabierna atardi polis a worde manda pa un cas na Bernadetastraat caminda un homber a lanta cu famia. Tabata e conocido di polis Djun Djun Quandt. Na yegada di polis a tuma nota cu Djun Djun tabata hopi rabia y no por a comunica cune facilmente. Parce cu

aña nobo e ruman homber a bringa cune y el a keda herida. Polis a constata cu berdad su wowo robez tabata hopi cora y herida. Djun Djun mes a splica cu e no por mira cu e wowo ey. Polis a pidi pa manda ambulance pa asina hiba Djun Djun Hospital. E momento ey tabata tin diferente accidente y

otro casonan di urgencia cu a sosode casi simultaneamente. Ambulance tabata hopi ocupa cu emergencianan y den e caso di Djun Djun for di aña nobo e mes no a busca yudanza. A pidi polis pa hibe hospital. Finalmente e famia mes a dicidi cu nan lo busca manera di bay cune hospital.

Drechamento di Arco Iris Kleuterschool mester ta un prioridad e aña aki! ORANJESTAD (AAN) – Matutino DIARIO a compila opinion di algun mayor cu tin yiu den Arco Iris Kleuterschool, y cu ta hopi contento cu e nivel cu e school tin, pero cu ta haya cu nan mester bolbe na nan edificio original. Mayornan ta admira e trabao di e maestranan apoya pa nan cabesante, cu apesar di e limitacion di espacio cu nan tin, e calidad di les no a cay atras. Pero tambe nan ta haya cu gobierno ta tardando hopi pa drecha e edificio original, cu manera ta conoci a keda sin dak debi na mal tempo

hopi luna pasa. E chikitonan aki ta e futuro di Aruba y nan tin e derecho di conta cu un edificio manera nan tabata tin prome, y cu por cierto, Comision di Mayor a duna un man fuerte pa haci esfuerzo pa nan tin aire acondiciona, pa nan tin cierto facilidadnan pa hunga, y pa probecha di e lesnan na un manera hopi agradable y den e mehor ambiente posible. Nan ta spera cu e minister nobo di Enseñanza pone atencion na e necesidad cu e school tin pa bolbe su edificio espacioso, grandi, cu tur facilidad cu nan tin den nan mes clas, nan

lugar pa haci deporte y otro actividadnan, nan plenchi pa hunga, etc. Aworaki nan ta mucho “gepak” segun un par di mayor ta comenta. Nan ta sigur sumamente gradici na e juffrouwnan balente y nan cabesante cu nunca ta give up apesar di e circumstancianan. Pero esey no kiermen cu gobierno por keda pasivo, y sigui laga tempo pasa sin haci algo pa e school. Nan ta spera cu Arco Iris cu drechamento di su dak, ta den e prioridadnan di gobierno pa e aña aki, ohala pa e siguiente aña escolar tur cos lo keda cla!

On 1 4 14  
Advertisement