Issuu on Google+


DIAMARS 31 DECEMBER 2013

PAGINA 27

DIARIO

Hopi daño material den accidente na Moko

ORANJESTAD(AAN):Un dama chauffeur a keda levemente herida den un accidente na Moko. Auto a ranca palo di luz. Na e lugar mes personal di ambulance a atende cune pero a bay finalmente cu un solo herido leve. E no sa kico a pasa cu el a kita bay dal den e palo di luz segun e chauffeur. Toyota

Corolla color blanco A-36513 a keda hopi kibra. Polis a bay mesora na e lugar. Na yegada a pidi mas patruya pa sera e caminda for di otro angulo. Personal di Elmar tambe a worde avisa di e caso pasobra wayanan a keda colga riba caminda. Takelwagen a worde yama tambe pa e auto. Basta cas den e area a keda oranan largo sin coriente.

Panorama positivo pa comercio den Caya Grandi na bispo di Aña Nobo

Ladronicia na Noord Cura Cabay a haya atencion ORANJESTAD (AAN): Lanta mainta for di cama pa despues descubri cu desconocinan a horta y baha bay cu tur cuater tire bao di bo auto! Den caso asina, abo como ciudadano tin di hala rosea pa evita bo explota di e abusonan cu ladronnan ta sigui comete. E caso a tuma lugar na un adres na Noord Cura Cabay y e homber P. a entrega e denuncia na warda di polis San Nicolas. Recientemente habitantenan di un casnan di pueblo tambe ta pasando duro na man di

ladronnan y habitantenan a cera cabez hunto pa frena e nan. Nan a prepara pa e bishita di e ladronnan y e ultimonan no a kere cu bao di esnan den e pueblo ta riba un alerto. E prome ladron nan a captura man den mansa, minetras e otro ladron a logra di core bay. Habitante nan a haya sosten di helicopter, polis y despues di un buskeda extenso nan bin descubri e otro complice di ladronicia, morto na soño drumi den un auto.

ORANJESTAD (AAN) – Un panorama hopi positivo Caya Grandi a presenta na bispo di Aña Nobo, for di mainta tempran. Prome cu tiendanan a habri, ya caba tabata tin basta hende wardando pa drenta haci compranan. Por a nota hopi turista di America Latina, y tambe por a mira un crusero mara na waf, y posiblemente parti di e grupo di turistanan aki ta di e crusero. E tram tambe a cuminza su

recorido yen, yen, pero esaki no ta garantiza un beneficio pa nos comercio. Combersando cu algun comerciante, nan a indica cu ta masha tiki esnan cu ta subi tram pa baha haci compra, y mas tanto esnan cu ta hacie ta nos mes hendenan cu sea ta baha for di Arubus of ta laga nan auto staciona banda di e terminal. Mayoria di e bishitantenan cu ta subi tram ta Mericano cu ta djis bay trip den e ciudad,

saca potret, y ta ora nan yega banda di e terminal ta cu nan ta baha pa cumpra algo den e kiosconan, cu por recorda nan, nan bishita na Aruba. Algun comerciante a reitera na nos redaccion, cu ta ora pa gobierno introduci un fee pa saca un probecho financiero di e tram ya cu su mantencion ta costoso, y ni papia mes di e costo cu nan adkision ta nifica pa pueblo pagador di belasting.


DIAMARS 31 DECEMBER 2013

Deifidia Giraldo elegi como Empleado di 4 Quartal 2013 di Paradise Beach Villas

O R A N J E S TA D ( A A N ) - - Durante e fiesta di Fin di Aña di Paradise Beach Villas; Deifidia Giraldo a wordo anuncia como e Empleado di 4 Quartaal pa aña 2013. Deifidia a wordo nomina pasobra eta Obsesiona cu Servicio, y ta masha atento pa detayes. E ta trata tur su huespednan como VIP’s; y ta haya masha elogio di e huEsped nan. Otro nominado nan tabata: Anton Robles de Medina, di e departamento di Maintenance; cu ta un empleado cu semper por depende riba dje. Michael Winterdal representante di e departamento di Security

a wordo nomina a base di e tantisimo mencion cu eta haya di e guest nan como un guard masha profesional semper cu un smile y cla pa yuda. Bruce Kock di e departamento di Maintenance a wordo nomina door di ta semper cla pa yuda den otro departamento nan; Bruce realmente ta “care” pa e huespednan door di duna nan Servicio Excelente. Durante e anochi aki tambe a anuncia e Rookie of the Year cu tabata Sra. Yurany Salazar di Housekeeping. Siguientemente a anuncia e empleado nan cu a sobresali durante aña 2013; esnan

introduci pa e usuarionan, y ta un lastima di mira con tin diferente asiento daña caba.

Hungadornan premia cu placa pa compras di fin di aña na The Casino na Radisson

cu practicamente durante tur quartaal nan tabata un nominado door di nan trabao excelente y consistente. E Outstanding Achievement Awards pa aña 2013 a bai pa: Haydee Maduro di Housekeeping, Michael Winterdal di Security; Gina Pieters di Accounting y Bruce Kock di Maintenance. E entregamento di e prestigioso premio nan aki a wordo haci door di e Managing Directors nan di Paradise Beach Villas, Sr. Andrew Osbourne y Sr. Freddy Albertus, hunto cu e Human Resources Manager, Sra. Milca Erasmus.

Lastima cu tin pasahero ta destrui e asientonan di Arubus

ORANJESTAD (AAN) – E unidadnan nobo di Arubus tin poco aña cu a wordo

PAGINA 29

DIARIO

Loke por mira riba potret no ta un daño cu un pasahero por haci door di sinta, no ta e peso di un hende ta causa e ruptura riba dje. E ta parce mas bien un acto di vandalismo. Ta hopi lamentable, pasobra e unidadnan di Arubus ta propiedad di pueblo, ta nos ta paga pa tur facilidad cu nos haya, pa haci nos transporte mas comodo y agradable. E chofernan dificilmente por ta pendiente kico un ke otro pasahero por haci riba e asientonan di patras, y ta keda na cada usuario su consenshi, su educacion, su civismo, y stimacion pa locual nos tin na Aruba sea cuida nos propiedad publico, of dañe. Ohala Arubus lo por pone camara cu por graba e tipo di hendenan cu ta destrui di e manera aki e asientonan, anto pa e duna cuenta na polis y wordo obliga na paga e daño!

ORANJESTAD (AAN)Nina Dodd di Maryland, kende a dal tres shete riba e Mega Multiplier-Hot-Hot 7, a gana un jackpot substancial di US$18,000, cual e ta bisa lo yud'e pa haci tur su compras di fin di aña. Carol Caccese, di Staten Island, New York, kende a gana un jackpot di US$ 5,400 hungando e casino su slot mashinnan di $5, tabata igualmente contento ya cu e jackpot a bin net na ora pa e dianan di fiesta, y inmediatamente el a para pa saca un portret cu su ganashi. E casino ta preparando pa e weganan di Bingo prome cu Pasco, riba dia 21 y 22 di December, y pa e Bingo prome cu Aña Nobo riba dia 28 y 29 di December, promoviendo su Jackpot di Bingo Progresivo

cu e siman aki a yega $ 44,025.05 y ta sigui subi, e jackpot progresivo mas grandi riba e isla. Bingo riba diasabra ta $6 y Bingo riba diadomingo ta $10, cu miles di dollar na premio y cu carchinan pa gana e jackpot progresivo tan codicia, obtenibel na e cahero di e Casino.


DIAMARS 31 DECEMBER 2013

DIARIO

PAGINA 33

Bista riba algun di e cantantenan infantil y hubenil di Dande

ORANJESTAD( AAN)-- E comentarionan ricibi te cu awor, ta cu tabata un placer pa a mira e hoben y muchanan riba escenario, na defensa di nos cultura y traficion. Riba e fotonan aki por mira algun di e cantantenan infantil y hubenil di e exitoso Festival di Dande Infantil y Hubenil na Centro di Bario Tanki Leendert fin di siman cu a pasa. Un pabien na e organizadornan, na publico, y na cada uno cu a haci e anochi aki bira asina grandi.


PAGINA 34

DIARIO

DIAMARS 31 DECEMBER 2013

Festival infantil y hubenil di Dande tabata tin bon competencia

Mi a logra locual mi a kere cu lo no ta asina. Mi a lubida di busca mi mapa cu mi anotacionnan principal di festival infantil y hubenil di dande na Centro di Bario Tanki Leendert, cerca e persona cu a warda esaki pa mi y te cu ayera mi no por a haye. Ta bon tantenan

cu y

mi tin e programa cu nomber di e candatonan cu mi a skirbi tras di cada.

E aña aki mescos cu añanan anterior mi a keda encanta cu e festival aki. Tuma por ehemplo e categoria di esnan mas chikito cu ta di 6 pa 9 aña di edad. Aki den tin dos di nan cu mi ta sigui cu hopi interes. Esun ta Zarel Yarzagaray cu aña pasa caba a conquista curazon di e presentenan y a ripiti esaki e aña aki, y e di dos ta e hobencito Xenon Daal cu a bin defende su corona. Zenon ta loke varios aña pasa Brandon Rincones tabata den infantilnan. E showman cu tur hende ta spera pa mira si e lo impacta atrobe. Ora cu Xenon a actua por a nota caba cu e tin e posibilidad grandi di bay cu e corona y el a logra tene su corona tambe , ganando den infantilnan. Cerca e mucha muhernan ta Zarel Yarzagaray a impone. Zarel cu aña pasa a bira e “Barbie” di e festival, a demostra cu e ta bin mes bibito pa gana e aña aki y a logra e corona tambe como Reina infantil di dande den e categoria aki. Francien de Windt a termina na di dos lugar, y durante su presentacion tabata tin e presentimento caba cu e lo por ta den e finalistanan, mescos tabata cu Alyssa Brete cu a bin termina na di tres lugar y cerca di Francien. Den categoria di 10 a 12 aña, mirando e lista di participantenan, mi bista personal tabata riba Noslen Tromp, Priscilla Quandt, Zaina Falconi, Jayleen Croes y Kayla Villasmil. Zaina Falconi tabata fuerte pero tabata tin bon competencia di e otronan . Ora di Noslen mi a pensa cu esaki lo por bay cu e corona y el a bin completa e realeza familiar di dande tambe. Esaki ta di welo Vicente ganador maximo di competencianan, su papa Nelson cu tambe ta un ganador di varios festival y awor ta Noslen ta carga corona. Priscilla Quandt tambe tabata hopi bon pero su competencia tabata mas bien contra Zaina Falconi. Pero e 2 otronan cu a bin duna dolor di cabez na e tresnan aki tabata Jayleen Croes y Kayla Villasmil. No por keda sin menciona Ashantee Martis cu a duna un bunita presentacion tambe di su dande pero no a loga suficiente punto pa clasificacion pa premiacion.

Zaina a bin termina na di dos lugar y Pricilla na di tres puesto. Den e categoria aki Renzo Kelly a titula como rey di dande. Renzo tabata tin un actuacion cu tabata domina pa nervio. El a lucha cu su dande y a logra termina y naturalmente no contento cu su prestacion debi na nervio. Sinembargo el a logra bay cu e titulo. E corona mes a keda pa wordo entrega na dje, pasobra na momento di premiacionnan e no tabata presente. Den e categoria di e “grandinan”, esta e hubenilnan, e competencia tabata hopi pisa. Pero e cantante cu a domina tabata Fastus Bargues y tur e otronan cu a sigui’e mester a trata di logra puntonan suficiente pa por a gane. Fastus a debuta cu excelencia. Por a sinti for di su salida cu e lo por bay cu e corona casi sigur cerca e mucha hombernan. Brandon Rincones cu ta un rey di varios aña den e otro categorianan a haci intento pero no a logra. Mescos tabata cu Robert Maduro Jr. cu lo por ta un rey un dia. Esun cu a yega mas cerca di Fastus tabata Jake Fernandez. Jake tur aña ta conquista su publico y mescos el a haci atrobe. E tabata e favorito di e teenagernan den publico sinembargo no a logra suficiente punto pa por a bay cu e corona. Cerca e damitanan di e categoria e lucha tabata entre Kaithlyn Semerel, Emylaine Geerman, Milanchely Richardson, Kiziah Trimon, Mary Jane Vrolijk y Jacilaika Paesch. Karry Ann Tromp, Melony Dirkseny Daniela Pop a trece nan dande cu hopi fervor dilanti, sinembargo no a logra cay entre e ganadornan. Kiziah a lucha fuerte pa su corona contra Emylaine , Milanchelly y Mary Jane. A keda na puntuacion pa dicidi kende lo bira e ganador y Mary Jane Vrolijk a resulta ganador y a logra titulo di Reina di Dande hubenil. Kiziah a termina na di dos lugar y el a wordo sigui pa Emylaine cu a termina na di tres lugar. Tabata tin tambe e competencia di propio composicion, y esaki a wordo gana pa Tipico Talentoso cu su cantante Xenon Daal cu un composicion di Danilo Vrolijk. Mi no por keda sin menciona e hobennan di “Streanan di Bonaire” cu a duna un bunita presentacion na comienzo di e programa cu cancionnan den ambiente di Pasco. Juby Naar


DIAMARS 31 DECEMBER 2013

DIARIO

PAGINA 37

TREMENDO FESTIVAL DI DANDE INFANTIL Y HUBENIL.. Nos futuronan a demostra cu Dande lo tey pa semper!...

janpoets@hotmail.com. poetshow/facebook.com

** Reina di Dande 6-9 aña: 1. Zarell Yarzagaray 2. Franciane De Windt 3. Alisa Brete Rey di Dande di 6-9 aña: Xenon Daal Reina di Dande 10-12 aña: 1. Roslene Tromp 2. Zaina Falconi 3. Pricilla Quandt Rey di Dande 10-12 aña: Renzo Kelly Reina di Dande 13-17 aña: 1. Mary-Jane Vrolijk 2. Kiziah Trimon 3. Emylaine Geerman Rey di Dande 13-17 aña: Festus Borges Propio Composicion: Cantante: Xenon Daal. Compositor: Danilo Vrolijk Tipico Talentoso


PAGINA 6

DIAMARS 31 DECEMBER 2013

DIARIO

Aruba a disfruta di un tremendo November 2013 cu 88.296 bishitante Otro record a worde estableci pa turismo den November

ORANJESTAD (AAN): Cu hopi satisfaccion, Aruba Tourism Authority ta informa cu luna di november 2013 Aruba a ricibi un record di 88.296 bishitante, 20.60% mas, compara cu november 2012. Esaki den cifranan absoluto ta un diferencia di 15.084 mas bishitante compara cu e luna di aña pasa (total november 2012: 73.212 bishitante). E aumento den turismo aki ta principalmente for di e mercadonan di Merca y Venezuela. E total di turismo cu a yega Aruba for di januari 2013 te cu november 2013 ta 878.966. Esaki ta 65.103 turista mas cu aña pasa, un aumento di 7.99%. NOVEMBER y mercado di Norte America: E pais principal pa cu turismo pa Aruba, esta Estados Unidos, a crece cu 10.86% compara cu november di aña pasa. For di Estados Unidos, un total di 46.117 persona a bishita nos cual tabata 41.598 na november 2012. E diferencia ta 4.519 bishitante mas. Si nos wak esaki pa cada regio di Estados Unidos, nos por mira cu for di Mid-Atlantic a bin 4.797 bishitante, Mid-West a produci 5.951 bishitante, di North-East a bin e number mas halto pa cu bishitante, en total 25.321, for di South-East a bin 6.694 bishitante y for di e parti West di Merca, Aruba a yama bonbini na 3.066 bishitante. For di Canada, un total di 3.545 persona a bishita nos isla. Esta-

dos Unidos a representa 52.23% en total di e ‘market share’ pa cu e luna di november 2013. E mercado di Norte America a subi cu 9.60% den e luna di november 2013 y nan YTD a crece cu 4.42% cu ta igual na 23.204 turista mas, representando asina un total di 548.149 turista pa nos isla. For di januari 2013 pa november 2013, e mercado aki ta representa un total di 62.36% di e turismo pa Aruba. NOVEMBER y Latino America: Durante luna di november, un total di 22.879 bishitante procedente for di Venezuela a bishita nos isla. E mercado aki a subi cu 87.13% compara cu november 2012. Esaki den cifranan absoluto ta 10.653 bishitante mas pa nos isla compara cu e mesun luna aña pasa. Colombia a baha cu 19.90%, cu ta 383 bishitante menos compara cu november 2012. For di Brazil, 15 bishitante menos a bin pa nos isla, cual ta

un bahada leve di 0.78% compara cu november 2012, unda 1.920 turista di Brazil a bin pa Aruba. For di Argentina 1.130 bishitante a bin pa nos isla representando asina un crecemento di 5.12% cual ta ekivalente na 55 turista mas cu aña pasa, na e mesun luna. Chile a crece cu 103 bishitante mas pa nos isla, na november 2012 e tabata 258 y na november 2013 esaki tabata 361 bishitante cual ta representa un crecimento di 39.92%. E continente di Latino America a subi cu 55.87% den luna di november. E asina yama ‘year to date’ ta 25% loke ta significa cu un total di 227.391 persona a bishita nos isla, 45.477 bishitante mas cu aña pasa den e mesun temporada. Latino America ta representa un total di 25.87% di nos mercado total di turismo. NOVEMBER y Europa: Hulanda a subi cu 5.62%. Na november 2013, un total di 3.365 bishitantenan a bin Aruba y na november 2012 Aruba a haya 3.186 bishitante for di Hulanda. Esey ta un total di 179 bishitante mas. For di Alemania por mira un subida di 23.31%, 100 bishitante mas compara cu november 2012. En total 529 persona a bin bishita nos isla for di e region aki. Inglatera a subi cu 7.14%; na november 2012, 252 persona a bin bishita nos y na november 2013, 270 bishitante a bin pa Aruba, cual ta 18 turista mas compara cu november 2012. For di paisnan di Scandinavia a bishita Aruba 69 turista menos. Aki nos por mira

cu na november 2012 un total di 1.128 turista a bin nos isla, y na november 2013 a bin un total di 1.059 turista. Turismo procedente di Italia a subi cu 14.75%, 36 bishitante mas pa nos isla. Na november 2012 e tabata 244 y na november 2013 el a subi na 280 bishitante. E continente di Europa a subi cu 6.76% den luna di november. En total e ‘year to date’ pa Europa a baha cu 4.22.% cual ta 3.066 turista menos pa nos isla. Un total di 72.610 turistanan Europeo a bin bishita nos te na november 2012 y te na november 2013 un total di 69.544 Europeonan a bishita nos isla. E resultadonan aki ta danki na tur e esfuersonan cu ta worde haci localmente y den cada mer-

cado. Esfuersonan ta dirigi continuamente riba hisa e calidad di e bishitante tambe, teniendo na cuenta cu e vision no ta solamente dirigi riba hisa a cantidad di e bishitantenan, pero mas aun riba hisa a contribucion cu ta resulta di turismo pa nos isla. E vision aki ta basa riba un limite pa loke ta trata expansion den cantidad di cambernan. Esaki tin como consecuencia cu asina cu yega e punto di ocupacion optimal di acomodacionan, e isla lo no por crece na e mesun manera den cantidad mas. Na e momento ey, e crecemento lo mester ta den calidad pa asina por ricibi mas ingreso pa medio di nos industria turistico pa nos isla. Esaki ta parti di e vision pa cu turismo di Aruba.


Diamars December 31 2013

Pagina 2

OPORTUNIDAD UNICO NA ATELIERS '89 PA PARTICIPA NA SU WORKSHOP DI WEBDESIGN, CUMINSANDO DIALUNA 6 DI JANUARI 2014 E Workshop aki ta un oportunidad unico cu Atelier s'89 Fundacion,ta brinda na e publico participante. Ta asina cu pa prome biaha cu Ateliers '89 ta presenta un workshop di tal magnitud. Esta Website Design, den termino di un luna, pa e gran artista maestro Hulandes Louwrens Duhen. Cuminsando Dialuna 6 di Januari e workshop aki lo ta pa un luna y lo termini ariba Diahuebs 30 di Januari. E workshop aki ta uno habri pa tur hende y bo mester tin solamente 14 aña pariba. E dianan ta di Dialuna pa Diahuebs y ta di 6.30 pa 9.30pm. Pa inscribcion por acudi personalmente cerca director di Ateliers '89 Elvis Lópea, na Dominicanessenstr. 34. O por haci esaki via mail na elvis@ateliers89.com tambe pa mas informacion por check nos website na www.ateliers89.com Aki ta sigui en corto e contenido di e workshop: Presenta profesionalmente bo trabao online! Usando Content Management

System (CMS) WordPress. Nos lo siñabo procesa y maneha bo propio website o blog. WordPress ta e systema mas conosi, CMS, riba ariba internet. E ta wordo usa pa mas cu 75 million site y webblog. E ta un recurso habri, pornada y ta ofrece asina un sin limite di posibilidadanan. Bao di guia y supervision di e maestro profesional aki, bo lo wordo yuda pa siña con pa usa e sistema aki na bo ventaha completo. For di siña con pa sketch te cu traha un presentacion propio ON - LINE, tur esaki den den un manera facil pa sigui stap pa stap. E workshop aki ta uno cu ta habri un y tur cu kier siña alto nobo o djis pa expande bo conocimento ariba e tereno aki. Sinembargo lo ta un must pa bo sa traha caba ariba computer o bo sa di algo di software di proceso di imagen o photoshop o CorelDRAW. Si no ta asina mrs. no worry participa ya cu cuponan ta limita. Pa mas information acudi na nos web-site www.atelierts89. com

Persona gara con ‘la mano en la masa’ hortando klapchi na Jucuri Dialuna despues di 12'or Polisnan a haya un melding di hende cu tabata hortando klapchi. Na yegada di Polis, nan a gara e persona manera ta wordo bisa den terminologia policial OP HETERDAAD. E storia ta cuminsa na momento cu na un otro lugar un security a bay orina y e ladron aki a pasa man pa e pickup di security y su jacket. Na e sitio Polis a acerca e ladron bisti cu Jacket di security. E ta gaña polis cu nan lo a haya un melding di un auto sospechoso. Ora cu Polis a bay waak e container cu esun bisti cu e jacket di security, nan a haya esaki habri. Ora Polis a bay check den e baki di e pickup, esaki tabata yena cu klapchi. Di biaha a bira y detene e ‘security imposter’ y a transport’e pa warda di Sta. Cruz.


Min ttc 311213