Issuu on Google+


PAGINA 2

DIARIO

DIABIERNA 10 JANUARI 2014

Tin tur material cu ta indica pa un siguiente explosion

Habitantenan di bario di Gabilan ta preocupa y ta den tension un biaha mas cu ne. Habitantenan den becindario ta preocupa debi cu no sa ki daño un otro explosion por haci dependiendo con grandi e por ta. Tin explosivo cu no por huzga pa nan tamayo pero pa e forsa cu nan tin nan por haci hopi daño. E daño cu e explosion di aña pasa a ocasiona ta hopi grandi tanto brandweer y polis a saca potret pero nada no a worde haci y seguro di cas tampoco no ta cubri explosion. Segun Habitante F.L e explosion anterior a worde ocasiona door di trahadornan cu a haya ordo di DOW pa elimina cierto clapchinan y e dos cahanan cu a bin hunto cu e clapchinan a rementa accionando daño na algun di e personanan cu te awe ta sordo, pero tambe a haci daño na diferente casnan den becindario. DOW ta na altura tambe di e situacion aki. Loke cu ta preocupa e habitante ta cu gobi-

ORANJESTAD (AAN): Un biaha mas na e dump di Gabilan unda cu ta coba graniet por a haya sorpresa un di cierto obheto cu ta fuse (mecha) y waya pa cende dynamita. Un aña atras e bario di Gabilan a confronta su mes cu explosivo grandi cu a tuma luga. Te dia di awe ningun di e habitantenan cu a sufri daño na nan cas no a ricibi ningun informacion kico exactamente a ocasiona e explosion di aña pasa. Den e explosion di 14 di januari 2013 diferente casnan den becindario a haya daño y tambe esnan mas leu hasta windshield di auto a kibra. Tampoco no a ricibi placa back di e daño cu nan a ricibi riba nan cas door di e explosion. Segun informacion cu a ricibi no oficial ta cu tabata trata di caha nan di dynamite cu a explota. Un di e habitantenan F.L cu ta basta preocupa cu e situacion ta duna di conoce cu aña pasa DOW a laga un grupo di persona elimina algun clapchi y den nan tabata tin dos caha di dynamite. Sinembargo e aña aki un biaha mas por a tuma nota cu tin actividad nan straño cu ta tumando luga na dump di Gabilan y mesora a notifica polis. Na momento cu polis a presenta por a tuma nota di e obhetonan y na unda cu riba nan ta skirbi cu nan ta obheto explosivo. Polis a duna ordo pa cera e tereno y lo laga e departamento di DOW cu ta encarga cu explosivo bin atende cu e situacion, sinembargo te dia di awe ningun hende mas no a presenta mas. Riba e tereno di Gabilan no ta permiti pa benta ningun sushi ta permiti solamente pa coba granit. Hopi biaha tin diferente hende nan

cu ta trata di benta sushi riba e dump pero nan ta worde gara y mesora nan ta piki e sushi nan back. Na momento cu a habitantenan a yama polis pa bin mira e situacion actual, mesora polis a laga sera e lugar debi cu e obhetonan ta peligroso. Sinembargo nada mas no a worde haci y ainda e explosivo nan ta na mes un lugar. Actualmente e peliger ta keda na unda cu muchanan cu ta hunga den becindario por yega na nan y bay hunga cu nan unda cu lo e ta un situacion fatal. E tubonan geel e habitantenan no sa exactamente kico tin den dje, pero e por ta explosivo seco of likido. Sinembargo e tubonan aki ta pa detona un dynamite. E tubonan aki ta esunnan cu ta worde conecta cu waya y e persona ta bay para na un distancia basta leu cu e waya y na unda cu via di e waya e tubo geel ta explota pa asina activa e dynamite den fraccion di seconde cu e explosion ta tuma luga. DIARIO a busca informacion y a worde avisa cu polis a haci su parti di trabao y a notifica e instancianan concerni pa bin atende cu e asunto aki mas lihe cu ta posibel. Pero ainda e expertonan den explosivo no a presenta na e lugar pa elimina of avisa e habitantenan pa nan tene cuenta

erno y instancianan mester bira mas consciente debi cu tin persona nan cu obhetonan explosivo na Aruba y ningun hende no sa. Kizas den e temporada di aña nobo ora cu tin clapchi nan kier trata di elimina nan den un manera fini pero esaki no ta e miho manera. Loke cu ta realidad tambe ta cu e obhetonan peligroso aki a worde treci den un auto cu a core riba e careteranan di Aruba sin precaucion y cu por trece peliger na cada lugar cu e auto pasa cu e obhetonan. Awor un biaha mas e bario di Gabilan ta den tension un biaha

mas y no sa kende ta esunnan cu por a trece e obhetonan aki y tampoco no sa for di unda e ta bin. Sinembargo esaki ta un indicacion cu esunnan cu tin dynamite na Aruba ta buscando un manera pa deshaci di e fuice nan geel nan aki hunto cu waya nan cu tin den cercania tambe. No ta tur persona por yega na cumpra e tipo di fuse geel nan aki paso no ta tur hende tin e permiso pa cumpra y por laga e tipo di explosivo nan aki drenta Aruba. Ta hopi importante cu gobierno tin un control di kico ta drenta y ora cu e sali tambe di Aruba.


Diabierna Januari 10 2014

Pagina 4

NOTICIA POLICIAL Intento di ladronicia den apartamento

Cas di DIP a bira plantage di marihuana

--Central a manda Patruya diarazon pa 3.40 na Sabana Basora pa un kiebro. Na e sitio e muher H. a bisa cu desconocirnan un rato prome a purba drenta den e apartamento tras di su cas unda su yiu muher ta keda. E yiu a bisa cu el’a tende zonido na e porta y ora cu el’a lanta mira un mucha homber desconoci, el’a core bay. Polis a tuma keho di intento di ladronicia.

--Central di Polis a manda patruya diarazon pa 11.26 na un cas na Seroe Colorado na unda nan a descubri un plantage di marihuana. Na e sitio e homber L. kende ta controleur administrativo di DIP, a bisa cu e tabata controla un cas no - habita hunto cu e hombernan V. y D. cu tabata interesa pa cumpra e cas. L. tabata tin e yabinan di e cas. El’a purba habri e porta dilanti, pero no a logra, como cu desconocirnan a cambia e slot. Ora cu el’a cana patras di e cas, el’a mira un plantage grandi di marihuana, bao di e afdak. Recherche a bay na e sitio y a haya un total di 54 mata di marihuana. E matanan a keda confisca y hiba warda di Polis.

Ladronnan a laga maleta habri --Asistencia di Polis a wordo pidi diarazon pa 6.00, na un cas den Pasteurstraat pa un caso di ladronicia. Na e sitio e muher W. a bisa cu door di awa a yobe, el’a lanta. Ora cu el’a bay mira den e patio, el’a mira e maleta di su yiu muher pafor den e patio habri y tur su pañanan afor. Tambe ladronnan a corta e waya di net cu ta cera a patio. El’a bisa cu un persona a corta e net pa el’a drenta, pero nan no a bay cu nada. Polis a tuma su keho.

Ladron atrapa ta purba forza porta Presencia di Polis a wordo pidi diarazon pa 5.15 den Wilhelminastraat na Caperucita Roja. Na e sitio e doño J. a bisa cu un testigo a mira con un homber desconoci a purba forza e porta dilanti di e negoshi. E testigo a grita e sospechoso. El’a spanta y core bay. E tabata bisti cu un sweater preto y un jeans largo. Polisnan a bay busca den vecindario, pero no a topa cun’e.

Ladronnan a horta tas for di auto di turista Presencia di Polis a wordo pidi diarazon 12.00, na Arashi Lighthouse banda di e lighthouse pa un ladronicia den auto. Na e sitio e turista R.D.K. naci na Estados Unidos di 53 aña, a bisa cu mas o menos 12.00, el’a pone su auto di huur V- 4755 panort di e lighthouse. Ora cu el’a bolbe, el’a mira cu nan a kibra su auto y a bay cu un rugtas, polis tuma su keho.

Pa por brinda mas y mihor servicio

Departamento di Rijbewijs di Polis ta habri diasabra awor Entre 8:00 Am y 2:00 PM na nan oficina na Santa Cruz

Dos auto kibra dilanti cas --Presencia di Polis a wordo pidi diarazon pa 7.20 na un cas den Pierre Cornelisstraat pa kiebro y ladronicia den auto. Na e sitio e homber V. a bisa cu desconocirnan a kibra den su auto un Ford Ranger color geel A-54110. Despues cu V. a controla a resulta cu nan a kibra tambe den e auto Nissan March shinishi A-22703 di su casa. Polis a tuma keho. Den e auto di V. tabata tin su tas cu su paspoort Hulandes cu a wordo horta.

Intento di ladronicia na cas na Sabana Basora Central a manda Polisna un cas na Sabana Basora Noord pa un intento di kiebro. Na e sitio muher M. a bisa polisnan cu un persona a bis’e cu ladronnan a purba drenta den su cas. Na cas el ‘a constata cu ladronnan a kita e randnan di su bentana y nan a forza un porta. Polis a tuma su keho.

--Pa por brinda mas y mihor servicio na comunidad, specialmente na tur esnan cu a pasa nan rijbewijs recientemente of cu a renoba nan rijbewijs durante e dianan di fin di aña, cu e Departamento di Rijbewijs di Cuerpo Policial Aruba lo ta habri diasabra awor entre 8:00 Am y 2:00 PM. E Departamento di Rijbewijs di Polis ta situa na e

ex - Warda di Polis di Santa Cruz. Meta di e servicio special di diasabra awor ta pa por entrega mas rijbewijs posibel y asina baha e atraso cu a presenta door di e dianan di fiesta. Tur esnan cu a haci un peticion pa cambia nan rijbewijs te cu dia 23 di December 2013 por pasa libremente pa busca nan rijbewijs diasabra awor.


Kpa 10114