Diarazon Januari 8 2014 E berdad cu bo mester sa!! E berdad cu bo mester lesa!!
Ora kier tilda Evelyne di huur, mester corda e sentencia di huez cu a dicta cu AVP ta ladron y corupto!
Partido AVP tin setencia di partido ladron y corupto fecha 11 Maart 2008 Awendia cada rato partido AVP y su satelitenan ta tira palabra den direccion di Evelyn. Tin un analisis den Diario cu ta wordo skirbi, cu ta yená cu veneno. No sa ta ken ta skibri’e, pero ta ser bisa cu ta Henny Eman. Entodo caso esun cu ta skirbi e analisis pa Diario, ta un gran chupado cu lenga super largo. E unico partido sentencia pa corupto y ladron: E analisis di Diario ta papia di Evelyn y ta keda referi na huur di edificio. Na mil y un ocasion a splica cu Hendrik Croes a traha 40 aña como abogado, a gana su placa honradamente y a inverti’e den un edificio pa su oficina di abogado. Ora cu Gobierno tabata tin mester espacio pa huur, semper el’a huur na e prijs di mas barata cu tur otro. Pues nunca por acusa ni Evelyn of Hendrik pa ladron of corupto, pasobra Hendrik a presta un servicio pa e huur cu el’a cobra. Sinembargo hopi ta lubida masha liher, cu na aña 2008, dia 11 di Maart, corte den prome instancia a sentencia lider di AVP pa ladron y corupto. Esaki ta e caso unda a mafia 50 miyon florin den fondo di desaroyo San Nicolas unda un cantidad di hendenan chikito a cay cera y pa colmo ta Clarisca Velasquez como recherche tabata interoga nan tur. Huez a bisa cu a keda legalmente proba cu miembronan di AVP a coy placa di pueblo, a horta placa di pueblo y a participa na un crimen di corupcion contra pueblo. Tin minister di AVP cu a haya un auto Ford Explorer regaldo di un comerciante pa asina e por a honra masha hopi contract ficticio. Kico a pasa? Tin hende por lubida cu te hasta a haya placa dera bao tera na un cas na Sta. Cruz parti pariba? A keda constata cu masha hopi placa a wordo cobra y trabaonan no a wordo haci. Huez a dicta sentencia cu Partido AVP a horta pueblo via un minister cu porcierto ta su lider. Kico a pasa despues? Despues mester a cuminza e caso pa pone e hendenan aki paga bek e placa cu nan a horta. Sinembargo na November 2009, Mike Eman a duna orden cu a pasa via Luci Herde (abogado), casa di Baba Herde, pa stop tur caso contra miembronan di AVP. Pues e placa horta cu nan mester a paga bek, a wordo para pa Gobierno di AVP y hinca den lachi di olvido!!!! Nos ta reta tur pa sali duna cuenta di e robo miyonario aki y e ponemento di man riba cabez di otro relaciona cu e stopmento di e caso unda tur mester a paga bek loke nan a horta, relaciona cu 50 miyon florin di Fondo di Desaroyo. Awor nos ta puntra nos mes: Partido AVP, Henny Eman, Analisis di Diario tin e pudor pa lastra Evelyn riba huurmento? Siendo cu e ladronnan sentencia pa huez ta meramente ex - lider di AVP? Hopi curashi bo mester tin pa pinta otro preto, siendo cu bo mes ta e diabel cu dos cacho!
Pagina 3
Abogado Duijenveld:
Nos kier prueba ariba mesa sino nos cliente mester bay cas
Si e investigacion no a cana corecto, nos clientenan tin cu Sali liber mesora
Na salida di corte ayera, Solo di Pueblo a papia cu Edwin Duijneveld riba e caso di atraco riba RBC, unda cu Duijneveld ta defende algun sospechoso dene caso aki. Por nota cu abogado Duijneveld ta hibando su strategia pa busca libertad pa su clientenan y e kier cuminza cu reconfirma cu e proceso policial pa investiga y detene su clientenan ta legal. Abogado Duijenveld ta un di e abogadonan top den casonan penal y ta haci uso di cualkier strategia pa asina por defende su clientenan. Ayera e abogado a bolbe gana un bataya, ora cu ela exigi prueba di Ministerio Publico. Ministerio Publico a rabia y no tabata kier a duna prueba. Sinembargo hues a ordena Ministerio Publico pa trece prueba dia 27 di Januari 2014
ora cu e caso lo sigui. E abogado a conta Solo di Pueblo: Tabatin un investiagcion andando unda hende ta wordo getap y dos hende tabatin contact cu e hendenan cu tabata wordo getap. Ta aki cu a bin haya sa cu lo bini un atraco. Djey nan a pasa e informacion pa un otro grupo di recherche. Ta aki nos kier confirma cu tur cos a cana corecto. Nos kier wak si berdad,
si den ley, si tin suficiente motibo, pa bo cuminza un investigacion, y acusa hende y invadi hende su privacidad, pa bo bay huiszoeking. Nos kier bay na un punto, unda defensa ta bisa cu no tabatin suficiente motibo pa haci esey. Si esaki no a bay corecto, e ora tur loke cu a sigui despues no ta legal y na final di dia tur hende tin cu bay cas.