Issuu on Google+

DIAMARS 07 JANUARI , 2014

3

Baby haya tin su nomber y e interes pa su cuido ta enorme Su nomber ta representa un speranza, comienzo nobo. Pero, no ta intencion pa publica con instancianan publico y competente a dicidi pa yama e baby cu a ser haya dilanti un cas, lora den paña di cortina na Parkietenbosch. Autoridadnan hudicial en todo caso ta buscando si paradero di e mama, cu te ainda ta totalmente desconoci. Segun vocero policial Lito Lacle, e enfoke principal ta pa sigura cu e mama ta den bon estado di salud. Pasobra un hende cu a pasa den un trauma asina pa duna luz y laga su yiu atras ta indicativo cu e tabata sigur den un situacion di stress. Ademas, falta di atencion medico, particularmente pa motibo cu no a mira e placenta, por crea complicacionnan. Na e momentonan aki tur instancia medico ta pendiente pa e mama. “Nos prome enfoke no ta pa un investigacion penal, sino pa haya sa paradero di e mama pa su propio bienestar,” Lacle a bisa. Pero paradero di e mama tambe ta importante pa identidad di e baby mucha muhe cu ta di colo blanco. Un baby cu a keda determina di a nace dia 5 di Januari, pero cu awor ta un ambtenaar, de acuerdo cu ley lo mester dun’e su nomber. Voogdijraad a haya e encargo di Fiscal pa busca un kaarchi di nacemento for di hospital y esaki ta bay ta e orario oficial di su nacemento. Esta e momento cu hospital registra e baby speranza, cu awor entre-

tanto ta inscribi na Censo cu un nomber y fam. Tur dos por cambia na momento cu haya e mama of tata biologico. Aunke no sin mas e mama of tata biologico lo perde tur nan derecho riba e yiu, nan lo no por tuma responsabilidad di e mucha tampoco te ora cu huez determina, basa riba conseho di Voogdijraad cu e circumstancianan ta apto pa lanta un mucha. Esey ta motibo tambe pakico no sin mas por responde na e avalanche di peticion di ciudadanonan, incluso ruman di e famia cu a haya e baby dilanti su porta di cura. Un miembro di e famia extenso di Parkietenbosch a haci un peticion pa tuma e baby, pero e procedura ta relativamente complica. Voogdijraad ta traha cu Fundacion Guiami cu ta e punto di contacto cu e Centro di Famia

di Crianza cu ta traha cu un lista di hende cu tin nan nomber registra caba pa tuma menornan di edad den nan seno familiar. Pero no ta cuestion cu aki ta bay segun sequencia di number, sino cu Voogdijraad ta analisa cada situacion familiar y tambe di e mesun menor pa determina cua famia ta mas apto pa cuida e chikitin. Particularmente pasobra e voogdij no ta pasa pa e famia di crianza, sino ta keda den man di Voogdijraad. Ademas, ta te ora cu topa cu e mama of tata biologico por tuma decisionnan mas fiho. En todo caso Voogdijraad no ta envolvi den un eventual investigacion penal cu te ainda no ta prioridad di husticia. Na 2012 tabata e ultimo biaha cu a registra un caso unda no por a determina ken ta mama di un yiu recien naci. E caso a

Homber cu a tira cacho deteni Diadomingo ultimo polis ta ser dirigi pa un cas na Papaya caminda un cacho lo a wordo tira y ora cu nan a yega na e sitio, nan a papia cu e homber L.G. kende ta declara cu su persona a tira un cacho na su pata patras c’un rifle di aire, esta di kelki, pa motibo cu e cacho aki continuamente ta benta su barinan di sushi abou, cu consecuencia cu tur sushi ta keda benta riba caya dilanti di e cas. E señora di inicial S.J.K. kende ta doño di e cacho sinembargo, a acerca e polisnan na e sitio y ta declara cu no ta su cacho ta esun cu ta benta e barinan abou, ya cu su cacho ta chikito y lo no tin asina forsa pa benta e barinan grandi abou, ya cu ta trata di barinan pisa. E señora a sigui mustra cu tin hopi cacho di caya

den e bario y e ta kere cu ta e cachonan ey ta plama e sushi tur dia na e cas di e homber y otro casnan. E cacho cu a wordo tira tabata sangra bastante na su pata patras y a conseha e señora pa hiba e cacho na un clinica di veterinario pa di e forma aki e ricibi tratamento. Pa banda di 3’or di atardi e oficialnan di polis a bay over na detene e homber L.G. a base di art. 366, art. 265, art. 477 w.v.sr. y a ser transporta pa warda di polis na Shaba caminda pa 4.20 el a wordo presenta dilanti di Sub Oficial di Husticia kende a ordena su detencion pa mas investigacion y interogacion y tambe pa e ricibi un multa pa uzo di e arma. E rifle di aire a keda confisca pa autoridadnan.

sosode na Pos Abou, pero aki no a laga e baby su so, sino cu un persona kier a registra e baby como di dje, pero no tabatin e kaarchi di hospital ni ningun otro prueba cu e tabata su yiu. No por a saca afo ken tabata e mama di berdad y dos aña despues ainda Voogdijraad no sa nada di e paradero di e mama biologico y e chikitin aki ainda ta cerca e mesun famia di crianza cu a tum’e bou su responsabilidad for di e prome momento. Pa loke ta e baby di Parki-

etenbosch, e interes pa cuid’e ta hopi grandi. Voogdijraad, hospital y hopi otro instancia ta haya yamada pa tuma e mucha. Pero Voogdijraad ta consiente cu e ta un reaccion emocional for di comunidad pa un baby chikito. E famia cu finalmente ta keda apunta pa cuida e baby mester ta emocionalmente prepara pa cualkier eventualidad, sigur uno unda ta tene cuenta cu e derechonan di e mucha pa ta cu su tata of mama biologico, apesar di e circumstancianan di su nacemento.

Polis mester a mata cacho

Despues di abuso cometi contra e animal Diadomingo atardi polisnan mester a bay na un cas na Seroe Pita caminda informe a drenta cu habitantenan di un cas a haya un cacho den nan cura di cas, cu probablemente a wordo tira den su cabes. Na e sitio polisnan a papia cu doño di e cas di inicial B. kende ta bisa cu el a bay pafo pa laga su cachonan los y core un rato den cura, pero pa su sorpresa el a bin haya un otro cacho den su cura di cas na e parti patras. El a mustra polis e cacho cu tabata mustra seriamente maltrata y por a nota cu ta tratad di un cacho di caya caminda mita di su craneo no tabata tey mas y por a mira cu e pober animal tabata pasando den hopi dolor. Relaciona cu e situacion aki e oficialnan di polis a tuma contacto cu central pa mira si por logra haya un veterinario pa bin na e sitio pa atende cu e cacho of pone drumi, pero esey tabata imposibel ya cu si e veterinario bin na e sitio, mester paga su persona pa e servicio aki. Despues di a dialoga cu Hefe di turno a dicidi cu mester saca e cacho for di su sufrimento y a duna orden na un di e oficialnan pa tira e cacho mata loke a sosode. Despues nan a pone den un saco di plastic y transporta e bestia pa dump na Parkietenbos.


DIAMARS 07 JANUARI , 2014

Homber ta haya explosivo bieu na Gavilan Diadomingo merdia central di polis a dirigi un patruya na un cas na Calabas, caminda un persona tin algo pa mustra polisnan. Na e sitio nan a papia cu e homber di inicial F. kende a mustra e oficialnan di polis un obheto di plastic geel cu a entre 10 y 12 centimeter largo y 6 centimeter di hancho y riba e obheto ta para cu ta trata di explosivo. Polisnan mesora a conclui cu aki por ta trata di explosivonan cu aña pasa lo mester a wordo destrui na e dumb di Gavilan pero cu a percura pa un explosion formal cu hasta a laga un persona lesiona. E homber a sigui mustra polisnan cu diadomingo manta el a bay pa duna su porconan cuminda na un rancho cu e tin riba tereno di Rancho Gavilan, cu ta cerca di un cero caminda lo tin mas explosivo igual den tera. E cabayero a bay cu e oficialnan di polis na e sitio y a mustra unda el a mira mas di e obhetonan explosivo aki y dor di e awasero cu a cay hopi ultimo dianan, e explosivonan a bin na superficie y tabata trata di 50 obheto igual na esun cu el a mustra na polis. Parti di e obhetonan tabata hopi frustia y mesora a avisa central di polis di e situacion cu e ora a informa DOW di e situacion cu a keda pa bin na e sitio pa atende cu tur e cosnan aki. A dicidi di cera e tereno cu cadena pa no permiti hende subi e sector aki te ora cu tur cos wordo regla y e no ta forma peliger mas pa ningun ciudadano.

Opportunity as a Consultant Advisory Your career is just that, yours. You choose it. You live it. You make it happen. To get the best from it, you need the best opportunities. That’s why opportunities are at the heart of a career with us. Opportunities to grow as an individual, to build lasting relationships and make an impact in a place where people, quality and value mean everything. What we offer At PwC we’ll offer you the challenge to constantly improve your capabilities. Within a pleasant, dynamic and friendly work environment you will be working with professionals within PwC Dutch Caribbean. What we ask You have a Master degree in International Business, Innovation Management or equivalent and you have an extensive knowledge of lean six sigma. You have a minimum of 2 years experience in project management, transformations and/or management consultancy within the public sector. Analytical, customer focused, assertive and pro-active. You have a strong written and oral proficiency in Dutch and English. To find out more and apply Send an e-mail to recruitment@an.pwc.com or send your resume to: PwC Aruba, Att. Drs. Anna Maduro, HR department, L.G. Smith Blv 62, Oranjestad, Aruba before 14 January 2014. Before applying or calling: Register at DPL Seroe Blanc0 # 4. Bring your local ID or 5 florin proof of registration from the Civil register Aruba. Registration can be done between 7.30 – 11.00 AM, Monday through Friday

Sigui Arubawe y na tur momento ! Laga bo tweet canta na @ArubaWe

www.arubawe.com

Un corant otro,un website otro.... un social media otro!

6

Mal combinacion

Polis ta haya guardia di siguridad cu choller den auto Diadomingo marduga, net algo despues di mei anochi, central ta dirigi un patruya na Luxemburgstraat caminda informe a drenta cu lo tin un auto sospechoso staciona. Polisnan a bay na e sitio y den e caminda di santo cu ta bay pa e compleho di cas na Bushiri, en berdad a bin haya un auto Toyota Corolla shinishi staciona na e banda robes di caminda sin luz cendi. E oficialnan di polis a baha pa bay averigua e situacion y den e auto ta bin haya e chauffeur di inicial G. sinta, kende ta declara cu e ta un oficial di siguridad pa un negoshi den vecindario y cu el a bin huma un sigaria un rato na e sitio. Na e otro banda di e auto, polisnan a bin tuma nota cu tin e muhe di inicial S. sinta, kende ta bon conoci pa polis ya cu e ta un choller y kende tambe tabata envolvi den cantidad di caso di la-

dronicia. Polisnan a pidi e homber G. pa baha for di e auto pa nan controla tur cos y a duna e homber un scual ya cu no solamente su comportacion ta sospechoso pero e ta den compania di un hende sospechoso cu sin duda no ta mustra nada positivo pa su persona. Realmente un caso straño ya cu e trabou di e individuo aki ta pa cuida propiedad di su dunado di trabou pa evita cu net hendenan manera e muhe S. ta comete nan fechorianan contra di un of otro negoshi. Polisnan a bandona e sitio ya cu realmente no tabatin un acto contra ley cometi pero sin un situacion cu no ta mustra nada alentado, esta di un guardia di siguridad sinta den scur c’un persona cu su reputacion ta dudoso.


PAGINA 16

DIAMARS 7 JANUARI 2014

DIARIO

Homber a pusha su casa di auto y hera trapa riba dje den Schelpstraat

ORANJESTAD (AAN): Recientemente den oranan di anochi presencia di polis a worde pidi cu urgencia den e area di Schelpstraat dilanti di Keke Departament Store. Aki un homber a dicidi na pusha un hende muher for di un SUV blanco y hera pasa riba dje tambe. Manera loco el a ranca bay y esnan cu a bay su tras a perde tambe den e area di De La Sallestraat. Polis a yega y a haya e señora Dominicano para cerca un grupo di hende cu ta biba den e area y cu a mira claramente loke a sosode. E señora tabata hopi spanta y tabata yora. Casi e no por a comunica. El a splica cu el a bay busca su casa A.P. na bestuurskantoor caminda e tabata trahando. E homber ta core cu e SUV nobo nobo pero esaki ta propiedad di e señora. Parce cu e homber tabata bebi. Tur cos ta mustra cu e no a gusta cu e casa a bay busca su drechi. E bebemento dimes a haci e situacion peor pasobra e homber lo no a razona. Den e auto tabata tin e yiu tambe di e señora cu tabata un menor di edad. Na dado momento den Schelpstraat cos a bay for di man y varios testigo a mira con e homber a pusha e muher cu a cay riba caminda y casi a pasa riba dje cu auto. Kico tabata pasa prome den e auto no ta conoci. E homber a pasa den area prohibi y raspa dos tubo riba un tereno priva pa huy for di e lugar lagando e señora atras. Despues cu polis tabata papiando cu e señora a drenta informacion cu e homber a yega mas pabou cu e auto banda di

parada di bus. Polisnan a bay pe mesora y na yegada a pone baha for di auto cu man den halto. El a keda deteni mesora sospecha di intento di asesinato. E criatura den e auto a baha tur spanta ta yora. Ambulance a worde yama pa duna e señora asistencia. Tanto e mama como e yiu a bay hospital den ambulance pa un chekeo. E auto lo worde busca pa autoridad. E chens ta grandi cu e homber lo

keda sera pa intento di asesinato y si e casa entrega keho cosnan lo bira peor ainda. E pareha aki lo ta bibando den Caya Ruby.


DIAMARS 7 JANUARI 2014

DIARIO

PAGINA 17

Homber bebi cu ta insulta bisi単a a keda deteni

ORANJESTAD(AAN): Un homber de remate cu boca grandi bou influencia a keda deteni. Polis a ser manda den direccion di Solito na un cas. Na yegada e splicacion cu polis a haya tabata cu e homber tabata cana rond den e barrio ta buscando problema pa su curpa. E ofensanan tabata hopi den direccion di mas bisi単a. Pa evita cu e ta haya su mes mal sirbi pa motibo di ta bou influencia e polisnan a opta pa hibe warda. A detene y pidi pa e dogcatcher di polis bin buske.


Diamars Januari 7 2014

Pagina 15

Scooter skelet a perde control na Seroe Patrishi y dal den transhi Manehador a keda benta ariba caminda Dialuna merdia pa mas o menos 1:40 Polis a bay Seroe Patrishi. Pa ta exacto Polyrama bay panord. Na e sitio nan a topa cu manehador di un Scooter skelet manera e ta wordo yama, benta ariba caminda. E scooter tabata biniendo for di Modansa direccion pazuid y pa un of otro motibo pasando e rooi, e ta perde control dal den e transha na su man robez. E mes a bay cay algun meter mas leu. Mesora a solicita pa un ambulance, pero un biaha mas mester bisa ambulance a tarda mas o menos 30 minuut pa yega. Tur e ora ey e manehador a keda benta ariba e caminda cayente. Ora cu ambulance a yega, el’a transporta e cabayero pa hospital. E cabayero tabata na tino pero no tabata move ningun parti di su curpa.

PPV di Caiso & Soca Monarch 2014 ta na venta caba cu prijs di Early Bird Fundacion Musica ta organiza e Caiso & Soca Monarch 2014 den Carnaval 60. Lo cuminsa cu e pre-final dianan 11, 12 y 13 di Februari 2014 y e anochi final lo tuma lugar dia 15 Februari 2014. SETAR Cable Services ta haci posibel pa esnan cu no por asisti na e eventonan di Caiso y Soca Monarch 2014 pa cualkier motibo, por waak esaki “live” via Pay Per View den nan propio cas. Como oferta special, SETAR tin e prijs di “Early Bird” (85 florin) cu ta valido te cu dia 17 di Januari 2014. Despues di e fecha aki e pakete ta bira e prijs normal. E pakete di PPV ta encera tur e

anochinan di pre-final y e anochi final di Caiso & Soca Monarch 2014. Paketenan ta obtenibel na tur SETAR Teleshop y SETAR Store of

por yama 525-1700. Patrocinadornan cu ta haci e PPV posibel ta SETAR, Romar Trading y Aruba Bank.


Diamars 07 Januari 2014

www.awe24.com

Na Noord: ladronnan a kibra bentana di auto, habri hood y horta bateria

Pagina 19

Un cacho, maltratĂĄ cu machete, a yega na un cas na Seroe Pita Polis a pone drumi pa e no sufri mas

Dialuna mainta a drenta informe di cu ladronnan lo a kibra drenta horta for di un auto staciona dilanti un cas na Noord, Mesora a dirigi un patruya na e sitio. Na yegada di e patruya a bin compronde cu antisocialnan a destrui e bentana chikito banda drechi patras y a habri porta habri hood y a bay cu e bateria di e auto.

Diadomingo atardi a drenta informe cu na un cas na Seroe Pita a yega un cacho tur maltrata cu un machete. E tabata sangrando. Mesora a dirigi un patruya pa e sitio. Na yegada di e patruya a bin nota cu e enberdad e animal a ser seriamente maltrata cu un machete. E tabata sangrando profusamente. Despues cu polis a delibera cu fiscal, a haya autorizacion pa pone e animal drumi. Polis a sigui cabalmente cu instruccion y a hink’e den un saco di sushi y pone den e patruya. Nan a bay bente na dump unda ta laga e bestianan morto. Esaki ta un maltrato di bestia y esey ta castigabel pa ley si haya esun cu a comete e acto aki. Atrobe un yamada ta ser haci na comunidad cu tin cacho: percura pa e ta bon cera den bo cura y mara, pasobra e ley a pasa y bo por haya un boet pa a laga bo cacho riba caya.


Diamars Januari 7 2014

Pagina 2

Team di Rode Kruis a salba anciano den Hendrikstraak, na momento cu el’a bira malo

Diadomingo anochi e team di Rode Kruis ariba caya a topa un situacion lamentabel den Hendrikstraat. Mesora nan a baha y a ripara cu un meneer di edad a cay y a bira malo hopi liher. E meneer den e caida a fractura un pia tambe. Mesora nan a pidi pa Ambulance, pero e contesta tabata cu NO tin Ambulance disponibel pasobra tur ta ocupa. Mientras minuutnan tabata pasa, e anciano tabata perdiendo rosea y a cuminsa stik. Posiblemente hayando

problema cu su curazon tambe. Polis di Playa tambe a yega na e sitio y no por haci mucho cos. Mirando cu e situacion ta empeorando conhuntamente cu Rode Kruis a opta pa hink’e den e pick up patras. Asina bao escolta di Polis nan a bay cu urgencia rumbo pa hospital. Un caso increibel cu ta pasa den aña 2014. Mester drecha loke ainda falta den servicio di Ambulance, esaki ta un prueba.

Homber a tira cacho cu ta bolter su bari di sushi Asistencia di Polis a wordo pidi diadomingo 14.40, na un cas na Papaya unda un cacho a wordo tira. Na e sitio e homber L.G. naci na Aruba di 40 aña, a bay cerca polisnan y a bisanan cu el’a tira e cacho na su pata patras cu un pistool di aire, pasobra e cacho tur ora ta bolter su bari di sushi abao y e sushi ta keda plama. E doño di e cacho tambe a bin na e sitio pa declara cu no ta su cacho ta bolter e barinan, como cu su cacho ta chikito y no tin suficiente forza pa bolter e bari di sushi. El’a bisa tin hopi cacho ta cana los den e vecindario cu por a bolter e bari di sushi. E cacho tabata sangra na su pata patras. Polis a bisa S.J.K. pa bay veterinario cu e cacho pa tratamento. E homber L.G. a keda deteni y hiba warda di Shaba, unda el’a keda cera pa investigacion. E pistool di aire a keda confisca.


Pagina 20

Diamars 07 Januari 2014

www.awe24.com

2 ciudadano ehemplar a logra gara un choller cu a kibra auto di turista

Dialuna atardi a drenta informe di cu 2 ciudadano a captura un choller cu a kibra drenta horta den un auto di huur di turista den e parkinglot pabao di edificio di aduana, Mesora a dirigi un patruya na e sitio. Na yegada di e patruya a bin nota cu ta e conocido choller Patan cu a kibra e lona di un Jeep di huur y a horta pertenencianan di e turistanan pero e 2 ciudadano ehemplar a logra pare y core su tras y gare. Nan a trece bek na e sitio di crimen unda polis a tume over. Durante cu polis a ristre, a bin haya un obheto skerpi den un di su saconan. Polis a hiba e sospechoso na warda di polis y a pone un nota riba e auto pa e turista comunica cu warda di polis.

De La Sallestraat:

Dama hibando su baby malo pa hospital a cay den un panico y a subi acera

Dialuna mainta tempran a drenta informe cu dilanti Watergate na De La Sallestraat un auto a dal un palo di luz y cu tin hende herida. Mesora a dirigi tanto polis como ambulance na e sitio. Na yegada di e patruya, nan a bin comprende cu e dama chauffeur tabata bay rumbo hospital cu su baby cu a bira malo. Na un dado momento e chauffeur a bira asina nervioso cu no por a sigui core auto bon mas y a subi e acera y a hera dal un palo di luz. Polis a pidi si pa e ambulance bini y hiba e baby malo pa hospital. Na yegada di e ambulance, nan a hiba e dama y e baby hospital.


Diamars Januari 7 2014

Pagina 3

Mike (AVP) a nenga Grupo de Veer permiso pa DJ den Fakkel

Informacion cu a circula ayera y confirma pa SAC ta bisa cu Gobierno di Aruba, dirigi pa Mike Eman a dicidi cu lo no otorga permiso pa Grupo De Veer pa nan trece un dj internacional pa toca den Fakkel. Ya for di basta dia caba y te hasta prome cu Pasco, Gruponan Uni di Carnaval a lanza nan voz di protesta contra SAC, pasobra segun nan cu nan tin un acuerdo cu SAC cu lo no permiti ningun artista internacional den parada di carnaval. Un vocero te hasta a papia di traicion. Di otro banda nos a comprende cu SAC ta lomba contra muraya, pasobra Grupo De Veer ta main sponsor di SAC y como tal nan no por a

24 empleado lo perde trabao....

Bon Bini Bazaar a anuncia ciere di su negoshi den Caya Betico

nenga di duna ‘positief advies’. Awor e asunto ta dal un vuelta, pasobra Grupo de Veer a laga sa cu sea cu permiso of sin permiso e Dj lo subi trailer y lo toca y cu si ta necesario nan lo bay te huez pa busca nan derecho. Segun Grupo de Veer, cu tur e ultimo añanan tras di lomba, tur DJ a drenta Aruba sin permiso y ya caba Gobierno a permiti e desaroyo aki y parce ta laat pa Gobierno bin nenga e permiso. Awe e Grupo De Veer a keda di anuncia kico nan lo bay haci, pasobra un cos ta sigur cu Eduardo no a spera esaki di Mike, kende ta exactamente ‘mi hendenan’ y ‘bo hendenan’ bo no ta trata asina.

Ya ta di aña pasa caba e rumor a plama cu tin varios compania cu lo bay cera nan porta den Caya Betico Croes. E tempo ey nos redaccion a prefera di no publica e nomber di e compania pa asina duna espacio na e doñonan mes pa anuncia esaki. Sinembargo ayera, e prome dia di trabao di aña 2014, e doñonan di Bon Bini Bazaar a anuncia na Amigoe cu nan lo cera nan porta na luna di April. Segun un di e doñonan Citroen, cu e huur di e local a termina, pero tambe cu venta di e negoshi no ta substancia mas un ganashi cual lo mester segura e existencia di e compania. Lo no por tin ningun duda cu henter e remodelacion di Caya Betico, dirigi pa Mike Eman a bini cu e consecuencia fatal aki pa e compania. A renoba caya pa asina e garoshi por trece turista den Caya, pero esaki tampoco a yuda, pasobra turistanan di barco crucero no ta baha den caya y ta core den e garoshi pa waak y bay bek barco, unda te hasta nan cuminda ta por nada den e barco. Hecho ta keda cu aki un cantidad di mama y tata di famia lo perde trabao y esaki ta

mustra un unicio negativo pa nos economia. Esaki no ta e unico compania cu a manda hende cas, pero asina tin mucho mas compania cu ta retirando hende y haci inkrimping. Pues si Banco Central, Mike Eman of kende sea cu pretende riba crecimento di economia, lo ta bon pa nan pa haci un analisis di nobo. Segun e declaracion di e directora den Amigoe, el’a bisa cu tin un total di 24 empleado cu lo perde trabao. Ademas e doño a bisa cu dia 22 di Januari nan lo reuni cu doño di e edificio pa asina haya mas informacion ariba cierto acuerdonan, pero unda en todo caso e huur contract a termina. Di otro fuenta na altura, nos

a comprende ayera nochi cu ya caba tin un peticion aden na Gobierno di Aruba pa haci e edificio aki un tipo di nightclub, sinembargo nos no tin ningun confirmacion ariba e noticia aki, cu solamente un fuente cu a bisa nos cu na polis nan ta na altura. Por cierto no un simpel nightclub, pero un strip club tipo San Nicolas. Esaki ta otro prueba cu e bon intencion di Mike Eman pa renoba Caya Betico Croes enberdad no tabata pe doñonan di negoshi cu tey awendia, pero ta pa e nobonan cu lo tuma over, ora cu esnan cu semper a carga e caya a haya e danki mahos aki di Mike y AVP.

Vocero policial sr. Lito Lacle:

Polis ta pidi mama presenta na Warda pa asina por trece claridad den e caso encuanto baby recien naci, haya na un cas Sr. Lito Lacle vocero di polis a comenta encuanto e baby recien naci cu un pareha preparando pa bay trabao a haya riba un stoepi dilanti di nan cas lora den un algo parecido na un cortina. E ta conta cu e pareha a haya e baby ainda na sanger cu su navelstreng pega na dje. Inmediatamente nan a tuma contacto cu central post cu a yega mesora y start cu e investigacion. E baby danki Dios ta saludabel y fuera

di peliger. Den e caso aki locual cu ta mester actualmente ta un claridad di cual e unico persona cu lo por trece claridad den esaki ta e mama. Tin cu bisa cu e mama tambe ta den peliger si e no saca e placenta afor. Pa es motibo aki polis ta pidi pa e mama presenta su mes na warda y asina trece claridad den e caso aki. E team di JZP a cuminsa cu investigacion cual te ainda no por bisa kico ta e situacion di e caso.

Hayando e mama, por determina si e caso aki ta penal of no. Na unda cu e baby a wordo haya, tin cu bisa cu toch tin basta trafico pues cualkier hende por a mira un persona cargando algo oranje/roos. Actualmente e baby ta na hospital bao observacion. Por bisa cu e ta un baby mucha muher y color cla. Lo bay determina si e baby lo keda aki of lo bay por ehempel Casa Cuna, segun sr. Lito Lacle.


Diamars Januari 7 2014

Pagina 4

NOTICIA POLICIAL

Ni dilanti Ministerio Publico auto no ta safe

Central a manda Polisnan diadomingo 5.35 den Kazernestraat pa un caso di ladronicia den un auto. Na e sitio e homber M. a bisa Polisnan cu el’a para su auto dilanti Ministerio Publico y a lagu’e bon cera na yabi. Ora cu el’a bolbe, el’a mira cu e glas di e porta dilanti tabata kibra. E no ta haya falta di nada den e auto. Polis a tuma e keho.

Polis a haya choller sinta den auto di guardia cu tabata trahando Polisnan diadomingo pa 12:30 durante patruya den Luxemburgstraat, riba e caminda di santo cu ta bay pa Bushiri Complex, a topa un auto Toyota Corolla color shinishi sin luz para banda robez di caminda. Polis a bay controla e auto y nan a topa cu e chauffeur G., naci na Aruba di 71 aña, kende a bisa polisnan cu e ta trahando como guardia y a bay huma un sigaria. Polisnan a mira cu den e auto, e conocido choller y ladron Shakira tabata sinta. Polis a scual e chauffeur mirando su trabao y e ta sinta cu un conocido di polis den su auto den un situacion sospechoso.

Problema cu chauffeur coriendo den verboden Central di Polis a manda patruya diadomingo pa 3.58 na haltura di Candela Truck pa un problema entre dos chauffeur. Na e sitio e muher M. a bisa cu e ta chauffeur di un Honda Civic color shinishi y e ta bayendo panort riba e caminda sin nomber dilanti Paddock Cafe. Ora cu el’a yega na haltura di Candela Truck, el’a topa cu un Toyota Yaris ta coriendo den verboden, direccion The Paddock. M. a bisa polisnan cu el’a baha for di auto pa bay papia cu e chauffeur di e otro auto pa puntr’e si e por para un rato den un lugar di parkeer pa e por pasa cu su auto. E chauffeur a rabia y hasta e pasahero sinta na banda a bisa M. cu e tin un pistool. Door di esey, M. a sinti su mes menaza y kier duna keho. Polis a bisa M. e proceduranan.

Cas na Catiri a haya bishita di ladron Presencia di Polis a wordo pidi diadomingo pa 4.03 na un cas na Catiri pa un caso di ladronicia. Na e sitio e homber W. a bisa polisnan cu dia 4 di Januari 22.30, el’a sali di su cas y a lague na yabi. Dia 5 pa mas o menos 3.00, el’a bolbe cas y a mira cu desconocirnan a drenta den su cas. Nan a habri e bentana di e kamber pariba y a drenta paden. Recherche lo pasa den oranan di mainta pa investigacion y tuma keho.

Anciana no ta confia yamadanan di telefon den anochi Central a haya un yamada di telefon diadomingo pa 5.35 for di un persona cu e resulta di ta un anciana, kende a bisa cu henter anochi, el’a wordo yama pa un homber, kende a bis’e cu e ta bin bishite den oranan di anochi. Polisnan a bay den Blenchistraat y nan a papia cu e habitante M. naci na Aruba di 83 aña, kende a bisa cu e kier pone

polisnan altanto di e situacion. Polisnan a bay na e cas y e habitante M. a habri porta. El’a bisa cu un homber desconoci a yam’e na su telefon y a puntr’e pa un tal Eric. M. a bise cu no tin Eric ta biba eynan y ta su so ta biba y no conoce Eric. El’a bisa cu e tin miedo cu e hendenan a yama pa bin su cas y el’a cende tur luz, tanto di pafor y paden. Polisnan a controla den cura y tambe rond di e cas, pero no a topa cu nada particular. Polisnan a bis’e si nan yama un biaha mas, pa e no contesta e telefon.

Denuncia di joyriding di auto di turista E homber C.N.P.naci na Venezuela di 50 aña diadomingo 12.42 a bay warda di Polis y a declara cu e ta cu vacantie na Aruba y diadomingo e ta bay bek Venezuela. El’a para su auto diasabra 22.00 dilanti e cas y diadomingo 12.00, el’a mira cu desconocirnan a bay cu e auto. Ta trata di un Hyundai Accent V-5520.

Asistencia pa explosivo haya banda di Gavilan Central a manda Polisnan diadomingo 12.50, na un cas na Calabas, unda un persona tabata tin algo di mustra Polisnan. Na e sitio e homber F. a mustra polisnan un obheto geel di plastic di mas o menos 10 pa 12 cm largo y cu un hanchura di 5 cm. Riba e obheto tin skirbi cu e ta algo explosivo. E habitantenan tin miedo cu mescos cu aña pasa, cu un parti lo a bula durante e explosion grandi. F. a bisa polisnan cu mainta el’a bay duna su porconan cuminda banda di su rancho riba e tereno Gavilan y a haya un sero di e obhetonan den e awa. Ora cu e awa a zak, e saconan a bin ariba y ta parce cu ta trata di 50 huls explosivo. E punta di e obhetonan tabata frustra. Central a pone personal di DOW na haltura pa pone e cadena bek pa e tereno keda cera.

Turista a fayece morto natural a bordo di barco Presencia di autoridad a ser pidi diadomingo 23.27, na un barco cu a drenta cu un persona cu no ta duna señal di bida. Polisnan a bay na e cabina 6308 y a haya informacion cu a manda personal medico pa duna asistencia y duna e ayudo necesario, pero sin resultado positivo. E trata di e homber R.J.Mcvicar naci na Gran Britania di 59 aña. E muher a bisa cu nan tabata drumi riba cama y diripiente e homber a cuminsa ronca. Un rato despues el’a mira cu e homber no ta duna señal di bida y a yama pa ayudo. Mas o menos 00:21 e dokter abordo a constata morto natural di consecuencia di "acute myocardial infarcion". Na yegada na Aruba, dr. Angela a bay abordo pa haci investigacion pa confirma tur cos. E agencia Maduro & Sons, lo percura pa manda e cadaver bek su pais.

Homber ta haya su apartamento tur bruha

Presencia di Polis a wordo pidi diadomingo 4.05 na un apartamento di Savaneta pa un caso di ladronicia. Na e sitio e homber R. a bisa cu el’a bolbe cas despues di a sali cu un amiga. Ora cu nan a yega cas, nan a tende cachonan blaf y a pura bay na su apartamento. Ora cu el’a yega, el’a mira e porta dilanti tabata habri y a nota cu desconocirnan a reboltia dur den su kamber y a bay cu algun cos..


Diamars Januari 7 2014

Pagina 5

BOROTONAN DI CARNAVAL Relaciona cu atraco Segun Kevin van Ommeren di stichting di Carnaval Uni: RBC Noord Fiscal Gruponan Uni tin un acuerdo cu lo ser interoga den SAC y nos kier pa e wordo respeta Tecla Kelly a admiti di a haci un fout, firmando pa Corte Shermantology

Despues cu diferente biaha e caso a keda posponi, mañan mainta un Fiscal mester presenta den Corte pa wordo interoga relaciona cu e caso asalto RBC Noord. Parce cu lo tin tapmento di telefoon a tuma lugar y abogadonan a cuestiona esaki. E Fiscal cu ta atende e caso a bisa cu un colega di dje ta atendiendo un investigacion profundo y esey ta haciendo e tapmento. Tin abogado a cuestiona e hecho cu nan cliente tambe a wordo scucha y esey no por. Nan kier scucha e Fiscal den Corte pa mira

kico tur ta sosodiendo cu e investigacion ey. Posiblemente awe mainta tur e sospechosonan di e asalto di RBC Bank tambe lo ta presente. Ta trata aki di Johannes Span Ospino, Myron Dirksz, Sixto Torres Rios, Jose Petit Briceno, Enjenbert Pacheco Soto, Juan Carlos Acuna, Jose Gonzalez Brancho, Yovany Machado Guillen, Giovanni Vieira Do Salao, Giancarlo Vieira Do Salao. E grupo aki ta wordo sospecha cu riba 1 Februari 2013 a haci e asalto arma na RBC Bank Noord caminda a bay cu 116.024 florin.

Denuncia di ladronicia di auto E muher M. a bay warda di Polis diadomingo 5.04 warda di Polis y a duna keho di ladronicia di su auto. El’a bisa Polisnan cu el’a para su auto Toyota Tercel blanco A-10136. E auto tabata staciona pariba di Winter Garden Restaurant. Polis a tuma e keho.

Dos auto a bira victima di ladronicia Asistencia di Polis a wordo pidi diadomingo 05. Banda di Driftwood Restaurant den Klipstraat unda ladronnan a kibra den dos auto. Nan a kibra e glas patras di e auto A- 12063 y nan a ristra den e auto, pero no a bay cu nada.. Tambe nan a kibra den un Hyundai Accents color shinishi V-4995. For di e auto ey nan a bay cu 80 dollar. Polis a tuma keho di kiebro y ladronicia.

PUEBLO A H HAÑA SU PEN BEK

Pa kualkier informacion solodipueblo@gmail.com of

☎ 585-9500

Segun Kevin van Ommeren di Gruponan Uni, e discusion ta cu SAC. Nan no tin nada di haci ni cu e grupo di carnaval, ni cu e banda. Gruponan Uni tin un acuerdo cu SAC y a manda e puntonan di agenda, dia 25 September 2012, unda a papia cu SAC lo no cobra gruponan pa Fakkel. Tambe a papia ariba varios otro topico, unda a elabora riba e gruponan di carnaval cu ta lanta pa Fakkel so. Den e reunion ey, varios grupo di Aruba, e gran mayoria, a reuni cu SAC y a yega na varios palabracion. SAC a kibra acuerdo y duna un positief advies pa un grupo di carnaval. Gruponan Uni tin problema, pa e hecho cu den varios reunion, nunca a bisa cu lo permiti dj bin perform den carnaval. Gruponan Uni kier salvaguardia Carnaval. Den ultimo 10 aña, no tin un grupo cu a lanta y cu a keda. Si tin competencia inhusto, bo no ta afford pa bay carnaval. Carnaval no mester bira un competencia di cual fiesta ta yena. Aki no ta papia di placa. E stichting aki a lanta, bao di peticion di Kevin James. Kevin James a bisa pa ban uni, pa asina

cumpra cos hunto. Como stichting di gruponan di carnaval kier traha hunto y tambe nan ta boga pa mas grupo por lanta y existi. Nos no ta contra e banda of grupo, pero nos tin un acuerdo cu SAC y SAC a kibra e acuerdo. Pesey nos kier sa awe unda nos ta para. Atrobe, e punto ta cu tin un acuerdo cu SAC, cu ta bisa cu no ta permiti banda internacional bin perform den carnaval. Mester respeta e acuerdo. No por ta asina cu SAC ta firma acuerdo cu grupo y djey ta bira bay haci algo otro. Den caso di Shermantology, nan ta bisa cu nan ta produci musica y ora bo ta produci musica, bo ta un artista. Stichting Musica tambe a manda carta pa Meta Social Club. Hildward Croes di Fundacion Musica a bisa cu nan ta defende artista local. Si Djnan local no tin toca, mester duna esnan local prome pa haya un toca y haya un job. Den e caso aki, e por ta un, diez of 100, e ta un artista y e mester cumpli cu regla. Nos kier dicidi esey, pero si na Maart aña pasa, nos tabata sa esey, e ora tur hende por a busca nan brassband di

Trinidad etc. etc. Gruponan Uni por a bini cu un gimmick comercial pa bini cu algo diferente. Diripiente den December, SAC ta cambia su posicion. Tecla Kelly a admiti cu el’a haci un eror. Pues SAC sa cu nan a haci algo robez y viola e acuerdo. Awor si bo kier habri porta, habri’e pa tur grupo por bini cu artista internacional. Fundacion Musica tambe a haci apelacion na Ministernan den un carta, pa Gobierno nenga e permiso pa Meta Social Club. Dia 12 di December, otro carta a bay SAC. A reuni cu SAC ariba e topico aki y SAC a keda di bay atende e asunto, pero te cu awe nada nada. Djey Grupo Uni a manda carta pa Benny Sevinger pa un reunion, pero no a haya e reunion tampoco. Kevin van Ommeren a bisa na final bon cla: Nan ta keda atende e asunto aki cu SAC y cu ningun otro hende of instancia. Nan no tin nada di discuti cu Meta Social Club ni tampoco cu Shermantology, pero nan tin un acuerdo cu SAC y kier pa SAC responde na e gruponan.


Diamars Januari 7 2014

Pagina 6 Reunion entre parlamentonan den Reino ta cuminsa na Corsou 7 Januari

CUMPRAMENTO DI POLITICO LO SER TRATA DURANTE REUNION DI PARLAMENTONAN DI ARUBA, CORSOU, ST. MAARTEN Y HULANDA

Parlamento di Aruba a manda un delegacion pa Corsou pa atende cu e reunionnan anual entre tur e parlamentonan di Reino. Pa fraccion di MEP ta bay Evelyn Wever- Croes, Xiomara Ruiz - Maduro y Ady Thijsen. E prome punto di agenda ta integridad den gobernacion. Hulanda a pidi pa pone e punto aki riba agenda. Esaki ta riba agenda di awe diamars 7 Januari 2014. No ta un secreto cu MEP tin masha duda den integridad di gobernacion na Aruba, y cu AVP ta masha orguyoso di integridad di su gobernantenan. No ta nada straño cu e

dos fraccionnan aki no ta riba un linea pa loke ta e punto aki. Integridad di gobernacion ta wordo influencia pa varios factor. Aki na Aruba tin dos cu ta resalta: finanzamento di campaña electoral y cumpramento di politico.

C A M P A Ñ A ELECTORAL MIYONARIO: Tur hende sa cu AVP a gasta cantidad di miyones den e ultimo campaña electoral. Material di campaña sumamente luhoso, fiestanan carisimo y cumpramento di hopi voto cu fabornan di gobierno. Loke ningun

hende no sa ta di unda tur e miyones ey ta bin, y eynan e problema ta sinta, pasobra e miyones nan ey ta bin di hendenan cu ta exigi favornan a cambio. No ta por nada AVP tabata mey mey di un escandalo tras di otro ultimo tempo: caso di labamento di placa cu a costa cabez di parlamentario Lainda Westerhof, caso di placa di Kiko Gomez den campaña di AVP, caso di Ospino Span, caso di traficacion di hende, placa di Fondo Desaroyo San Nicolas, placa di Interbank. Tur esaki ta un indicacion fuerte cu e placa di campaña di AVP no tabata placa

Na Cura Cabay: Otro caso insolito dialuna merdia:

Polis a bin haya mucha muher di 3 aña su so den apartamento

Apenas un dia despues di e caso insolito cu a sosode na Parkietenbos ayera merdia un mama irresponsabel a bay laga un mucha muher di apenas 3 aña su so den e

apartamento na Cura Cabay. Ora cu polis a presenta na e sitio enberdad, a bin haya e mucha aki su so den e apartamento. Nan a bay warda di polis cu e mucha.

limpi. Pero AVP ta nenga categoricamente di pasa e ley tocante financiamento di partidonan politico y tanten cu nan keda cu e actitud aki, tin duda den integridad di gobernantenan di Aruba.

CUMPRAMENTO DI POLITICO: Pa AVP cumpramento di politico ta un modus operandi; algun politico nan a logra cumpra, otronan no a logra. Politiconan cu ta declara nan mes independiente pa haya un puesto riba e lista di AVP, of ta declara nan mes independiente pa haya un trabao den

gobierno di AVP, ta cosnan cu a pasa y cu lo sigui pasa. Cumpramento di politico ta muestra di e mentalidad maligno di AVP, pero mas aun ta muestra di debilidad di esun cu ta laga su mes wordo cumpra. Esaki ta algo cu AVP tin basta tempo ta purba y finalmente a logra y sigur nan lo no stop di haci esaki. E cumpramento di politconan ta trece mas duda ainda den integridad di gobernacion, y mester haya atencion debido. Ambos punto lo wordo trata na Corsou durante e debate riba integridad di gobernacion e siman aki.


Diamars Januari 7 2014

Pagina 7

Muher a bisa homber no mas y homber a bira di cabez

Dialuna despues di 12'or mey anochi Polis a bay na altura di Texaco Sasaki. Na e sitio eybanda lo tin un auto color scur y un homber cu aparentemente ta bringando cu un muhr. Polis a yega y a separa ambos pa asina saca afor kico ta e problema. E problema ta simpel segun nos por compronde na e sitio. E dama no kier tin nada mas

cu e cabayero aki y e cabayero no kier acepta. Di ey nan e bochincha ariba caya cu Polis a cay aden. Polis a keda papia basta largo cu e cabayero cu tabata altera, splicando su banda di medaya. Ban spera e comprende y cu ambos sali bon di e problema di pareha aki. Ultimo simannan por a tende di masha hopi problema entre parehanan.


Kpa 07114