Page 1


WWW ATIA

Ahustacion y aumento di impuesto a pasa den puro silencio

Ta hopi importante pa nos tin bo informacionnan corecto. Yena e formulario cu ta obtenibel na ELMAR of riba www.elmar.aw

CELEBRANDO 33 AÑA CU PUEBLO Aña 36 ▪ No. 9909 • 1,50 Florin

Obstaculo grandi den caminda pa Caiso & Monarch

Diripiente Stichting Musica kier cambia contract y SAC a bisa cu no por Adicto ambulante varios dia morto benta den mondi

DIAHUEBS 23 JANUARI 2014

DETENCION

Robert Kelkboom tambe ta un sospechoso di morto pariba di Nikky Beach ORANJESTAD (AAN): E homber Robert Kelkboom tambe ta un sospechoso den e caso di maltrato cu consecuencia fatal na Nikky Beach. E sospechoso aki naci dia 28 di Maart aña 1954 a wordo invita pa presenta na warda di recherche den Frankrijkstraat. Eynan a cuminsa cu interogacion caminda despues tabata tin ordo di detencion pe tambe. E tambe lo a bringa dia di e problema riba e beach pariba di Nikky Beach. E tabata hunto cu esnan cu a agredi entre otro e victima. E ta amigo di e di cuater detencion cu a cay dialuna cu a pasa. E caso aki ta uno cu ainda por tin mas hende cu lo keda deteni. Ningun di esnan deteni a kere cu nan partimento di sla lo resulta den un situacion fatal pa e victima. Pesey awor  tur por wordo acusa di asesinato no intencional. E ultimo sospechoso aki Robert Kelkboom algun aña pasa tabata sera y sentencia pa caso di asesinato. El a sinta su castigo y awor ta liber te cu diaranzon ora cu el a keda deteni. Kiermen e tin un record caba pa asesinato.

Estrella a gana Riverplate 3-1 y ta pasa final contra RCA

ORANJESTAD (AAN): Diaranzon atardi polisnan a wordo manda den direccion di un Super Mercado den entrada di Berhardstraat. E informacion cu a drenta tabata cu tin un hende algun dia morto caba benta patras di e supermercado. Na yegada di polis a bay over na sera henter e area. A cuminsa un investigacion profundo. A mira presencia di recherche. tambe cuerpo tecnico. A sera henter e area pa asina e investigacion por cana mas mihor posibel. Fiscal Deutekom a duna ordo pa confisca e curpa. Awor lo bay over na haci un reconocimento riba e curpa pa mira si tin cualkier crimen su tras. Na prome instante e no ta mustra cu ta un hende cu a wordo mata. Unico cos cu por confirma cu ta trata di un adicto ambulante cu lo tabata tin algun dia perdi. E investigacion na e sitio a dura basta largo y basta hende tabata comenta riba e caso pensando cu por ta un crimen. Durante dia lo tende mas di e resultado di e investigacion.


PAGINA 10

DIAHUEBS 23 JANUARI 2014

DIARIO

Segun parlamentario di MEP mr. Thijsen:

Aruba su Seguridad Nacional ta na peligro! ORANJESTAD (AAN) – Den conferencia di prensa di Partido Movimiento Electoral di Pueblo (MEP), Parlamentario mr. Ady Thijsen a hiba palabra y a enfatiza cu nos Seguridad Nacional ta na peligro y cu rol di prensa por yuda salvaguardia e seguridad, stabilidad y felicidad di nos pueblo. Parlamentario mr. Ady Thijsen a expresa cu e ta contento cu nos tur ta biba den un Estado di Derecho, y un di e puntonan di mas importante den un Estado di Derecho ta su Seguridad Nacional. “ Nos ta preocupa pa e seguridad nacional di nos pais. Pasobra ora di scucha ciudadanonan y cierto miembronan di prensa local of internacional, den forma di acusacion fuerte na mandatarionan, den e caso aki Minister Presidente, Minister di Turismo y Minister di Infrastructura, entre otro, y nan no ta haci nada, e ta crea preocupacion, pasobra eynan e comunidad ta biba den intrankilidad”, mr. Thijsen a expresa. El a agrega cu MEP tin hopi contacto cu su hendenan na Aruba y den Reino, y tambe na nivel internacional y nan ta sigui e desaroyo na Sint Maarten, Curacao, Bonaire, y di pais Aruba na e momentonan aki. El a menciona dos punto cu ta wordo menciona hopi y cu ta

trece intrankilidad den pueblo. Esakinan ta e “Kico Gate” y “Strawberry Gate”. E parlamentario a agrega cu si e pone Hulanda como ehemplo, e pais a conoce su problemanan cu nan a purba di tapa, pero cu a bin ariba tog, pasobra e pueblo merece e berdad, y e berdad semper lo bin dilanti. Ady Thijsen a agrega cu nan ta preocupa pasobra tin sintomanan mescos cu den pasado, manera na 1994 cu Parlamentarionan Hulandes a bin Aruba y a declara nos pais “rubbers binder”. “Nan a drenta Seguridad Nacional cu tur documento y hasta nan a proteha e director di e instituto y a duna e Minister di Husticia, e tempo ey señor Watty Vos (den feliz memoria) KV”, Parlamentario Thijsen a expresa. El a agrega cu esaki ta

ONDERCURATELESTELLING Bij beschikking van 28 augustus 2013 van het Gerecht in Eerste Aanleg van Aruba is bepaalt dat mevrouw Maria Adelinda Laclé, geboren 6 december 1910 te Aruba, wonenende te Dominicanessestraat 23, onder curatele is gesteld. Als curator is benoemd de heer Winston Herbert Miguel Nisbet.

De advocaat, Mr. Z.T.M. Arendsz-Marchena

hechonan y ora bo yega asina leu pa haci cosnan asina ta pasobra e desaroyo ta mustra cu nos seguridad nacional ta na peligro. “Nos partido ta kere cu nos funcionarionan cu tin cu defende Seguridad Nacional ta haci nan trabao. E problema ta sinta na e politiconan. Cada politico den su funcion cu e ta mester carga su responsabilidad y den e caso aki bo tin cu biba cu regla.

E regla ta Constitucion, bo leynan, principionan di bon gobernacion”, e parlamentario a subraya. Esaki kiermen cu na momento cu e ministernan no ta duna cuenta ora e parlamentarionan ta haci nan pregunta a base di Constitucion, e ta nifica cu tin algo di sconde, pero nan momento ta yega. “Si bo ta un hende integro, bo ta haci bo trabao bon y bo no ta acepta e acusacionnan aki, vooral si bo ta un mandatario cu ta traha na bienestar di nos pueblo, pasobra e merece trankilidad y esey no tin na e momentonan aki pasobra no tin claridad. A yega momento pa tur hende asumi nan responsabilidad. E preguntanan cu nos fraccion a haci na e ministernan, nan mester bin Parlamento y contesta nan. Nan mester responsabiliza nan mes na Parlamento cu ta representa e pueblo”, mr. Thijsen a reitera. El a agrega cu MEP, como

fraccion den oposicion ta haci su trabao, pa loke ta trata defende y salvaguardia e pueblo aki y su bienestar. Esaki ta conta tambe pa tur parlamentario cu ta sostene gobierno pasobra na dado momento nan mester scoge na cual banda nan ta bay y esaki ta un momento crucial pa e futuro di nos pais, pasobra social, financiero y economicamente Aruba ta bayendo mal, pero peor ta ora nos Estado di Derecho ta cuminza sucumbi, tambalea y nos Seguridad Nacional ta na peligro.“ Pesey mi ta haci un apelacion na prensa pasobra prensa tin un rol hopi grandi, den tur pais, pasobra e por duna y saca e berdad unda cu nos como politico den oposicion, hopi biaha no ta haya e informacionnan ni documentonan. Pesey mi ta haci e apelacion grandi aki pa salvaguardia e seguridad, stabilidad y felicidad di e pueblo aki”.


DIAHUEBS 23 JANUARI 2014

PAGINA 43

DIARIO

Lider di MEP y “Strawberry Conexion”

Ospino Ospan tabata director comercial di Dexacol y no simple intermediario!

ORANJESTAD (AAN) – Diaranzon mainta, fraccion di Partido Movimiento Electoral di Pueblo (MEP), a tene un conferencia di prensa relaciona cu e declaracionnan di Minister Otmar Oduber, diamars, encuanto e caso Ospina Span y e MOU pa un proyecto pa sembra strawberry y lechuga na LVV, door di e compania Dexaco di Colombia. E conferencia di prensa a wordo dirigi pa e lider di partido sra.mr. Evelyn Wever- Croes y el a expresa cu e ta bay para keto un rato riba loke ta conoci den pueblo caba como “strawberry conexion”. “Tur esaki pasobra nos tin un minister cu kier pa enberdad nos kere cu e kier a planta strawberry na Aruba”, e dama a expresa y agrega cu, cu prueba den man e kier mustra na unda e minister a faya. Sra. mr. Evelyn Wever-Croes a señala cu e documentonan cu el a presenta por wordo haya door di djis google y otronan MEP a haya nan for di hendenan cerca di Minister Presidente y di Minister Oduber mes, cu probablemente, ta cansa cu tur e cosnan aki ta tumando lugar. “Strawberry: e conexion entre Otmar Oduber y Ospino Span. Mi ta para keto riba e Memorandum Understanding, cu a wordo firma dia 8 di November 2010 door di señor Oduber y Ospino Span, director comercial di e compania Dexaco. ‘Director comercial’ pasobra e minister a bisa cu e tabata simplemente intermediario”, sra. WeverCroes a remarca. El a señala cu e meta di e MOU tabata pa planta strawberry y lechuga, y e gastonan di 11 mil dollar, na momento cu e MOU a wordo firma ta para den dje cu Dexacol ya caba a paga diez mil dollar, prome cu a firma e memorandum. E dama agrega cu e pago mester a tuma lugar riba cuenta di e director di Dexacol, Daniel Vargas, ken na mesun momento a retira for di e compania. “Nos por mira

cu e MOU aki ta firma pa sr. O.E Oduber, minister y sr. Johannes Span, director comercial, y mas abao lamentablemente nos no por mire ta para cu e ta pa planta strawberry y lechuga”, e lider di MEP a menciona riba e presentacion grafico riba pantaya. Esaki sra. mr. Wever Croes ta mire como e prome faya di minister Otmar Oduber durante su declaracion dialuna. E di dos faya ta tocante e record hudicial di señor Ospino, cu e mandatario a bisa cu e no tabata sa nada di e persona aki te dia cu el a firma. “Cu hechonan nos ta mustra con e minister a faya akinan tambe: Na 2007 e persona aki (Ospino) a sinta un castigo di prison pa posesion di cuater arma y basta bala. Esaki a sali den DIARIO di 12 di Maart 2007. Na 2009 e persona aki a wordo deteni na Venezuela riba un lancha, nan a haya arma y placa cash y e sospecho tabata contrabando. Nan a haye riba e boto Maina. Esaki bo ta haya den DIARIO di 16 di Juni 2009 y segun DIARIO esaki ta un boto conoci pa contrabando di arma. Na 2009 mes, e persona aki a wordo condena na 20 luna di castigo di prison pa posesion di arma ilegal, y esaki mi a saca for di Amigoe. Na 2010, el a firma e MOU cu e minister. Esey ta señor Ospino!”, lider di MEP a subraya. Señor Ospino, despues, ta conoci como atracador pasobra na 2011 el a atraca CMB Airport, despues el a wordo sentencia pa labamento di placa, un aña despues pa atraco arma den dos joyeria, y na 2013 pa atraco na RBC y intento di atraco na Aruba Bank. “Despues el a cambia y a bira un fugitivo, pasobra despues cu nan a detene el a scapa di Warda di Polis na un forma misterioso, y a keda scondi pa diez dia. E ta wordo considera un criminal pisa pasobra el a wordo traslada pa maximo seguridad pa sinta sentencia preventivo na Hu-

landa. Esey nos a saca di diferente corant. Na September el a bolbe Aruba, y via un decreto Ministerial Minister Dowers ta pidi pa e cumpli su castigo preventivo na Hulanda, pasobra e ta teme pa seguridad nacional di Aruba, di KIA y pa e seguridad personal di Ospino. Aworaki e ta e sospechoso principal den e caso Exit y di atraconan arma riba joyerianan, banconan, un preparacion di un atraco arma riba Aruba Bank, posesion ilegal di arma, y di ta miembro di crimen organiza”, lider di MEP sra. WeverCroes a remarca. El a agrega cu e caso aki a

cuminza wordo trata e aña aki bao hopi vigilancia. “Y ken ta Johannes Ospino Span? E business partner di

Minister Otmar Oduber, pa planta strawberry y lechuga aki na Aruba!” sra. mr. Wever- Croes a señala.

Debi na ladronicia

Turistanan Hulandes hospedando na Mon Plaisir a dicidi bay keda awor na Hotel ORANJESTAD (AAN); Un famia hulandes kende tabata pasando na vacacion, a keda awor cu temor relaciona cu ladronicia den nan apartamento situa den Bontemantelstraat. Pesey nan a dicidi pa bay hospeda na hotel. Ta asina a acudi na warda di polis Oranjestad e homber Peter N. 56 aña pa entrega keho di ladronicia. Peter a declara cu e ta cu vacation na Aruba y ta keda den Bontemantelstraat y su persona y su casa e ta hospeda hunto cu un otro pareha cu a entrega denuncia caba. E señora R. a denuncia

keho caba. Ta asina cu R tabata e prome cu a yega cas y a wak un homber desconoci cu ta bandona na unda nan ta hospeda. Dialuna den careda di 11’or di mainta nan a sali y laga cas cera y intacto atras y segun R. pa seis’or di atardi el a yega cas y a wak e homber desconoci ta bandona e lugar y e cas ta reboltea. Anochi pa alrededor di 8’or Peter a worde yama y poni na altura cu desconoci nan a kibra drenta na unda nan ta hospeda. Mei ora despues, casa di Peter a yega cas y el a wak cu cos ta reboltea den camber.

Peter mes no a bay debi cu e ta den rol stul y a keda na un Highrise Hotel, debi cu su casa tin miedo pa e keda na Bontemantelstraat. Su casa a piki tur nan pertenencia pa hiba hotel, den su maleta e tin su pasaporte y den dje tin 440 Dollar y e pasport e tin, pero “Geld” is “Foetsie”. Pues placa a desaparece. Su señora a haya su cartera den camber di R. y den e cartera su señora tin 70 euro y e placa a somenta y ademas su señora su renchi casamento y su pen “Parker “ tambe ta “Spoorloos”.

Den un rato cu security a bay paden ladron a horta na auto ORANJESTAD (AAN): Personal di e compania Lucho’s Towing den oranan laat di marduga a hiba e Vwagen V-153 cu ta un Hyundai Accent color blanco na warda di polis Santa Cruz na disposicion di e team di Recherche encarga cu kiebro den auto. Ta asina cu patruya di polis Noord a bay na Amsterdam Manor pa destruccion y na yegada e homber guardia inicial F. encarga cu seguridad na e hotel a worde atendi. E guardia a declara den careda di tres’ or di marduga, el a pasa banda di e autonan staciona na e parti noord di e hotel y tur auto ta intacto segun su version y despues e guardia mester a bay haci algo pa e personal nan di “Front Office” y pa cual e mester a laga su post. Pa alrededor di binti minuut despues el a regresa su post, y a constata bentana di glas patras na banda drechi di e Vwagen V-153 ta destrui

cual vehiculo ta pertenece na National Car Rental. Polis a nota cu tanto baul y e capa di gasolin ta habri, nan no a constata daño na e

contacto di yabi y tampoco na e radio. Pero pa lo demas investigacion, V-153 a worde hiba na warda Santa Cruz.

Dos caso di ladronicia den Palm Beach ORANJESTAD (AAN); Dos e ciclista ladron. caso di robo a worde reporta den area di Palm Beach. Dialuna atardi polisnan formando parti di Team Palm Beach a bay na un cas y a atende un testigo. E testigo a declara, cu un rato prome el a wak un homber bisti cu t-shirt cora y sombre riba cabez a horta bicicleta na Palm Beach. Tambe e testigo a declara di a wak e homber a bay zuid direccion San Miguel. Mesora e patruya a pasa e informacion na central di polis y mientras un otro patruya di Strandpolitie reacciona inmediato y nan a logra detene

E otro asistencia tambe relaciona cu ladronicia, polis di Noord a bay atende e caso na un cas situa na Palm Beach. E homber inicial W. cu polis a atende a declara di a sali atardi pa alrededor di seis’ or y a bolbe cas anochi den careda di 9:30’or y a constata cu desconoci nan a destrui porta patras drenta horta. Tras di cas a bin descubri dos flatpanel display TV laga atras pa e bandidonan. Denunciante lo traha lista di e locual e ladron nan a horta y e lo entrega esaki na e polisnan pa e worde agrega na e process verbaal.


DIAHUEBS 23 JANUARI 2014

PAGINA 5

DIARIO

Parada di mucha na playa no ta pasa den Adrian Lacle Blvd Parada Grandi di playa ta bay te rotonde di Wendy’s e ruta ta e trailernan grandi, halto y largo cu tin. Si lo a cambia e ruta, banda di Elmar na playa lo tabata dificil pa lora cu cierto trailer. Pa loke ta e parada grandi di Playa, e cambio mas

importante cu tin ta cu e no ta caba na DOW, sino mas pabao na rotonde di Wendy’s. Asina e gruponan tin un tiki mas pa nan jump y lo tin mas espacio pa hende para wak. E parada lo Sali dilanti di

Flora Market y gruponan ta stel op for di Flora Market bay atras pa Price Smart. Pues ora e parada Sali na Flora Market, practicamente bo por cuminza wak parada di Carnaval for di dilanti di Manchito’s bay Noord.

General sanciona pa narcotrafico ta bira Consul di Venezuela na Aruba

Na 2008 Merca a confirma cu Hugo Carvajal a colabora cu FARC ORANJESTAD (AAN): Pa loke ta parada di Carnaval di mucha na playa, hefe di seccion di trafico di Cuerpo Policial Ricardo Muller a trece dilanti cu e cambio di ruta unda cu e parada lo a bay pasa door di e Adrian Lacle Boulevard despues cu el a pasa Talk of the Town bin abao, no ta bay wordo hasi mas. Hunto cu SAC y e otro stakeholders, Cuerpo Policial a dicidi cu ta mihor pa e bay straight te cu DOW manera semper. “Algun aña pasa nos a cambia e ruta ey pa e parada pasa door di Adrian Lacle Boulevard, pero asina

practicamente bo ta cera centro di Oranjestad”. “Esaki ta nifica cu si tin un candela, full playa lo por kima”. Esaki segun Muller, kende a sigui bisa cu otro motibo dicon no a cambia e ruta pa pone pasa door di Adrian Lacle Boulevard ta cu door cu e aña aki ta un lustro, bo ta bay tin hopi mas hende cu ta bin wak e parada y un ruta pasando door di Adrian Lacle Boulevard ta bira mucho chikito. Muller a sigui bisa cu KPA ta verwacht un gran cantidad di hende cu ta bay para na banda pa wak Carnaval. Un otro motibo pa no cambia

ORANJESTAD (AAN): A nombra general Hugo Carvajal Barrios como Consul General di Venezuela na Aruba. Hugo Carvajal Barrios ta un ex-militar sanciona pa e Departamento di Tesoro di Merca pa supuestamente colabora cu actividadnan di narcotrafico di e guerrilla di FARC (Forsa Arma Revolucionario di Colombia). Na 2008 a sanciona Carvajal hunto cu Henry Rangel Silva y Ramon Rodriguez Chacin, kendenan actualmente ta fungi como gobernadornan di Trujillo y Guarico, respectivamente. Den un comunicado e Departamento di Tesoro

Mericano a duna di conoce cu e tres personanan aki “a duna asistencia material na e actividadnan di narcotrafico di FARC, un organisacion narcoterorista”. Segun Adam J. Szubin, cu e tempo ey

tawata fungi como director di e Oficina di Control di Activonan Extranhero di e Departamento di Tesoro, e militarnan sanciona “a arma, asisti y financia FARC, hasta ora cu nan tawata terorisando y secuestrando personanan inocente”. Den pasado Hugo Carvajal Barrios a fungi como hefe di DIM (Inteligencia Militar di Venezuela) y na 2012 como director nacional di e Oficina Nacional Contra Delincuencia Organisa y Financiamento di Terorismo. Hugo Carvajal Barrios ta substitui Jesus Javier Arias Fuenmayor, yiu di e gobernador di  Zulia, Francisco Arias Cardenas. Arias Fuenmayor a cuminsa traha na e Ministerio di Relacionnan Exterior di Venezuela na aña 2005 y tawata hefe civil di e parokia Chiquinquira na Maracaibo. Ela fungi tambe na e embahada di Venezuela na Costa Rica y na e Consulado di Venezuela na New York. Actualmente Fuenmayor no tin un cargo diplomatico nobo.


PAGINA 6

DIAHUEBS 23 JANUARI 2014

DIARIO

Despues di a haya 3 aña pa atraco

Corte Superior ta declara Shurendy Offerman liber di tur acusacion ORANJESTAD (AAN): Diaranzon atardi hueznan di corte superior a manda nan veredicto den un caso contra yiu di Corsow S.C.L.O. Dia 28 di Juni 2013 el a wordo condena na un castigo incondicional di 3 aña, pa ta envolvi den un atraco riba Joyeria Gandelman den Oranjestad, na Januari 2012. S.O a wordo deteni mas di 1 aña despues cu e atraco a tuma lugar, ora cu el a drenta Aruba for di Corsow na Mei 2013.El a wordo deteni a base di grabacionnan di video di e joyeria, riba cual na dos occasion por a wak e ta cana den e joyeria algun dia prome cu e atraco, hunto cu 3 otro persona di Corsow, cu despues a wordo considera como esnan cu a comete e atraco. E atracadornan a drenta cu helm den e joyeria, pero a base di nan postura y nan manera di cana, autoridadnan a indica cu e chens ta grandi cu tabata e 3 personanan cu nan a wak ta cana cu S.O den e joyeria dianan anterior. E 3 personanan aki kendenan ta biba na Corsow, no a wordo deteni nunca. Sinembargo S.O y un otro sospechoso esta R.Z, a wordo deteni, mirando cu nan a wordo mira riba video ta cumpra articulonan cu lo a wordo uza den e atraco, incluyendo dos mokel y helmnan di brommer. Un scooter a wordo uza tambe y esey a wordo haya bek despues di e atraco, hunto cu e helmnan y e mokel. A base di declaracionnan entre otro di R.Z, S.O a wordo condena na 3 aña di prison. R.Z a declara cu S.O a pidie pa cumpra algun di e articulonan, pero S.O a declara lo contrario, pues cu R.Z a pidie pa cumpra e mokel, tire wrap, tape preto etc. Dialuna dia 13 di Januari 2014 durante tratamento di e caso di apelacion, e hueznan di corte superior a hasi varios

pregunta na e sospechoso, pa haya sa mas detaye. Despues di varios pregunta, fiscal a presenta e acusacionnan. El a bisa cu e declaracion di R.Z a mustra claramente cu S.O tabata kier a cumpra e articulonan uza den e atraco. Tambe ta asina cu propietario di e scooter lo a declara cu S.O a cumpra esaki. Fiscal a indica cu e daño na e joyeria tabata mas di 500,000 dollar na holoshinan horta. Segun fiscal, e castigo mester keda 3 aña manera cu a wordo duna den corte di prome instancia, apesar cu e ta haya cu e castigo lo por tabata mas halto. Abogado Edwin Duijneveld representando e acusado a acusa Ministerio Publico di no kier busca e berdad y solamente kier djis condena

su cliente. Segun Duijneveld, ta hopi remarcable cu fiscal ta basa tur e acusacionnan riba declaracionnan di R.Z, siendo cu huez den corte di prome instancia a bisa cu e tabata duda den e declaracionnan di R.Z. El a bisa cu tin diferente contradiccion den e caso aki. Segun e abogado, R.Z claramente a gaña na diferente occasion, ora cu el a declara na polis y na Huez Comisario. R.Z prome a declara entre otro cu ta S.O a cumpra e helmnan, siendo cu riba camera di certified unda e helmnan a wordo cumpra, bo ta wak R.Z ta cumpra e helmnan. Duijneveld a haya straño cu fiscal ta kere R.Z, kende a gaña na diferente occasion.

Diaranzon dia 22 di Januari hof a manda su veredicto pa corte di Aruba, OM y pa Abogado Duijneveld y e hueznan a dicidi di declara S.O liber di tur acusacion. Den nan veredicto nan ta bisa cu no por haya S.O culpable di ta complice of di complicidad na e atraco. Si bo wak locual tin para den dossier di e caso y locual a bin dilanti durante di tratamento di e caso, segun e hueznan di hof, no tin suficiente pa mustra cu S.O a participa na e atraco.

No por conclui of demostra tampoco cu S.O na un manera of otro a yuda planea e atraco arma aki. Hof a sigui bisa cu e dossier di e caso no tin suficiente evidencia pa demostra cu e intencion di e sospechoso tabata pa yuda e atracadornan den cualkier forma. Hueznan di corte superior door di esaki ta destrui e sentencia di corte di prome instancia y ta declara S.O liber di tur acusacion. Nan a ordena tambe pa S.O wordo liber di inmediato.

Jus 23114