Issuu on Google+


1,50

DIALUNA 06 JANUARI , 2014

WWW.ARUBAWE.COM

DIALUNA 06 JANUARI , 2014

BABY RECIEN NACI HAYA DEN CORTINA

DE LA SALLESTRAAT 41 A TEL: 5881500 FAX 5824937

Florin

P2

arubawe2012@gmail.com

HULANDA TA MANDA “DRONE” PA CORSOU

Ayera tardi Hulanda a confirma cu e lo manda un avion conoci como “drone” Raven, pa autoridadnan na Corsou pa e prome lunanan di aña 2014. Esaki Ministerio Publico di Corsou a confirma ayera y tambe a wordo confirma pa ministerio di defensa di Hulanda. E avion chikito sin ocupante lo tin cu yuda autoridadnan hudicial na Corsou pa interveni cu mucho mas efectividad contra e ola di criminalidad cu ta azotando e isla. Manera ta conoci tin cantidad di atraco y asesinato estil di likidacion tumando luga y den mayoria di caso ta dificil pa haya e culpabelnan. A scoge e periodo entre fin di aña y luna di maart

pa e drone duna serviciona Corsou ya cu debi na diferente actividad publico, lo tin mas hende riba pia den e periodo aki caminda tanto turista como hendenan local ta atende diferente actividad carnavalesco cu tin den e periodo aki. Segun Ministerio Publico di Corsou, tradicionalmente den e periodo aki tin aumento di casonan criminal, manera kiebro y ladronicia y tambe atraconan. Na mes momento Ministerio Publico a confirma cu un ekipo di experto di Ministerio di Defensa di Hulanda, lo ta na Corsou tambe pa traha cu e drone y tambe a comfirma cu e avion akoi lo wordo uza solamente na Corsou.

Ganadonan di Garoshi di Comestibles E dos feliz ganado di e garoshinan di comestibles di ArubAwe, a bira Lirian Lacle di Seroe Lopez # 6 mientras cu e otro ganado a bira Zulaika Williams kende su adres ta Belanderstraat # 26. E ganadonan por pasa busca nan premio diahuebs venidero 9 di Januari despues di 3’or di atardi na oficina di ArubAwe situa na De La Sallestraat # 41-A.


DIALUNA 06 JANUARI , 2014

2

SEÑOR TA BISA:“UN AMIGO TA SEMPER UN HENDE CARIÑOSO Y DEN TEMPO DI ANGUSTIA TA MANERA UN RUMAN”, PROVERBIO 17:17

Baby cu “navelstreng” pone dilanti di cas Polis pidiendo cooperacion Vocero Policial, sr Lito Lacle a confirma e informe y a pidi cooperacion di comunidad pa yuda resolve e caso tristo y dramatico aki ya cu realmente ta di condena e hecho cu ta laga un recien naci pa su cuenta riba tereno di un famia, sabiendo cu e criatura ta core hopi peliger den un area cu tin cachonan salvahe den vecindario.

Ayera mainta tempran algo despues di 7’or di mainta, habitantenan di un cas na Parkietenbos a caba di lanta y prepara pa nan bay trabou. Sinembargo ora cu nan a Sali pafo di nan cas, nan a bin nota algo straño dilanti di e cas poni y tabata un paña color oranje y ros y a bay mira kico esaki lo por ta. Nan a wordo sorprendi ora cu a nota cu e paña tabata move y ora a yega mas cerca a bin

nota mancha di sanger y cu e paña tabata move tambe. Lora den e paña a bin haya un baby recien naci, ya cu ainda e tabata na sanger y su lombrishi colgando banda di dje, loke ta indica cu e criatura aki lo a nace menos c’un ora prome cu a pone na e caso aki. Esun of esunnan cu a bin pone e baby na e sitio, a haci esaki riba un pida caminda cu ta hopi isola, pues a scoge pa un cas caminda no tin bisiña cer-

ca of por a mira nan comete e acto aki. Mesora e habitantenan a yama autoridadnan policial y tambe ambulance pa bin na e sitio pa yuda e criatura recien naci y en berdad a confirma na e sitio cu ta trata di un mucha cu a caba di mira luz di bida. Polisnan a cera un area rond di e cas y a cuminsa investiga, canando rond pa mira si nan lo por logra haya un pista pero no a logra den esaki.

Ta trata di un mucha muhe kende a wordo transporta cu urgencia pa hospital y a keda interna pero ta den un situacion stabiel. Cualkier persona cu sa algo di un hende na estado cu nan conoce y kende a baha bariga pero no tin yiu pa mustra, informa autoridadnan policial di e hecho aki pa asina por atende cu e mama, y kisas, e tata tambe kendenan ta masha iresponsabel.

E caso a cautiva atencion di henter comunidad durante henter dia ya cu realmente no ta algo pa haci c’un criatura recien naci. Cualkier informacion lo por yuda na e momento aki, sea ta dor di meld bo mes na e Warda di Polis mas cercano, of yama e recherche di KZP na celular 597-51523 of dor di laga un mensahe riba e tipline anonimo di Polis, cu ta 111-41.

Accidente dor di “tuma chens”

Diabierna atardi dos auto a dal den otro na e cruzada di Morgenster y Primavera cu ta bay pa Pavia y na prome instante e situacion a mustra hopi serio ya cu ambos auto a sufri hopi daño material.Pa suerte di tur

hende envolvi den e accidente aki no a sufri lesion serio algun y polis mester a atende cu e situacion cu a surgi caminda e pickup no a duna preferencia na e auto di famia, un Tercel blanco bayendo abou y el a

purba crusa pero a mal calcula por completo e velocidad di e Tercel.E dos autonan a dal den otro y a bay para otro banda di caminda lagando ambos auto cu hopi daño manera e fotonan ta mustra.


DIALUNA 06 JANUARI , 2014

4

Intervencion trempan ta evita criminalidad hubenil

Scolnan basico por hunga un papel crucial den evita criminalidad hubenil. Na momento di por reconoce e señalnan y efectua intervencion na ora por logra evita cu algun cien hoben por desaroya nan mes den criminalnan pisa. Esaki ta conclusion di un investigacion cu e instancia Hulandes GGD, esta e servicio di salud municipal di Amsterdam a haci memey di 600 hoben problematico di e ciudad. E servicio di salud a analisa e dossiernan di como 200 hoben di e lista. E grupo aki a cuminza for di 13 aña caba ta comete vandalism y otro delitonan. Na un edad average di 14 nan tabata caba den bista di e Servicio di Hobennan, locual no a stroba nan pa sigui cu nan actonan. Como tal, e conclusion di GGD ta cu mester a interveni mas trempan posibel. Un prueba di e Ekipo di Intervencion Preventivo di Amsterdam, PIT, den cua ta inclui diferente specialista cu ta dirigi nan mes riba muchanan di risico na scolnan basico a pro-

duci resultadonan positivo. No menos cu tres cuarto di e 535 muchanan cu ta haya guia di PIT ta comportando nan mes mucho mas miho na scol. Castigo mesora Den un relato di Gobierno Hulandes ta reitera e resultadonan aki. Segun Gobierno di Hulanda, si un hoben ta comete un delito, e miho paso ta pa duna un castigo na forma consequente pa asina cu nan ta tuma un rumbo di criminalidad. Y despues di nan castigo, nan lo mester ricibi cuido, pa evita cu nan ta bolbe bay den comportacion robes. Gobierno Hulandes como tal a traha un nota di maneho unda kier inclui un stipulacion den ley, pa castiga hobennan mesora na momento cu nan comete un delito. E cantidad di gruponan criminal hubenil a baha na Hulanda, for di 89 na 2010 na apenas 17 na 2013. Tambe e gruponan cu ta percura pa molester a baha drasticamente. E acercamento ta diferencia pa grupo y miembro di grupo. Locual a resulta

di ta traha bon ta un combinacion di medida dirigi na cuido, castigo, enseñanza of trabou. Enfoke E lucha contra gruponan criminal hubenil ta un di e enfokenan principal di Gobierno di Hulanda. E Ministerio di Siguridad y Husticia ta sostene municipionan, polis, y Ministerio Publico en e acercamento di bandanan criminal hubenil. Y pa evita cu hobennan criminal ta bolbe cay den problema lo traha riba un acercamento personal. “Cada hoben ta diferente y merece un acercamento personal. Hobennan cu constantemente ta comete delito y tin problema di comportacion por haya un medida cu por influencia nan actitud. Un hoben agresivo por ehempel lo mester sigui un curso pa anda miho cu nan agresividad. E instancia hudicial Erkenningscommissie Gedraginterventies Justitie lo evalua si e cursonan aki tin nan efecto desea. Un hoben cu sali for di prison mester por draai den sociedad, sea na scol, cu un estudio of cu trabou. E Scholings-en Trainingsprogramma, STP, na fin di

Telefon: 588-1500 Fax: 582-4937 UN CORANT OTRO

Director

Editor-in-Chief Hareld Faro

e periodo di castigo como tal ta un bon preparacion. Cuido despues di e castigo y guia tambe ta esencial y institucionnan hudicial, kinderbescherming, reclassering y municipionan ta traha hunto den consehonan di red y trayecto. Despues cu e hoben sali liber nan ta regla pa e hobennan aki haya luga pa keda, entrada, enseñansa y/ of trabou. Hobennan bou 12 Hobennan bou 12 ya no por keda persigui penalmente. Pero polis ta papia cu nan mayornan of ta manda nan pa e Bureau Cuido Hubenil. Huez por tuma medida si cos sali for di man. Y si un hoben mester bay dilanti Huez, su mayornan of esnan responsabel p’e, mester presenta tambe. Asina ey e Huez por haya un miho bista riba e situacion di famia y di e hoben mes. Si e mayornan no presenta, Huez por manda busca nan. Polis ta busca e mayornan na cas e ora ey. E mayornan tambe lo ta envolvi prome cu e caso bay dilanti Huez. Tanto polis, kinderbescherming y reclassering ta drenta den contacto cu nan, specialmente prome cu e detencion temporario di e hoben keda elimina. Enseñansa como castigo

Assistant Editors Maritza Maduro Benjamin Romero Elizabeth Guanipa

Hobennan den futuro por haya enseñansa obligatorio como castigo. Ta trata aki di e grupo di hobennan entre 12 pa 23. E medida aki ta percura cu e hoben ta bolbe bay scol pa ricibi un diploma. E proposicion di ley aki ta di November ultimo y a bay caba pa conseho na diferente instancia. Ley Penal nobo pa hobennan 15 pa 23 Entrante prome di Januari, hobennan entre 15 pa 23 por keda persigui hudicialmente como menor di edad of adulto. Esey ta consequencia di e ley penal nobo pa adolecente. E ley a keda aproba pa henter Parlamento di Hulanda, cu ta Eerste y Tweede Kamer. E puntonan mas yamativo di e ley aki ta cu e acercamento ta personal. Algun hoben ta rekeri un acercameto mas fuerte, y otronan ta miho siribi cu guia, hasta si nan ta mas grandi. Si un hoben despues di e trayectoria educativo ainda ta demostra di ta peligroso, e ora Huez por comberti su castigo den TBS. Ydesde prome di Januari, hobennan te cu 23 cu comete un delito grave contra moral of un crimen violento no por haya solamente un castigo di trabou. Nan mester haya mas castigo.

Sales Exceutive Supervisor

Accountant Dept Thaira Lin

Directora Zaira Lin

Contributing Editor Dilma Arends

Layout Design Oscar Palomino

E opinion di nos colaboradoman no ta ferieha a pensamiento di Cas Editorial.

EMAILS: aviso@arubawe.com /// arubawe2012@gmail.com /// WEBSITE: www.arubawe.com


WWW CRIMEN

Caso violento di atraco registra na Hooiberg

Ta hopi importante pa nos tin bo informacionnan corecto. Yena e formulario cu ta obtenibel na ELMAR of riba www.elmar.aw

CELEBRANDO 33 AÑA CU PUEBLO Aña 36 ▪ No. 9898 • 1,50 Florin

Comunidad a shock pa e caso

Polis y comunidad kier sa kende a pone Baby recien naci dilanti porta di cas

DIALUNA 6 JANUARI 2014

INCIDENTE

Cruz Cora y Polis a hiba homber malo cu urgencia hospital

Autoridad ta pidi yudanza di comunidad pa e caso

ORANJESTAD(AAN): Un homber di edad a haya su mes cu problema pa hala rosea y fractura na pia drechi diadomingo anochi 9or. Esaki a sosode den Hendrikstraat poco panort di Lucor Jewelers. Debi cu tur ambulance tabata atendiendo otro casonan di emergencia a toca turno pa Rode Kruis drenta den accion. Polis dilanti a habri caminda pa e pickup di Rode Kruis mes transporta e victima pa Hospital pa ser atendi. Danki na Cruz Cora e victima a yega hospital na bida.

ORANJESTAD(AAN): Diadomingo mainta, habitantenan di un cas na Parkietenbos a cana, y canando den cura a bin topa cu un baby recien naci, lora den pida cortina abao riba piso. Asina alarma a ser bati y e baby a keda rescata. Awor Polis ta pidi yudanza di comunidad pa yuda resolve e caso aki. “Boso informacion lo por yuda Polis haya sa ken ta mayornan di e baby. Nos ta conta cu comunidad, manera semper, lo a di duna Polis un man pa resolve e caso lamentabel aki”, asina Lito Lacle, vocero di Polis a bisa. Pagina 3 tin tur detaye.


Oposicion?

PAGINA 10

MEP y PPA a bira manera e clubnan chikito cu tin un diez, binti miembro cu ta celebra A単a Nobo cu un par di hende pa lanta e impresion pafo cu ainda nan tin un significacion den politica. Nada pero nada mes ta sali for di nan mas. Bashi completamente bashi di idea of di plan pa futuro di nos pais. Algun dia pasa nos a trece padilanti cu un pais democratico mester di un oposicion drechi pa yuda tene gobernacion alerto y concentra ariba bon maneho. Aruba ta bendiciona cu aunke e oposicion no tin ningun contenido nos tin un team di ministronan y Miembronan di Staten cu ta hopi motiva y inspira pa duna e pueblo di Aruba un bon gobernacion. Di PPA nos no mester papia mas pero di MEP ainda e speranza tabata ey cu Evelyn Wever Croes lo a realiza kico a sosode cu su partido y si e a yega na e conclusion cu maske parti grandi di MEP no kier e mas como lider e ta keda e mester actua. AVP mientras den gobierno a haya casi double e cantidad di voto cu MEP a haya. Evelyn mester por a haya e mensahe cu e ta esun cu mester haci algo pa coregi e rumbo di e partido. Tin diferente motivo serio dicon MEP no por lanta cabez si no tin cambio. Pa cuminza Evelyn mester cambia su postura en conexion cu corupcion den su partido. E mester bin padilanti y bisa pueblo cu e ta conciente awo cu e politica di duna famia miyones di florin di placa di pueblo no ta corecto y si un dia e mester bin den gobierno e lo no ripiti e actonan bergonzoso manera a worde haci den pasado. Un cantidad di dirigente di MEP mes no ta di acuerdo cu su famia a cobra asina tanto placa na un manera totalmente incorecto. Nan ta conciente cu e corupcion di tanto placa pa tata, ruman, tanta, omo, primo y primanan lo keda persigui

DIALUNA 6 JANUARI 2014

DIARIO

partido pa semper si Evelyn no convence nos pueblo cu e a cambia di opinion y lo no comete e mesun errornan cu a worde cometi den pasado cu MEP den gobierno. Un problema grandi cu Evelyn tin acerca ta e manera feroz cu e a bira lider di partido. Esaki no ta kita nunca mas. E unico cos cu Evelyn por spera cu e actonan mas sushi cu a yega di tuma luga den politica na Aruba worde lubida aunke su oponentenan lo keda corda pueblo ariba nan. Hende lo no kere cu Evelyn no tabata sa di e manipulacionnan maligno cu a tuma luga pa e bira lider di partido. Tambe Evelyn tin e obligacion pa priminti pueblo cu e lo percura pa nunca mas lanza mentiranan flagrante manera e a haci tanto biaha den pasado. E mentiranan di Evelyn a costa MEP hopi voto! Por ehempel pa kita e chumbo di e waya di coriente for di su lomba e lo mester splica pueblo y su mes partido cu e idea di e kabel di Colombia pa Aruba tabata un invento

pa purba di bolter e direccion di campa単a y ningun momento algo studia door di partido. Un otro dificultad cu Evelyn tin ta e distancia cu a bin entre Evelyn y tur autoridadnan na Hulanda. Pa Evelyn por funciona den Reino Hulandes e lo mester percura pa e worde disculpa door di e instancianan Hulandes pa e falta total di

respet pa nos Cas Real. Pa progreso di Aruba un bon relacion cu Hulanda ta absolutamente necesario. Un di e preguntanan hopi grave cu a keda den MEP mes cu Evelyn mester aclaria ta e cantidad di placa cu a bay den campa単a di MEP cu a bin

di e Boutersenan y posiblemente di Schotte di Corsow. Te awe nunca Evelyn a bin cu un splicacion pa su mes candidatonan cuanto placa a worde ricibi y con esaki a worde reparti y kico e palabracionnan ta cu esnan cu a duna e placanan.


DIALUNA 6 JANUARI 2014

PAGINA 11

DIARIO

Cu conseho positivo di SAC, si gobierno keda sin firma pa Shermanology e berguensa ta pa nan mes ORANJESTAD(AAN): Gobierno lo pasa den un berguensa grandi si nan keda sin firma of bay contra presencia di Shermanology na Aruba den Fakkel diasabra awor. Mes poder cu cierto ministernan cu link directo cu gruponan di carnaval kier usa pa bringa otro grupo di di carnaval lanta, ta mesun poder e iniciadornan di Meta Social Club tin pa tuma pasonan legal. Ta hopi conoci cu gobierno

di Aruba y Curacao tin acuerdo firma ora cu netamente na Curacao a cuminsa bringa bandanan di Aruba di toca den cierto temporada di a単a. Ta conoci cuanto problema esaki a trece caminda netamente artistanan local a cuminsa zapatea pasobra tabata bringanan na Curacao. E tempo ey riba nivel di gobierno a trek esaki straight. Awor no ta haci problema pa intercambio di artistanan den reino sigur for di Curacao of Bonaire.

Shermanology ta grupo cu ta conisisti di hendenan naci na Curacao pero cu tin awor aki un popularidad na varios parti di mundo. No ta un grupo internacional manera cierto hende contra ta expresa. Ta hendenan di Curacao. E carta aki ta mustra cu SAC a duna aprobacion positivo y no tin nada contra pa nan tey den Fakkel. Mientrastanto na Aruba tin hende cu awor a cuminsa bringa e presencia di Shermanology. Usando gruponan di carnaval

y awor stichting cu lo ta sali na vanguardia di musiconan local a dicidi di bringa e salida di Meta Social Club Carnival Group cu su grupo musical Shemanology. Gobierno no ta mete den asuntonan di SAC y pesey si tin algo unda tin presentacion di grupo di afo den e temporada ta duna esaki a base di conseho di SAC. Esaki ta netamente locual a sosode. E carta aki ta mustra claramente cu SAC a aproba e peticion y dimes gobierno su tarea ta pa procesa esaki legalmente. Awor e carta ta riba mesa di minister y ainda no a firma. Si e grupo Shermanology di grupo di miembronan di reino naci na Curacao no por presenta anto e problema ta bira pa nos propio musiconan cu ta constantemente bay competi of presenta na Curacao te hasta ora di Tumba. Mientras cu Meta Social Club ta willing di bay corte si ta necesario ta mas bien warda pa mira kico ta e stap cu gobierno lo tuma. E ta mustra si cu e lo ta un berguensa pa gobierno mes na final e resultado di cualkier decision di huez mirando e aprobacion cu SAC a duna na e peticion haci pa Meta Social Club Carnival Group. Keto bay e punto di abuso di poder pasobra tin dos minister envolvi directo of indirecto cu grupo di carnaval ta keda aplicable. Awor aki nan a manera medio laba man y hala atras pero nan satelitenan si ta keda pusha den nan nomber. Mihor cos ta pa gobierno evalua e asunto aki bon y prome minister Mike Eman cu minister Benny Sevinger no bay ciegamente tras di dos colega cu tin otro interes cu por pone cara di gobierno na berguensa.


PAGINA 12

DIALUNA 6 JANUARI 2014

DIARIO

Bishitante Venezolano ta duna indicacion:

Hopi mercancia a keda confisca na Aeropuerto di Maiquetia sin evidente hustificacion! ORANJESTAD (AAN) – Aparentemente, hopi mercancia a wordo “confisca” den e transcurso di siman pasa, na Aeropuerto di Maiquetia, tanto di Venezolanonan cu a biaha pa Aruba, como di hende local mes cu a bishita Venezuela. Un persona Venezolano cu tin famia na Aruba y cu a bin pasa Aña Nobo akinan, a duna nos redaccion fuerte indicacion di esaki. El a relata cu el a haya pedido di su famia pa trece zapatonan pa e muchanan, pasobra riba nos mercado nan no ta haya mucho variedad. Nan a manda e placa pe via un agencia di transaccion, y el a busca locual nan a pidie y a hinca nan den e maleta; lamentablemente, sin ningun tipo di hustificacion, den e aeropuerto di Maiquetia, door di un supuesto ley nobo di e gobierno di Maduro, autoridadnan a revisa su maleta, a saca tur su paña afo y como a mira cu e tabata tin zapato pa mucha empaketa, nan a kita esaki pasobra ta mercancia cu “no mag sali for di e pais”. Ni maske cu el a mustra e factura cu eigenlijk no ta cos caro el a cumpra, y cu no tabata tampoco un cantidad grandi di zapato sino un par pa cada un di cuater sobrino

Holo di huma a ocasiona problema den Caya Pan Bati ORANJESTAD.(AAN); Polis su presencia a wordo solicita diasabra atardi casi seis’ or den Caya “Pan bati” debi cu holo di huma tabata causa di e molester. Na e direccion polis atende señora J.V. cu a declara tabaa di kima un bulto di sushi. Polis a splica e señora cu esaki no por wordo haci y e señora mustra mesora comprension y a basha awa y el a sa di domina e situacion y a logra paga e candela pa asina holo di huma no sigui molestia ningun hende den vecindario y evita cu e candela lo por expande.

cu e tin, e no por a sali cu e articulonan aki for di Venezuela. E ta haya esaki masha inhusto mes, y aparentemente, un signo cu e corupcion aya ta sobrepasando e limitenan cu un pueblo por tolera. Se-

gun e persona aki el a mira cu pasaheronan di Aruba cu a bay Venezuela pa entre otro, asuntonan di salud y cu a haci algun compra, tambe nan cosnan a wordo kita y cu nan tabata masha rabia mes

y cu un sentimento formal di impotencia pasobra nada nan no por a haci. E persona ta puntra su mes kico e autoridadnan ey ta bay haci cu tur locual nan a “confisca?” No mester pensa

mucho leu pa sa e contesta y como Venezolano e persona aki ta sinti su mes hopi tristo y desapunta cu e rumbo cada bez peor cu su pais ta tumando.


DIALUNA 6 JANUARI 2014

DIARIO

Atraco arma na Hooiberg unda security ilegal a wordo bati y caha fuerte a somenta ORANJESTAD(AAN)-Na Hooiberg tabata tin un caso serio di atraco cu a tuma lugar den oranan di marduga. E caso aki a pasa entre 5or cu 6or di mainta na e Waterpark na Hooiberg. Polis a wordo avisa y na yegada a haya un splicacion poco straño. Asina mes a keda investiga caminda a topa cu sanger tambe den e lugar. Poco poco a saca afo cu ta un security tabata e victima. Como cinco atracador di cual un of mas cu arma di candela a drenta

Telefonnan di DIARIO 582-6747 Fax 582-8551

e tereno di WaterPark na Hooiberg. A destrui un pida heki di hero na e entrada pa hende pasa. Djey a topa cu e security y dal su nanishi kibra. E security ta ilegal y segun testigonan su nanishi a wordo kibra. Polis no a haya e security na e sitio pasobra e tin miedo cu e por wordo deporta. E manehadornan di e parke a bisa tambe cu

PAGINA 15 nan no conoce e security cu ta traha cu nan. Despues cu e atracadornan a ataca e security a kibra varios porta di e negoshi mes riba tereno di e parke pa busca placa of cosnan di balor. Asina a logra yega na e caha fuerte. E caha fuerte tabata tin como 4000 florin den dje. Tur e detayenan aki a wordo tuma y e doñonan a wordo avisa pa pasa na e oficina di Atraco Team pa entrega keho. E departamento tecnico di polis tambe a wordo avisa y nan a tuma basta tempo riba e area di investigacion acumulando detayenan suficiente.

Awe ta prome dia di school na Colegio San Nicolas ORANJESTAD (AAN): Colegio San Nicolas ta sigui awe! Despues di un temporada di vacacion bon mereci, tanto pa nos alumnonan como nos docentenan y demas personal, ta tempo pa school habri y nos actividadnan estudiantil y educativo cuminsa. Aña 2014 ta un aña cu retonan serio pa nos candidatonan pa examen, mescos cu pa tur otro alumno e ta un meta riba su mes pa finalisa e aña escolar cu exito. Asina tambe e hoben ta logra pasa pa e siguiente aña escolar riba un nivel mas avansa. Colegio San Nicolas via di DIARIO, ta corda tur su alumnonan cu school ta habri awe Dialuna 6 di januari 2014. Nos ta sigur cu tur nos alumnonan a disfruta bon di nan vacacion y cu nan ta cuminsa e di dos mitar di e aña escolar yen di energia y entusiasmo pa logra lo maximo. school ta reanuda tambe su encuentronan di Huiswerk Begeleiding, pero esaki lo cuminsa dia 13 di januari 2014. Tur otro actividad di school ta sigui conforme rooster vigente di school. Colegio San Nicolas ta desea tur su alumnonan y nan mayornan, su docentenan, demas personal y comision di mayor un aña 2014 yena cu salud, sabiduria, alegria y e goso di cada dia. Laga e aña nobo ta uno pa cada hoben sigui destaca den su empeño pa logra e maximo tanto na school como den su actividadnan banda di school. Felis Aña 2014!!


PAGINA 2

DIALUNA 6 JANUARI 2014

DIARIO

Vision di Prome Minister Eman pa futuro

“Vision riba desaroyo duradero ta pone bon calidad di bida central” O R A N J E S TA D ( A A N ) : Vision di Prome Minister Mike Eman ta un creaccion di prosperidad sostenibel na Aruba: ‘Progreso pa Un y Tur’. Entrante prome di januari 2014 cartera di Ministerio di Asuntonan General ta amplia cu Inovacion, Ciencia y Durabilidad. Durabilidad cu ta traduci su mes den prosperidad sostenibel. Esaki ta loke Prome Minister Eman ta pone hopi atencion na dje. Prosperidad y felicidad pa henter comunidad. Prome Minister Eman “Prosperidad ta consisti di nos habilidad pa florece como ser humano - den-

tro di e limite ecologico di un planeta limita. E reto pa nos sociedad ta pa crea condicionnan bou cual esaki ta worde haci posibel”. Un bon definicion di pros-

Uso avioneta sin tripulashon pa combati kriminalidat

Hulanda a manda ‘drone’ pa combati criminalidad na Curacao

ORANJEDSTAD (AAN): Ministerio Publico (OM) Curaçao y Cuerpo Policial Curaçao (KPC) ta bay haci uso durante prome cuartal di 2014 di un medio moderno pa combati criminalidad creciente di atraco na Curaçao. Algo cu paisnan di aliado ta usa pa hopi tempo caba na e.o. Afghanistan, Pakistan, y Iraq, awor lo worde usa den Caribe tambe. Ta bay haci uso di un avioneta sin tripulacion “Raven” cu Ministerio di Defensa ta pone disponibel for di Hulanda pa

bay sigui y despues detecta e atracadornan. Tradicionalmente e periodo prome y despues di carnaval ta mustra un aumento di atraco arma y otro delito contra propiedad. Ministerio Publico di Curaçao kier bay haci uso di loke humanamente ta posibel pa introduci y pa logra un bahada significante di criminalidad durante e periodo aki. Un peticion na Ministerio di Defensa di Reino pa uso di e drome, tambe ta forma parti di esaki y e peticion pa esaki a keda honra. E avioneta sin tripulacion, controla via remote-control sofistica, ta percura pa mas informacion y e alrededor. Esey ta tuma luga door di manda informashon na tera pa medio di camaranan abordo. A base di esaki por tuma medidanan adecua.

peridad sostenibel ta bin di World Watch Institute: “Prosperidad sostenibel ta resultado di desaroyo sostenibel cu ta haci posibel pa cada ser humano biba cu su necesidadnan basico satisface, su dignidad reconoci y cu oportunidad abundante di busca un bida yena cu satisfaccion y felicidad, tur esaki sin core risico di nenga of stroba otro den presente y den futuro, e habilidad pa haci mescos”. Eman ta bisa cu pa prosperidad ta sostenibel nos

mester enfoca esencialmente riba con pa ‘produci mas, usando menos’. Cu otro palabra, mester amplia e uso di recursonan existente te na su maximo. Un ehempel simpel ta renobacion di edificionan bieu, pero tambe e por ta reduccion di consumo di energia. Esaki no necesariamente kier men dificultad pa sociedad of forsa hende biba un bida malo. Al contrario, e por hasta drecha nos calidad di bida. Pa loke ta e ehempel di edificionan renoba, si e edificio ey tin importancia cultural e ora nos no ta djis scapa placa pero nos ta preservando un pida di nos historia y tambe trece alegria y orguyo pa esunnan cu ta us’e of cu ta mir’e. Si e edificio ta den un centro urbano e ora su renobacion ta mehora e area tambe y por atrae mas hende, generando mas actividad economico. Prosperidad sostenibel no ta worde logra si nos keda warda riba mercado liber,

Eman ta splica. Tampoco e ta sosode door di simplemente tene lectura- y conferencianan. Accion individual of comunitario ta ofrece un posibel caminda pa cambio, pero gobierno tambe mester haci su parti cu ta importante. En realidad, inversion haci door di gobierno den bario, centronan urbano, den educacion, espacionan publico, investigacion, inovacion y den transporte ta crucial pa e exito di un prosperidad sostenibel. “Nos mester renoba e sentido di espacio publico, di institucionnan publico, di proposito comun. Nos tin cu inverti placa y tempo den metanan comun, recurso y infrastructura. Espacionan berde, parkenan, centronan di recreaccion, facilidadnan deportivo, biblioteca, museo, transporte publico, mercado local y den festivalnan: esakinan ta algun di e ingredientenan importante pa un vision nobo di participacion social”.


DIALUNA 6 JANUARI 2014

DIARIO

PAGINA 3

Comunidad a shock pa e informe aki

Baby recien naci lora den paña poni abao dilanti porta di cas na Parkietenbos

ORANJESTAD(AAN): Aña 2014 a habri cu un noticia cu instantaneamente a shock henter comunidad, creando reaccion di tur angulo. Tabata mainta cu e informe a drenta. Famia di un cas na Parkietenbos a lanta, y net a bay habri porta dilanti, a mira y scucha algo for di un bulto di paña poni abao. E ta parce di ta un cortina color oranje/roos. A habri esaki, y bin descubri e baby recien naci, cu curpa ainda na sanger y otro sushi. Asina un baby recien naci a worde haya. El a ser laga atras net dilanti porta di e cas. E tabata na bida. Inmediatamente diferente unidad di Polis, como tambe Ambulans a yega. Paramediconan a tume over, y a dicidi pa hibe cu urgencia hospital. E habitantenan di e cas a lanta mainta y prome cu bay trabao a cana rond den cura di cas manera costumber. El a mira berdad un paña poni den loke ta bay bira un veranda. E cas ta den renovacion y expansion na e parti pafo. Na prome instante el a kere cu ta algo cu kizas cachonan a trece eynan. Algo a manera hala su atencion

y el a bay cerca. El a mira manera un lombrishi y tambe el a mira mas cerca man cu pia. El a medio dal un grito y e criatura recien naci a reacciona tambe. Esey a indica cu e ta na bida. Mesora a bay over na yama polis y ambulance. E homber cu a descubri e criatura a notifica su esposa mesora. E mes a core bay trabao pa avisa e coleganan na aeropuerto cu e lo yega laat pa e motibo ey. E casa esta e señora a keda banda di baby te ora ambulance a yega. Polisnan tambe a yega. E personal di ambulance a hinca e criatura den ambulance mesora y cuminsa traha pa hacie limpi. E tabata lora manera den un panja cu color di tela oranje/roos. Importante ta cu e criatura ta na bida. Na Hospital el a wordo samina pa Pediatra, y ta parce di ta OK di salud. No ta conoci ki ora e pone e mucha eynan. E homber cu a haya e mucha ta contento cu el a haya e baby pasobra cualkier bestia por a bay cune tambe. Awor polisnan ta buscando pa haya sa unda precies e mama por ta, y di con el a comete e acto aki.

Awor Recherche tin un trabao extenso di bay haci pa localiza e mama. Mas cu claro, e pensamento ta cu e baby lo por ta biba den un radius di 500 meter rond di e cas unda e criatura a ser haya. E por ta un mama hopi hoben, cu a sconde su embarazo pa tur hende, y awor a haye den secreto y a dicidi na ‘entrega’ su baby. Of e por ta un hende ilegal tambe cu no tin forma pa cria un baby. “Nos mester di cooperacion di pueblo pa yuda nos soluciona e caso fastioso aki cu a presenta diadomingo mainta”, asina Lito Lacle, Vocero di Cuerpo Policial Aruba ta pidi. Cualkier informacion lo por yuda na e momento aki, sea ta door di meld bo mes na e Warda di Polis mas cercano, of yama e recherche di KZP na celular 597-51523 of door di laga un mensahe riba e tipline anonimo di Polis, cu ta 111-41.  “Boso informacion lo por yuda Polis haya sa ken ta mayornan di e baby. Nos ta conta cu comunidad, manera semper, lo a di duna Polis un man pa resolve e caso lamentabel aki”, asina Lito Lacle a termina bisando.


DIALUNA 6 JANUARI 2014

PAGINA 5

DIARIO

Comunidad conmovi cu e hecho cu un recien naci a wordo laga na porta di un cas

ORANJESTAD (AAN) – E hecho cu un baby recien naci a wordo laga na porta di un cas, diadomingo, a conmove nos comunidad hopi. Despues cu e noticia a bira conoci, diferente ciudadano a yama na nos redaccion pa

duna comentario. Logicamente, den un comunidad chikito, ta hopi esnan cu ta huzga e mama y cu ta crea nan mes panorama di locual lo a sosode, pero dentro di tur opinion, importante ta cu no ta trata di un mama

cu a mata su yiu, pero cu a busca un lugar cu e ta sinti cu ta sigur pa e criatura. E mama posiblemente tin confianza cu cerca e famia cu el a bay laga e baby na porta di cas, lo por cria su yiu y dune e felicidad cu e

mester y merece. Hopi biaha ta facil pa huzga un mama cu ta haci algo asina, pero Dios so sa den ki situacion e ta bibando, kico e lo ta pasando aden, kico ta su motibonan pa no keda su mes cu e baby.

Tin algun pais, entre otro Merca, unda cu si un mama cu pa un of otro motibo cu no kier keda cu un yiu recien naci, ta busca un lugar cu e ta sinti cu e mucha ta sigur, e no ta wordo huzga pa su acto. Te hasta tin un par di hospital cu tin un sorto di porta special unda den casonan asina, e mama por pusha e baby den un macuto y alarma ta sona y e ora ey e criatura ta wordo tuma pa busca un hogar pe. Laga nos no hunga e papel di Huez, mucho menos di Dios cu ta Esun mas husto pa huzga, y tin sikira un tiki di compasion pa e mama di e baby aki, y cu ohala Dios permiti cu e cas na unda el a lague na porta, lo por haya e derecho di acoge e baby si autoridadnan concerni ta permiti esey, y cu e lo haya e hogar cu muy posiblemente su mama ta leu di por dune.

Ladronicia den cas pero no ta denuncia esaki O R A N J E S TA D . ( A A N ) : Apesar cu ladron a kibra drenta horta den cas di e señora denunciante, e no a desea pa entrega denuncia. Pero si e kier haya su documentonan cu ladron a horta den su cas situa den Comanche straat. Diahuebs den transcurso di mainta e señora di inicial B. a presenta na warda di polis San Nicolas pa notifica autoridad di ladronicia di su cartera den cual tin algun documento. Desconocinan a kibra drenta den su cas y a bay cu su cartera y algun articulo. E señora no a desea pa entrega keho oficial di kiebro, pero si e kier simplemente su documentonan bek. Tambe el a declara cu ladron a bay cu su laptop color preto modelo Toshiba, e desconocinan a destrui bentana camber pa a drenta den cas.


Jus 06114