Page 1


PAGINA 14

DIARIO

DIASABRA 1 FEBRUARI 2014

Minister di Infrastructura cu elogio pa trabao desplega pa Oficina di Monumento

ORANJESTAD (AAN) – Minister Benny Sevinger, titular di Infrastructura, durante e conferencia di prensa enfrente di e edificio monumental exHaven Kantor, awor den reconstruccion, a menciona cu Minister Presidente a pone e vision grandi cu gobierno ta trahando riba dje e ultimo cuater añanan. E dignatario a subraya cu Minister Presidente kier yega na un calidad di bida mas halto pa nos ciudadanonan, y esey ta nifica cu mester hisa e calidad di infrastructura tambe y esey ta cana hunto cu otro. E dignatario a elogia e trabao cu Oficina di Monumento dirigi pa señora Ark. Yvonne Webb-Kock ta desplegando riba nos edificionan monumental. Durante e ultimo añanan a worde restaura dos watertoren, e edificio di Corte, e dos edificionan cu awor ta den restauracion, y gobierno ta trahando riba e edificio ex- J.F Kennedy, esun ex-DOW, e toren na Westpunt, Lighthouse, y diferente otro monumento, na e momentonan aki. Mas interesante di e proyectonan aki ta cu nos profesionalnan local ta trahando riba nan, manera e dos arkitectonan Croes y Thijsen.

Linear Park cu ta bay pasa dilanti di e ex-Haven Kantor, pero esaki lo ta e ultimo fase pasobra prome mester traha tur e parti di Boulevard bay pa noord, prome cu cera e area aki pa no tranca e centro di ciudad mas di loke ta aworaki.

E arkitectonan aki ta trece e experiencia cu mester tey pa futuro, segun e dignatario. Nan ta envolvi tambe den e edificionan nobo manera e esnan multifuncional cu e mente di diseñonan nobo,

y tur e aspectonan moderno internacional na parti paden. E dos edificionan den restauracion ya menciona, ta parti di henter e renovacion di Caya Grandi, y mapanan ta cla caba di e parti di

E mandatario a indica cu un vez cu Ringweg 3 keda cla, lo drecha di Boulevard bay te de La Sallestraat, y despues lo bolbe na e zona rond di Bestuurskantoor. Tur e mapnan ta cla, pero ta cuestion di tempo y con pa ehecuta e schedule.


DIASABRA 1 FEBRUARI 2014

PAGINA 45

DIARIO

Minister Sevinger a splica durante Industrial Day

Ta invirtiendo 2 biyon den infrastructura di Aruba

ORANJESTAD(AAN): Gabinete Mike Eman II ta hopi orguyoso cu despues di 40 aña, cu contribucion di tur e Gobiernonan anterior, nan ta ehecutando finalmente e proyecto di Ringweg 3, miho conoci como Watty Vos Boulevard. Ta den cuadro di esaki, a bin ta organizando diferente sesion di informacion, tanto cu e pueblo di Aruba como esnan interesa di e industria, manera e “Industrial Day” cu a worde organiza fin di siman pasa na Renaissance Convention Center. Tabata un dia unda Prome Minister Mike Eman a tene e discurso inaugural splicando cu su “Gobierno ta cambiando e condicionnan social y educativo pa e pueblo”, pero cu pa logra e meta aki mester crea e infrastructura necesario pa e por funciona. Gobierno den esaki, kier logra un contribucion di henter pueblo pa realisa e cambionan, cual ta e motibo tambe di e sesionnan di informacion. Tanto Prome Minister Eman como su colega di Infrastructura a splica, cu e motibo cu e proyecto a tarda casi 40 aña, ta debi cu diferente propiedad mester a worde cumpra y “awor nos a logra, cumprando e ultimo propiedad cu tabata pendiente” un Prome Minister Eman orguyoso a splica. Minister Sevinger tabatin hopi elogio pa tur e plannan aki, cu a sali for di e vision di e Prome Mandatario pa mehora e calidad di bida pa henter e pais. Pa logra esaki a y lo bay inverti 2 biyon Florin pa logra tur e cambionan necesario. Y, el a agrega, usando e formula di PPP (Private Public Partnership). Ora di papia di e cantidad di proyecto cu a worde realisa y otronan cu ta na caminda, kisas esaki no ta duna un bista di e dimension di e cambio

te ora cu p.e. menciona cu Aruba ta invirtiendo 2 biyon Florin den 8 aña pa mehora e infrastructura di e isla. “Nos a enfoca den algun area manera renobacion di Oranjestad y San Nicolas, renobacion di e hospital, schoolnan y e bisindarionan, proyectonan di vivienda, Linear Park y proyectonan PPP,” e mandatario a splica. Esnan presente den e “Industrial Day” a haya presentacionnan cu a duna informacion amplio di locual a ehecuta caba y ta den ehecucion for di Gabinete Mike Eman I, pero tambe e diferente proyectonan cu ta bay worde ehecuta durante Gabinete Mike Eman II. E pone hopi enfasis tambe di loke ta logrando cu renobacion di barionan y ehecutando proyectonan sostenibel, na beneficio di e calidad di bida di e ciudadano. Pa loke ta e PPP, a worde mustra esunnan di mas grandi cu ta renobacion di hospital, cu na maart lo cuminsa cu e trabaonan di construccion, Green Corridor cu ta cuminsa den luna di juni; Waste to Energy (cu ta bayendo Parlamento pa haya aprobacion pa bay destaho) y mudansa di e haf pa Barcadera. E area di waf cu lo keda bashi ta bay worde embeyece. Pero tambe a ilustra proyectonan manera e Parke Solar na aeropuerto, cu ta e prome di e indole aki. Den cuadro di tur esaki, a presenta loke ta bay bira Watty Vos Boulevard, conoci tambe como Ringweg 3. E ta un proyecto cu Gabinete Mike Eman II ta calcula ta bay destaho den 2015 y cu lo bira e conexion entre Green Corridor y e area di zonanan di Playa y di Hotelnan. Minister Sevinger a expresa cu e ta spera di haya hopi interes pa ehecuta e proyecto, cu lo haci di Aruba un miho luga pa biba pa tur su habitantenan.

Infra 1214  
Read more
Read more
Similar to
Popular now
Just for you