Issuu on Google+


DIABIERNA 10 JANUARI , 2014

2

SEÑOR TA BISA:“YENA NOS MAINTA CU BO AMOR Y TUR NOS BIDA NOS LO CANTA CONTENTO”, SALMO 90:14

Gobierno lo refinancia 175 miyon florin pa paga prestamo cu a caduca Minister di Finansas Juan David Yrausquin a informa cu na luna di maart pa april un prestamo cu pais Aruba a haci un par di aña pasa ta caduca, nos mester paga a prestamo aki bek. Dor cu presupuesto 2014 no a ser trata ainda, Gobierno a pidi Parlamento autorisacion pa nan por refinancia e prestamo aki. E ta aclaria cu e suma di 250 miyon no ta cuadra mas cu loke a ser anuncia inicialmente y mas bien e suma ta alrededor di 175 miyon pa paga e prestamo y interesnan relaciona cu e prestamo aki. El a bisa cu Gobierno no mester mas di e suma

di 250 miyon florin ya cu nan a logra keda cla cu e financiamento aña pasa. Pesey e aña aki gobierno ta papiando di un suma di 175 miyon dor di un prestamo cu ta caduca proximamente. E mandatario a bisa cu e nivel di interes cu Gobierno lo paga pa e prestamo nobo aki ta depende di e mercado. “Nos no por indica kico ta e interes exacto na e momento aki”, asina minister Yrausquin a declara. El a agrega cu tabatin un suma di 75 miyon pendiente si gobierno no lo keda cla cu e prestamo na 2013, pero nan a logra finalmente keda cla cu e suma

aki, y pesey e suma no a bira 250 miyon. Pesey den e tratamento di e prestamo aki, minister Yrausquin a bisa cu gobierno lo presenta un nota di cambio pa busca aprobacion di e refinanciamento di un suma alrededor di 175 miyon florin. E placa aki ta pa paga prestamonan cu ta caduca. El a agrega cu gobierno na momento cu tin un deficit, e ta haci un prestamo pa e deficit, y despues di un periodo di varios aña, e prestamo ta caduca y gobierno mester paga e suma bek.

Percura pa bo cumpra bo ticket trempan!

Awe Mega Plus ta paga 1.7 miyon florin na premio

Pa casualidad a haya plantacion di marihuana Na Seroe Colorado

florin, cumprando su ticket di Mega Plus na e rebendedo Vegas Lottery. E jackpot di mas grandi cu Lotto a yega den transcurso di existencia di Mini Mega, tabata di 2.450.000 florin na aña 2010. Diabierna awo, Mini Mega ya ta na 1.250.000 miyon florin y door di cumpra bo ticket Mega Plus, cu solamente 2 florin mas, bo por gana 450 mil florin extra, asina por bira e ganado miyonario di 1.7 miyon florin. Un tremendo manera pa habri aña 2014 y asina realisa tur bo soñonan y cambia bo bida completo. E soño di cualkier hungado di Lotto, e loteria di Aruba, ta pa bira un ganado di un suma grandi y asina realisa nan soñonan. Den transcurso di aña, Lotto a cambia bida di hopi hungado y asina a logra aporta tambe na deporte di Aruba y desde augustus 2013, Lotto a introduci Mega Plus, unda cu djis di agrega 2 florin mas riba e ticket di 5 florin di Mini Mega, bo por gana un balente suma extra cu Mega Plus. Aña pasa e sorteo di Mini Mega di Lotto tabatin dos ganado cu a gana un suma miyonario. E prome tabata riba 10 di mei 2013, unda cu e hungado di Lotto a cumpra su ticket na e rebendedo situa na Rey Hing Supermarket na Pos Chikito y a gana e suma miyonario di 1.050.000 miyon florin. E di dos ganado miyonario di Mini Mega, tabata na fin di october 2013, unda cu un otro hungado a gana e suma miyonario di 1.1 miyon di

Lotto ta corda Aruba henter, pa cumpra bo ticket trempan, paso sigur lo tin rij largo pa cumpra ticket. Cu solamente 7 florin, bo por bira un miyonario sigur! Busca bo ticket di Mega Plus y asina bo ta sigur cu bo lo tin e jackpot miyonario di 1.7 miyon florin cu Lotto, e loteria di Aruba, cu ta cambiando bida di su hungadonan. Lotto, e loteria di Aruba tin 8 diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega, y Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.

Central di polis a dirigi un patruya pa un cas na Sero Colorado caminda a bin haya un plantacion clandestino di marihuana na un cas. Na e sitio polisnan a papia c’un funcionario di Gobierno di inicial L. kende ta declara cu el a bin haci un control na e cas cu dos cabayero mas di inicialnan V. y D. kendenan lo ta interesa pa cumpra e cas aki cu ta para bashi pa algun tempo caba. El a trata di habri e porta dilanti di e cas cu e boshi di yabi cu e tin pero e porta no kier a habri y el a nota cu a cambia slot di e porta. E ora nan a dicidi di pasa na e parti patras di e cas pa mira si nan por a drenta den esaki pero pa nan sorpresa nan a bin haya un plantacion grandi di marihuana bou di e dak di e porch. Ora cu polisnan a confirma cu en berdad ta trata aki di mata di marihuana, a avisa personal di recherche cu a bin na e sitio y a constata cu ta trata di un plantacion di 54 mata di marihuana y a pidi presencia tambe di oficialnan di departamento di droga. Pa 12.20 a confisca e matanan di marihuana cu a ser transporta pa warda di polis pero no a mira ningun sospechoso den vecindario pero si lo investiga pa trata di haya sa kende a cultiva e plantacion aki.


DIABIERNA 10 JANUARI , 2014

5

Gobierno lo percura di mantene gasto na 1.350 miyon pa aña Lo introduci disciplina di baha gasto den aparato gubernamental Durante e presentacion di e plan di trabou di su ministerio y presentacion di su team di experto e mandatario Juan David Yrausquin a bisa cardinalmente: “Hopi trabou tin”. Un trabou nada facil cu e lo implementa conhuntamente cu su demas colega minister tin di haber cu e meta di logra un presupuesto balansa dor di introduci un disciplina di baha gasto di aparato gubernamental. Pa presupuesto 2014, minister Yrausquin a bisa cu gobierno lo percura di mantene e gasto na 1.350 miyon pa aña. Mientras di otro banda nan lo percura pa

aumenta entrada di gobierno na nivel di 115 miyon na 2014

DTI ta cera pa motibo di reunion interno Na comienso di un aña nobo, DTI (Servicio di Inspeccion Tecnico) ta planea diferente reunion interno cu su personal pa delinea e maneho cu lo hiba durante henter aña. Staf y personal di DTI a acorda diferente fecha pa e reunionnan interno y pues lo no por brinda servicio na publico ariba e dianan concerni. DTI lo ta cera pa publico riba e siguiente dianan durante oranan di atardi: 10, 17 y 24 di januari; 11 di april; 22 di augustus y 30 di december 2014. Tur e fechanan menciona ta cay ariba un diabierna cu excepcion di 30 di december cu lo ta un diamars. Gerencia di DTI ta pidi disculpa si por surgi cualkier inconveniencia dor di ceramento di e di e departamento ariba e dianan menciona.

dor di aumento economico y un miho cobransa di sistema di impuesto. Pa logra e obhetivo aki di no aumenta gasto di operacion di gobierno, ministerio di Finansa a manda un carta pa tur ministerio y nan respectivo departamento di gobierno caminda nan a ser informa cu de-

partamento di Finansa mester pre-aproba e gastonan e aña aki. Esaki ta un maneho nobo cu e mandatario kier implementa pa asina tin un bista di e gastonan. “Prome cu bo tin un presupuesto aproba cu bo por realisa e reduccion di gasto cu ta necesario cu e metanan cu nos

a pone nos dilanti”, asina el a bisa. Igualmente el a laga sa cu e proceso di traha presupuesto lo cuminsa proximamente, y den cuadro di esaki cada minister lo asumi un tarea pa asina conhuntamente realisa e presupuesto na un nivel 1.350 miyon florin.

CORIENTE TA INDISPENSABEL! Pa por garantisa suministro permanente di coriente, ta necesario pa nos clientenan paga nan recibo na tempo. Ultimo dia pa paga bo recibo di luna di november 2013 lo ta:

>> diamars, 14 di januari 2014 <<

“E DIFERENCIA DEN RADIO”

Variashon den Programashon Musical, Informativo, Noticiero y Entretenimiento.

Clientenan cu no paga nan recibo prome cu e fecha aki, ta core riesgo cu e percela por wordo desconecta. Tene cuenta cu pagonan via banco ta yega algun dia despues den nos poder. ELMAR ta conta cu bo sosten, pa nos por sigui garantisa suministro di coriente continuo y di calidad.

Pa mas informacion yama

523-7100

of e-mail nos via

info@elmar.aw


DIABIERNA 10 JANUARI , 2014

6

Directiva di KvK pa 2014

Sr. Omar Tromp a keda eligi como presidente di KvK mas palabranan di aprecio y gratitud pa nan aporte na e trabao di KvK. E presidente y vice-presidente, asisti pa e secretario/director ehecutivo, Sr. Leo Maduro, ta forma conhuntamente e direc-

tiva diario di Camara di Comercio. Como presidente suplente, den caso di ausencia di tanto presidente como vice-presidente, a keda nombra segun stipulacion legal e persona di mas trayectorio sin interupcion den directiva di KvK, cu ta Sr.

Robert E. Carrasquero. Directiva di KvK ta conta di por continua na aña 2014 di duna su aporte na bienestar di comercio y industria y di comunidad en general cu hopi energia y entusiasmo.

Minister di Finansa a anuncia accion specifico pa reduci gasto di gobierno Entre otro promocion a base di merito y reduci “red-tape” Presidente nobo di KvK, sr. Omar Tromp.

Camara di Comercio y Industria (KvK) a eligi den su reunion di 7 di januari 2014 e presidente y vice-presidente pa aña 2014. Sr. Omar Tromp a keda eligi pa e demas miembronan di directiva como presidente y Sra. Lindsey Wever como vice-presidente. Banda di e presidente y vice-presidente, directiva di KvK ta conta cu e damanan Daphne R.Y. Agius Cesareo-Lejuez y Julisa N. Arends-Hoevertsz y Sres. Robert E. Car-

rasquero, Satish D. Daryanani, Francisco L.M. de Mey, Ernst J.E. Mohamed y Oscar S. (Trey) Wyatt. Na december ultimo Sr. Omar Tromp a keda re-eligi y a yama e damanan Daphne R.Y. Agius Cesareo-Lejuez y Julisa N. Arends-Hoevertsz bonbini como miembro den directiva pa un periodo di tres aña (2014-2016) y Sres. Mohamed (Jamal) Mahawat Khan y Donicio (Ricardo) Wever a termina nan periodo como miembro di KvK. KvK ta extende un biaha

Homber cu problema na cas ta bay horta pa lubida

Si compronde e declaracion cu e homber di inicial N.G.M. naci na Aruba di 35 aña a duna na oficialnan di polis, e no ta horta pa necesidad pero el a horta dos turista pa motibo cu e tin problema na cas. Polisnan a ser dirigi pa un hotel grandi na Palmbeach pa un caso di ladronicia 2’or di marduga caminda dos turista, a reconoce e persona cu a bay cu nan cosnan. Na e hotel polisnan a bin haya un oficial di siguridad di e hotel y dos turista, kendenan ta declara cu dialuna ultimo, un homber cu nan a reconoce despues di ta e homber N.G.M., a wordo sorprendi na momento cu e tabata horta nan pertenencianan. Na e sitio mes polisnan a papia cu a sospechoso kende ta declara cu e no ta horta e turistanan pero cu el a bin canto di lama, pa e ‘chill’ un rato ya cu e tin problema serio na su cas. Sinembargo e turistanan a sigura cu ta su persona a bay cu nan pertenencianan loke a pone polisnan bay na su auto y rista den esaki pero no a haya algo di e pertenencia horta. Polis despues a tuma su informacion personal y el a ser informa cu e lo bin na consideracion pa mas control mirando loke nan ta acus’e di dje ora di cualkier caso di ladronicia di turistanan.

Minister di Finansa, sr. Juan David Yrausquin a indica cu e presupuesto inicial di 2014 no lo yega na e nivel di e 1.350 miyon. Pesey su ministerio ta zorg pa cada minister tin un tarea pa logra e nivel di gasto aki. Tin accion specifico pa logra e meta aki entre otro lo introduci e sistema di promocion a base di merito, maneho pa reduci AO di sector publico di 8.7% cu ta hopi halto compara cu sector priva di 2,6%; reduci e “red-tape” di gobierno haciendo uzo di facilidad electronico di E-government y hisa e eficiencia di aparato gubernamental, reduci costo di gasto di energia, contene gastonan di gobierno, etc... E mandatario a anuncia cu entrante e di dos kwartaal di 2014 e pagadonan di belasting lo por traha nan declaracion electronico di belasting dor di e sistema SAP. Tambe e companianan lo por haci declaracion electronico di Douane entrante e di dos kwartaal di 2014 via e sistema di Asycuda.

Otro cambio cu nan ta evaluando dor di un studief financiero tin di haber cu e creacion di un fondo. El a splica cu tur e prestamonan ta wordo hinca den un fondo aki pa asina na final e fondo aki lo por bira sostenibel, y asina lo por haci prestamo for di e fondo ariba su mes. AIB ta trahando riba e iniciativa aki, ya cu e ta un idea cu tin algun añanan caba y tin preparacion cu a wordo haci pa nan, y aworaki minister di Finansa lo zorg pa e idea aki lo ser ehecuta. Otro aspecto cu minister Yrausquin ta kere cu gobierno lo por reduci su gastonan tin di haber cu e compra cu gobierno mes ta haci. E ta bisa cu gobierno anualmente ta cumpra alrededor di 100 miyon florin na producto. E mandatario ta kere cu mester tin un persona y un instancia di gobierno cu ta percura pa e contractonan aki ta wordo negosha a base di un prijs reduci pa asina gobierno lo por cumpra di un forma mas eficiente posibel. “Mi ta sigur cu akinan nos lo por reduci e costonan di pais Aruba”, el a laga sa.


WWW CORTE

Castigo exigi contra pastoor acusa di mishi cu mucha

Bo ta interesa den Solar panels? Manda nos un mail na solar@elmar.aw CELEBRANDO 33 AÑA CU PUEBLO Aña 36 ▪ No. 9901 • 1,50 Florin

Tur trahador lo ricibi un pakete social voluntariamente

Westin Hotel ta stop di opera completo y 460 trahador lo perde trabao Antenna di truck di Telearuba a cay riba publico

ORANJESTAD (AAN): Diahuebs anochi e programa di “Den Dje” na Telearuba tabata den transmision vivo for di e caminda paralelo di Lloyd G. Smith Boulevard na altura di Ritz Snackbar. E videotruck di Telearuba tabata staciona eynan y e show ya a caba, y e tubo automatico di Microwave Antena a ser baha. E antenna ta sirbi pa comunica e truck cu studionan na Balashi. Sinembargo algo prome cu 10:30’or, diripiente e tubo aki su so a cuminza bay halto. E lo mester tabata un problema tecnico, cu a pone su so sigui bay halto. E ta usa presion di gas pa subi y baha. Su hisamento a hala atencion di esnan eynan, y ora cu a mira cu e tubo ta sigui rek bay halto y no kier stop, diripiente el a

DIABIERNA 10 JANUARI 2014

FUTBOL

RCA a gana prome wega di Copa Betico Croes ORANJESTAD (AAN): Diahuebs anochi na Stadion Guillermo Trinidad na Dakota, a worde hunga e prome encuentro di Copa Betico Croes 2014. E partido a finalisa cu score di 9-0 na fabor di e tricolornan di Solito, esta RCA cu mester a enfrenta e equipo di Caravel. DIARIO a compronde cu e partido di awenochi lo bay ta entre e equiponan di Unistars vs Trupiaal pa 7:30pm y pa 9:30 pm lo sigui e partido entre Britannia vs Estudiantes.

eynan, di cual uno a resulta herida. E tubo mientras tanto a bin abao cu un desorden enorme, y a dal riba un Harley Davidson

dobla y sali for di e tubo base. Publico a bay den panico y a cuminza core den tur direccion, incluyendo e caminda principal

unda trafico keto bay ta pasando. Dos dama cu a subi caya a bay dal den un auto Kia Avella color shinishi A-16742 pasando

MFA-24. Polis mesora a yega y cera e caya, y Ambulans a trata e dama herida.


DIABIERNA 10 JANUARI 2014

PAGINA 13

DIARIO

Minister di Finanzas Juan David Yrausquin ta anuncia manehonan nobo den su departamentonan

Ta bay haci algo na e AO halto bou ambtenaarnan, na e overtolligheidspool y mucho mas

ORANJESTAD(AAN): Entranta e di dos kwartaal di e aña aki ciudadanonan di Aruba por haci uzo di avancenan tecnologico, den forma di declaracion electronico na momento cu nan mester yena nan declaracion di impuesto. E noticia alentador

aki a worde treci dilanti door di Minister Yrausquin durante presentacion di su vision, meta y puntonan di atencion na prensa. “Un sistema completamente nobo ta worde implementa na e momentonan aki na e departamento di Impuesto. Pa hopi ciudadano ta agradabel pa por haci nan declaracionnan di impuesto den forma electronico”, Yrausquin a bisa. El a splica tambe cu ta trahando riba e sistema electronico aki pa algun tempo caba, alegando cu esaki ta hisa eficiencia tanto pa e ciudadano como pa e departamento den su totalidad. Minister a bisa cu no ta el a bin cu e sistema nobo aki, pero di ta contento si di ta esun cu por

mira e cambionan tuma lugar. MOT: Pa loke ta trata e departamento di MOT (Meldpunt Ongebruikelijke Transacties) no mas tarda cu na luna di april, instancianan cu mester haci nan notificacionnan tambe por haci esaki den forma electronico. Minister ta di opinion cu na momento cu instancia, compania y personanan tin acceso na e sistemanan aki, e ta hisa eficiencia y efectividad y sin duda reduci gastonan relaciona cu e trabaonan aki. Nivel di AO dramaticmente halto bou empleadonan publico: Varios maneho nobo ta bay worde implementa den e aparato gubernamental. “Loke mi kier pone enfoke riba dje ta

cu den sector publico e nivel di AO – ambtenaarnan cu ta keda cas malo – ta di 8,7%. Esaki ta demasiado halto. Sigur si compara esaki cu sector priva na unda e nivel di AO tin un averahe di 2,6%”. Esaki ta cifranan di SVb. Minister Yrausquin a bisa cu mester bay implementa un maneho pa reduci den forma drastico e cifra halto di AO aki bou empleadonan publico. E nivel di 8,7% di AO ta dramaticamente halto y e mester worde reduci hopi lihe. E ta costa hopi y ta stroba cu servicio na comunidad por worde ofreci den forma optimal”. Overtolligheidspool: Den e ‘pool’ aki tin un grupo di algo mas di shen persona cu ta cobra salario tur luna sin traha. Minister Yrausquin den e caso aki tambe ta haya cu mester introduci un maneho pa e personanan aki sea ta cuminsa traha den

un departamento di gobierno of ta laga nan bay den sector priva of busca un otro solucion. “Nos no ta kere cu ta acceptabel mas pa tin hendenan cu ta cobra salario tur luna, pero no ta traha p’e”. Saliendo for di punto di bista cu cada empleado cu na salario, pensioen etc. ta costa un averahe di 100 mil Florin pa aña, aki ta papia di un suma di 10 miyon Florin cu e hendenan den overtolligheidspool ta costa. Promocionnan basa riba merito: Minister a bisa cu DRH (Dept. Recursonan Humano) a haci un bon trabao di screen y percura pa e promocionnan den gobierno ta bay den e miho forma posibel y pa ta husto tambe. “Aki nos ta papia riba promocionnan basa riba merito unda ta wak mas tanto riba funcionamento di e empleado. Tin varios idea con mehora e sistema aki”.


DIABIERNA 10 JANUARI 2014

PAGINA 25

DIARIO

Minister Juan David Yrausquin cu metanan grandi pa e siguiente periodo di gobernacion ORANJESTAD (AAN): Durante su presentacion na prensa pa loke ta mision, vision y metanan di su ministerio cu ta encera Finanzas y Organisacion Gubernamental pa e periodo 2014-2017 Minister Juan David Yrausquin a trece su puntonan di atencion dilanti. Minister Yrausquin a bisa cu den e puntonan di atencion aki ta obvio cu e partinan mas importante pa implementa ta un cuadro financiero dirigi riba realisacion di un presupuesto balansa. “Esaki ta e meta cu nos tin nos dilanti”. Minister a splica cu ya na varios occasion a trece e ‘Balanced Budget Accoord’ dilanti den cual ta delinea kico ta e puntonan cu mester wordo realisa den e

añanan benidero. Puntonan cu ya ta wordo ehecuta.  Un otro meta di Minister di Finanzas ta pa incorpora un norma pa presupuesto balansa den e Constitucion di Aruba. “Esaki como parti di e acuerdo ‘Balanced Budget’. “Nos a palabra cu entrante 2016 nos lo kier esaki como parti di nos Constitucion. Esaki ta pa e normanan cu mester traha cu nan den e periodo aki di

gobernacion wordo incorpora den Constitucion di pais Aruba y di e forma aki bira un norma pa futuro gobiernonan”. Otro meta cu a wordo poni den e protocol ta pa mantene e gastonan di gobierno na un suma di 1.350 miyon florin pa aña. Minister Yrausquin a bisa cu esaki ta un reto, un stretched target, pero e ta comprometi pa cumpli cu esaki. “Den tur encuentro cu mi tin cu departamentonan, cu direccion di Finanzas y awor den e proceso di presupuesto y den Conseho di Minister, mi ta reitera cu esaki ta e suma cu tin pa traha cu ne den e 4 añanan aki”.  Minister ta masha firme pa mantene e nivel di gasto aki. Otro meta ta

pa aumenta entrada di gobierno na un nivel di Afl. 1.150 miyon florin pa aña. Un suma cu ta sigui aumenta. Pa por realisa metanan riba tereno di entrada lo ta facil pa hisa impuesto, Minister a bisa. “Sinembargo, nos a compromete nos mes na yega na entradanan mas halto door di un banda miho cumplimento di impuesto y di otro banda e crecemento economico cu nos ta premira den e añanan nos dilanti”.  Un implementacion pa separacion estricto entre gasto y entrada ta un otro meta di Ministerio di Finanzas. “Esaki ta importante pasobra e situacion por presenta cu entradanan por aumenta den forma drastico pa un of otro motibo den un aña.

Resultado di esaki ta na tur caminda na mundo y no Aruba so, pa gasta mas ora tin mas entrada. Sea den inversion, den proyectonan of pa realisa cualkier idea cu por tin. Pero, nos a compromete nos mes den e Balanced Budget Accoord cu independientemente di e entrada cu ta wordo genera, nos ta keda mantene nos mes na e nivel di gasto manera acorda”. Por ultimo Minister Yrausquin a subraya cu realisacion di un aparato gubernamental mas eficiente y efectivo ta hisa calidad di servicio. “Nos tarea na final di dia como gobierno ta pa duna un servicio di calidad y di nivel halto na comunidad. Nos ta spera cu e mensahe aki yega den tur departamento”. 


URATACA CENTER

Special di awe:

Kerri Kerri, Aroz, Pan Bati & Banana

Diabierna 10 Januari 2014 - Edicion-8 Vol.19300

Sta. Cruz #110 Tel: 585-9500 Fax:585-0951 - E-mail: solodipueblo@gmail.com

1.50

400 empleado a haya retiro na Westin

Afl. 10.00 (di 12 pa 3pm) Tel: 585-5212

Dia 27 di Februari te ultimo dia di Westin Hotel

Chauffeur di Chevrolet Vivant a desvia pa un Nissan Tiida y e mes a bay dal riba un kashi coriente

Ta forza nan tuma pakete of lo bay Corte pa termina nan contract

a単a 2014 ta habri cu un prestamo di 250 miyon di gobierno di aruba! Club Kibrahacha 60+ a celebra e dianan di fiesta den un ambiente sumamente agradabel

doCUmento di mep riBa inteGridad a CaUsa hopi dolor CerCa FraCCion di aVp Empleadonan a puntra ayera:

otmar oduber a bisa cu nos trabao ta garantiza... Ronny Wix a contesta: No, no, mi no sa net nada di esey


Diabierna Januari 10 2014

Pagina 3

400 empleado a haya retiro na Westin Ta forza nan tuma pakete of lo bay Corte pa termina nan contract --Ayera mainta y merdia a tuma lugar varios reunion cu diferente grupo di empleadonan di Westin Hotel. Manera cu nos corant den forma di exclusividad a trece riba nos front page di ayera, tal manera nos a bisa, Westin Hotel a anuncia su ciere como tambe e traspaso pa e doño nobo. Den un reunion yama pa gerencia di Westin hunto cu abogado Ronny Wix cu ta representa Infinity Corporation cu ta actua pa Riu Hotel, a splica e empleadonan cu e hotel lo bay cera su porta dia 27 di Februari. Dia 27 di Februari lo ta e ultimo dia di trabao, ora cu e ultimo guest check out. Na e momento ey e hotel ta culmina su operacion bao di Westin y alavez ta cera su porta. E doño nobo cu ta Riu Hotel ( Infinity View Corporation) lo tuma over y lo bay over na renobacion total di e hotel. Segun Ronny Wix a splica ayera den e reunion general, cu ya caba e arquitectonan ta na Aruba y ta preparando e plannan di renovacion.

A s p e c t o laboral: Ronny

Wix a bisa cu esaki no ta un menaza, pero e hotel ta cera su porta y empleadonan tin cu bay. Empleadonan legalmente no ta wordo forza pa bay. Den prome rond lo ofrece empleadonan un pakete. E empleado no ta forza pa tuma e pakete. Si nan tuma e pakete, nan ta haci esey voluntariamente. Esun cu no tuma e pakete, lo keda cu su salario, te ora cu e proceso legal dicidi pa kita nan di trabao. E doño nobo pues lo bay Departamento di Labor como tambe lo bay Corte si ta necesario pa asina pidi un terminacion

di e contract di trabao. Tambe e abogado a bisa cu e hotel ta willing pa yuda e empleadonan firma un pakete pa haya un trabao n **** Empleadonan a puntra ayera: Otmar Oduber a bisa cu nos trabao ta garantiza...

empleadonan envez di papia e berdad. Hopi a bisa cu Otmar ya tabata sa e berdad caba di kico lo bay pasa, pero a hunga wega cu empleadonan den porta di eleccion. Nos ta spera cu awe Otmar por pidi disculpa di su mentiranan.

/// Ronny Wix a contesta: No, no, mi no sa net nada di esey

a un otro hotel. Abogado Ronny Wix a splica cu esnan cu tuma pakete, tambe lo haya un trato preferencial ora cu nan aplica bek pa trabao, dia cu e hotel habri su porta bek. No por bisa ta pa

-- Ayera durante di reunion na Westin Hotel, un empleada a lanta para y a puntra: “Otmar Oduber a priminti e empleadonan cu nan trabao ta segura. Otmar a bisa cu e hotel lo cera pa renovacion, pero cu tur hende ta keda na trabao y ora cu e hotel habri bek, tur hende lo bin traha bek”. E abogado di e doño nobo di hotel a bisa: “Mi no sa di esey. Mi no a tende esey”. Esey no ta e caso. Cu otro palabra, Ronny Wix a bisa cu otro palabra, met andere woorden: Otmar Oduber a gaña empleadonan di Westin Hotel. Despues a bin sali un comunicado di Otmar, unda el’a bisa cu e storia aki ta fabrica pa MEP. Despues di algun luna, prensa mester bolbe puntra Otmar: “Ta berdad cu e storia ta fabrica pa MEP? “ Pues, awor hopi hende lo cuminza habri nan wowo pa waak con un mentiroso patologico Otmar Oduber ta. Un minister oportunista cu a prefera di gaña

cuanto tempo e hotel lo keda cera, pero tin tur indicacion cu aki ta trata di un temporada basta largo ya cu e abogado a papia di 8 luna pa 1 aña. Empleadonan di hotel mes a reacciona basta down. Otro a yora y otro nan presion a subi. Nan no a spera e decision aki. Minister Otmar Oduber a gaña e empleadonan den nan cara cu nan trabao ta segura. E articulo aki hopi a les’e den corant y riba websitenan local. Ora cu a puntra Ronny

Wix ariba loke cu Otmar a bisa, e abogado a contesta: No, No, ami no sa net nada di esey. E tempo aya, Otmar Oduber a sali acusa MEP cu ta mentira y storia fabrica pa MEP. Ainda Otmar ta kere awe cu ta storia fabrica pa MEP? Empleadonan cu tin añas di servicio awor ta man na cabz, pasobra pa colmo a caba di hisa e edad di pensioen pa 65 aña, pues awor nan ta sin trabao y sin salario. Den 14 dia e abogado lo presenta un pakete na e empleadonan of por ta poco mas prome. E conteo final a cuminza di e ultimo 50 dianan cu falta pa yega dia 27 di Februari 2014, ora cu e ultimo guesta check out, e hotel ta paga luz y cera porta. Esaki ta significa 400 famia sin entrada y sin trabao pa cumpli cu nan obligacionnan di cas y auto.


Fin 10114