Issuu on Google+

WWW.ARUBAWE.COM

1,50

DIASABRA 04 JANUARI , 2014

DIASABRA 04 JANUARI , 2014

HENDENAN COMI PA CACHO COMO CASTIGO

DE LA SALLESTRAAT 41 A TEL: 5881500 FAX 5824937

Florin

P2

arubawe2012@gmail.com

POSIBILIDAD GRANDI PA REAPERTURA

Ya caba tin un cooperacion entre Valero Aruba y PDVSA pa almacena crudo di Venezuela, mientras cu durante di luna di December ultimo, negociacionnan tumando luga pa yega na un cooperacion pa lanta cinco unidad di e refineria di Aruba. Inicial-

mente ya caba tin cierto acuerdo riba e forma di pago pa e planta aki, pero ainda mester concretisa esaki. Pag. 2


DIASABRA 04 JANUARI , 2014

2

SEÑOR TA BISA“PAGA TINO, MI TA BAY CUMINSA CU ALGO NOBO. E TA COBRANDO FORMA, YA BO POR MIRE: UN CAMINDA DEN DESIERTO, RIUNAN DEN SABANA, PA MI PUEBLO SCOGI TIN CO’I BEBE NA CAMINDA…”, ISAIAS 43:44

Refineria lo por inicia operacion e luna aki

For di inicio di December 2013, a Sali na cla cu PDVSA ta den deliberacion cu e compania Valero, pa lanta cinco planta di e refineria na San Nicolas, pa yuda e compania Venezolano cu ta pasando den momentonan dificil. E contrato di huur aki lo wordo paga pa medio di petroleo y for di luna pasa expertonan di PDVSA y Valero, a bin ta inspeccionando dos unidad di destilacion, uno di hydrotreater, un hydrocracker y un coker, cu e compania Venezolano lo kier uza a corto plaso. Ta bon conoci cu PDVSA tin problema di “cashflow” pero ya caba tin contracto cu Valero na Aruba pa almacena su crudo debi na un limitacion di capacidad Refineria di Aruba a cera na 2012 ora cu Valero a baha tur e plantanan y for di e tempo ey a bin ta uzando e instalacion pa almacena petroleo tambe di entre otro PDVSA cu ta manda su producto for di e centro di refina di Paraguana. Mirando cu exportacion pa region di Caribe ta sigui crece, PDVSA tin mester di espacio adicional pa almacena petroleo pa e demanda aki. Informacionnan extra oficial a mustra den december ultimo cu hasta lo a stipula e fecha di 15 di Januari pa un probabel lanta e cinco plantanan aki pa asina procesa nafta pa PDVSA pero actividadnan den e planta no ta asina extenso pa confirma e rumornan aki. Trabounan di mantencion ta sigui tuma luga na e planta, principalmente na e cinco plantanan cu PDVSA lo kier haci uzo di nan pero ainda e acuerdo entre e compania petrolero Venezolano y e compania Valero ainda no a keda concretisa pues e posibilidad cu e refineria lo bolbe habri e luna aki, no ta factibel ainda.

Turista ta fayece durante di buceo Diahuebs mainta central di polis a dirigi un patruya cu urgencia pa Hadicurari, caminda un persona lo a bira malo den lama y no ta duna señal di bida. En berdad ora cu polisnan a yega na e sitio, a bin haya e homber I.L. Morelli kende tabata ricibi tratamento pero no tabata duna señal di bida y cu urgencia el a ser poni den ambulance u y transporta pa hospital, caminda a constata cu el a fayece caba. Segun informacion ricibi na e sitio ta cu e homber hunto cu otro miembro di su famia, a dicidi diahuebs mainta di bay scuba diving y el a bisti tur aparato, sigui tur instruccion y a baha den awa sin problema algun. E grupo mester a bay riba un trip cu lo tabatin duracion di 40 pa 45 minuut bou di awa pa mira e rifnan cu tin na e sitio y esaki tabata riba un profundidad di 60 pia y e grupo a baha hunto pa bay na e sitio indica. Sinembargo dos minuut despues cu e grupo a bay bou di awa, e guia di e grupo a nota cu Morelli a laga e aparato di hala rosea cay for di su

boca y mesora a bay atende cu e situacion aki pero a nota cu e cachete di e persona, tabata duro y no tabata move y ni maske kico a purba, no a a logra di pone e aparato bek den su boca. Mesora a nota cu algo ta hopi robes y cu tur urgencia a subi na superficie y un yiu muhe di e victima kende tambe ta dokter, a cuminsa aplica prome asistencia riba su tata pero sin haya reaccion algun. Ora cu a yega na canto, otro conocinan, entre nan otro dokternan, tambe a cuminsa traha cu e victima pero e victima a sigui sin reacciona y a ser transporta cu urgencia pa hospital caminda a confirma cu el a fayece debi na un atake di curason. Inicialmente Fiscal a cuminsa cu investigacion y a base di informacionnan ricibi di tanto famia y otro conocinan cu e homber Morelli ta un pashent di curason, no a haya ta necesario pa confisca e resto mortal pa mas investigacion. Tres luna pasa e victima a haci un control di curason y tur cos a Sali bon pero awor di repente el a sufri otro atake di curason.


DIASABRA 04 JANUARI , 2014

4

Lider di fraccion di AVP, sr. Rene Herdé

Delegacion di Aruba dividi pa atende inter-parlamentario na Corsou MEP a purba di forsa documento tocante integridad den gobernacion E delegacion parlamentario di Aruba cu lo asisti entrante otro siman den e reunion Parlamentario di Reino, no a logra concilia un posicion solido como un unidad riba e temanan cu lo forma parti di e agenda cu lo ser trata na Corsou. Asina lider di fraccion di AVP, sr. Rene Herdé a expresa durante e delaster conferencia di prensa di su partido na 2013. Ta trata di e prome reunion inter-arlamentario entre parlamentonan di Hulanda, Corsou, St. Maarten y Aruba cu lo tuma lugar for di dia 6 pa 11 di januari awor. Parlamentario Herdé a considera e reunion aki importante ya cu e ta un di e formanan cu paisnan den Reino ta traha cu otro ariba nivel politico. “Ariba su mes e tema ta importante”, asina el a bisa. Sinembargo e politico y Parlamentario di AVP sr. Herdé a lamenta e posicion intransigente di e partido mas grandi di oposicion MEP. El a bisa cu den ultimo cuater aña Parlamento di Aruba a purba pa tur fraccion den Parlamento por traha hunto pa atende e tipo di conferencia aki cu un punto di bista na interes di Aruba. Parlamentario Herdé kende tambe ta fungi como presidente di e Comision di Asuntonan di Reino y Exterior, a reitera cu continuamente el a purba pa traha conhuntamente pa atende e tipo di reunion aki. Pero cu un bos di decepcion el

a bisa cu: “Lamentablemente mi no tabatin mucho exito den trece tur fraccion hunto”. Esaki apesar cu fraccion di AVP tin 13 asiento den Parlamento suficiente pa domina basicamente tur comision di Parlamento. Pero -segun sr. Herdé- den tur comision semper nan ta percura pa tur fraccion, incluso e fraccion di un miembro di partido Democracia Real, ta den tur comision y participa den cada un di nan. Pa e conferencia inter-parlamentario na Corsou atrobe nan lo confronta e mesun situacion di un delegacion dividi den e caso aki un fraccion, esun di MEP, segun sr. Herdé. El a bisa cu e fraccion di MEP simplemente a nenga su mes di traha conhuntamente cu e otro fraccionnan. El a agrega cu fraccion di MEP ta nenga di acepta e reglanan cu ta conta pa tur fraccion y “ta terco y insisti di asumi un posicion di nan mes cu ta bay pone cara di Aruba na berguensa. Ta bay causa discusion innecesario entre miembronan di e delegacion di Aruba”. Parlamentario Herdé a splica cu den tur reunion di preparacion pa e reunion inter-parlamentario di entrante otro siman, dos di e tres miembro di e fraccion di MEP no a presenta nunca. Te hasta fraccion di MEP a haya oportunidad pa traha riba un tema y discutie den e comision, y a tarda te diasabra ultimo pa e comision por a haya

e documento ey cu nan tin cu discutie ainda prome cu nan ta biaha, segun e lider di fraccion di AVP. E ta haya mas fastioso ainda cu e lider di MEP a “purba forsa un documento den e documentonan oficial sin cu el a wordo discuti den e comision”. Sr. Herdé a bisa cu como presidente di dicho comision e mester a para literalmente e lider di MEP riba e intencion aki. “Niun punto di bista di ningun fraccion tampoco di AVP por wordo acepta como punto di bista di e delegacion di Aruba, sin cu el a wordo discuti den e comision. Den e comision den cual tur partido y tur fraccion ta participa ta dicidi hunto si un posicion ta bira posicion di e delegacion of no”, asina Parlamentario Rene Herdé a bisa categoricamente. El a bisa cu e punto cu fraccion di MEP a purba di forsa sin cu el a ser debati y acepta debidamente segun reglanan estableci tabata ariba integridad den gobernacion. Un tema -segun sr. Herdé- cu Hulanda, Corsou, St. Maarten y Aruba kier papia riba dje. El a indica cu e modo con nan a scoge pa trata e tema aki ta “di no bay bringa otro pasobra den tur pais tin cosnan cu no ta bayendo bon. Nos a tende di casonan na Hulanda, politiconan envolvi den cosnan ilicito. Nos a wak tende na Corsou, na St. Maarten, y Aruba mes tambe tabatin su problemanan den pasado...”,

Telefon: 588-1500 Fax: 582-4937 UN CORANT OTRO

Director

Editor-in-Chief Hareld Faro

Parlamentario di AVP sr. Rene Herdé.

asina e lider di fraccion di AVP a declara durante un confer-

encia di prensa cu a ser teni na Cas di Partido dialuna ultimo.

Friesnan ta haya nan mesun ley y organo di idioma Friesnan lo haya nan mesun ley riba idioma. Den e ley aki ta regla cu e idioma Fries y Hulandes ta dos idioma oficial den e provincia Friesland of Fryslân. Legalmente ta stipula cu ciudadanonan di Friesland tin e derecho pa uza nan mesun idioma den Corte of ora di tene contacto cu dirigentenan den nan mesun idioma, sea ta Hulandes of Fries. Tambe a institui un Organo pa e Idioma Fries, cu tareanan legal pa proteha y promove e idioma. Esaki ta locual e ley Idioma Fries ta bisa cu e luna aki a drenta den ehecucion. Minister pa Asuntonan Interior y Relacionnan di REino ta di opinion cu e ta di gran importancia pa proteha y promove Fries. E Organo di Idioma Fries ta encarga pa mira con e status y uzo di Fries ta den e provincia. E Organo ta conseha y raporta organonan di directiva, manera Ministerionan, provincia y municipionan di Friesland ademas di instancianan hudicial. Tambe e tin un fuccion di agenda y conseha. E Organo ta enfoca riba e implementacion corecto di e Tratado di Cuadro di Minorianan Nacional y e Nota Europeo pa idiomanan regional. E Organo ta conta cu cinco miembro. Mas ainda, e ley nobo ta fortifica e reglanan pa e uzo di e idioma Fries, di parti di e gobiernonan decentralisa den e provincia. E organonan publico aki di awor en adelante mester prepara reglanan y un plan di maneho pa e uzo di e idioma Fries. Papiamento tambe reconoci legalmente como un idioma oficial na Hulanda, particularmente pa e islanan BES.

Assistant Editors Maritza Maduro Benjamin Romero Elizabeth Guanipa

Sales Exceutive Supervisor

Accountant Dept Thaira Lin

Directora Zaira Lin

Contributing Editor Dilma Arends

Layout Design Oscar Palomino

E opinion di nos colaboradoman no ta ferieha a pensamiento di Cas Editorial.

EMAILS: aviso@arubawe.com /// arubawe2012@gmail.com /// WEBSITE: www.arubawe.com



Ecue 4 1 14