Page 1

DIARANSON 15 JANUARI , 2014

6

Paper sin firma y sin aprobacion di Parlamento di Aruba a circula den reunion di IPKO Presidente di Parlamento a manda carta pa lider di MEP pa aclaria e hecho aki Ayera fraccion di AVP a cuestiona y lamenta e actitud di fraccion di MEP durante e reunion inter-parlamentario di Reino (IPKO) cu a tuma lugar siman pasa na Corsou. Parlamentario di MEP, sra. Xiomara Ruiz-Maduro a bisa cu su fraccion a actua profesionalmente y no a bay hiba “paña sushi” durante e reunion di IPKO, sinembargo ayera cada miembro di e delegacion di AVP cu a bay representa nos pais den e reunion aki a cuestiona severamente e actitud di e partido di oposicion. E paña sushi a bira un paper cu e nomber di Parlamento di Aruba pero sin ningun persona responsabel cu a ser poni misteriosamente riba mesa di cada participante den e reunion aki. Fraccion di AVP a señala e fraccion di MEP como responsabel di e paper aki cu tabata atacha integridad di nos Prome Minister y di Gobierno di Aruba. E prome Parlamentario cu a cuestiona e accion aki tabata e lider di e fraccion di AVP, Parlamentario Rene Herdé kende a declara cu e reunion tabata bon, y nan a bay bon prepara pa atende e diferente tema di e agenda di IPKO entre nan integridad den gobernacion, pero tambe racismo y intolerancia, y cooperacion economico. Sinembargo e ta haya cu partido MEP a pone cara di pais Aruba na berguensa ora cu sin aprobacion di Parlamento di Aruba y di un forma scondi nan a laga un paper sin firma riba mesa di cada miembronan di e reunion aki. El a indica cu partido MEP ta haci uzo di gañamento como instrumento politico pa saca bentaha. Parlamentario Herdé ta haya inaceptabel e actitud aki ya cu den e reunion preparatorio MEP no tabata tene na regla caminda e trabou a ser reparti debidamente. El a cuestiona e hecho cu MEP kier presenta un paper cu no a ser discuti debidamente, y sin cu el a haya aprobacion di Parlamento di Aruba.

Di su banda presidente di Parlamento di Aruba y lider di e delegacion di Aruba cu a bay participa den e reunion di IPKO, sra. Marisol Lopez-Tromp a bisa cu “kisas un punto ta cu ora bo ta bisti mas cu un pechi tin ora bo ta bruha sea bo ta politico, sea cu bo ta abogado, sea un otro funcion cu bo tin...” Sra. Lopez-Tromp a laga sa cu ora cu bo ta miembro di Parlamento bo ta un politico full time, y ora ta bo ta papia como politico, bo mester para tras di loke bo a declara. Y no mester bay sconde tras nombernan cu no ta corecto of keda sin pone ken bo ta, manera a sosode cu e paper cu partido MEP a laga atras na IPKO, segun fraccion di AVP. Presidente di Parlamento a bisa cu un carta a ser manda pa lider di fraccion di MEP pa aclaria e hecho di e paper aki caminda a wordo haci uzo di nomber di Parlamento di Aruba sin cu e paper aki ta carga aprobacion di Parlamento mes. El a condena cu a wordo mal uza nomber di Parlamento di Aruba locual ta un hecho condenabel. E ta haya normal cu por existi diferencia di opinion den un delegacion pero ta importante pa cada persona keda responsabel di su propio opinion y no bay sconde tras di nombernan cu no ta corecto

of keda sin pone nomber. E ta lamenta e hecho aki ya cu nan a bay Corsou como delegacion di Aruba, ya cu nan no a bay representa un partido, sino cu “nos a bay como pais”. PAPER CONTROVERSIAL Parlamentario Desiree Croes kende tabata encarga cu e coordinacion di e tema di integridad hunto cu Parlamentario Xiomara Ruiz-Maduro di MEP y Parlamentario Andin Bikker di PDR, a lamenta tambe cu un paper controversial a ser laga sin aprobacion di Parlamento di Aruba. El a bisa cu na final a presenta e situacion desagradabel cu dos diferente paper tabata circula riba e topico importante di integridad den gobernacion. E dos paper tabata uno oficial cu a ser presenta e dia mes di e reunion, y otro no oficial cu a ser poni dos dia despues cu e tema aki a ser trata den seno di IPKO, ora cu nan a bay trata otro tema tocante oportunidad economico den Reino. E persona cu a parti e paper aki a pone riba mesa mas abou di tur e papelnan cu nan tabatin. “Tambe el a pasa di un manera hopi “stiekem”, asina Parlamentario Desiree Croes a bisa. Mirando e hecho aki, presidente di e comision Parlamentario di Aruba sr. Rene Herdé mester a pidi permiso di e sala pa bay

splica cu e paper aki no ta uno oficial di Parlamento di Aruba, ya cu e por a trece un impresion robes cune. El a splica cu den e reunion preparatorio pa bay atende IPKO, MEP a abstene di participa pa delibera riba e paper oficial tocante e tema di normanan di integridad. Despues nan di algun dia nan a bin ripara cu sra. Evelyn Wever-Croes lo a manda un paper, caminda el a ser informa cu e paper ey mester ser trata den reunion di preparacion pa papia riba dje. Tabatin tres reunion y na niun di e reunionnan aki sra. Wever-Croes a presenta pa discuti e paper, asina Parlamentario Desiree Croes a bisa. El a declara cu asina mes el a tuma un parti di e mensahe mas importante di e paper di sra. Wever-Croes y hinke den e paper oficial cu a keda acorda den e ultimo reunion preparatorio. E mensahe aki tabata bisa hopi simpel como conclusion di e paper di sra. Wever-croes cu “cada pais mes ta responsabel pa carga e duidelijkheid bestuur di cada pais...” y cu mester respeta diferente instancia manera Raad van Advies, Parlamento etc... Sra. Desiree Croes a manifesta cu fraccion di AVP tambe ta completamente di acuerdo cu esey y pa e motibo ey a ser inclui den e paper oficial, ya cu tur hende a bay di acuerdo cu e

parti aki. Te hasta el a manda un e-mail na sra. Wever-Croes pa splike cu un parti di su paper a ser inclui den e paper oficial, y te hasta a ser puntra si e ta di acuerdo cu esey, pero e no a contesta. Tambe sra. Desiree Croes a declara cu nan a manda otro paper mas cu henter e contenido pa e duna su comentario riba e paper oficial, y e no a haci esey tampoco. Na final Parlametario Mervin Tromp a condena e hecho cu lider di MEP “tabatin e curashi di bay cuestiona, y menciona riba un paper acusacionnan cu no ta cuadra cu e berdad”. El a agrega cu MEP ta persisti di papia continuamente di Kico Gomez, mientras cu e lider di MEP ta lubida e actonan cu ta tuma lugar den su propio partido. Parlamentario Mervin Tromp ta puntra su mes entre otro cu si bo tin un persona cu a wordo condena pa un castigo di cuater aña pa traficacion di tres kilo di cocaina ariba e ultimo lista di partido MEP. “Anto nos ta puntra nos mes si esaki no ta cay bou integridad”, asina Parlamentario Mervin Tromp a bisa. Di otro banda el a señala como un berguensa cu e paper skirbi na Hulandes pa supuestamente miembronan di MEP den reunion di IPKO sin aprobacion di Parlamento di Aruba tabata pata pata di fout.


DIARANSON 15 JANUARI , 2014

9

Minister de Meza a inspecciona trabou na Carnival Village Caiso Soca Contest den centro nobo

Minister di Asuntonan Economico, Comunicacion, Energia y Medio Ambiente, Ing. Mike de Meza a haci un recorido dialuna mainta conhuntamente cu personal di N.V. Elmar, representantenan di Fundacion Musica, e contratista encarga cu e obra y su conseheronan na e Carnival Village pa asina

revisa parti di e trabaonan cu ta tumando luga den e loke ta e instalacion electrico prome cu e actividad di Soca y Caiso Contest cu ta bay inicia den e dianan aki. E mandatario a laga sa cu e luga a keda masha bunita y tin hopi comentario positivo pa e bunita proyecto aki pa San

Nicolas. E siman aki a cuminsa cu ponemento di asfalt, cual lo cay bao di e prome fase. Segun e Minister, esaki ta e prome parti di e prome fase. Un dos siman prome cu e evento Fundacion Musica lo mester haya e parke pa cuminsa haci e setup. E ora ey e trabaonan ta stop.

Despues di e contest e trabaonan lo continua pa caba cu e prome fase. E di dos fase ta encera e construccion di e podium y e kiosconan, entre otro, el a agrega. Aworaki tin e muraya cu a wordo traha, e hekwerk, e parti di e klinkers cu e asfalt, e cayanan y e parkinglot a keda cla.Â

Minister de Meza a gradici e contratista cu a traha duro pa e parti aki por a keda cla prome cu e contest cual a keda basta bunita. El a laga sa cu e proyecto total ta costa entre 7 pa 8 miyon florin. E prome fase mes tin un costo promedio di 5 miyon, el a agrega.


Diarazon Januari 15 2014

Pagina 11

Parlamentario di MEP, Dangui Oduber

Minister Yrausquin a confirma den parlamento cu e debe di pais Aruba a aumenta cu 150% desde 2009! --Dialuna cu a pasa tabata tin un reunion publico den sala di Parlamento pa trata e peticion di gobierno di Aruba pa bay presta 250 miyon riba Mercado internacional. Den un ‘nota van wijziging’ cu gobierno a manda parlamento a cambia e suma pa 175 miyon. Durante e reunion aki nos a haya oportunidad pa haci varios pregunta na minister di finanzas no solamente tocante e situacion financiero di nos pais pero tambe ariba prestamo aki. Nos a puntra minister di finanzas pakico e mester di e suma aki, unda e ta bay presta esaki y na ki interes y tambe con gobierno ta pensa di bay paga esaki bek. Na su turno minister a contesta nos cu e prestamo aki ta paga interes riba debe nan bieu, e prestamo wordo haci na UBS Bank y e interes cu lo bay paga ta entre 6 pa 6.5%. Nos ta haya esaki un interes sumamente halto mirando cu otro pais nan ta hayando interes di entre 3% cu 5%. Nos pais ta den un situacion explosivo financieramente manera cu Raad van Advies mes a trece dilanti. E perspectivanan financiero pa nos pais awor aki no ta mustra bon mirando cu gobierno no tin un plan duradero pa resolve e problema nan aki. Nos a puntra minister di finanzas tambe con e ta bay reduci gasto nan di gobierno y crea entrada pa gobierno. Su contesta tabata cu nan lo bay baha e gasto nan di energia cu mas o menos 5 miyon pa aña. Tocante e aumento di entrada nan di gobierno Minister a laga sa cu lo bay tras di tur placa cu tin riba caya awor aki y cu tur hende mester cumpli cu nan obligacion nan di belasting. Cu otro palabra minister aki a manda un señal cla pa pueblo cu si bo debe belasting mihor bay paga esaki pa no mester bay kita cas, auto etc. for di bo. Durante e reunion

aki nos a haci un pregunta cardinal na minister tocante e debe di pais Aruba na aña 2009 y e debe di pais Aruba actualmente. Aki el’a confirma cu e debe di pais Aruba na aña 2009 tabata 2 biyon florin y actualmente debe aki ta 3.4 biyon (sin conta e proyectonan PPP, cu esaki nan aden e debe di pais Aruba ta 6 biyon). Cu esaki nos por conclui cu den 27 aña despues di nos Status Aparte tur gobierno nan hunto a crea un debe di 2 biyon y Gabinete Mike Eman 1 y 2 den apenas 4 aña di gobernacion a aumenta esaki cu 150%. Esaki ta bisa nos claramente cu NO tin un maneho finanaciero duradero cu miras pa drecha esaki. Aki ta gasta placa bay, fia placa bay pasobra mañan tur ta baha na awa y ta nos pueblo tin cu bay paga pa e maneho aki. Banco Central ya caba a pidi pa pasa un ley den parlamento cu nan NO kier wordo teni responsabel pa e maneho financiero di gobierno. Banco Central ta waak e Titanic caba ta zink y nan sigur no kier ta parti di esaki. Ta masha facil pa scoge pa keda fia placa pa tapa buraconan y laga e pueblo bay paga pa esaki. Gobierno a caba di bay haci’e cu e fondo di AOV. E fondo tabata den problema y nan no kier a hinca ni un florin aden pero dialuna ultimo ta scoge pa

bin pidi aprobacion pa fia 175 miyon anto mañan nan ta baha na awa y e pueblo mester bay paga pa esey. Minister mester splica cu si ora e Titanic aki zink, si ta pueblo tin cu bay paga pa esaki. E gobierno aki a bisa cu nan NO ta tuma medida pero ta kico nan a caba di haci na December 2013 cu e fondo di AOV. E modus operandi di e gobierno aki ta lo siguiente. Nan ta laga tur placa caba tur caminda

anto ora esey pasa ta bin pidi pueblo coopera cu nan. Ora e fondo di AOV tabata cla pa kibra (reserva nan a cuminsa caba) y bati bancarota a bin pidi pueblo cooperacion pasobra si nan no coopera mañan no por cobra pensioen. A celebra e dia ey cu nan a scapa e fondo, lubidando cu ta e pueblonan a caba di sacrifica y lubidando cu nan mes a laga e fondo yega na e situacion ey. A pone

pueblo traha mas, paga mas y entrega mas. Anto si esaki no ta un medida cruel, ta con ta yama esaki anto? Nos ta premira caba cu mescos ta bay pasa cu e fondo di AZV. Gobierno ta bay laga tur placa caba, ora cu e fondo ta casi kibra, e ta bolbe bin Parlamento pa aumenta e prima cu e pretexto cu si mañan e pueblo kier haci uso di AZV, e mester paga p’e. Ora e placa di pais Aruba caba y no tin caminda mas di bay fia placa. e gobierno aki ta bay cerca pueblo y ta bay bisa, of mi ta manda ambtenaar cas pasobra mi no tin placa pa paga mas of mester bin cu medida pa por haya placa. Tempo lo bay demostra si nos tin razon of no. Pa e gobierno aki campaña ta un cos, goberna ta un otro cos y Parlamento ta un otro cos. Den campaña niun dia nan a avisa pueblo loke ta spera nan y poco poco tur hende a cuminsa realiza kico tur ta na caminda.


Diarazon Januari 15 2014

Pagina 12

Diasabra awor:

Partido MEP:

Festival di Calypso y MINISTER YRAUSQUIN A LAGA SA CU SITUACION FINANCIERO TA Roadmarch infantil/ HOPI MALO, PESEY MESTER FIA! hubenil AMBE CU MIKE EMAN TA UN MENTIROSO!

E fin di siman aki ta tuma lugar e Festival di Calypso y Roamarch infantil y hubenil den Aruba Entertainment Center na Dakota. E evento ta cuminsa for di 7:00PM pero porta ta habri desde 6:00PM caba y ta priminti di bira grandi e aña aki atrobe. Ta conta cu un total di 26 participante total, compaña pa Exquizit Band. Kaarchinan ta obtenibel caba na oficina di SAC na Dakota, sino desde e mesun dia na porta di e evento. Lo cobra unicamente 5 florin pa mucha y hende grandi lo aporta cu 10 florin pa por drenta y asina sostena SAC pa sigui engrandece nos carnaval. Diarazon anochi, pa 7’or di anochi lo tira lot pa haya sa e secuencia cu e cantantenan lo presenta. E participantenan pa e festival infantile ta Zxqu Guerrero, Jahmani Eisden, Jair Dijkhoff, Monique Maduro, Sakandi Chandler, Lacey Albus, Tashanira Rasmijn, Xenon Orfao, Xenon Daal , Prisilla Quant, Ashantee Martus, Jayleen Croes, Roshendra Figaroa y Zyquelo Guerrero. Pa e festival hubenil lo

presenta Michael Quant, Aldwayne Brete, Ivienne Hernandez, Jake Orfao, Vincent Grovel, Joshua Bryson, Izellah Ruiz, Italee Brown, Rudolfo Gonzalves, Jada Mejia y Kiziah Trimon. Carnaval di Aruba a nace na aña 1954 caba, como tal e aña aki nos ta celebra 60 aña cu anualmente pueblo ta bini hunto pa mustra nos creatividad, ambiente y folklore manera nos so por. Na aña 1955 varios club y districtonan a bini hunto pa organiza e carnaval y di eynan a eligi e prome Reina di Carnaval. E parada grandi tradicional a cuminsa desde aña 1957. Pero tabata dia 11 di November 1966 (11-11-66) pa 11:11am cu a funda Stichting Arubaanse Carnaval, SAC. Desde e tempo ey e fundacion, forma pa un grupo grandi di voluntarionan cu hopi entusiasmo, ta traha duro pa organiza e diferente eventonan cu ta atrae un publico grandi di nos mesun ciudadanonan pero tambe turistanan. Pa mas informacion di SAC y di tur evento di carnaval, subi Facebook, riba e pagina facebook.com/stichting arubaansecarnaval.

Juan David Yrausquin a bin Parlamento pa pidi aprobacion di un fianza di 175 miyon florin. Cu esaki e debe di nos pais ta bolbe aumenta. Fianza pa paga debe den e prome lunanan di e aña aki. Raad van Advies a pone bon cla cu e situacion financiero di pais Aruba ta sumamente malo y cu gobierno no ta brindando solucion pa esey. E problema mas serio cu Raad van Advies ta constata ta cu gobierno kier desvia di ley di contabilidad y asina bo ta haci e ley di contabilidad

un "dode letter". Pakico bo tin un ley, si cada biaha bo ta bin Parlamento pa pidi pa desvia di e ley? Raad van Advies ta masha contra e forma di actua aki. Mas aleu Raad van Advies ta urgi gobierno pa bin mas pronto posibel cu e presupuesto di 2014, pero gobierno ta insisti cu e no tin pura cu esaki. Ta te den April nan por keda cla cune por ta. Raad van Advies a menciona tambe cu nan a pidi varios documento cu nan no a haya. E mesun problema MEP tin cada biaha cu e gobierno aki. Raad van

Advies a bisa tambe cu e acuerdo di ‘balanced budget’ cu e gobierno a firma poco tempo pasa, lo no soluciona e problema di debe di nos pais. A base di esaki MEP no por a duna su aprobacion pa e fianza aki. Lider di MEP, mr. Evelyn Wever-Croes a bisa cu e gobierno aki no a presenta un acuerdo di gobernacion (regeerakkoord), no tin presupuesto 2014, no tin plan pa sanea e debenan (saneringsplan), pero nan ta sigui fia si. Esey ta iresponsabel.

Partido MEP:

MIKE EMAN TA MENTIROSO Un detaye importante di e reunion tabata cu Juan David Yrausquin a mustra cla y raspa cu el'a yega y haya un situacion desastroso di finanzas publico, cu su colega De Meza a laga p’e. Tambe Yrausquin a desenmascara Mike Eman un biaha mas. Mike Eman ta bisa cada rato cu e deficit den 2009 cu MEP a laga atras

tabata 400 miyon, pero Banco Central a raporta e deficit di 2009 163 miyon, un deficit masha abao mes compara cu tur e deficitnan di AVP. Juan David Yrausquin a bin confirma cu esaki ta e caso y cu locual cu Mike Eman a bin ta bisando y a hiba campaña cune, no ta corecto.


Ecue 15114  
Read more
Read more
Similar to
Popular now
Just for you