PAGINA 12
DIAMARS 14 JANUARI 2014
DIARIO
Corte Superior caso atraco Gandelman:
Segun abogado, fiscal sa cu testigo a gaña na diferente ocasion y asina mes ta uza e declaracionnan pa condena su cliente ORANJESTAD (AAN): Acusado S.C.L.O a presenta Dialuna na corte di husticia, pa trata su caso di apelacion. E yiu di Corsow S.O a wordo condena algun tempo atras pa ta complice den un atraco cu a tuma lugar riba joyeria Gandelman den Oranjestad na Januari 2012. S.O a wordo deteni mas di 1 aña despues cu e atraco a tuma lugar, ora cu el a drenta Aruba for di Corsow na Mei 2013. El a wordo deteni a base di grabacionnan di video di e joyeria, riba cual na dos occasion por a wak e ta cana den e joyeria algun dia prome cu e atraco, hunto cu 3 otro persona di Corsow, cu despues a wordo considera como esnan cu a comete e atraco. E atracadornan a drenta cu helm den e joyeria, pero a base di nan postura y nan manera di cana, autoridadnan a indica cu e chens ta grandi cu tabata e 3 personanan cu nan a wak ta cana cu S.O den e joyeria dianan anterior. E 3 personanan aki kendenan ta biba na Corsow, no a wordo deteni nunca. Sinembargo S.O y un otro sospechoso esta R.Z, a wordo deteni, mirando cu nan a wordo mira riba video ta cumpra articulonan cu lo a wordo uza den e atraco, incluyendo dos mokel y helmnan di brommer. Un scooter a wordo uza tambe y esey a wordo haya bek despues di e atraco, hunto cu e helmnan y e mokel. A base di declaracionnan
entre otro di R.Z, S.O a wordo condena na 3 aña di prison. R.Z a declara cu S.O a pidie pa cumpra algun di e articulonan, pero S.O a declara lo contrario, pues cu R.Z a pidie pa cumpra e mokel, tire wrap, tape preto etc. Dialuna e hueznan di corte superior a hasi varios pregunta na e sospechoso, pa haya sa mas detaye. E tabata tin buelo hunto cu un di e sospechosonan di e atraco y huez a puntre si nan a bay hunto y el a bisa cu no. Despues di varios pregunta, fiscal a presenta e acusacionnan. El a bisa cu e declaracion di R.Z a mustra claramente cu S.O tabata kier a cumpra e articulonan uza den e atraco. Tambe ta asina cu propietario di e scooter lo a declara cu S.O a cumpra esaki. Fiscal a indica cu e daño na e joyeria tabata mas di 500,000 dollar na holoshinan horta. Segun fiscal, e castigo mester keda 3 aña manera cu a wordo duna den corte di prome instancia, apesar cu e ta haya cu e castigo lo por tabata mas halto. Abogado Edwin Duijneveld representando e acusado a acusa Ministerio Publico di no kier busca e berdad y solamente kier djis condena su cliente. Segun Duijneveld, ta hopi remarcable cu fiscal ta basa tur e acusacionnan riba declaracionnan di R.Z, siendo cu huez den corte di prome
Gym Block a disparce ORANJESTAD (AAN): Polis a bay Sero Pela pa nan atende ladronicia di “Gym Block” color cora. Diadomingo atardi despues di 6’or polis a acudi na e adres y nan a atende e homber di inicial G.T. cu a declara te asina leu e por corda, cu pa alrededor di un siman pasa el a laga atras e “Gym Block” cual su balor ta den careda di 475 florin, dilanti porta di cas. Segun su mama, un Colombiano color cla, estatura cortico na dado ocacion a yega na porta y puntra tocante e mashin. Diadomingo, pasa di seis’ or denunciante G.T. no a wak su Gym Block mas dilanti porta. Polis a tuma e keho y a manda e denuncia pa despacho di recherche pa nan sigui cu e investigacion.
instancia a bisa cu e tabata duda den e declaracionnan di R.Z. El a bisa cu tin diferente contradiccion den e caso aki. Segun e abogado, R.Z claramente a gaña na diferente occasion, ora cu el a declara na polis y na Huez Comisario. R.Z prome a declara entre otro cu ta S.O a cumpra e helmnan, siendo cu riba camera di certified unda e helmnan a wordo cumpra, bo ta wak R.Z ta cumpra e helmnan. Duijneveld a haya straño cu fiscal ta kere R.Z, kende a
gaña na diferente occasion. Tambe el a mustra cu locual R.Z a declara tocante di e scooter, no ta cuadra cu locual propietario di e scooter a declara. Duijneveld a bisa tambe cu ta hopi remarcable cu su cliente ta deteni pa yuda cu un atraco, siendo cu e personanan mes cu lo mester a comete e atraco, no ta den detencion. El a bisa tambe cu ningun esfuerzo a wordo hasi di parti di O.M pa purba haya esnan cu e comete e atraco. Fiscal a indica cu den e dossier tin suficiente prueba contra
S.O y durante tratamento di e caso ora cu R.Z a declara contra dje, S.O a tene su mes na su derecho di keda keto, ora cu e por a contradeci locual tabata wordo bisa di dje. Duijneveld a indica cu S.O a hasi uso di su derecho di keda keto, door cu el a wordo instrui door di su abogado anterior, pa e hasi esaki. Duijneveld ta haya cu esaki tabata un error di parti di e abogado cu a atende cu e caso. Na final huez a indica cu corte superior lo duna su veredicto riba 3 di Februari.