PAGINA 53
DIARIO
DIABIERNA 17 JANUARI 2014
San Pedro Sula, Caracas y Acapulco, ciudadnan mas violento di mundo Ciudad Hondureño di San Pedro Sula ta pa di tres aña consecutivo, e ciudad mas violento di mundo, sigui pa capital Venezolano, Caracas, y waf Mexicano di Acapulco, segun un lista traha pa un ONG Mexicano. Cu un cifra di 187 homicidio pa cada 100.000 habitante, San Pedro Sula a encabeza un biaha mas na 2013, lista di 50 ciudad mas violento di mundo, compila pa Conseho Ciudadano pa Seguridad Publico y Husticia Penal. E cifra aki ta superior di esnan registra den dos aña anterior; na 2011 e cifra tabata 159 homicidio y na 2012 esaki a hisa te na 174, loke ta demostra cu e situacion a empeora, segun e organizacion cu ta traha e lista for di datonan oficial y fuentenan alternativo.
Caracas a keda na di dos lugar cu 134 homicidio pa cada 100.000 habitante y Acapulco na di tres cu 113. Di e 50 ciudad inclui den e lista, tur di mas di 300.000 habitante, 16 ta na Brasil, nuebe na Mexico, seis na Colombia, cinco na Venezuela, cuatro na Merca, tres na Sudafrica, dos na
Honduras y un na El Salvador, Guatemala, Jamaica, Haiti y Puerto Rico. E mayoria abrumador ta situa den continente americano (47 ciudad) y particularmente den America Latina (43 urbanizacion), loke ta confirma cu violencia homicida den e region “ta presenta un incidencia riba promedio mundial”, e
Dos muher deteni, un di nan na Heathrow, pa supuesto delitonan terorista Dos muher di 26 y 27 aña a wordo deteni, un di nan den aeropuerto Heathrow di London, pa supuesto delitonan terorista, Polis Metropolitano a informa. E prome muher a wordo deteni 9:20 hora local, mientras e tabata purbando di aborda un vuelo cu destino na Istanbul desde Terminal 5. Segun canal BBC,
e muher a wordo deteni bao sospecha di ta implica den comision, preparacion y instigacion di actonan di terorismo y ademas cu nan a confisca un “cantidad grandi” di placa. E di dos muher, di 27 aña di edad, a wordo deteni bao sospecha di mesun delito den noordwest di London y ta bao di custodia di polis.
grupo a indica. E ONG a denuncia manipulacion di cifranan di homicidio den mayoria di Estadonan Mexicano y a considera “escandaloso” casonan di Tamaulipas, Coahuila y Chihuahua, cual cifranan ta demasiado
inferior compara cu esnan registra pa Instituto Nacional di Estadistica. Pa loke ta trata Venezuela, nan a indica cu Gobierno “a demostra cu nan no ta interesa den transparencia y rendicion di cuenta, sino sconde of propaganda, hopi biaha basa riba gañamento”. Na 2013 Gobierno Venezolano a bisa cu nan a logra un reduccion di 17 % den homicidio, compara cu 2012, apesar cu mayoria di morgue a sigui “aumentando cantidad di cadaver compara cu añanan anterior”. Den grupo di paisnan cu no ta transparente cu su informacion riba criminalidad tambe ta Guatemala, Haiti, Panama, como tambe algun region di Brasil.
Sao Paulo a destrui mini favela den “Cracolandia” y a ofrece trabao na drogadictonan
Segun Scotland Yard, actualmente ta interrogando tur dos detenido. Polis Metropolitano a aclarea cu arestonan tabata danki na informacionnan di Inteligencia y no pa motibo di un menaza of riesgo inmediato. Segun BBC, polis a haci un razia den dos cas, situa den noord y noordwest di capital Britanico.
Combinacion di potret di nominadonan pa den categoria di Mihor Actriz pa un Oscar, Sandra Bullock, Cate Blanchett, Amy Adams, Judi Dench y Meryl Streep. Nominacionnan di Academy Awards a wordo anuncia na Beverly Hills, California. Oscars lo wordo presenta na Hollywood, California dia 2 di Maart, 2014.
Alcaldia di Sao Paulo a destrui un mini favela situa den centro di ciudad, den un region conoci como “Cracolandia”, habita pa consumidornan di droga, kendenan a wordo transporta den shelternan di e zona y cu por haya un salario chikito pa cuatro hora di trabao. E operativo, cu a cuminsa cu trabaonan boluntario di residentenan di e area, tambe ta ofrece ademas di
e shelter, tres cuminda diario, 15 real (alrededor di 6,30 dolar) pa cuatro hora di trabao comunitario y acceso na un programa di rehabilitacion pa consumidornan di droga. Desde December, habitantenan di e favela por a registra den e proyecto, cu tin 400 lugar, y apesar cu nan no ta obliga rehabilitacion, nan ta persigui e meta aki, segun Secretario di Salud di e municipio, Jose Silici.