Issuu on Google+


DIAMARS 7 JANUARI 2014

PAGINA 9

DIARIO

Shermanology a cuminsa bira un Shermabomboshi

ORANJESTAD (AAN): E ta increibel cu cada aña mester tin un bomboshi den Carnaval. Net ora cu bo ta kere cu nos ta bay celebra Carnaval 60 den grandi y cu menos problema, ta net e aña aki e problema nan a cuminsa mas grandi cu nunca y hasta menaza nan pa bay Corte a cuminsa cay. E problema ta uno cu SAC a bisa SI cu e grupo mag di bin Aruba, y awo Gobierno ta bisa NO, cu ta pone cu e grupo di Meta Social Group cu ya caba tin contract firma, pasashi cumpra, Hotel reserva pa e grupo di Shermanology, ta haya nan mes ta bay caminda pa Corte pa Huez tuma un decision den e caso.

SAC cu ta esun responsabel pa duna Gobierno di Aruba conseho ariba tur evento durante e temporada di Carnaval, a haya nan mes den un situacion basta fastioso, pasobra ta ariba e SI cu SAC a bisa, e grupo a cuminsa nan preparacionnan pa e grupo di Shermanology presenta na Aruba. Awo cu e weya ariba stoof a cuminsa bira cayente y presion di e Gruponan UNI di Carnaval, SAC ta informa e grupo di Meta Social Group cu ta un error nan a hasi y cu normal nan no ta permiti ningun banda di afo presenta na Aruba durante temporada di Carnaval. Sigur cu Meta Social Group no a guli e pildo y a continua cu nan

preparacion pa Fakkel pasobra cu nan ta sinti tin mas cos bao di e decision tuma. Awo despues di varios siman cu e grupo tabata wardando pa un contesta, Gobierno di Aruba a tuma un decision y a nenga permiso y entrada di Shermanology como banda pa presenta durante Fakkel. Awo cos a bira un

bomboshi, pasobra varios persona a cuminsa yama na Radio y a cuminsa yama na DIARIO hopi rabia pasobra nan no por compronde con Gobierno di Aruba a opta pa tuma un decision asina malo pa sera entrada di un banda cu ta di nos hermana isla Corsow. Unda e convenio a keda cu nos ta ruman y cu nos lo traha cu otro pa

progreso y bienestar di nos isla. Pakico asina tanto contratempo pa un simpel grupo presenta na Aruba? Aña pasa tabata DJ Chuckie y niun hende a zundra, dicon awo cu ta Shermanology tin asina tanto contratempo? Ban wak kico lo para bira di e caso aki pasobra di berdad el a cuminsa bira un SHERMABOMBOSHI.

Hopi hende a habri aña dushi pero tin cu a habri aña cu problema pendiente pa soluciona

ORANJESTAD (AAN): ---Apenas cu aña a habri cu asistencia di polis a wordo solicita pa un adres na Tanki Flip pa dos bisiña kende nan pa un tempo caba tin problema cu otro. Ta trata aki di un habitante, kende ta bibando den un cas di huur y cu ni pa nada di mundo kier sali di e cas. Pa colmo e meneer aki tin un cantidad di auto bieu tur rond di e cas y ta uza tambe tereno di gobierno pa haci su trabou di mecanico. Na diferente occasion e doño di

e cas a pidie pa sali di e cas y haci e lugar limpi, pero nada di esaki a sosode. Na varios ocasion Polis mester a acudi na e adres menciona pa calma e situacion, pero keto bay e habitante ta den e cas y no kier sali tampoco. Pa colmo cu e habitante y e doño di e cas ta bibando sin coriente debi na e cobranza nan basta halto cu no a wordo paga. Un poco tempo atras Polis a wordo yama, ya cu a haya un extension cord ta bay te na un cas di un otro bisiña pa di

aki nan haya coriente clandestinamente. E otro bisiña nan na diferente oportunidad a yama DIARIO pa bay saca potret di e mahos bista cu e meneer aki ta causando den e barrio cu un cantidad di auto bieu y e sushedad cu tin tur rond di e cas. Polis cu a presenta y a avisa e meneer aki pa busca un otro caminda pa bay mas pronto cu ta posibel y tambe pa recoge su cosnan. Ta di spera cu esaki sosode pronto, ya cu e ta un super mahos bista pa e bario.

Telefonnan di DIARIO 582-6747 Fax 582-8551


Diamars Januari 7 2014

Pagina 14

FESTIVAL TUMBERITO 2014 24 di Januari: Festival Tumberito 2014 den Aruba Entertainment Center 60 AÑA NOS CELEBRA.

Pa medio di e comunicado di Prensa aki, Comision Tumberito, cual ta e comision di SAC encarga cu organizacion di e festival, ta duna informacion encuanto e preparacionnan pa Festival Tumberito. Manera ya ta conoci den comunidad Festival Tumberito ta e festival di musica tumba special pa nos muchanan, tanto den e categoria infantil como hubenil. Pueblo di Aruba a sa di admira e tumbanan di gran calidad y semper a apoya nos muchanan. E aña aki lo no ta diferente y atrobe dia 24 di Januari proximo lo ta dia di Festival Tumberito 2014 den Aruba Entertainment Center. Ya for di 2 di Juni 2013 a habri inscripcion pa Festival Tumberito 2014. E comision a haci uso durante aña di medio di prensa, esta corant y radio pa informa tur mayor di e preparacionnan. Inscripcion pa e festival a sera dia 11 di November 2013. Riba e fecha aki Festival Tumberito a cera inscripcion cu 15 participante. Dia 30 di Oktober 2013 a tene reunion general cu tur mayor hunto cu nan compositor y areglista. Durante e reunion aki a informa mayornan di reglanan, y mayornan unanimamente a bay di acuerdo cu esaki. Mayornan a firma e reglanan aki pa asina ta responsabel pa cumpli cu nan yiu y cu Festival Tumberito. E reglanan aki ta nan compromiso cu e Festival pa asina

Comision Tumberito conhuntamente cu Director Musical por cumpli cu cada participante pa nan por ricibi suficiente tempo di ensayo pa tene un bunita presentacion, mescos cu e banda lo tin tempo pa prepara su mes y brinda calidad di musica. Den luna di December Comision Tumberito a tene contacto cu diferente mayor y/of compositor/arreglista pa encurasha nan pa keda cla cu nan cancionnan na tempo. Manera palabra 31 di December a bira e ultimo fecha pa entrega letra y areglonan di e cancionnan participante. Teniendo na cuenta cu e ta derecho di cada mucha participante di ricibi e 'fair' chens di gana e festival di Tumberito bon prepara, a tene diasabra mainta un reunion general cu mayornan di participantenan. Aki Comicion Tumberito, cu sosten di SAC como tambe cu sosten di tur mayor cu tin yiunan ta participando, unanimamente a fiha cu den total Festival Tumberito 2014 lo continua cu 5 cantante den seccion Infantil y 5 cantante den seccion Hubenil. INFANTIL: (1) Ashantee Martus - Titulo: ESAKI TA E ORA. (2) Xenon Daal Titulo: BAN CELEBRE. (3) Priscilla Quant - Titulo: AWE TIN FIESTA CU PIJATA . (4) Thahirah Wever - Tilulo: HASA BA KEDA HASA. (5) Sendy LoefstopT i t u l o: HIEP HIEP HOERA

TEY

HUBENIL: (1) Ashanti Rodriquez Tilulo: HONOR NA BO. (2) Mary-Jane Vrolijk -Titulo: E ORA A YEGA.(3) Franksjien Vos: -Titulo : TE AYA. (4) Gilaine Wester : - Titulo : PIA TEY ZONA ZA ZA . (5 )Kayhleen Semerel: - Titulo: TUMBA RIBA MENU. Pa finaliza Comision Tumberito ta encurasha tur mayor pa

mantene nan mes na e orarionan di training manera cu esakinan keda stipula. Asina hunto nos lo duna tur e participantenan e sosten cu e tin mester pa por goza di un bunita experiencia di Tumberito 2014.

Grupo de Veer lo hiba Mike (AVP) Corte!

Despues cu gobierno a nenga e permiso na Grupo de Veer oficialmente, nos a tende rumornan ayera atardi y ayera nochi cu awe Grupo di Veer lo cuminza un caso den Corte. Grupo de Veer ya caba den un previo comunicado a bisa cu nan ta cla pa bay corte si eventualmente

esaki ta necesario. E grupo ta basa su mes cu pa basta tempo caba, tur DJ, a drenta y sali di Aruba sin un permiso. Aki e grupo tin tur razon, pasobra enberdad nos redaccion a bin comprende cu pa DJ por duna un presentacion, henter e sistema di permiso ta wordo by-pass. Awor con Gobierno ta bay splica esaki dilanti huez? Cu nan tin varios liniaal y awor nan kier saca un liniaal riba Grupo De Veer? E caso aki lo bay bira hopi interesante, mientras un fuente a bisa cu ya caba e artista ta na Aruba y sea como sea e ta riba trailer y den fakkel.


Diamars Januari 7 2014

Pagina 3

Mike (AVP) a nenga Grupo de Veer permiso pa DJ den Fakkel

Informacion cu a circula ayera y confirma pa SAC ta bisa cu Gobierno di Aruba, dirigi pa Mike Eman a dicidi cu lo no otorga permiso pa Grupo De Veer pa nan trece un dj internacional pa toca den Fakkel. Ya for di basta dia caba y te hasta prome cu Pasco, Gruponan Uni di Carnaval a lanza nan voz di protesta contra SAC, pasobra segun nan cu nan tin un acuerdo cu SAC cu lo no permiti ningun artista internacional den parada di carnaval. Un vocero te hasta a papia di traicion. Di otro banda nos a comprende cu SAC ta lomba contra muraya, pasobra Grupo De Veer ta main sponsor di SAC y como tal nan no por a

24 empleado lo perde trabao....

Bon Bini Bazaar a anuncia ciere di su negoshi den Caya Betico

nenga di duna ‘positief advies’. Awor e asunto ta dal un vuelta, pasobra Grupo de Veer a laga sa cu sea cu permiso of sin permiso e Dj lo subi trailer y lo toca y cu si ta necesario nan lo bay te huez pa busca nan derecho. Segun Grupo de Veer, cu tur e ultimo añanan tras di lomba, tur DJ a drenta Aruba sin permiso y ya caba Gobierno a permiti e desaroyo aki y parce ta laat pa Gobierno bin nenga e permiso. Awe e Grupo De Veer a keda di anuncia kico nan lo bay haci, pasobra un cos ta sigur cu Eduardo no a spera esaki di Mike, kende ta exactamente ‘mi hendenan’ y ‘bo hendenan’ bo no ta trata asina.

Ya ta di aña pasa caba e rumor a plama cu tin varios compania cu lo bay cera nan porta den Caya Betico Croes. E tempo ey nos redaccion a prefera di no publica e nomber di e compania pa asina duna espacio na e doñonan mes pa anuncia esaki. Sinembargo ayera, e prome dia di trabao di aña 2014, e doñonan di Bon Bini Bazaar a anuncia na Amigoe cu nan lo cera nan porta na luna di April. Segun un di e doñonan Citroen, cu e huur di e local a termina, pero tambe cu venta di e negoshi no ta substancia mas un ganashi cual lo mester segura e existencia di e compania. Lo no por tin ningun duda cu henter e remodelacion di Caya Betico, dirigi pa Mike Eman a bini cu e consecuencia fatal aki pa e compania. A renoba caya pa asina e garoshi por trece turista den Caya, pero esaki tampoco a yuda, pasobra turistanan di barco crucero no ta baha den caya y ta core den e garoshi pa waak y bay bek barco, unda te hasta nan cuminda ta por nada den e barco. Hecho ta keda cu aki un cantidad di mama y tata di famia lo perde trabao y esaki ta

mustra un unicio negativo pa nos economia. Esaki no ta e unico compania cu a manda hende cas, pero asina tin mucho mas compania cu ta retirando hende y haci inkrimping. Pues si Banco Central, Mike Eman of kende sea cu pretende riba crecimento di economia, lo ta bon pa nan pa haci un analisis di nobo. Segun e declaracion di e directora den Amigoe, el’a bisa cu tin un total di 24 empleado cu lo perde trabao. Ademas e doño a bisa cu dia 22 di Januari nan lo reuni cu doño di e edificio pa asina haya mas informacion ariba cierto acuerdonan, pero unda en todo caso e huur contract a termina. Di otro fuenta na altura, nos

a comprende ayera nochi cu ya caba tin un peticion aden na Gobierno di Aruba pa haci e edificio aki un tipo di nightclub, sinembargo nos no tin ningun confirmacion ariba e noticia aki, cu solamente un fuente cu a bisa nos cu na polis nan ta na altura. Por cierto no un simpel nightclub, pero un strip club tipo San Nicolas. Esaki ta otro prueba cu e bon intencion di Mike Eman pa renoba Caya Betico Croes enberdad no tabata pe doñonan di negoshi cu tey awendia, pero ta pa e nobonan cu lo tuma over, ora cu esnan cu semper a carga e caya a haya e danki mahos aki di Mike y AVP.

Vocero policial sr. Lito Lacle:

Polis ta pidi mama presenta na Warda pa asina por trece claridad den e caso encuanto baby recien naci, haya na un cas Sr. Lito Lacle vocero di polis a comenta encuanto e baby recien naci cu un pareha preparando pa bay trabao a haya riba un stoepi dilanti di nan cas lora den un algo parecido na un cortina. E ta conta cu e pareha a haya e baby ainda na sanger cu su navelstreng pega na dje. Inmediatamente nan a tuma contacto cu central post cu a yega mesora y start cu e investigacion. E baby danki Dios ta saludabel y fuera

di peliger. Den e caso aki locual cu ta mester actualmente ta un claridad di cual e unico persona cu lo por trece claridad den esaki ta e mama. Tin cu bisa cu e mama tambe ta den peliger si e no saca e placenta afor. Pa es motibo aki polis ta pidi pa e mama presenta su mes na warda y asina trece claridad den e caso aki. E team di JZP a cuminsa cu investigacion cual te ainda no por bisa kico ta e situacion di e caso.

Hayando e mama, por determina si e caso aki ta penal of no. Na unda cu e baby a wordo haya, tin cu bisa cu toch tin basta trafico pues cualkier hende por a mira un persona cargando algo oranje/roos. Actualmente e baby ta na hospital bao observacion. Por bisa cu e ta un baby mucha muher y color cla. Lo bay determina si e baby lo keda aki of lo bay por ehempel Casa Cuna, segun sr. Lito Lacle.


Meta Corp Jan 7 2014