Page 1


DIALUNA 25 NOVEMBER , 2013

23

Cuerpo Policial a introduci prome hondengeleider femenino y su partner ‘Drocco’

Den fin di siman, durante e competencia internacional di cabay paso fino na Villa Floralina, Aruba a cera conoci cu su prome hondengeleider femenino y su partner canino, Drocco. Organisadornan di Interpaso a acerca e Unidad K9 di Cuerpo Policial Aruba pa duna un show di nan trabao diario, nan habilidadnan y diferente specialisacion durante e evento na Villa Floralina. Esaki ta pasobra nan ta considera cu otro bestia tambe por comparti e “spotlight” cu e cabaynan y contribui na e demostracionnan pa e publico. Den cuadro di nan acerca-

mento pa ta mas den nos comunidad, Aruba su Unidad K9 a contribui cu hopi gusto na e evento aki, unda cu publico a reacciona cu hopi entusiasmo riba nan presencia y e demostracionnan cu nan a duna. “E publico a gosa enormemente,” Hefe di e Unidad K9, Richard Kramers a expresa. Jessica Teixeira ta un agent eerste klasse, kende cuatro aña pasa a cuminsa su carera cu Cuerpo Policial di Aruba. Algun tempo pasa ora cu Kramers, a haci un peticion y a haya permiso pa expande e team di K9 cu un duo mas cu ta traha riba tereno di busca y seña-

la substancianan narcotico a cuminsa e proceso di solicitud. Na final di e seleccion, Jessica

Teixeira a resulta “the woman for the job” y el a wordo asigna pa bay Merca pa dos siman pa un entrenamento intensivo y pa busca su cacho specialisa den e ramo di narcotico, Brocco. Teixeira a wordo compaña durante e biahe aki pa Vianney Coffie , kende ta un di e miembronan di e Unidad K9 cu mas aña di experencia y un gran experticio den e ramo di K9. E training na Merca a encera

“traffic stops” (paramento di auto); “warehouses” (buskeda den magazijn) y training den e camp mes. Segun Teixeira ta conta, e training a bay hopi bon y e ta hopi entusiasma cu e cambio aki den su carera, como cu e semper a gusta cacho, e sa con pa “handle” cacho y e ta disfrutando di un reto y experiencia nobo. Dialuna tabata Teixeira su prome dia oficial na oficina.

Minister Mike de Meza ta cera conoci cu team di Arina

Hyatt Regency Aruba renobando entrada principal di casino Pa algun siman caba esnan cu a pasa dilanti Hyatt Regency Aruba por a nota e trabaonan di renobacion andando na e entrada principal di e Casino. E entrada principal nobo di Hyatt Regency Casino lo ta uno cu lo capta atencion di tur persona cu ta transita e area invitando pa pasa bishitanan. Hyatt Regency Aruba ta continuamente innovando y renobando nan edificio, e entrada aki awor lo ta uno hopi mas confortabel y accesibel pa nan clientenan. E inversion grandi aki di Hyatt Regency Aruba ta suma na $302.000,-. Apesar di e trabaonan andando Hyatt Regency Casino ta sigui brinda su miembronan di Players Advantage Club oportunidad pa participa na diferente promocionnan. En coneccion cu renobacion di e entrada di e Casino a inicia cu’n campaña di Awg. 35.000,=. Si acaso bo no ta miembro ainda di Hyatt Regency Casino su Players Advantage Club percura pa bo bira miembro awe mes pa asina bo por tuma parti di e promocionnan cu Hyatt Regency Casino so por ofrece!

Recientemente Minister di Asuntonan Economico, Telecomunicacion, Utilidad y Energia, Mike de Meza a bishita Aruba Investment Agency (ArInA) pa cera conoci cu e team dinamico cu ta dirigi Arina. Durante e reunion aki, minister a haya informacion extenso riba e servicionan cu Arina ta ofrece tur inversionista interesa den Aruba. Tambe Arina a duna minister de Meza un update di su logronan durante e corto tempo di su existencia y e contribucion cu Arina ta ofrece den engrandece economia di Aru-

ba. Arina ta e instancia encarga cu promocion di Aruba como destinacion pa haci negoshi y Aruba como Gateway pa Latino America y e region di Caribe. Arina ta ofrece inversionista informacion y facilita e proceso di licencia y permisonan necesario pa establece un compania na Aruba. Di e manera aki Arina ta bira e punto di contacto pa inversionista y ta percura pa e proceso bira uno mas facil y rapido. Directora di Arina, señora Sharon Erasmus a presenta Minister de Meza un ‘overview re-

port’, caminda ta ilustra Arina su logronan te cu awor y tambe e plannan cu Arina tin pa 2014 pa sigui promove Aruba como un destinacion atractivo pa haci negoshi y como hub entre Europa y Latino America y region Caribense. Na final Minister de Meza a subraya importancia di Arina den realisacion di e tercer pilar economico cu ta un di a areanan di enfoke di Gabinete Eman II. Pa e motibo aki, Minister de Meza a vocifera su compromiso y sosten pa Arina y su team.


DIALUNA 25 NOVEMBER , 2013 E ta un decision di Hoge Raad, Corte Supremo cu ta nifica cu e ta hurisprudencia cu ta conta pa Aruba tambe. Esta, cu hereda un negoshi di bo mayornan of di cualkier otro, ta nifica cu mester paga menos na belasting, compara cu si a herede un cas of otro herencia cu no ta empresarial. Hoge Raad a dicidi siman pasa riba un pregunta cu sigur tin impacto pa henter Reino,esta si e ta husto cu famianan cu desde 2010 a hereda un negoshi tin e derecho pa paga masha poco belasting. Y si Hoge Raad a bisa cu esaki no ta husto, anto hopi lo a haya nan mes confronta cu un cobranza di belasting atrasa, of un asina ‘na-heffing,’ basta pisa. Na 2010, Jan Kees de Jager kende e tempo ey tabata e Secretario di Estado pa Finanzas na Hulanda a hisa e nivel di dispensacion pa famianan cu ta hereda un negoshi. E suma di un miyon euro di e balor di empresa ta e dispensacion total, y riba dje ta bin uno di 83 porshento. Pero e posicion di excepcion aki ta motibo di discusion huridico pa algun tempo caba. Pasobra e asina yama derechonan di sucession, successierechten, riba herencianan regular ta hopi mas halto y ta entre 10 pa 40 porshento. Tabatin hopi nervosismo pa e decision di Hoge Raad pa motibo di sumanan cuantioso cu herederonan di empresanan lo mester a paga na belasting. Pero nan miedo no tabata necesario ya cu Hoge Raad ta considera cu e e legislado por haci distinccion entre e belasting riba e balor di empresa y belasting riba balor particular. Y cu e decision aki, Hoge Raad a bay contra di e conseho di su consehero principal, cu ta e Abogado General Robert Ijzerman. Segun Hoge Raad, no tur ora trato inigual ta bay contra e principio di igualdad. Esey ta conta unicamente si no tin un hustificacion sensato y obhetivo. En todo caso esaki no ta e cuestion entre e belasting di herencia ora ta trata propiedad priva of empresarial. A crea un dispensacion pa belasting basta amplio na 2010, pa evita cu particularmente

companianan di famia ta haya nan mes den problema. E companianan aki ta importante pa crecemento di cupo laboral y mantencion di diversidad economico. Y e argumentonan di Estado, segun Hoge Raad ta un obhetivo hustifica. Varios fiscalista a calcula cu si Hoge raad lo a bisa cu e dis-

5

Dispensacion di belasting di herencia riba empresa ta keda existi pensacion no ta husto, anto lo bin un peso di mey biyon euro

riba e grupo aki. Dispensacion riba

herencia

empresarial ta algo comun rond mundo.


251113