Page 1

DIABIERNA 20 DECEMBER , 2013

2

SEÑOR TA BISA:“E ANGEL A BISE: NO SPANTA, MARIA, PASOBRA BO A CAY NA AGRADO DI DIOS. MIRA, LO BO SALI NA ESTADO Y DUNA LUZ NA UN YIU HOMBER CU BO MESTER YAMA HESUS. LO E TA UN GRAN HOMBER Y NAN LO YAME YIU DI ALTISIMO”, LUCAS 1:30-32

Homber tira den cabes a muri Diahuebs marduga e homber Jose Gregorio Haseth, a wordo tira den cabes na e skina di Driemasterstraat net dilanti di United Dinner na Oranjestad, y cu situacion critico a wordo transporta pa hospital. E victima kende a nace na Aruba dia 25 di September di 1968, pues e tin 45 aña, a wordo interna den situacion sumamente delicado y tabata teme pa su bida. Ayera merdia pa banda di 2.45, dokter Spoelstra a constata morto di e homber aki, kende a bira victima di un disputa di

cual autoridadnan ainda ta buscando informacion pa detene e asesino den e caso aki. Algun ora despues di e tiramen-

to aki, polisnan a ser dirigi pa Boliviastraat caminda lo tabatin otro caso di tiramento pero aki ningun hende a resulta herida.

Grupo Scout decepciona obliga di kita decoracion di rotonde “Mas tanto luznan lo keda, pero echt e pinguin cu a resta y e snow man nos ta bay kita” asina lider di Grupo Scout Ora Ubao, Julisa Boekhoudt a comparti cu ArubAwe despues cu nan accion comunitario a laga nan cu un smaak hopi marga atras y kibra tur e alegria cu mester tin den e dianan di fiesta. E grupo no tin otro opcion cu tuma e decision aki mirando cu e figuranan aki nan a haya fia for di un banco local y nan firma cu nan ta para responsabel pa nan. Patrocinado di e rotonde, esta Subway si a pidi e grupo pa toch laga tur e luznan riba e rotonde. Sin embargo, e grupo di scouting di Tanki Leendert si no a keda cu mas gana di haci algo, ni awo, ni pa proximo aña y esey nan a informa na e oficina di BoBario tambe cu ta coordina e accionnan aki riba tur rotonde di e isla. Tabata apenas oranan despues e Grupo Scout a haya e pinguin bek cu dialuna anochi Polis a gara un pareha di Hulandes Europeo hortando, cu anti socialnan a bay cu esaki atrobe. Ta resta un pinguin mas grandi, un ‘Snow Man’ y un Igloo riba e rotonde, pero e grupo ta bay cu e dos figura cu ta esunnan mas

facil pa bay cu nan compara cu e igloo. Ya algun dia atras a bay cu e sleigh cu tabatin cahanan di regalo riba dje, pasobra tambe tabata core riesgo di nan bay cune. Boekhoudt a conta cu oranan a haya pinguin bek, esaki tabata tur kibra y maltrata. Diamars mainta tabata di cuater biaha cu lider Boekhoudt a hay’e ta bay na Warda di Polis pa entrega keho of pidi autoridadnan su asistencia. Den e ultimo caso di e stagiairenan di un club nocturno, e pareha aki a sali e mesun di-

asabra merdia, despues di a paga un boet di 1.200 Florin. Polis a duna di conoce na e lider di e organisacion scout cu no por haci mas, aunke a entrega keho, paso ta trata di personanan cu no ta ‘residencia’ na Aruba. Aunke no por prueba esaki, esunnan cu a traha riba e rotonde tin nan motibo pa kere cu ta e mesun hendenan aki a bay cu e pinguin e siguiente anochi. Mester tene na cuenta cu tur e trabou haci riba e rotonde como tambe cada bes bay Polis, sin mucho resultado ta genera un sentimento di frus-

tracion den e organisacion cu ta duna su tempo di manera boluntario y sin ricibi nada a cambio. “Nos kier bisa e ladronnan, bin coy kico cu bo kier.... paso bo ta fada,” Boekhoudt a indica, añadiendo cu e mesun banco cu a duna un man cu e figuranan, tambe a coopera cu e rotonde di Tarabana, y aki tambe a conoce destruccion y robo. “Aworaki e no ta leuk mas. Si ta pa nos, nos ta ruim op y ‘uit met de pret,’” Boekhoudt a bisa esey cu sigur otro aña nan no ta bay participa mas den e

decoracion di rotonde y nan a avisa oficina di Bo Bario esey. “E tabata hopi great pa haci’e te na momento cu e cos a cuminsa bira man’e un pesadiya.” Mester bisa cu ta di lamenta pa tende cu algo asina aki ta sosode, paso sigur ta kita e smaak di un grupo di mucha cu, cu hopi smaak, a traha pa embeyece nan bario, pero ta weita con hendenan grandi no tin respet pa nan obra y loke esaki ta nifica pa e comunidad. Tambe ta laga otro grupo den otro barionan pensa dos biaha prome cu nan ta ofrece nan tempo y dedicacion.


201213  
Read more
Read more
Similar to
Popular now
Just for you