Page 1

DIALUNA 20 JANUARI , 2014

2

SEÑOR TA BISA:“SEÑOR, SCUCHA MI ORACION, HACI CASO DI MI GRITO DI AUXILIO; NO KEDA SORDO PA MI KEHONAN. MI NO TA UN HUESPED CERCA BO? TA CERCA BO MI TA BIBA, MANERA ANTES AYA TUR MI GRANDINAN” SALMO 39:12

Lo evalua instrumento di sancion pa aerolineanan cu no ta cumpli cu bon servicio Mester reforsa aspecto di cumplimento di itinerario y bula na ora Durante un presentacion reciente, Minister Otmar Oduber a delinea su maneho riba tereno di aeronautica civil. E mandatario a declara cu nan lo pone atencion te hasta lo evalua pa introduci un medida pa sanciona e companianan local y di afo cu no ta cumpli cabalmente cu un servicio optimal pa nos bishitante. “Pa e tipo di maneho aki nos ta sinti cu e rumbo unda nos kier bay riba e calidad di turismo cu nos kier bay na Aruba, cu nos ta bay implementa esakinan tambe tanto pa aerolineanan internacional como tambe esunnan cu tin un licencia local pa opera”, e mandatario titular di turismo a declara.

E mandatario a bisa cu nan ta sinti cu tin compania cu ta fayando riba nan prestacion di un servicio di calidad. Pesey hunto cu departamento di Aeronautica Civil ta bay concentra hopi riba aspecto di siguridad aereo. Tambe el a destaca cu e rekisitonan pa un licencia cu ta ser exigi na un compania aereo pa por opera ta hopi halto. Pero nan ta sinti cu na cierto momento si nos kier bay over pa amplia aspecto di servicio, y demas maneho di nos departamento di Aeronautica Civil, mester bin cu un tipo di sancion ya cu nan concentracion ta ser poni riba siguridad.

El a destaca cu den e condicion cu ta ser exigi pa un compania aereo por opera na Aruba mester ser reforsa e aspecto di sancion pa falta di cumplimento di e servicio cu nan ta ofrece na e biaheronan. E mandatario a trece como ehemplo e maneho cu Aeronautica Civil di Venezuela tin pa sanciona un compania aereo ora cu no ta cumpli debidamente cu nan itinerario. El a agrega cu por ta Venezuela engeneral no ta e miho ehempel, pero den todo caso nan tin e instrumento di sancion den nan condicionnan pa loke ta trata operacion di aeronavenan.

Minister Otmar Oduber a delinea su maneho riba tereno di aeronautica civil.

E ta bisa cu e aspecto di integridad di bula na ora, y di duna servicio di calidad ta motibo-

nan pa bo por wordo sanciona ba momento cu bo no ta cumpli cu nan.

Parlamento a aproba ley pa fortifica posicion di Banco Central di Aruba Minister di Finanza Juan David Yrausquin a bay Parlamento diaranson mainta cu un concepto di ley yama “Ontwerp-landsverordening tot wijziging van de Centrale Bankverordening (AB 1991 no. GT 32) (vastlegging toezichtveld en invoering beperking aansprakelijkheid Centrale Bank)”; concepto di ley cu ta fortifica Banco Central cu e instrumentonan necesario pa por eherce su funcion debidamente. Esaki ta un recomendacion di organisacionnan internacional debi na e rol di e instituto aki pa supervisa sectornan financiero di pais Aruba. Tanto e fraccion cu ta apoya Gobierno como fraccionnan di oposicion tabatin varios pregunta pa e mandatario, kende tabata compaña pa su conseheronan y ehecutivonan di

Banco Central. Ta papia aki di un ley cu ta stipula e “scope” di supervision di Banco Central y tambe regla e asina yama ‘aansprakelijkheid’ di BC, den articulo 16A. Na diferente ocasion durante e reunion, cu a cuminsa diaranson mainta y a continua te den oranan laat di diahuebs anochi, e titular encarga cu Finanza, a lamenta e insinuacionnan cu a wordo haci door di algun Parlamentario di oposicion “comosifuera cu ta haciendo e cambio aki cu un otro meta”. E insinuacionnan aki no ta na nan luga pa un instituto cu a bin ta haciendo su trabou manera ley ta prescribi. Pesey mi ta lamenta masha hopi e insinuacionnan”, Minister Yrausquin na diferente ocasion, tanto den su introduccion como den contesta di preguntanan a trece dilanti.

El a agrega cu “esaki no ta algo cu Gabinete Mike Eman of Juan David Yrausquin a pidi p’e, pero ta recomendacionnan di organisacionnan internacional”. El a recorda Parlamentarionan cu ultimo añanan Banco Central a haya hopi tarea aserca, door di no- cumplimento di Aruba den pasado cu recomendacionnan di FATF pa labamento di placa y financiamento di terorismo. Un di e aspectonan cu no a wordo regla, ta e puntonan cu ta hinca den e concepto di ley cu awo a keda aproba den Parlamento. Loke ta inclui den e ley aki ta permiti e directornan y miembronan di directiva traha sin cu nan ta haya nan mes cu demandanan financiero den cuadro di ehecucion di nan trabou. “Normanan internacional ta bisa cu mester pone un lim-

itacion na e tipo di demandanan financiero aki.” Minister Yrausquin a duna e ehempel di Corsou y Sint Maarten cu tin esaki regla caba, pero tambe Hulanda, Merca, Reino Uni y casi tur pais grandi na mundo tin e aspecto aki regla den e Codigo di Banco Central. “Mi kier recorda un biaha mas, cu e ta un recomendacion di institutonan manera IMF y Basel Committee on Banking Supervision y den e cuadro aki nos ta trece cambionan den e ley aki den Parlamento.” Yrausquin a sigura Parlamento, cu e ta un persona transparente riba e retonan y posibilidadnan financiero cu pais Aruba tin, pero asina mes oposicion ta trata di troce informacion. El a mustra Parlamento un carta cu ta proba cu ta for di 2010 caba e propio Banco Central a pidi pa cambio den e ley en

cuestion y “nos ta cumpli cu e peticionnan pa Banco Central por eherce su funcion optimalmente. Parlamento tambe mester percura pa BC tin e hermentnan necesario pa haci su trabou, principalmente door di e tareanan adicional cu el a haya ultimo añanan pa di e forma aki Aruba por cumpli cu normanan internacional.” Despues di un debate cu a dura dos dia, diahuebs anochi laat Parlamento a aproba e proposicion di cambio di ley presenta door di Minister di Finanza, cu 13 voto na fabor y 6 contra.


DIALUNA 20 JANUARI , 2014

5

Aruba Tourism Authority Europa nomina como “Verkeersbureau 2013” Pa Dutch Travel Award

Recientemente Aruba Tourism Authority a ricibi e grato noticia cu e oficina principal di Europa, situa na Arubahuis, cu tin tambe representacion na diferente pais Europeo, tabata nomina pa gana e reconocimento di “Dutch Travel Award” como e miho “verkeersbureau” pa 2013. E reconocimento aki ta representa cu un “veer” (pluma).

Un “verkeersbureau” ta conoci na Aruba como un “oficina di turismo”, cual ta e instancia cu ta representa y promove nos pais den un otro pais. Den e categoria aki tabatin dos otro nominado, esta e verkeersbureaunan di Cyprus y e ganado di e premio, Spaña. TravMagazine, e compania di medio specialisa den turismo ta e organ-

isado di e premiacion aki, pa cual e ganado den cada categoria a wordo anuncia diamars atardi na e Vakantiebeurs na Utrecht, Hulanda. Aruba Tourism Authority tin e reputacion di brinda servicio di e calidad mas halto na agencianan di biahe y operadornan di tour, como tambe interesadonan individual. Un

nominacion manera ta e Dutch Travel Award ta confirmacion cu Aruba su profesionalnan di turismo ta haciendo un bon trabao y ta ofrece servicio cu ta capta atencion y gana respet di instancianan internacional.

aki riba nos isla, incluyendo tur departamento di ATA Aruba.

ATA ta wordo considera como un di e top 3 verkeersbureaunan entre aproximadamente 30 verkeersbureau di diferente destinacion cu ta estableci na Hulanda. Esaki sigur ta un honor grandi y un recompensa y reconocimento pa e esfuersonan combina di tur socionan activo den e industria

“Aruba Tourism Authority ta orguyoso y sumamente contento pa comparti e noticia positivo aki y nos ta felicita nos coleganan di ATA Europa, bou liderazgo di Area Director ATA Europe, Tirso Tromp cu e nominacion. Di parti di tur colega na Aruba y otro representantenan di Aruba rond mundo, nos ta manda un masha pabien pa un trabao bon haci pa ATA Europa ,” asina C.E.O di ATA, Ronella Tjin Asjoe-Croes a expresa.

no ta percura cu e derechonan aki ta respeta entre e ciudadanonan mes.” Ley mester keda aplica igual pa tur hende y ta existi e libertad pa cada un riba separacion di poder. “Pues separacion di e podernan Legislativo, Ehecutivo y sigur Hudicial. Ciudadanonan mester por obliga pa nan derecho keda respeta y accesibilidad na un huez independiente y specialisa ta crucial den esaki.” Huez Supremo Corstens a sigui bisa cu e Corte Comun di Husticia como tal tin un reto special. E ta traha cu cinco famia di ley,

cu ta di Corsow, St. Maarten, BES, Aruba, y esun di Hulanda cu ainda ta conecta cu e sistema Europeo. “E ta pa Hoge Raad un placer pa por sirbi e Corte Comun aki, y pa medio di e Corte aki, e comunidadnan riba e islanan den e casonan hudicial pa cua casacion ta posibel. Di e forma aki Hoge Raad por sigui contribui na un sistema di Corte cu ta bringa husticia na un forma di confia den e parti Caribense di Reino,” tabata e comentario di Dr. Corstens na apertura di e edificio di Corte di Aruba.

Presidente di Hoge Raad durante ceremonia na Aruba

Edificio di Corte mester refleha orguyo den sistema hudicial Un edificio di Corte mester ta algo hopi special. Asina Presidente di Hoge Raad dr. Geert Corstens a bisa na apertura di e edificio restaura di Corte di Aruba. “E ta refleha e luga cu Corte tin den comunidad,” Corstens a bisa. Den e mesun rosea, Dr. Corstens a papia di con na Australia a regla un edificio provisional, hopi simple den un desierto, pa representa e Corte Federal di e pais. “Y djis un mesa cu un laken blanco riba dje.” Corstens a bisa cu e no kier bisa cu na Aruba por a haci e edifcio di Corte mas barata, pero si e ta ilustra e funccion di hueznan den un comunidad. Nan mester ta accesibel y hende por papia cu nan. Husticia ta pa y di hende. E ta e factor cu ta yuda comunidad,

pa medio di comprension y confiansa. “Y riba cua comunidad por ta orguyoso. Esey ta e punto. E no ta rekeri un edificio imponente, pero un edificio di Corte si por stimula e emocionnan di orguyo y por yuda e ciudadano realisa cu den e edificio tin cosnan special ta tuma luga.” Corstens ilustra e sentido di orguyo aki cu e edificio di Corte Supremo na Merca unda te hasta publico por come den e restaurant cu ta sirbi e ‘Supreme Burger.’ E Presidente di Corte Supremo di Reino Hulandes a mustra cu tempo cu a traha e Corte en cuestion na Merca, no tur huez tabata mes contento di a bay traha eyden ya cu a consider’e bombastico y pretencioso cu no ta pas pa

un grupo keto di homber bieuw. “Pero apertura di un edificio di Corte nobo semper ta un momento exitante. E ta cuadra cu expectativa, e ta refleha e luga di husticia den comunidad? Esey ta algo cu Aruba mester determina,” Corstens a bisa. Corte Comun di Husticia Geert Corstens a bisa cu Corte Comun di Husticia ta hunga un papel crucial den e estado di derecho pa e parti di Reino Hulandes den Caribe. “Den un estado di derecho democratico, Gobierno ta mara na ley y por garantisa derecho di libertad di tur individuo. Derecho humano ta forma e wes’i lomba di nos sociedad. Nos mester cuida esakinan y no purba corta den nan. Y den un estado di derecho, ta e Gobier-


PAGINA 12

DIARIO

DIALUNA 20 JANUARI 2014

ATA ta den e top 3 di verkeersbureaunan na Hulanda!

Aruba Tourism Authority Europa nomina como “Verkeersbureau 2013” Pa Dutch Travel Award

ORANJESTAD (AAN): Recientemente Aruba Tourism Authority a ricibi e grato noticia cu e oficina principal di Europa, situa na Arubahuis, cu tin tambe representacion na diferente pais Europeo, tabata nomina pa gana e reconocimento di “Dutch Travel Award” como e miho “verkeersbureau” pa 2013. E reconocimento aki ta representa cu un “veer” (pluma). Un “verkeersbureau” ta conoci na Aruba como un “oficina di turismo”, cual ta e instancia cu ta representa y promove nos pais den un otro pais. Den e categoria aki tabatin dos otro nominado, esta e verkeersbureaunan di Cyprus y e ganado di e premio, Spaña. TravMagazine, e compania di medio specialisa den turismo ta e organisado di e premiacion aki, pa cual e ganado den cada categoria a wordo anuncia diamars atardi na e Vakantiebeurs na Utrecht, Hulanda. Aruba Tourism Authority tin e reputacion di brinda servicio di e calidad mas halto na agencianan di biahe y operadornan di tour, como tambe interesadonan individual. Un nominacion manera ta e Dutch Travel Award ta confirmacion cu Aruba su profesionalnan di turismo ta haciendo un bon trabao y ta ofrece servicio cu ta capta atencion y gana respet di instancianan internacional. ATA ta wordo considera como un di e top 3 verkeersbureaunan entre aproximadamente 30 verkeersbureau di diferente

destinacion cu ta estableci na Hulanda. Esaki sigur ta un honor grandi y un recompensa y reconocimento pa e esfuersonan combina di tur socionan activo den e industria aki riba nos isla, incluyendo tur departamento di ATA Aruba. “Aruba Tourism Authority ta orguyoso y sumamente contento pa comparti e noticia positivo aki y nos ta felicita nos coleganan di ATA Europa, bou liderazgo di Area Director ATA Europe, Tirso Tromp cu e nominacion. Di parti di tur colega na Aruba y otro representantenan di Aruba rond mundo, nos ta manda un masha pabien pa un trabao bon haci pa ATA Europa ,” asina C.E.O di ATA, Ronella Tjin AsjoeCroes a expresa.

20117  
Read more
Read more
Similar to
Popular now
Just for you