Issuu on Google+

DIAHUEBS 19 DECEMBER , 2013

SEÑOR TA BISA:“NO TENE MIEDO, MI A SALI PA BO, M’A YAMA BO NA BO NOMBER, BO TA DI MI. ORA BO PASA DEN AWA, MI TA HUNTO CU BO; BO CRUSA RIU, NAN NO TA LASTRA BO CAY CUNE...”, ISAIAS 43:1,2

Mentalidad politico di Parlamento no a conoce ningun cambio Ta tristo y alabes hopi serio mes, pa constata cu loke tanto pueblo ta anhela pa mira un desaroyo nobo y positivo den forma di procede di Parlamento, lo no tuma luga por lo pronto. Durante tratamento di e ley pa amplia e total di Ministerionan for di 7 pa 9 ayera mainta, a bolbe resalta e hecho cu politiconan di nos pais, ta keda pega den un mentalidad anticua y negativo, cu nunca a duna resultado na desaroyo positivo di e pais. E speransa grandi cu e generacion nobo a brinda, speransa nobo pa pueblo den ultimo lunanan, no a distingui nan mes c’un cara y mentalidad nobo cu por a brinda perspectiva cu realmente pueblo lo haya representantenan den Parlamento cu ta sirbi interes general. Ayera a bolbe resalta tanto den prome tanda como segunda tanda, y despues durante di “stem motivering”, cu tin Parlamentarionan ta sigui actua mescos cu nan ta riba un podium politico, lansando un grito politico tras di otro, hasta haciendo expresionnan sin base y cu no ta sirbi ningun proposito. Loke ta mas tristo ainda, ta e hecho cu algun di e expresionnan aki na luga di pone e propio Parlamentario mustra su vision riba e punto cu ta ser trata, nan mes a converti esaki den un tipo di autodestruccion cu simplemente no ta cuadra den e tempo moderno aki. Desaroyonan rond mundo, desaroyonan cu ta tuma luga riba nos propio isla, ta rekeri cambio den e mentalidad politico aki pero un generacion politico ta bin y otro ta bay pero e mentalidad anticua ta sigui existi sin rumbo fiho y sin rumbo constructivo. Realmente ta asombroso scucha algun Parlamentario haci un observacion caminda ta bisa entre otro cu “Gobernador a duna ordo pa no amplia e cantidad di Ministernan” sin tuma na consideracion kico realmente nan ta bisando. Kisas nan ta copia otro riba cierto declaracionnan pero realmente Gobernador di Aruba, no ta den posicion y no tin autoridad legal pa duna un tipo di “ordo” of por exigi esaki di un formado pero simplemente por “vocifera” su pensamento pero ningun momento ta carga responsabilidad algun den formacion di un Gobierno pa pais Aruba. Ta algo serio cu politiconan cu mester ta serio den nan funcion como miembro di Parlamento, ta saca un observacion haci pa Gobernador na Formado Mike Eman y cual observacion e propio sr Eman a duna na publicidad, pa hunga tipo di weganan politico aki, sin sentido y sin necesidad. Otro argumento serio y cu ta bolbe mustra cu e mentalidad politico ta domina argumentonan den Parlamento, ta cu algun miembro di Parlamento ta papia di “draagvlakte” sin realisa ki nificacion uzo di e palabra aki tin relaciona cu nan propio presencia den Parlamento. Ningun Gobierno mester di sosten di sindicatonan y otro organisacion pa

ehecuta su maneho ya cu durante di e proximo proceso electoral e propio sindicato- y organisacionnan aki, pero tambe pueblo lo husga Gobierno pa e maneho cu el a hiba. Ta interesante ora politiconan cu ta papia riba ‘draagvlakte,’ no ta conta c’un draagvlakte politico tumando resultado di ultimo eleccion na consideracion. Esunnan cu kier uza e palabra aki tin cu bay analisa resultado di eleccion di dia 19 di September ultimo y ta algo cu no por wordo neglisha ya cu pueblo a duna e partido na mando un “draagvlakte” impresionante, uno historico y no a laga duda kico pueblo ta desea. Loke por a scucha ayera, ta politiconan cu mester ta Parlamentario, ta insisti pa nan keda politico y sigui den un ambiente di campaña sin realisa cu interes general ta bin na prome luga. Realmente impresionante scucha un miembro di Parlamento, argumenta cu for di añanan 90 tin discusion riba fondo di pensioen, cu ningun Gobierno kier a cambia esaki y a confirma den bos halto, cu su persona y su fraccion lo no coopera pa ningun cambio di ley pa salvaguardia e fondo aki pa futuro. E ta impresionante ya cu e Parlamentario aki y otronan cu ta critica e cambio aki y ta papia di medida, no ta tuma na consideracion cu declaracion continuo di Director di SVb, kende tabata den mesun partido politico cu nan, pa ehecuta e cambionan aki pa asina salba e fondo di pensioen di un desaster total. Pa colmo e argumentonan aki riba fondo di pensioen no tabata argumento pa e reunion di ayera, pero pa falta di argumento adecuado y hustifica, ta busca tur cos pa crea un ambiente di desaster pa asina gana atencion politico cu a sirbi nan propio interes politico. Loke por a scucha ayera durante di e reunion di Parlamento ta frustrante, ya cu ta mustra cu pueblo lo tin cu bay warda riba un otro generacion di politiconan, pa mira si e cambio tan anhela aki lo yega un dia pa realmente sirbi interes di pueblo den Parlamento. E momento mester yega caminda durante reunionnan di Parlamento, tur fraccionnan sin excepcion defini kende ta papia, kico ta ser papia y con por gana tempo cu expresionnan mas constructivo y efectivo. Haci uzo di e posibilidad pa hiba palabra ta un derecho pero Parlamentarionan tin cu compronde cu pueblo tambe tin derecho di haya informacion cu ta sirbi su interes, cu ta informacion constructivo y cu ta sirbi e interes general di pueblo. Ta tristo pa confirma cu e madurez politico den nos Parlamento ta hopi aleha di loke e mester ta pa bira realmente un Parlamento serio y respeta.

2


DIAHUEBS 19 DECEMBER , 2013 Tin sindicatonan y un grupo di representa di doñonan di trabou cu no ta di acuerdo cu e proposicion pa aumenta gradualmente edad di pension di 60 pa 65 aña hunto cu prima di pensioen. Te hasta tin sindicato cu a yega di propone den Dialogo Social pa no solamente trahadonan y doño di trabou contribui cu e fondo di AOV, sino cu gobierno tambe mester subsidia e fondo aki. Parlamentario y lider di fraccion di AVP, sr. Rene Herde ta considera como un “peliger” pa gobierno subsidia e fondo aki, ya cu e ora ey e fondo ta bira “dependiente di gobierno” si e contribucion di gobierno ta mucho grandi, segun Parlamentario Herde. El a trece dilanti e ehempel di AZV caminda e organo di Se-

guro Medico General aki ta haya un subsidio grandi di gobierno. E aña aki gobierno a bisa AZV cu nan cu e aña aki nan no ta haya mas cu cierto suma di presupuesto, mientras cu e costo di AZV ta mas grandi ya cu costo di servicio medico ta subi casi tur rond mundo. Mirando cu AZV ta depende asina hopi di gobierno, e situacion ta con nan ta bay haci cu e gastonan. Naturalmente niun hende kier cu esaki lo sosode cu fondo di AOV, pero cu niun otro fondo tampoco. “Kiermen cu e miho solucion pa cualkier fondo di e indole aki ta pa e contribuyentenan y esunnan cu ta bay probecha di dje y cu ta bay disfruta di dje den un futuro, pa nan ta esunnan cu ta carge...”, el a bisa. Kiermen e ta tur e 60 mil trahadonan na Aruba, y e ta tur e doñonan di

Parlamentario Rene Herde ta indica:

Combinacion entre edad, prima y periodo mas largo lo trece stabilidad den fondo di AOV Proposicion pa gobierno subsidia fondo di AOV ta un “peliger” trabou pa hunto nos carge pa asina e peso lo ta menos, segun Parlamentario Herde. Lider di fraccion di AVP a indica durante añanan diferente ehercicio a wordo haci pa salba e fondo; pero un ehercicio so no ta suficiente pa garantisa actualmente e stabilidad di e fondo aki por lo menos 20 aña mas. “Si bo ta hisa edad so

tampoco bo no ta yega, si bo ta hisa e prima so tampoco bo ta yega”, segun Parlamentario Herde. Pesey loke ta ser debati awe ta a base di e alternativa presenta pa SVb, y evalua cu expertonan riba e materia aki relaciona cu e combinacion di edad, aumento di prima y un periodo mas

largo. Parlamentario Herde tabatin palabra di elogio pa e trabou hopi profesional cu SVb a realisa pa presenta alternativanan pa garantisa e fondo di AOV. Tambe nan a traha un tabel cu ta mustra un perspectiva amplio entre edad/prima/ periodo tocante e lei di AOV cu ta ser debati awe den Parlamento.

Den tres accion a confisca matanan di marihuana Un detencion a cay

Autoridadnan policial hunto cu oficialnan Hudicial, a tene tres accion ayera mainta den tres bario, entre otro na Madiki, Sero Patrishi y tambe na Tarabana, caminda a confisca varios mata di marihuana y otro materialnan. Den e caso na Madiki a confisca varios mata pero no a realisa detencion ya cu e persona envolvi no tabata na e caso y esaki tabata e caso tambe na e cas na Sero Patrishi. E situacion a cambia formalmente den e accion na e cas na Tarabana caminda autoridadnan tabatin mester di tres pickup pa por a bay cu mas cu 200 mata di marihuana y aki un homber a keda deteni. Pues den tres caso solamente un persona a keda deteni mientras cu ainda por spera cu den curso di ayera a logra di detene mas sospechoso den e casonan di cultivacion di mata di marihuana.

5

It’s the most wonderful time of the year, the season to be jolly! The Star Hair Styling is ready for you with some new offers and packages for all those wanting a new look for Xmas & New Year! BASIC PACKAGE: Wash, Cut, Blow + Moroccan Oil Treatment! -Short hair at Awg 45,-Medium at Awg 55,-Long at Awg 65,PREMIUM PACKAGES: #1 Mani & Pedi + Wash, Cut, Blow + Morroccan Oil Treatment! -Short hair at Awg 100,-Medium at Awg 110,-Long at Awg 120,#2 Wash, Cut, Blow, Full Hair Color (OR) Full Hair Highlights & Moroccan Oil Treatment! -Short hair Awg 100,-

-Medium Awg 120,-Long Awg 140,#3 Wash, Cut, Blow, Full Hair Highlights + Full Hair Color & Moroccan Oil Treatment only: -Short hair at Awg 180,-Medium at Awg 200,Long at Awg 225,HOLIDAY ULTRA PREMIUM PACKAGE: Full Hair Color + Highlights + Wash, Cut, Blow + Moroccan Oil Treatment + Mani & Pedi! -Short hair at Awg 245,-Medium at Awg 265,-Long at Awg 285,*Offer valid for the whole month of December 2013. *Price excludes 1.5% BBO. *For appointments please call 582-0600 or 582-0002 *Afterhours 593-9000


DIAHUEBS 19 DECEMBER , 2013

6

Segun Parlamentario Rene Herde

Pensioen ta topico cu ta dificil pa haya consenso 100% Ayera e debate cu a ser teni den Parlamento pa trata lei di ampliacion di gabinete di 7 pa 9 ministerio a sirbi di antesala pa e debate cu ta tuma lugar awe riba cambio den lei di pensioen of AOV. Prome cu e controversial lei aki ta ser trata den Parlamento, miembronan Parlamentario di e comision fiho di finansa a reuni cu sindicatonan y instancianan no gubernamental cu ta partner of no den Dialogo Social. Te aworaki no ta existi un consenso general riba e cambio cu gobierno kier introduci pa salvaguardia e fondo di pensioen di AOV. Parlamentario Rene Herde a declara cu e situacion aki caminda “no ta existi un consenso 100%” riba e topico aki no ta sorprende su persona. E ta argumenta cu pensioen ta e tipo di tema cu ta dificil pa haya consenso, pasobra no

tur trahado ta mescos, ya cu e situacion di cada un di e trahadonan no ta mesun cos. El a trece como ehemplo cu un sindicato cu ta representa trahadonan cu ta traha den oficina ta totalmente un situacion otro cu un sindicato cu ta representa trahadonan cu ta traha den mundo di construccion of den hotel. Y naturalmente e ta haya cu mester compronde e diferencia cu ta existi riba e asunto aki. Parlamentario Herde a trece otro ehemplo di doñonan di trabou cu tin trahadonan cu ta hayando un salario halto y cu eventualmente no ta cay den e grupo di SVb, nan posicion ta otro cu e doño di trabou cu tin hopi trahadonan cu si ta afilia na SVb y cu nan tin un contribucion hopi mas grandi. “E diferencianan no di interes, sino e diferencia con e cambio lo afecta trahado of doño di trabou ta diferente. Ta dificil

pa bo haya un modelo cu bo ta satisface tur...” E ta kere cu ehercicio cu gobierno a haci cu e lei di pensioen (AOV) cu ta ser trata awe den Parlamento ta di busca un modelo cu por satisface tur mas hopi posibel, ya cu ta imposibel un modelo cu por satisface tur 100%. E ta reconoce cu e consenso ey, nan no a logra ainda. Pero e ta prefera di bisa “ainda” pasobra el a tuma nota di un carta cu gobierno a manda pa sindicato

Parlamentario Rene Herde

pa atende un preocupacion cu nan tin. E preocupacion di sindicato ta cu banda di asunto di AOV kiermen di edad di pensioen y prima, tin otro asunto relaciona cu maneho di personal y perspectiva di trabou den mundo laboral. El a indica cu durante un reunion cu a tuma lugar

cu sindicato algun simannan pasa, sindicato a yega di manifesta entre otro e situacion di e trahadonan cu na 60 aña nan ta cansa of cu na edad ey nan no por haya trabou. Of cu nan a traha hopi cu durante e ultimo añanan nan kier haci tiki trabou pa haci algo otro.

Bon Samaritano den problema www.dahuasecurity.com Caribbean Distributor Cell: 5932050 info@dahuapro.com

Cost-effective IR PTZ Dome Camera Un dama di nacionalidad Hulandes diamars anochi a pasa den un situacion incomodo ora cu el a bay tras di un cabrito cu el a dal cu su auto, y cu a core drenta mondi despues na Rooi Afo. E señora a sinti duele di e cabrito y a bay su tras pa mira si e por yud’e pero e bestia a penetra den e mondi banda di e dam grandi mientras cu esposo di e señora kende tabata yorando, a bati alarma ora cu e no a scucha su señora yora mas. El a avisa polis kendenan a bin na e sitio y a drenta e mondi y a bin haya e señora kende a perde den e mondi y a mustra un tiki desorienta, kisas pa e conmocion cu el a dal e bestia. E señora a ricibi varios rasca na curpa ya cu den e mondi tabatin hopi mata di sumpiña y den scuridad e no a ripara esakinan pero e tabata bon di salud. El a gradici e polisnan pa nan esfuerso pa cu su persona.

NVR6000

128 Channel Super Network Video Recorder


PAGINA 14

DIARIO

PDR studiando diferente otro alternativa encuanto aumento edad di pension

ORANJESTAD (AAN) – Den conferencia di prensa di fraccion di Partido Democracia Real, su lider Parlamentario mr. Andin Bikker, a duna di conoce cu PDR ta pensando riba alternativa tocante edad di pension. El a menciona cu siman pasa nan a tene diferente reunion cu organizacionnan di nos comunidad, cu e alternativa cu gobierno a trece dilanti y a capta den e ley cu a yega Parlamento, Diabierna anochi, no ta e unico cu tin y tin diferente opcion cu a wordo presenta. Segun mr. Andin Bikker, PDR a studia e tematica aki, con el a wordo atendi na Hulanda y na Curacao y na otro paisnan y por bisa cu tin diferente alternativa. PDR lo presenta esakinan durante tratamento di e ley den Parlamento. FTA a presenta un alternativa cu ta basa riba un rapport di ILO cu, entre otro, ta indica cu por bay no mas di 62 aña pa loke ta trata edad di pension, cu cierto ahustenan. PDR tambe a wak un concepto cu ta wordo uza den cierto paisnan, unda nan ta hisa edad di pension un tiki pero esnan cu kier cobra na edad di sesenta, ta mantene e derecho aki, nada mas cu nan ta haya un reduccion. Esaki,

Telefonnan di DIARIO 582-6747 Fax 582-8551

segun Parlamentario mr. Bikker, mester wordo studia y analiza di cerca. Esaki mirando cu durante campaña diferente persona a acerca PDR y declara cu despues di 45 aña di edad, ta masha dificil pa haya un trabao vast. Pesey hopi di e personanan aki tabata calculando caba y anhelando e dia cu nan haci sesenta aña pa baha cu pension, pasobra no ta facil pa nan drenta den e area laboral. Si aworaki sin mas gobierno ta bin bisa cu ta bay subi edad di pension y cu tin diez aña pa prepara pesey, pasobra esey ta e concepto cu e ley ta acapara, kico ta bay haci cu e personanan cu aworaki tin dificultad pa haya trabao vast, y cu ta bay wordo confronta cu nan tin cu traha cinco aña adicional unda cu no tin trabao.

DIAHUEBS 19 DECEMBER 2013


DIAHUEBS 19 DECEMBER 2013

Ademas di Ingeniero, sr. Jossy Figaroa tin experiencia riba tereno economico-financiero ORANJESTAD (AAN) – Despues cu Ing. Jossy Figaroa a caba su estudio na Hulanda y a bolbe su Isla natal Aruba, el a cuminza traha den e Departamento di Economia di Gobierno Central. Den entrevista cu Matutino DIARIO, e actual director di DOW y for entrante Maart 2014 director di APA, a comparti cu nos parti di su prome añanan di experiencia laboral-profesional, esta, e inicio di su trayectoria. “ Na aña 1984-1885 mi a

1

PAGINA 17

DIARIO

haya e oportunidad di traha den un oficina cu a prepara e proyecto di Status Aparte. Den e buro ey mi a traha pa Departamento di Economia di Gobierno Central. Na 1986 mi a bin traha na Departamento di Economia na Aruba, cu tabata yama ‘Departamento di Economia, Comercio y Industria’ y prome, mi tabata e di dos director suplente, despues cu Diti Croes a bira director di APFA, mi tabata e di dos director. Pero den e mesun

periodo ey mi tabata consehero di Gobierno y consehero di Minister di Economia tambe”, Ing. Jossy Figaroa a relata. El a agrega cu e experiencia aki ta bay yude hopi ora e bira director di Aruba Ports Authority, pasobra e tin un background economico y financiero cual ta hopi importante den e trabao cu e ta bay desplega den futuro cercano. “ Kiermen, mi tin e parti tecnico como Ingeniero y mi tin e parti financieroeconomico como background loke kiermen cu mi por haci analisis financiero-economico mi mes tambe, y esey mi ta haci hopi na DOW tambe, banda di e parti tecnico. Esaki a yuda nos hopi den e manera cu nos ta trece nos mes pafo”, Ing. Jossy Figaroa a señala.

Parlamento a aproba Ministerionan nobo ORANJESTAD(AAN):Ley ta bisa cu Gobierno di Aruba por tin un maximo di 9 Minister, locual den pasado nunca a haci. MEP a yega di tin 8 Minister pero Gabinete Mike Eman II a haya e necesidad pa bay te cu 9 Minister. Diaranzon un mayoria den Parlamento a sostene e cambio aki tambe, durante tratamento di "Landsverordering Instelling Ministeries". E reunion a inicia rond di 8or di mainta y a contene hopi debate, specialmente entre Gobierno y Parlamentarionan. Na final, un total di 13 miembro a vota na fabor di e cambio, cu ta solamente e Parlamentarionan di AVP. Esunnan di oposicion, forma pa solamente 7 miembro, a vota contra. Mester menciona cu Parlamentario Chris Romero no tabata presente den sala ora di votamento, pa cual MEP a vota contra cu solamente 6 miembro y PDR cu 1 miembro.


DIAHUEBS 19 DECEMBER 2013

PAGINA 5

DIARIO

For di 2002 Evelyn Wever Croes a conseha pa subi edad di pensioen Minister Yrausquin a laga un “bom” cay den Parlamento y a explota den cara di lider di MEP

O R A N J E S TA D ( A A N ) : E reunion publico “instelling ministeries” a coy un rumbo completamente otro for di momento cu na inicio miembronan di oposicion a cuminsa haci tur sorto di pregunta of comentario cu no tin di haber cu e tema aki. Di e forma aki el a permiti pa e Ministernan reacciona tambe riba nan den forma pisa. Den

su disertacion den prome tanda, Minister di Finanza Juan David Yrausquin a splica cu oposicion a haci un cantidad di pregunta y comentario cu no tin di haber cu “Instelling Ministeries” pa cual e ta haya su mes obliga pa bay riba e asunto di AOV, cu e cambio den e ley aki mester wordo atendi ainda e siman aki door di Parlamento.

For di momento di haci pregunta y durante e disertacion di Minister Yrausquin, e lider di MEP, Evelyn Wever Croes, a nenga cu el a yega di expresa su mes di ta na fabor pa subi edad di pensioen. Hasta den e debate di lidernan di partido prome cu eleccion, el a nenga di a menciona of duna indicacion cu e ta di acuerdo pa subi edad di pensioen. E mandatar-

io a splica e problemanan cu a surgi cu e fondo di pensioen a causa du envehicimento (vergrijzing) di e poblacion, mientras cu menos hende ta drenta e proceso laboral. Ademas, el a splica, cu e fondo mester wordo reforma ta algo cu MEP tambe ta di acuerdo cune y a bini cune caba den e prome decada di

añanan 2000, pero cu tabata pa falta di voluntad politico, pa aumenta edad di pensioen di politiconan, cu esaki no a wordo realisa. Tabatin tur cos prepara, inclusive e consehonan cu Gobierno a ricibi na 2002, manera e esun fecha 24 di october, 2002 cu ta bisa entre otro cu “pa cubri e gastonan di e siguridadnan social manera AOV, AWW y AZV, a scoge pa co-financia esaki por medio di un aumento di prima ....” y ta bisa aserca “... acht de Inspecteur het wenselijk om het premiheffinstelstel te herzien ...” E inspector ta sigui menciona den su carta cu den e revision mester tene cuenta cu seis punto di salida y di cual no. 6 ta: Aumento di edad di pensioen. E splicacion cu e Inspector ta duna ta cu e “vergrijzing di e fondo aki por wordo financia door di aumenta e edad di pensioen ... Ta wordo proponi pa subi e edad di pensioen for di 60 pa 65 aña den fase”, e conseho di e Inspector di Impuesto tabata na 2002. E conseho aki ta wordo firma door di Inspector di Impuesto, kende ta nada menos cu e actual lider di MEP Evelyn Wever Croes. E anuncio aki a cay manera un bom den Parlamento, mirando cu for di momento cu reunion a cuminsa, el a splica cu e ta contra pa aumenta edad di pensioen. Despues Minister Yrausquin a laga e bom aki cay, el a pidi punto di ordo pa splica cu e tempo ey el a duna su conseho “profesional” y e no tabata politico. Y, cu e tabata simplemente un ambtenaar cu a duna su conseho. E expresionnan aki a hinca e lider di MEP den mas problema, ya cu na final di e carta ta wordo bisa cu e concepto di leynan cu el a traha pronto lo yega cerca e Minister, y si e mandatario ta di acuerdo cu su conseho, pa hibe pa aprobacion den Conseho di Minister. E situacion a bira asina dificil pa lider di MEP, cu ningun di su coleganan a defende e momento ey, mester a bandona sala pa tur e criticanan cu e tabata ricibi di Parlamentario y Ministernan pa e dobel cara cu e ta mustrando den e asunto di reforma di e Ley di Pensioen AOV.


PAGINA 6

DIARIO

Evelyn Wever-Croes Sabiendo cu AOV ta den un problema grandi pa motibo di ‘Vergrijzing’ ta scoge pa toch hunga politica barata Na 2002 e tabata di opinion cu mester a haci algo cu hopi urgencia pa salba e fondo no kier hisa e edad di pension. Como profesional e sa cu mester haci esaki, pero como lider di MEP no? Ta na unda MEP ta bayendo den man di e lider aki cu no ta compronde cu un lider mester lider a un pueblo, no unicamente su tan afamado "Family and Friends".

ORANJESTAD(AAN):"De AOV-uitkeringen worden gefinancieerd uit de premieopbrengsten. De premieopbrengsten zijn echter niet voldende om de uitkeringen in de nabij toekomst te kunnen garanderen." Asina a conseha Minister Nilo Swaen encarga cu Finansas Publico na aña 2002. Pa drecha e problema structural, causa pa envehecimento, Sra. Evelyn Wever-Croes ta sigui cu e conseho bisando cu, "de vergrijzing kan gefinancieerd worden door de pensioengerechtigde leeftijd te verhogen". E tempo ey, Sra. Evelyn Wever-Croes tabata "De Inspectuer der Belastingen", y tabata hopi convenci di e problema serio cu SVb tabata hinca aden y tambe con precario e situacion tabata. Esey tabata na 2002 caba. Pa e siguiente 6 añanan den gobierno, MEP a haci net net nada pa drecha e situacion di SVb. Niun di e consehonan di Sra. WeverCroes a haya oido den Gabinete Oduber I y II. 8 aña largo di haci nada. Cu entrada di Gabinete Mike Eman den gobernacion na 2009, a traha riba varios aspecto cu gobernacionnan di MEP a neglisha di haci. Den 4 aña a haci varios cambio den ley pa haci cambionan structural den SVb. Awo ta asina leu cu mester hisa e edad di pension di esnan cu ta haya AOV, pero pa motibonan desconoci derepente Sra. Evelyn Wever-Croes a lubida riba e carta y e conseho cu e la manda pa su Minister e tempo aya, batiendo alarma. Awe, mas di 10 aña despues, e situacion di e fondo di pension ta mucho mas precario y Sra. Evelyn Wever-Croes

DIAHUEBS 19 DECEMBER 2013


DIAHUEBS 19 DECEMBER 2013

PAGINA 7

DIARIO

Declaracion di Evelyn Wever-Croes

Carta di 2002 ta muestra cu gobierno di mep tabata tin tur intencion di soluciona problema di e fondo, pero no a haya sosten Durante tratamento di e ley relaciona cu aumento di cantidad di minister di 7 pa 9 tabata notable cu e ministernan di AVP no por a hustifica dicon mester di dos minister extra.Diripiente Juan David Yrausquin a bolter e rumbo di e reunión y a saca un carta fecha 24 oktober 2002 cu director di SVB hunto cu mi persona, e

tempo ey inspector di belasting, a manda pa gobierno tempo cu gobierno tabata contempla pa aumenta e edad di pensioen. E tempo ey, gobierno a pidi Belastingdienst, SVB y AZV pa duna conseho con por logra reformanan den e fondo di AOV. Cumpliendo cu e petición di gobierno Belastingdienst, SVB y AZV

Himalaya a caba di ricibi tur producto pa spirito di Navidad…. Himalaya a hanja hopi regalo pa Pasco… Himalaya ta ricibiendo e revista di Alfonso Leon…. Himalaya ta hanja agenda , calender, buki y productonan cu Alfonso Leon ta recomenda… Himalaya tin un sra. cu ta prepara bo cartera pa 2014 Himalaya tin tur cos pa bo banjo di pa dispidi 2013 y pa habri un super 2014 prospero… Himalaya tin tur sorto di sensia na palito y pa carbon…..

Himalaya ta wardabo..

Jama pa mas info. 583-1728

a traha proposicionnan pa gobierno, den total 7 proposicion. Den nan tabata tin e aumento di edad di pensioen den fase te pa 65 anja. Na anja 2002 ami, hunto cu varios otro hefe di departamento a cumpli cu nos deber como ambtenaar di conseha e ministernan kiko por y kiko no por dentro di margen di ley, y kiko lo mester a cambia den ley. Y Gobierno ta carga e responsabilidad final pa su decision.Gobierno na su turno a busca sosten den comunidad, pero a deshasi di e idea debi cu den comunidad no tabata tin sosten pa e cambionan aki. Gobierno a dicidi cu e mes ta sigi hinca placa den e fondo.Mientras tanto, 11 anja mas leew, e punto aki

ta riba agenda atrobe. Atrobe gobierno kier reforma e fondo di AOV, pero tampoco tin sosten den comunidad. E pregunta cardinal ta si e gobierno aki si lo sigi cu e reforma, of lo respeta opinión di comunidad.E gobierno actual tampoco ta conta riba un base amplio pa pasa e medidanan impopular aki. Mientras tanto e situación financiero di nos pais a bira hopi mas pio cu 11 anja pasa. No solamente situación financiero di nos pais, sino tambe den cada hogar. Famianan ta biba den hopi mas pobresa cu 11 anja pasa. Tin mas di 6 mil persona ta biba den scuridad pasobra nan no tin coriente, compara na 150 11 anja pasa. Mas di 5 mil mucha ta depende di un of otro instancia pa cuminsa, compara cu 200 11 anja pasa. Sin embargo e gobierno actual ta sigi gasta constantemente. E den dos luna a aumenta nos déficit cu 75 miyon florin y

a aumenta nos debe nacional cu mei biyon florin. Den 11 anja hopi cos ta cambia, y pesey awe, 11 anja después, partido MEP ta contra e aumento di edad di pensioen y e paquete di medida, pasobra e paquete aki no ta soluciona e problemanan actual y pasobra e pakete di medida aki no ta necesario, pasobra tin otro alternativa. Nos a presenta algún, y gremionan a presenta algún.Ta di lamenta cu debi na falta di argumento awor gobernantenan di AVP ta saca cosnan for di contexto y awor kier core di nan responsabilidad y sconde tras di un carta cu algún departamento a scibi na anja 2002. Hecho ta cu si MEP tabata den gobierno awor, lo NO a aumenta e edad di pensioen, y lo NO a bin cu e pakete di medida triple aki, sino lo a busca otro alternativanan. AVP kier pasa e medidanan pero no kier carga responsabilidad!


DIAHUEBS 19 DECEMBER 2013

PAGINA 9

DIARIO

Rene Herdé (AVP)

Ken por kere y confia MEP Atrobe y den asunto di pensioen di behez, MEP ta bolbe bisa un cos y haci otro!

“Na 2002 e lider actual di MEP a conseha gobierno (di MEP) pa hisa e edad di pensioen gradualmente di 60 pa 65 aña. Awe e mes un persona ta bisa cu e ta contra di hisa e edad di pensioen. Ta cua di e personan aki bo por kere? E experto cu a conseha su gobierno kico pa haci? Of e lider

politico cu ta conseha hende pa lanta contra gobierno cu kier cuida e fondo? Ta cua di e personanan aki bo por kere. E experto frieu y racional cu a considera tur opcion pa sanea e fondo di pensioen of e politico super ambicioso cu ta dispuesto pa haci kico cu ta pa yega na poder?” Miembro di Parlamento Rene Herdé a reacciona masha desapunta ora ela tende di e carta di e lider di MEP tempo cu e tabata Inspector di Belasting y top consehero di ministernan di MEP. E tempo ey caba, 11 aña pasa e fondo tabata den problema. Tur conseho y rapport tabata bisa esey bon cla. Ta pesey e conseho di e lider di MEP no ta straña niun hende e tempo ey ni awe. Loke ta straña tur hende awe, ta cu e fondo di pensioen ta sigui den necesidad pa wordo sanea, pero e mes un lider di MEP ta bay contra di su propio consehopa sanea e fondo. E tem,po aya ela bisa gobierno di Aruba pa sanea e fondo door di hisa e edad di pensioen na 65 aña. Awe e ta bisa pueblo, trahadornan, pensionadonan y sindicatonan cu e ta contra pa sanea e fondo. Esaki ta loke ta straña hende. Acaso e fondo a drecha di su mes? Acaso no tin mas hende ta depende awe di e fondo pa nan pensioen? Nada di esey ta e caso. Pero tog e lider di MEP awe, contrario na su mes un conseho, ta contra pa sanea e fondo. E proposicion cu gabinete Mike Eman ta propone awe ta mescos cu e conseho di e lider di MEP di 11 aña pasa. Si gobierno di MEP a tuma e desicion e tempo ey, awe nos no lo ta den e situacion aki. Pero los di esey, loke ta straña tur hende ta cu mientras e fondo di pensioen a sigui bira mas debil y no por warda pa sañ’e mas, e mes un lider cu a conseha pa aumenta e edad pa 65 gradualmente e tempo ey, awe ta bisa di ta contra! Rene Herdé: ”Lo tabata hopi bon si nos por a haya otro pa segura existencia y forsa di e fondo di pensioen pa hopi aña. Ami a kere cu ya cu e lider di MEP ta na fabor di e mes un forma pa sanea e fondo, nos lo por tin consenso. Di e forma ey nos lo por sigura cu e fondo por sigui paga e pensioen di cas 20 mil hende y famia awe y mas cu 30 mil hende y famia den futuro cercano. Pero pa nos sorpresa desagradabel e lider di MEP ta contra di loke e mes a conseha pa haci. Ta con por por confia politiconan cu ta bisa un cos y haci otro? Ta con bo por kere politiconan asina?”


Diahuebs December 19 2013

Pagina 10

Parlamentario di MEP, sr. Dangui Oduber:

Esaki ta loke e pueblo lo bay entrega cu e aumento di edad di 60 pa 65! Tin un discusion andando algun siman caba tocante e medidanan cu a wordo anuncia pa gabinete Mike Eman 2 tocante e fondo di AOV. Aki ta trata un aumento di edad di 60 pa 65 aña gradualmente y tambe un aumento di prima pa e clase trahador di 0.5% den 2014 y 0.5% den 2015. Esaki ta sin conta tambe un aumento di prima pa e dunador di trabao di 0.5% den 2014 y 0.5% den 2015. E aumento aki lo wordo doorberekend pa e consumidor y na final di dia gobierno lo mishi cu bo cartera directo y indirectamente. E ley aki lo wordo trata e siman sin tin aprobacion den pueblo, no tin sosten pa e ley aki. E ley aki ta un ley cu apenas

4 participante di en total 20 cu a participa a firma. Con un gobierno cu netamente semper a para tras di Dialogo Social awor aki kier forza trata y pasa e ley aki den parlamento. No a duna sindicato nan ni gremionan suficiente tempo pa discuti e medidanan aki cu lo tin consecuencia serio pa e clase trahador, no solamente pasobra e lo mester bay traha mas sino pasobra e tin cu bay paga mas tambe. E cambionan cu lo wordo ta cambionan cu e gobierno aki a laga para un banda desde aña 2009 pa scoge otro opcionnan. Gobierno tabata bon na altura di e problemanan di e fondo na 2009 pero a scoge otro.

E discusion di e aumento di edad di pensioen ta un discusion cu a cuminsa for di hopi tempo caba. Na aña 2005 e tempo ey gobierno di MEP a presenta un proposicion pa aumenta e edad na 62 y e tempo ey partido AVP por medio di FESCA a traha un rapport yama ‘’een zeker pensioen’’. Aki den partido AVP a pone bon cla cu e edad di pensioen mester keda 60 aña pasobra tin diferente opcion con pa atende cu e fondo. Ta straña nos awe cu awor si NO kier discuti ningun opcion mas pasobra ta 13 asiento nan tin. A ser traha un rapport door di un comision di Dialogo Social yama ‘’ De prijs van grijs’’ tambe a ser poni un banda

pa Mike Eman. Mike Eman a grita na aña 2005 manera alma malo cu ‘’over his dead body’’ lo laga aumenta e edad di pensioen aki. Ate awor aki cla pa mande no 62 ni 63 ni 64 pero y 65. Tempo e tabata den oposicion a hunga politica barata cu e issue aki y awe despues di a core un campaña atrobe di manipulacion caminda ni un dia so a menciona cu e lo aumenta e edad y bin cu medidanan, ate aki pa no solamente aumenta e edad pero si no pa hinca man den e cartera di pueblo tambe!!! No solamente tempo e ta den oposicion a hunga politica sino den gobierno tambe. Si na 2005 caba e fondo tabata tin problema pakico e no a adresa problema aki na 2009??? Claro cu no pasobra tabata tin eleccion na 2013 y ser honesto cu e pueblo lo por a cost’e voto. Honestidad ta algo cu e gobierno aki NO tin. Pa concientiza tur hende na Aruba kico nan lo bay entrega na momento cu e edad di pensioen wordo aumenta cu 65 aña e siguente tabel: Cu e medidanan aki un pareha casa lo mester bay entrega 106,800 florin ora

e baha cu 65 aña envez di cu 60 aña. Pueblo ta kere esaki ta husto pa bay entrega 106,800 florin na e fondo sabiendo cu bo tin derecho te na e momentonan aki di baha cu 60 aña. Un soltero lo mester bay entrega 64,420 florin ora e baha cu 65 aña envez du cu 60 aña. Di otro banda nos ta waak gobierno ta bin cu mas minister, ta scoge pa aumenta esaki cu 2. Cada minister extra ta costa e pueblo aki 4 miyon florin pa aña. Awor bo kier bin bisa pueblo bo no tin placa pa e fondo pero ta e deber di pueblo mes pa scapa esaki?? Tur hende mester para keto y pensa un rato riba e consecuencia aki pa bo cartera.


Diahuebs December 19 2013

Señora Hulandes a perde den mondi cerca di dam na Rooi Afo

Pagina 5

11 Sindicato Uni ta contra e ley cu gobierno kier pasa den pura pa aumenta edad di pensioen pa 65

--Lider sindical di STT, Richard Kelly a papia ayera den nomber di 11 Sindicato Uni pa asina duna kico ta nan punto di bista rond di e ley pa edad di pensioen di 65 aña. Richard Kelly di STT a bisa cu nos como sindicatoy gremionan a sinta hunto den un tempo relativamente cortico. Miembronan di sindicato como tambe TOPA tambe a sinta. Ayera un gremio a duna su punto di bista publicamente cu nan no ta sostene Dialogo Social mas. Mirando e corto tempo cu Gobierno kier forza esaki y mirando cu ayera nos a sinta cu Parlamento un vez mas, awe nos ta bolbe pidi Gobierno pa pospone e tratamento di ley aki pa nos yega na un proposicion mas razonabel y husto pa Gobierno. E topico di AOV no ta di awe, pero desde Gabinete Henny Eman 1.

-Diamars anochi algo prome cu mey anochi varios unidad Policial a bay altura di dam na Rooi Afo. Informacion a drenta cu un señora a drenta e mondi na altura di e dam y no a sali mas. E caso tabata cu e señora aparentemente a dal un cabrito cu auto y a haya fastioso. El’a baha bay waak e cabrito. Pero algo a bay robez. Na momento cu el’a sigui e cabrito cu si conoce e mondi na Rooi Afo, e no por a haya su caminda pa sali. E casa tabata tend’e ta yora pero no tabata waak

e. E señora no por sali. Polis di Sta. Cruz hunto cu esun di Noord a yega na e sitio. Un dama agente a drenta e mondi y a logra sali cune. E señora tabata tur spanta y tabata yora. El’a haya algun rasca na pia, pero danki Dios cu ta esey so! E por a resulta hopi pior si el’a slip y cay di halto. Un unidad di Brandweer tambe a yega, pero ya no tabata necesario pa nan bay den accion. E casa a hinca su señora den auto y a bandona e sitio.

E tempo ey Klaas Tuinstra a bini cu un flex pensioen, pero gobierno tabata tin e rol y deber pa vigila e asunto aki y no laga 3 aña transcuri sin haci nada. Awe e cuenta ta presenta na nos. Nos ta consciente cu mester bini cambio, pero e mester bay mas husto y por convivi cu e situacion. Sindicatonan a presenta un solucion y nos por conclui cu Gobierno kier kies pa cheap shot y haci e caminda pa facil pe. Gobierno no por hunga e wega di Dialogo Social, unda nos a keda poco spanta ora

nos a waak e ley, pasobra tin hopi cos cu Raad van Advies a hala atencion di Gobierno, pero Gobierno ta hala e conseho di Raad van Advies un banda y ta sigui su caminda. Tur sindicato ta riba un liña. Sin cu ainda nos a presenta nos punto awe, Mike Eman a pidi un reunion cu nos. “Nos a bay reuni cu Gobierno diarazon atardi pa 3.30pm”. Nos ta asumi cu Gobierno lo scucha nos y eynan nos lo duna e resultado di biaha. SIMAR a firma, pero no ta totalmente di acuerdo. SIMAR a firma pa expresa cu algo mester wordo haci, pero bao condicion. Di parti di Alvast di Elmar, un miembro a firma, pero directiva di Alvast no ta carga cu e firma y a hala atras. Tin otro solucion cu sindicatonan a presenta cu ta haalbaar y gobierno tin cu duna tempo pa nos traha ariba dje. Richard Kelly di STT, vocero di tur sindicato a sigui bisa cu e fondo di AZV, AOV, etc. kico cu ta e resultado mañan ta e clase trahador ta pag’e. Kico cu e cambio ta, ta NOS ta pag’e. Pues, nos ta duna di nos banda, pero nos kier e respet debido. Nos kier wanta e ley aki pa studia mihor opcion. Richard Kelly a sigui bisa cu nos tin un Union Sindical y pa nos esey ta principal. AHATA a trek terug y a duna un relato hopi amplio. ATIA a duna un expresion, pero nos no tin

contacto cu ATIA si nan ta sostene nos si of no. Tin un problema, tin solucion y ta boluntad mester tin. Mas liher nos cla, mihor. Gobierno a yama cu nan kier sinta y nos tambe kier sinta. Si nan duna nos e tempo cu nos a pidi, nos ta dispuesto. E dolor ta cu nan ta hunga cu tur gremio, draai rond y nan mester ta mas honesto di bisa kico e situacion ta. Si nos lesa, tin un problema financiero: si of no? Gobierno tin cu bisa esey! Ban ta mas sincero. No ban fia placa aki of aya via medio di SVb. Esaki no ta corecto. Den nos concepto tin tres forma pa crea fondo, via primanan y gobierno den nos bista, tin un rol pa hinca fondo den caha di SVb. Mester tin alternativa. Nos ta kere cu mester bin cambio y nos a menciona BBO na principio. BBO no ta popular, pasobra e gobierno aki a core cu BBO, pero ainda nos tin un BBO di 1.5%. Nos tin un mecanismo caba. Premier Eman a bisa cu no tin ningun caminda na mundo, caminda gobierno ta hinca placa den fonddo social. Nos si tin ehempel, cual ta Irlandia y Alemania. BBO por tabata tin su efecto, pero por dun’e mehoracion. Nos mester ta grandi suficiente pa waak esaki. Nos no por keda den un sistema cu nos sa cu eyfor no ta trahando mas. Tin un parlamentario a bisa cu e gesprek tabata hopi leuk. Pesey e profesor cu a haci investigacion na Aruba, ta crea duda den politica. Awor cu nos a sinta na mesa, bo ta bisa cu e conversacion tabata leuk ? Esaki ta tipo di cosnan cu no ta corecto.


Diahuebs December 19 2013

Pagina 6

MEP DEN PARLAMENTO TA CONTRA AMPLIACION DI CANTIDAD DI MINISTER Gobierno no kier bisa cuanto e gastonan adicional ta

--Fraccion di MEP den Parlamento ta e unico fraccion cu a haci pregunta por escrito na gobierno pa loke ta trata e ley di ampliacion di ministerionan, pero lamentablemente a haya SOLAMENTE contesta di 3 di e 15 preguntanan. Ki dia e falta di respet aki pa parlamento ta caba? Fraccion di MEP a manda e preguntanan aki pa Gobierno y Parlamento Hulandes, riba peticion di politiconan Hulandes cu ta masha preocupa pa e desaroyonan aki. Desde cu gobierno a anuncia cu lo bin 2 minister mas, rumornan persistente a cuminsa cu Mike Eman mester a cumpli cu promesa politico na dos politico hoben cu a exigi pa bira minister. Mientras cu situacion financiero di Aruba ta malisimo, mas malo cu nunca. Banco Central ta raporta riba nos deficitnan anual y e debe nacional como “the highest ever”. Durante campaña ningun hende a papia di aumenta e cantidad di minister. Es mas, gobernador den su formatieopdracht di 7 Oktober ultimo a urgi Mike Eman pa NO aumenta e cantidad di minister. Pero Eman a mustra claramente cu no ta import’e nada di esey y cu Gobernador no tin nada di bis’e y cu e ta haci kico cu e kier ki ora cu e kier y con cu e kier. Y el’a nombra 9 ministerio. DICON MESTER A BIN CU 9

MINISTER?

COSTA?

MEP a puntra gobierno ta dicon mester di 9 minister! E unico contesta cu gobierno a duna ta cu e deseo ta biba den comunidad pa bin cu 9 minister! Ki mentira mas flagrante!! Ken den comunidad a pidi pa bin cu 9 minister en vez di 7? Nos a papia cu 11 sindicato ayera y tur, sin excepcion, a condena e asunto aki! Cu ken nan a consulta? Nan no a consulta den Dialogo Social, pasobra tur a bisa nos cu nan ta condena esaki. Gobierno NO tin sosten den comunidad pa haci esaki. E pregunta ta si e 13 parlamentarionan cu usualmente ta sostene gobierno, ta dispuesto pa haci’e maske cu e gran mayoria den nos comunidad ta CONTRA!

MEP kier sa cuanto e aventura nobo aki ta costa, sino ta un check blanco nos ta duna gobierno. MEP a haci e pregunta aki, contesta: den presupuesto 2014 nos ta haya e contesta! E gastonan ta haci den 2013, con bo por responsabiliza bo mes pa otro aña? Acaso esaki ta regla nobo di finanzas publico bao maneho di e minister nobo di finanzas?

CUANTO E DOS MINISTERNAN EXTRA TA

Ta e aña den cual bo haci e gasto, bo tin cu responsabiliza. Y bo mester responsabiliza bo mes na parlamento. Gobierno a caba di gasta 42 miyon florin e aña aki na coordinadornan pa e ministernan. Gran parti di e 42 miyon nos no sa mes ta pakico e ta wordo paga, pasobra e personanan ey cu ta riba payroll ta dedica nan mes dia aden, dia afor ta haci campaña politico sushi, nan tin cu bay sinta den tribune

ora e ministernan tey, segun un schedule, insulta posicion, provoca hendenan den tribune, yama radio lastra oponente y pesey pueblo mester paga 42 miyon florin. Lamentablemente gobierno ta nenga di duna e informacionnan aki y e 13 parlamentarionan di AVP ta sostene nan gobierno ciegamente y duna e gobierno un check blanco atrobe!


191213